Այսօր Կենտրոն և Նորք Մարաշ վարչական շրջանների ընդհանուր իրավասության դատարանում պետք է շարունակվեր Ստեփան Հովակիմյանի և Վահրամ Քերոբյանի գործով դատաքննությունը, սակայն այն հետաձգվել է դատավոր Արմեն Խաչատրյանի աշխատանքի չներկայանալու պատճառով: Դատարանից մեր թղթակցին հայտնել են, որ ամենայն հավանականությամբ դատավոր Արմեն Խաչատրյանը կտեղափոխվի աշխատելու այլ դատարանում, սակայն դեռևս այդ մասին հրաման չկա, ինչը նշանակում է, որ նա դեռ այս դատարանում իր լիազորությունները չի դադարեցրել: Այսինքն պարզ չէ, թե ինչու դատավորն այսօր չի աշխատանքի չի ներկայացել:
Ի դեպ, դատավոր Արմեն Խաչատրյանի նկատմամբ նոյեմբեր ամսին Արդարադատության խորհրդի կողմից կարգապահական վարույթ է հարուցվել, որի արդյունքում նա նկատողություն է ստացել և պահվում է նրա աշխատավարձի 25 տոկոսը:
“Դատավոր Ա. Խաչատրյանը թույլ է տվել դատավարական իրավունքի նորմերի ակնհայտ և կոպիտ խախտում, որոնք ՀՀ դատական օրենսգրքի 153-րդ հոդվածի 2-րդ մասի 2-րդ կետի ուժով հիմք են դատավորին կարգապահական պատասխանատվության ենթարկելու համար”, նշվում է արդարադատության խորհրդի կայացրած որոշման մեջ։ Մասնավորապես, խորհուրդն արձանագրել է, որ դատավորը խախտել է անձի պաշտպանական իրավունքը:
Տեղեկություններ կան, որ Արմեն Խաչատրյանը տեղափոխվելու է աշխատելու Արաբկիր և Զեյթուն-Քանաքեռ համայնքների վարչական շրջանների ընդհանուր իրավասության դատարանում:
Փաստորեն դատավոր Արմեն Խաչատրյանի տեղափոխվելուց հետո Ստեփան Հովակիմյանի ու Վահրամ Քերոբյանի գործով նշանակվելու է նոր դատավոր, ով, ըստ կարգի, նոր դատաքննություն պետք է սկսի:
Մինչ այս դատավոր Արմեն Խաչատրյանը շարունակ մերժել է Ստեփան Հովակիմյանի շահերի պաշտպան, փաստաբան Տիգրան Սաֆարյանի միջնորդությունները` անթույլատրելի ճանաչել խոշտանգումներով ձեռք բերված ինքնախոստովանական ցուցմունքները: Դատավորը նույնիսկ իր զարմանքն է հայտնել, որ իր մերժումներից հետո փաստաբանը նորանոր միջնորդություններ է ներկայացնում:
Ինչպես արդեն ներկայացրել ենք Ծեծելով, մերկացնելով ցուցմունքն են կորզել հրապարակման մեջ, Ստեփան Հովակիմյանն ու Վահրամ Քերոբյանը մեղադրվում են “Մոսկվա” կինոթատրոնի դրամարկղից ավելի քան 5 միլիոն ՀՀ դրամ և 10 հազար ՌԴ ռուբլի գողանալու մեջ:
Փաստաբանի հավաստմամբ, մեղադրանքի հիմքում դրված է միայն խոշտանգումներով ձեռք բերված ինքնախոստովանական ցուցմունքները:
Գործը քննվել է Երևանի Կենտրոնի ոստիկանության քննչական բաժնում և անմարդկային վերաբերմունքն ու խոշտանգումները Ստեփան Հովակիմյանի նկատմամբ կիրառվել են Երեւանի քաղաքային վարչությունում: Այս վարչությունն առավել հայտնի է ոչ թե իր քննած օբյեկտիվ գործերով, այլ մարդկանց հոշոտելով ու նրանց նկատմամբ գործեր սարքելով, ինչպես Ստեփանի դեպքում է տեղի ունեցել: Հայտնի են նաև խոշտանգողների անունները, սակայն դատախազությունը փորձ էլ չի անում միջոցներ ձեռնարկել նրանց դեմ և օլիմպիական հանգստությամբ դատարանում մեղադրանքն է պաշտպանում:
Անգրագետ ու չկայացած քննիչները կամ նրանց պետ Անտոնյանը փորձում են հարցերը լուծել գեղական կարգով, հատկապես, երբ նրանց ձեռքում հայտնվում են գրագետ ու կիրթ մարդիկ` ինչպիսին մասնագիտությամբ ռադիոֆիզիկոս Ստեփան Հովակիմյանն է: Հենց այս տեսակի մարդկանց գոյությունն է նրանց քիչ թե շատ սանձում հասարակության մեջ, սակայն այլ բան է, երբ նրանք որսում են այս տեսակին: Կհարցնեք` ինչի համար: Պատասխանը պարզ է. միայն նրա համար, որ տարբերվում են իրենց տեսակով: Մի խոսքով, տեսակի կռիվ է մեր երկրում:
Հայտնի չէ, թե ինչպես կվարվի նոր նշանակվող դատավորը կորզված ցուցմունքների պարագայում: Նշենք միայն, որ Արագածոտնի մարզի ընդհանուր իրավասության դատարանի դատավոր Ռուզաննա Բարսեղյանը անթույլատրելի ապացույց ճանաչեց խոշտանգման ենթարկած քննիչների կողմից կորզված ինքնախոստովանական ցուցմունքները և արդարացման դատավճիռ կայացրեց Սաշա Դավթյանի գործով:
Շուրջ մեկ ամիս առաջ Հայաստանում ԱՄՆ դեսպանատունը հենց այդ գործը նկատի ունենալով դատավոր Ռուզաննա Բարսեղյանին շնորհեց “Ազատության պաշտպանի մրցանակը”:
ԺԱՆՆԱ ԱԼԵՔՍԱՆՅԱՆ
Lragir. am
- 15:10Ինչո՞ւ են հետաձգել 25-օրյա վարժական հավաքների մեկնարկը․ «Հրապարակ»
- 11:10Կացարանի հրդեհի գործով զորամասի թիկունքի պետին մեղադրանք առաջադրվեց. նրան կալանավորելու միջնորդություն է ներկայացվել
- 15:10Ազատ գյուղում հրդեհի պատճառն ավտոբենզինով կրակ վառելն էր․ դատախազությունը հետապնդում է հարուցել
- 13:10Աբսուրդը՝ Սեյրան Օհանյանը, որին ուղիղ վերաբերվում է մեղադրանքը, չի կարող ծանոթանալ միջնորդություն-մեղադրանքին
- 11:10Կապիտանը, որին նախնական վարկածով մեղսագրվում է անզգուշությամբ հրդեհ առաջացնելը, չի հարցաքննվել
- 12:10ՔԿ-ն որեւէ ոստիկանի մեղադրանք չի առաջադրել զոհված զինծառայողների ծնողների նկատմամբ «Եռաբլուր»-ում բռնություն կիրառելու համար. Փաստաբանն արձանագրում է՝ ինչ-որ բան է փոխվել
- 11:10Ազատ գյուղի զորամասում 15 ժամկետային զինծառայողի կյանք խլած հրդեհի գործով հետապնդումների թիրախում դասակի հրամանատարն է. ՔԿ-ից վստահեցնում են՝ դեռևս ձերբակալվածներ չկան
- 15:10Նոր մանրամասներ՝ ողբերգական հրդեհից
- 13:10Հայտնի են 15 զինծառայողի մահվան պատճառ դարձած հրդեհի կապակցությամբ աշխատանքից ազատված պաշտոնյաների անունները
- 13:10Մարդու իրավունքների Պաշտպանը Զորակոչային և զորահավաքային համալրման ծառայության կողմից զորակոչված զինծառայողի իրավունքի խախտման վերաբերյալ որոշում է կայացրել
02.02.2023 | 15:10
02.02.2023 | 14:10
02.02.2023 | 13:10
02.02.2023 | 12:10
02.02.2023 | 11:10
01.02.2023 | 15:10
01.02.2023 | 14:10
01.02.2023 | 13:10
01.02.2023 | 12:10
01.02.2023 | 11:10
31.01.2023 | 15:10
31.01.2023 | 14:10
31.01.2023 | 13:10
31.01.2023 | 12:10
31.01.2023 | 11:10
30.01.2023 | 15:10
30.01.2023 | 14:10
30.01.2023 | 12:10
30.01.2023 | 12:00
30.01.2023 | 11:10
28.01.2023 | 15:10
28.01.2023 | 13:10
28.01.2023 | 12:10
28.01.2023 | 11:10
27.01.2023 | 15:10
27.01.2023 | 14:10
27.01.2023 | 14:10
27.01.2023 | 13:10
27.01.2023 | 12:10
27.01.2023 | 11:10
26.01.2023 | 15:10
26.01.2023 | 14:10
26.01.2023 | 13:10
26.01.2023 | 12:10
26.01.2023 | 11:10
25.01.2023 | 15:10
25.01.2023 | 14:10
25.01.2023 | 13:10
25.01.2023 | 12:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.