Արդարադատության նախարարի առաջին տեղակալ Գրիգոր Մուրադյանը չի հերքել երեկ` մայիսի 25-ին « Ընտրություն» մամուլի ակումբում տեղի ունեցած մամլո ասուլիսի ժամանակ ԱՆ Նոտարիատի բաժնի նախկին պետ Մարիամ Գաբոյանի հայտարարությունը, թե` բարձրաստիճան պաշտոնյաները Նոտարիատում գործարքներ կնքելիս չեն վճարում պետական տուրքը:
«Նոտարիատի բաժինը, որը կազմակերպվեց պետք է զբաղվեր վերահսկողությամբ, որպեսզի պետական տուրքերը վճարեին բոլորը, հետեւաբար արդեն իսկ ինքն իր հարցի պատասխանը տվեց դրանով: Մի գուցե վերակազմակերպման հիմքերից մեկը հենց դա էր, որ պատշաճ վերահսկողություն չէր իրականացվում, այնինչ այդ բաժնի գերխնդիրը հենց դա էր»,-ասել է Մուրադյանը:
Հարցին, թե մինչ Գաբոյանի հայտարարությունը իրենք տեղյա՞կ էին, որ տուրքեր չէր վճարվում, թե՞ այդ մասին տեղեկացել են իրենց կոլեգայի` «Պաշտոնանկության աղերծվածը» թեմայով ասուլիսից հետո, Մուրադյանն ասաց. «Այդ ահազանգը ինքը պիտի առաջինը ստանար եւ ժամանակին վերլուծեր: Մնացյալ մասով հետագա ահազանգերը, որոնք հասցեագրված կլինեն օրինականության վերահսկողության տեսչությանը, բնականաբար, բոլորը ուսումնասիրվելու են եւ արժանանալու են արձագանքի»:
Հետաքրքիր է, որ նախարարությունը տրամադրված չէ նախկին կեղտերը ոչ ջրի երես հանելու, ոչ էլ անցածի համար պատասխան տալու: Ուստի, հարցին, թե` այս սկանդալային հայտարարությունից հետո, կուսումնասիրե՞ն այն գործարքները, որոնց դեպքում չի վճարվել պետական տուրք, Մուրադյանը խուսափել է պատասխանել, պնդելով , որ ժամանակին Գաբոյանի ղեկավարած բաժնի խնդիրն է եղել` ուսումնասիրել այդ փաստերը եւ սահմանված կարգով ընթացք տալ:
Իսկ եթե բացահայտեն, որ Մարիամ Գաբոյանը տեղյակ է եղել ու չի զբաղվել դրանով, նա կպատժվի՞, Մուրադյանն արձագանքել է, «Եթե մենք ունենանք հավաստի տվյաներ, որ եղել են նման անօրինականություններ, անհապաղ ընթացք կտանք»:
- 10:40Մենք «Չեխոսլովակիան» չենք պատրաստվում զիջել ոչ մեկին. Նիկոլ Փաշինյանի հարցազրույցը՝ եվրոպական լրատվամիջոցներին
- 10:32Մարտական գործողությունները մոտենում են Հայաստանի սահմանին. Փաշինյանը դիմել է Պուտինին
- 12:10Հայ զինվորների դիերի, գերիների հետ վարվում են ԻԼԻՊ-ի մեթոդներով. ՀՀ ՄԻՊ
- 10:30Թշնամու գերնպատակն է գրավել Շուշին. Արայիկ Հարությունյանը տեսաուղերձ է հղել
- 13:29Ադրբեջանի հազարավոր դիակներն արդեն փտում են առաջնագծի տարբեր հատվածներում․ Ադրբեջանը թքած ունի իր դիակների վրա
- 12:10Թուրքական «Բայրաքթարները» Հայաստանի սահմանին մոտ ամեն օր հետախուզական թռիչքների են դուրս գալիս
- 10:37Եվս 51 զոհ. ՊԲ–ն հայրենիքի համար նահատակվածների նոր ցանկ է հրապարակել
- 13:58Արցախի ՊԲ–ն հրապարակել է նահատակված ևս 59 զինծառայողների անուններ
- 12:10Թշնամին ունի ավելի քան 15 հազար սպանված, նրանք օգտագործում են անգամ ռազմածովային ուժերի զինվորներին, քանի որ բանակը կազմալուծված է
- 13:10Ադրբեջանի իշխանությունները նպատակ չունեն խաղաղ երկխոսությունը վերսկսելու և հասկացնում են` շարունակելու են ռազմական ջանքերը Արցախի վերջնական հայաթափման ուղղությամբ