«Նաիրի» բժշկական կենտրոնի աշխատողները հայտնվել են ծանր կացության մեջ: Նախկին «Լեչկոմիսիայի» հիվանդանոցը, որի սեփականատերը Առողջապահության նախարար Հարություն Քուշկյանն է, Հայաստանում ամենաէլիտար հիվանդանոցի համարումն ունի: Հավանաբար, հենց այդ համարումն նպաստել է կենտրոնի անձնակազմի` անհեթեթ վիճակում հայտնվելուն:
Բանն այն է, որ «Նաիրի» բժշկական կենտրոնի աշխատակիցներն այսօր երեկոյան Արամ Խաչատրյան համերգասրահում ներկա կլինեն ` իտալացի երգիչ Ալ Բանոյի համերգին, վճարելով 50 հազար դրամ: Ալ Բանոն համաձայնվել է համերգ տալ Հայաստանում` ողջ հասույթը նվիրելով քաղցկեղով հիվանդ երեխաների «Նվիրիր կյանք» անունը կրող բարեգործական հիմնադրամին:
«Նաիրի» բժշկական կենտրոնի աշխատողները վատ վիճակում են հայտնվել ոչ թե Ալ Բանոյի համերգի, այլ այն պատճառով, որ նրանց պարտադրվել է բարեգործական համերգին մասնակցել` տոմսերի համար վճարելով սահմանված 50 հազար դրամը: Այս պարտադրանքի հարցում, հավանաբար, որոշակի դեր է խաղացել այն, որ համերգն անցնում է ՀՀ նախագահի առաջին տիկին Ռիտա Սարգսյանի բարձր հովանու ներքո:
Դժվար է ասել` առաջին տիկինը տեղյա՞կ է պարտադրանքից: Հնարավոր է, հաշվի առնելով, որ համերգն անցնում է նախագահի տիկնոջ հովանավորությամբ, նախարարի մակարդակով է կարգադրվել իրացնել տոմսերը։ Մանավանդ որ, գումարը ոլորտից դուրս չի գալու, իսկ գուցե Քուշկյանին իջեցված հրահանգի պատճառո՞վ են տուժել նրա աշխատողները:
Ինչևէ, եթե մեր բժիշկները մի քիչ վճարունակ լինեին, կարող էին, թերևս, միայն ափսոսալ ոչ թե գումարը, այլ, որ համերգը հերթական «դուրսգրված» երգչին է մատուցում ։
Լ. Ե.
- 13:10Ապաստարանների կահավորումը հիմա ավելի կարևոր է, քան մարդկանց պոտենցիալ խուճապը
- 11:109 օր շրջափակման մեջ գտնված 2 զինծառայողի հաջողվել է դուրս բերել շրջափակումից․ ՀՀ ՊՆ
- 15:10Հայկական կողմին փոխանցված բոլոր դիերը լուսանկարված են և ուղարկված Ուլնեցու կենտրոն. Նաիրա Զոհրաբյանը մանրամասներ է ներկայացրել
- 11:10Մոսկվա-Երևան առաջիկա օրերի ուղիղ չվերթների տոմսերը գրեթե սպառվել են, եղածն էլ վաճառվում է 800 հազար դրամով
- 15:10ՌԴ-ից դեպի Երևան, Թբիլիսի և Ստամբուլ տոմսերը սպառվել են` նույնիսկ մոտակա օրերի համար այդ ուղղություններով տոմս գտնելը շատ դժվար է
- 14:10Ադրբեջանը Կարմիր Խաչից թաքցնում է վերջին ագրեսիայի հետևանքով գերեվարված հայ անձանց տվյալները. Գերիների հետ կապ հաստատել դեռ չի հաջողվում
- 15:10Ի՞նչ անել՝ օդային տագնապ լսելու դեպքում
- 12:10Ադրբեջանական ագրեսիայի հետևանքով զոհվածների և անհետ կորածների թիվը հասնում է 207-ի, գերեվարվել է 20 զինծառայող, թիրախավորվել 36 բնակավայր
- 14:10Սարդարապատի հուշահամալիրի ղեկավարությունը արգելել է համալիրի տարածքում հուղարկավորել 44-ամյա զոհվածի մարմինը
- 12:10Ժող, խելքներդ գլուխներդ հավաքեք ու պատրաստվեք կռվի. Արթուր Պապյան