ՀՀ փոխվարչապետ, տարածքային կառավարման նախարար Արմեն Գևորգյանը մայիսի 25-ին ընդունեց Հայաստանում Ռուսաստանի Դաշնության արտակարգ և լիազոր դեսպան Վյաչեսլավ Կովալենկոյին: Հանդիպմանը ներկա էին նաև ՏԿ նախարարի առաջին տեղակալ Վ.Տերտերյանը և ՙՌոսսոտրուդնիչեստվո՚ դաշնային գործակալության հայաստանյան ներկայացուցչության ղեկավար Վ. Կրիվոպուսկովը:
Կողմերն անդրադարձան ապրիլի 18-19-ին Երևանում կայացած ՙՀայ-ռուսական դաշնակցային հարաբերություններում միջտարածաշրջանային համագործակցության նոր նվաճումներին ընդառաջ՚ առաջին համաժողովի արդյունքներին` երկուստեք ընդգծելով, որ այն հաջողված էր: Փոխվարչապետի խոսքով` նոր ձևաչափով համագործակցության սկիզբը դրված է, և պետք է շարունակել աշխատանքները` համաժողովի պարբերաբար կազմակերպման, երկու երկրների միջև միջտարածաշրջանային մակարդակով փոխգործակցության խորացման ուղղությամբ:
Նշվեց, որ հայ-ռուսական տնտեսական համագործակցության միջկառավարական հանձնաժողովի շրջանակում ձևավորվելու է միջտարածաշրջանային համագործակցության հարցերը համակարգող աշխատանքային խումբ` երկու կողմից փոխնախարարների ղեկավարությամբ: Ամփոփվել է նաև վերջին 20 տարվա ընթացքում երկու երկրների տարածաշրջանների միջև շփումների, համագործակցության, ստորագրված փաստաթղթերի վերաբերյալ տեղեկատվությունը: Հաշվի առնելով համագործակցության նոր հետաքրքրությունները` փոխվարչապետը կարևորեց առավել գործնական շփումների, գործակցության կոնկրետ ծրագրերի ուղղությամբ քայլերի իրականացումը:
Դեսպանն իր հերթին պատրաստակամություն հայտնեց շարունակել միջտարածաշրջանային փոխհարաբերությունների զարգացմանն ուղղված աշխատանքները` նկատելով, որ առկա էր չբացահայտված հետաքրքրություն, և համաժողովը հնարավորություն տվեց երևան հանել այն:
Տեղեկացվեց, որ անհրաժեշտ տեղեկատվություն և խորհրդատվություն կտրամադրվի Հայաստանի մարզերի հետ գործակցությամբ հետաքրքրվող ՌԴ սուբյեկտներին: Հյուրերը հայտնեցին նաև, որ նախատեսվում է հրատարակել համաժողովի շրջանակում կազմակերպված արդյունաբերական ինովացիաների միջտարածաշրջանային ցուցահանդեսի կատալոգը, որը կտրամադրվի ՌԴ սուբյեկտներին, ձեռնարկություններին:
Հանդիպմանը քննարկվեցին նաև Եվրոպական ռեգիոնների ասամբլեայի շրջանակում երկու երկրների տարածաշրջանների համագործակցության հնարավորությունները` հաշվի առնելով, որ և Հայաստանի, և Ռուսաստանի ռեգիոններն անդամակցում են կառույցին, և կարող են համատեղ ծրագրեր իրականացնել` ներգրավելով ռեսուրսներ եվրոպական հիմնադրամներից:
- 13:05FOTON աշխարհահռչակ մակնիշի մեքենաների վաճառքը` Հայաստանում
- 20:03Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսես Խորենացու անվան համալսարանի ռեկտոր
- 12:51Խնդրում ենք ընթերցողների ներողամտությունը
- 10:01«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է անցկացվել
- 14:10Ուժեղ մագնիսական փոթորիկ մայիսի 31-ին. վտանգավոր երկրափոթորիկ կհարվածի երկրին
- 13:52Ես չեմ վիրավորում. եթե թքելը քաղաքական գնահատական է, իմ ասածներն էլ են քաղաքական գնահատական. Բագրատ Սրբազան
- 12:54Ադրբեջանական մտահոգությունները և վախերը խոսում են այն մասին, որ մենք ճշտագույն ճանապարհի վրա ենք. Բագրատ սրբազան
- 12:10Շարժման ելքը. առանց «եթե»-ների. Վահե Հովհաննիսյան
- 11:10Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկանների ն գործողությունները. Սյունյաց թեմ
- 15:42Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դասի նկատմամբ.Առաքել արքեպիսկոպոս Քարամյան