Կրթության և գիտության նախարար Արմեն Աշոտյանը այսօր կայացած հակակոռուպցիոն համաժողովում նշեց այն հիմնական պատճառները, որոնք հանգեցնում են կրթական համակարգի կոռուպցիոն երևույթներին: Ըստ Աշոտյանի, կոռուպցիայի պատճառներից մեկը պարտադիր զինծառայությունից տարկետման իրավունքի առկայությունն է: Նրա պնդմամբ, այս հանգամանքով պայմանավորված՝ թե՛ ներբուհական քննությունների, թե՛ ընդունելության քննությունների ժամանակ ընդգծվում են կոռուպցիոն երևույթները: Աշոտյանը տեղեկացրեց, որ այդ երևույթները կանխելու համար, դեռևս անցյալ տարի, նախարարությունը նվազեցրել է պետպատվերի շրջանակում տարկետման իրավունքով տեղերի քանակը և պետական բուհերին զրկել վճարովի տարկետման իրավունքից:
Նախարարի գնահատմամբ, այդ քայլերն արդյունավետ են, բայց բավարար չեն կոռուպցիոն երևույթները վերջնականապես վերացնելու համար: Կոռուպցիան ուժգնանում է մասնավորապես մագիստրատուրա և ասպիրանտուրա ընդունվելու ժամանակահատվածում: Նա նաև խոստվանեց, որ կոռուպցիայի աճին նպաստում է կրթության ցածրորակությունը:
Հիշեցնենք, որ 2010 թ. դեկտեմբերի 30-ին ԿԳՆ-ն ընդունել է «Կրթական համակարգում կոռուպցիոն երևույթների դեմ պայքարի 2010-11 թթ. միջոցառումների համալիր ծրագիրը», որում արձանագրված է, որ բուհերի ռեկտորներն իրենց տարեկան հաշվետվությունների մեջ պետք է նաև ներկայացնեն հակակոռուպցիոն պայքարի շրջանակներում իրականացված գործողությունները:
Նախարարը մասնավորապես ընդգծեց կրթության ոլորտի թերֆինանսավորումը, որը, ըստ նրա, մեծ խնդիր է: Կրթության ոլորտի բյուջեի 30 տոկոսը տրամադրում է պետությունը, իսկ 70 տոկոսը կազմվում է ուսանողական վարձավճարների միջոցով, իսկ, օրինակ, եվրոպական և ամերիկյան բուհերի բյուջեն հիմնականում գոյանում է մասնավոր ոլորտի ներդրումների արդյունքում:
Իսկ վերջում պարոն Աշոտյանը երևի պիտի ասեր, որ այդտեղ է թաղված շան գլուխը: Չասաց:
- 11:10Ադրբեջանական հատուկ ծառայությունները զանգահարում են պետական կառույցներ և Արցախից խաղաղապահների դուրս գալու վերաբերյալ կեղծ լուրեր են տարածում. Արցախի ԱԱԾ
- 14:10Թուլամորթություն է այս պայմաններում շարունակել բանակցություններն Ադրբեջանի կամ Թուրքիայի հետ, ոչ մի թուղթ չի կանգնեցնելու նրանց
- 13:10Գուցե սրան չհասնեինք, եթե ահաբեկիչ Ալիևին ո’չ թե կառուցողական կամ գործընկեր համարեին, այլ՝ մարդկության դեմ գործված հանցանքների կազմակերպիչ
- 11:10Միջազգային հանրությունը պետք է խստորեն դատապարտի այս ռազմական հանցագործությունն ու միջոցներ ձեռնարկի Ադրբեջանի ագրեսիան կասեցնելու համար․ Փաշինյանը՝ տարածված տեսանյութի մասին
- 12:10Պետք է ստիպենք՝ ՀԱՊԿ մեխանիզմը աշխատի, եթե չաշխատեց, ուրեմն այն չկա. Ալեն Սիմոնյան
- 13:10Անդրանիկ Քոչարյանը ժողովրդին ոչխարի տե՞ղ է դնում. Սեւակ Հակոբյան
- 11:10Ադրբեջանի կողմից հրթիռակոծվել է Իրան տանող էլեկտրահաղորդման գիծը. Սանոսյան
- 11:10Որո՞նք էին ՀՀ երկրորդ նախագահի կողմից երեկ հնչեցված հիմնական 10 մեսիջները
- 13:10Խուճապ չի եղել, հակառակորդին վնասներ պատճառել ենք, ահավոր գոռոցներ ենք լսել իրանց դիրքից. ժամկետային զինծառայողները՝ Սյունիքի արևելյան հատվածում տեղի ունեցած մարտերի մասին
- 11:10Ադրբեջանցիները թալանել են Փառուխը, բնակիչները տեղահանված են