Գեներալ Մանվելի ընտանիքի շուրջ հերթական աղմկոտ պատմությունն է։ Գրիգորյանները կրկին հաշվեհարդար են տեսել ՀՀ մեկ այլ քաղաքացու նկատմամբ: Այս անգամ «հերոսությամբ» աչքի ընկնողը գեներալի որդին` Կարեն Գրիգորյանն է, ում գեներալը ժամանակին դարձրեց Էջմիածնի քաղաքապետ:
Փառապանծ քաղաքապետը դաժան ծեծի է ենթարկել մի քաղաքացու, ում անունը մենք դեռևս չկարողացանք պարզել: Ողջ օրը փորձեցինք այդ մասին տեղեկություն ստանալ ՀՀ ոստիկանության լրատվության վարչությունից, սակայն պետը զարմանալիորեն տեղում չհայտնվեց։ Նրան չգտան աշխատակիցները, ովքեր խուսափողական պատասխաններ էին տալիս և խնդրում պարզաբանումը ստանալ միայն պետից` չցանկանալով ընկնել անձեռնմխելի գեներալի որդուն վերաբերող վտանգավոր ինֆորմացիա հայտնելու պատասխանատվության տակ:
Երբ ժամը 19-ից հետո մեզ վերջապես հաջողվեց խոսել վարչության պետ Աշոտ Ահարոնյանի հետ, վերջինս խնդրեց մի փոքր սպասել, մինչև ինքը ճշտումներ կատարարի և անձամբ կկապվի մեզ: Ոստիկանության պաշտոնական պատասխանը հայտնեց վարչության աշխատակից Արմեն Մալխասյանը` ասելով, թե «նոր նայեցինք ամփոփագրերը, նման հաղոդում չկա»: Ոստիկանության կայքի ամփոփագրում (սվոդկաներում) օրվա ընթացքում նման ինֆորմացիա իսկապես չկար, այլ հարց է, թե իրական «ամփոփագրերում» ի՞նչ է եղել և ի՞նչն էր փորձում թաքցնել ոստիկանությունը:
Մեր ունեցած տեղեկություններով, որ ստիպված ենք հրապարակել, քանի որ պաշտոնականը չլրացրեց մերը` չնայած դաժան ծեծին` այս քաղաքացու բախտը բերել է և նա «Ճուտ Գևորի» վախճանին չի արժանացել:
Հայտնի է, որ գեներալ Մանվելն արդեն բավականին ժամանակ է՝ լրջորեն նախապատրաստվում է գալիք խորհրդարանական ընտրություններին`նպատակ ունենալով իր աչքից ընկած եղբորորդու` Հրանտ Գրիգորյանի փոխարեն այս անգամ Ազգային ժողով ուղարկել սիրելի կնոջը` Նազիկ Գրիգորյանին: Դատելով վերջին շրջանում գեներալի ընտանիքի անդամների պահվածքից, այդ ընտանիքում շատ հետաքրքիր ձևով են որոշել նախապատրաստվել ընտրություններին։ Նազիկ Գրիգորյանն իրեն պատկանող «Արա և Այծեմնիկ» ընկերությունում ինքնասպանության է հասցնում իր հաշվապահին` Ճուտ Գևորը այդպես էլ չդիմացավ գեներալի կնոջ բարոյական, թե ֆիզիկական ճնշմանը (սա ևս ոստիկանությունը դեռևս չի պարզել), իսկ այդ ընթացքում Կարեն Գրիգորյանը դաժանաբար ծեծում է մեկ ուրիշին: Եվ հետաքրքիր զուգադիպությամբ, ոստիկանությունը դարձյալ ոչինչ չի իմանում դրա մասին:
Եվ այսքանից հետո ՀՀ ոստիկանապետ Ալիկ Սարգսյանը ցանկանում է, որ Հայաստանի քաղաքացիներն անվերապահորեն վստահեն ոստիկաններին և, ի վերջո, ոստիկանության հեղինակությունը մեր երկրում բարձրանա:
Ինչ վերաբերում է գեներալի որդու կատարած հանցագործությանը, ապա կարելի է չկասկածել, որ ոստիկանությունն այդպես էլ որևէ տեղեկություն չի ունենա դրա մասին, որևէ քրեական գործ չի հարուցվի Կարեն Գրիգորյանի նկատմամբ ճիշտ այնպես, ինչպես վստահաբար կարելի է ասել, որ պատասխանատվությունից դուրս կմնա Նազիկ Գրիգորյանը։ Իսկ գեներալ Մանվելը կշարունակի ստրկության մատնել ողջ Էջմիածինը ու նրա շրջակայքը և որևէ մեկը չի համարձակվի դեմ կանգնել Հայաստանի ամենահզոր ֆեոդալներից մեկին:
ԼՈՒՍԻՆԵ ԿԵՍՈՅԱՆ
- 14:10Իմ ձեռքերի մեջ է մահացել, ասեց՝ մրսում եմ, բուշլատով ծածկեցինք, ջուր էր ուզում՝ ջուր չկար, կոմպոտ ենք տվել. Վկան դատարանում պատմեց զինծառայողի մահվան դրվագը
- 12:10Հայ գիտնականները կանխատեսել են մեր տարածաշրջանում սեյսմիկ անոմալ դրսեւորումները. «պրոցեսը դեռ շարունակվում է»
- 14:10Բանակը քանդողները չեն կարող ինձ մեղադրել. Սեյրան Օհանյան
- 12:10Արցախի Ազգային ժողովի բոլոր խմբակցությունները խստորեն դատապարտում են Գուրգեն Արսենյանի վարքագիծը և կոչ են անում հարցը քննարկել Էթիկայի հանձնաժողովում
- 11:10Մեր տարածքը ևս գտնվում է սեյսմոակտիվ գոտում․ Արտյուշ Գրիգորյան
- 15:10Սուրբ Սարգիսն ազգությամբ հայ չէ, ոչ էլ նահատակվել է Հայաստանում, Զորավարը հայ ժողովրդի ամենասիրելի սրբերից մեկն է․ Տեր Շահե քահանան՝ Սբ․ Սարգսի վերաբերյալ աշխատությունների ու տոնի խորհրդի մասին
- 13:10Մեր ոլորտում գյանդաներ չկան․Հովհաննես Հովսեփյանը պատասխանել է Իսրայել Հակոբկոխյանին
- 11:10Ադրբեջանի իշխանությունները հայտարարել են օկուպացված հայկական Շուշին բնակեցնելու մտադրության մասին
- 14:10ՀՀ ադրբեջանական ներխուժումների հետևանքով առաջացրել է ջրից անվտանգ օգտվելու իրավունքի լուրջ խնդիրներ. Թաթոյան
- 13:10Մարտի 1-ից մայիսի 12-ը վարժական հավաքներին կներգրավվի 3281 պահեստազորային