Այսօր խորհրդարան-կառավարություն հարցուպատասխանի ժամանակ ԱԺ «ՀՅԴ» խմբակցության պատգամավոր Արծվիկ Մինասյանը հայտարարեց, թե արձանագրվել են փաստեր, որ «Նաիրիտ»-ում ապամոնտաժվում են հաստոցներ ու սարքավորումներ և իրացվում մետաղի ջարդոնի անվան տակ: Ըստ պատգամավորի՝ նման դեպք է դիտարկվել 1/21 արտադրամասում:
Ի պատասխան այս հայտարարության, էներգետիկայի և բնական պաշարների նախարար Արմեն Մովսիսյանն ասաց. «Այն խոսակցություններին, թե «Նաիրիտ»-ում դեմոնտաժվում են սարքավորումները և որպես լոմ վաճառվում… ես ձեզ ասեմ, որ «Նաիրիտում» կան չորս սերնդի սարքավորումներ, և բնականաբար՝ նախկին սերնդի սարքավորումները, որոնք պիտանի չեն և չեն կարող հետագայում օգտագործվել, ենթակա են որպես լոմ հանձնելու»:
Նախարարն ընդգծեց, որ այդ գործընթացը «լրջորեն է կազմակերպվում», աշխատանքային խումբը ստուգում է, թե արդյո՞ք այդ սարքավորումները հետագայում պիտանի չեն լինի, որից հետո որոշվում է՝ ինչպես վարվել այդ սարքավորումների հետ:
Նախարարը անդրադարձավ նաև գործարանի հետ կապված այլ խնդիրների՝ նշելով, որ ճգնաժամից հետո անհրաժեշտություն առաջացավ «Նաիրիտ»-ի զարգացման համար նոր ներդրումային ծրագիր կազմել, որը գործարանի բաժնետերերը հաստատել են անցած տարի: «Գործարանը ոտքի հանելուն ուղղված ծրագրի համար այժմ հայտարարված է օպերատորի մրցույթ»,- ասաց նախարարը:
- 12:10Նավթի համաշխարհային գները չեն որոշակիանում
- 15:00Տնտեսական աճ գյուղոլորտի բոլոր ճյուղերում
- 14:19Պետական աջակցությամբ կներկրվեն կոմբայններ
- 11:17Ֆինանսատնտեսական ճգնաժամի փուլ ենք մտնում
- 17:39Կգործարկվի «Ալյանս» ազատ տնտեսական գոտին
- 13:45Սահմանափակ ջրային պաշարն առավել արդյունավետ կօգտագործվի
- 11:28Վերացվել է «Լոռի» պանիր, թթվասեր և մածուն արտադրատեսակների արտադրության արգելանքը
- 15:09Սևանա լճին վերաբերող տվյալները կհավաքվեն մեկ կենտրոնում
- 15:48Պետպատվերով ֆինանսավորվող շինաշխատանքները գրեթե դադարեցված են
- 11:25Համաշխարհային շուկայում վերջին մեկ ամսում պղնձի գները զգալի աճ են արձանագրել