Այսօր շուրջ 37 հազար կենսաթոշակառուների տվյալներ ճշգրտման խնդիր ունեն: Ճշգրտման պրոցեսը սկսվել է մայիսի 2-ից՝ կենսաթոշակների վճարմանը զուգահեռ, տեղեկացրեց Սոցիալական ապահովության պետական ծառայության պետ Արտեմ Ասատրյանը:Նա ասաց նաև, որ Կենսաթոշակային ոլորտում միասնական տեղեկատվական համակարգի ներդրման ուղղությամբ աշխատանքները շարունակվում են։
Մայիս ամսվա կենսաթոշակառուների ցուցակից հանվել են 3000 անձանց տվյալներ, որոնք ճանաչելի չեն եղել։ Նա խոստացավ, որ ոչ լիարժեք տվյալներով կենսաթոշակառուների գումարների վճարումը շատ չի ուշանա:
«Երբ տեղեկատվությունը ոչ ճշգրիտ է, դա այսօրվա իրավիճակում տարբեր տեղեկատվական բազաների միջև փոխանակվող տվյալներով է պայմանավորված, դրանց որակով։ Ճշգրտման տարբերակը մեկն է, որ մենք պիտի կարողանանք հստակ քաղաքացու տվյալներն ունենանք։ Այն, ինչը որ ունենք, որպես փաստաթղթեր դրանք պիտի բազա արտացոլեն, այն, ինչը որ չունենք, քաղաքացիները պիտի ներկայացնեն»,- ասաց Ասատրյանը:
«Կենսաթոշակի բարձրացվում եղավ 2010թ.-ի նոյեմբերի 1-ին: Կենսաթոշսակի չափի բարձրացման հետ կապված 2011 թ.-ի բյուջեում նախատեսված չեն։ Այս պահին դեռևս չի քննարկվում էդպիսի հարց»: Այսինքն` այն միլիոնները, որ յուրացվել են ոլորտի մի քանի պատասխանատուի կողմից, տարիներ շարունակ մահացած և երկրից բացակայող անձանց կենսաթոշակ վճարելով, ու որոնք պիտի վերադարձվեն բյուջե, չեն ծառայի կենսաթոշակները բարձրացնելու գործին, ինչպես ակնկալում են քաղաքացիները:
Վերահսկիչ պալատի բացահայտումների հարցը Արտեմ Ասատրյանը շրջանցեց. «Յուրաքանչյուր մարմին իր գործառույթներն է կատարում։ Տվյալ դեպքում ես կուզեի, որ մենք անդրադառնանք մեր գործառույթներին։ Հիմա մեր խնդիրը մեկն է՝ մենք պիտի ունենանք ինտերգրված սոցիալական ծառայություններ, մենք պիտի ունենանք կենտրանացված տեղեկատվական բազա, որը այլ տեղեկատվական բազաների հետ համադրումներ պիտի կատարի օնլայն տարբերակով։ Այս կարգի խնդիրների լուծումները մենք սկսել էինք արդեն սրանից մեկ տարի առաջ, երկու տարի առաջ։ Գիտեք՝ խնդիրների լուծումները մեկ օրում հնարավոր չէ տալ»
Նա տեղեկացրեց, որ արդեն մայիսից սկսած կենսաթոշակների վճարումը կկազմակերպվի յուրաքանչյուր ամսվա առաջին աշխատանքային օրը։
- 13:10Դավիթ Բեկ գյուղից 1-1,5 կմ հեռավորության վրա տեղակայված ադրբեջանցին ամրապնդում է դիրքերը. ԶՈՒ-երի քանակը գերազանցում է մերոնց
- 11:10Ադրբեջանի գործողություններին հասցեական գնահատականը կնպաստի ստեղծված պայթունավտանգ իրավիճակի հաղթահարմանը.ՀՀ ԱԳՆ
- 14:10Կամ Նիկոլն աշխարհագրություն չգիտի կամ մանիպուլյացիաների է դիմում (լուսանկար). Համբարյան
- 11:10Վերին Շորժան գտնվում է ադրբեջանական զինված ուժերի նշանառության տակ․ ՄԻՊ
- 12:10«Հայ-ադրբեջանական սահմանին իրադրությունը չի կայունանում». Նիկոլ Փաշինյանը չցավակցեց զոհերի հարազատներին
- 11:10Ադրբեջանական ԶՈՒ կողմից իրականացված սադրանքի հետևանքով հայկական կողմն ունի 3 զոհ, 5 վիրավոր
- 15:10Գորիսի փոխհամայնքապետ Մենուա Հովսեփյանը փակագծեր է բացում
- 11:13Հայկական կողմն ունի երեք զոհ, ևս երկու զինծառայող վիրավոր են.
- 13:00Արցախում մահացած զինվորն ինքնասպանություն է գործել. ՔԿ-ն մանրամասներ է հայտնել
- 15:10«Մուղամը՝ ՀՀ նոր օրհներգ». Վահե Հովհաննիսյան