Այսօր, ի պատասխան «Վարկածի» հարցի, ոստիկանության լրատվական վարչության պետ Աշոտ Ահարոնյանն ասաց, որ իրենք գրավոր դիմում չեն ստացել քննիչներից, սակայն նրանց կողմից մտահոգություններ իրոք հնչել են:
Հարցը վերաբերում է համակարգային այն խնդրին, երբ վերին օղակների ուղղակի հրահանգը կատարող ենթական դեպքերի բերումով հայտնվում է, մեղմ ասած, ոչ նպաստավոր իրավիճակում: Չհաջողված օպերացիաների դեպքում նրան զոհաբերում են կամ դարձնում քավության նոխազ:
Այս պահին ոչ քիչ թվով շարքային քննիչներ սպառնում են դիմում գրել և ազատվել աշխատանքից: Ապրիլի 11-ին Հատուկ քննչական ծառայությունը միջնորդել էր երկամսյա կալանք կիրառել ոստիկանության քննչական գլխավոր վարչության Հատկապես կարևորագույն գործերով քննության վարչության (ՀԿԳ) ավագ քննիչ, ոստիկանության մայոր Վահան Խանզադյանի նկատմամբ, ինչը Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը բավարարեց՝ Ազգային անվտանգության «Երևան-Կենտրոն» ՔԿ հիմնարկ տեղափոխելով քննիչին, որը որպես կասկածյալ անցնում է ոստիկանության քրեական հետախուզության գլխավոր վարչության նախկին պետ, գեներալ-մայոր Հովհաննես Թամամյանի դեմ հարուցված քրեական գործով:
Վահան Խանզադյանը Մարտի 1-ի գործով քննիչներից մեկն է, ակտիվ և կարևոր դեր է կատարել զոհերի դիազննումների փաստերը և մահվան իրական պատճառները կոծկելու հարցում: Վ. Խանզադյանի կալանավորումը կարող է որոշակի նպատակներ հետապնդել, սակայն գործընկերների մտահոգությունն այլ է. նրանցից յուրաքանչյուրը վախենում է, որ հաջորդը կարող է ինքը լինել:
Ըստ լրատվամիջոցներից մեկի՝ իրավիճակը համակարգի ներսում այնքան էր լարվել, որ Ոստիկանության քննչական գլխավոր վարչության պետ Գագիկ Համբարձումյանը խնդրել էր երկու օր ժամանակ տալ իրեն, որպեսզի բանակցություններ վարի Վահան Խանզադյանին ազատ արձակելու ուղղությամբ: Սակայն, ըստ լրատվամիջոցի, դա գրեթե բացառվում է, և ցանկալի արդյունք չստանալով` այժմ նրանք մտադիր են ոստիկանապետի դեմ բացահայտումներով հանդես գալ, ինչը կարող է պայթյունավտանգ իրավիճակ ստեղծել ողջ ոստիկանական համակարգում:
- 12:10Գողություն Սուրբ Աստվածածին եկեղեցուց. Տարել էին հանգանակված գումարը
- 14:10Հարվածներ են հասցրել նաև Արման Անտոնյանի հորը. սպանության փորձի նոր մանրամասները
- 11:10Բացահայտվել է ՊԵԿ պաշտոնատար անձանց կողմից առանձնապես խոշոր չափերով կաշառք ստանալու դեպք
- 13:10Հանցավորությունը Հայաստանում աճելու է. Հովհաննես Քոչարյան
- 15:10Սյունիքի մարզպետի հետախուզման մեջ գտնվող որդին շրջում է Երեւանում իր գործերով, իսկ ոստիկանությունը չի համարձակվում նրան «փռել ասֆալտին»
- 14:10Բացահայտվել են պաշտոնեական կեղծիքներ կատարելու և առանձնապես խոշոր չափերով՝ ընդհանուր շուրջ 41.800.000 ՀՀ դրամ հափշտակելու դեպքեր
- 12:10«Դոգ» -ի նկատմամբ հարուցվել է քրեական գործ` դատավոր Արշակ Վարդանյանին զրպարտելու, արդարադատության իրականացմանը խոչընդոտելու դեպքի առթիվ (փաստաթուղթ)
- 11:10Մերժում 47 օր անց. զոհված անձանց և անհետ կորածների վերաբերյալ տեղեկատվությունը պետական գաղտնիք է. Hetq.am
- 11:10Անհետ կորած զինծառայողի նույնականացման և հուղարկավորման դեպքում դադարեցվում է ամենամսյա 300.000 դրամի տրամադրումը․ՊՆ
- 15:10Ուժեղացված ծառայություն Երևանում. հայտնաբերվել են հրազեններ, թմրամիջոցներ, սառը զենքեր. կան ձերբակալվածներ