Կառավարությունն այսօրվա նիստում քննարկել է մի խումբ պատգամավորների` օրենսդրական նախաձեռնության կարգով ներկայացրած «Հակամենաշնորհային կարգավորման մասին» ՀՀ օրենքի նախագիծը, որով առաջարկվում է խստացնել հակամենաշնորհային օրենսդրությունը:
Սույն նախագծով առաջարկվում է ուժը կորցրած ճանաչել «Հանրային ծառայությունները կարգավորող մարմնի մասին» և «Տնտեսական մրցակցության պաշտպանության մասին» ՀՀ օրենքները և, որպես դրա անմիջական հետևանք, միավորել այդ երկու հանձնաժողովները: Օրինագիծը քննարկելուց հետո կառավարությունը դեմ է արտահայտվել նախագծի ընդունմանը` գտնելով, որ այս նախաձեռնությունը «լուրջ հիմնավորման կարիք ունի և օրինագծի դրույթները հակասում են «ՀՀ բյուջետային համակարգի մասին» օրենքին։ Ապա նշել է, որ օրինագիծը և կառավարության եզրակացությունը սահմանված կարգով կներկայացվեն ՀՀ Ազգային Ժողով:
Կառավարությունը, ճիշտ է, դեմ է արտահայտվել օրինագծին, սակայն Ազգային ժողովում այն դեռ պետք է քննարկվի: Հանրային ծառայությունները կարգավորող հանձնաժողովի նախագահ Ռոբերտ Նազարյանից փորձեցինք ճշտել, թե ինչպե՞ս է նա վերաբերվում իր հանձնաժողովի աշխատանքին և դրա արդյունավետությունը կասկածի տակ դնող նախագծին:
Օրինագծի ընդունումով հանձնաժողովները միավորվելու են և, ստացվում է, որ հանձնաժողովի նախագահի պաշտոնը մեկը պիտի լինի, այնպես որ Ռոբերտ Նազարյանն ու Տնտեսական մրցակցության պաշտպանության պետական հանձնաժողովի նախագահ Արտակ Շաբոյանը հայտնվում են բավական վտանգավոր դրության մեջ և նրանցից մեկը ստիպված կլնի գլխավոր պոստը զիջել, եթե, իհարկե, ավելի վատ իրադրություն չառաջանա և բոլորովին նոր մեկը չառաջադրվի նոր հանձնաժողովի նախագահի պաշտոնին: Հետաքրքիր էր իմանալ, թե պ-ն Նազարյանի գնահատականով հանձնաժողովների միավորումը որքանո՞վ արդյունավետ կդարձնի աշխատանքը` հակամենաշնորհային պայքարի գործում:
«Մենք մեր դիրքորոշումը ներկայացրել ենք կառավարությանը կետ առ կետ: Ամբողջ աշխարհը գնում է մի ձևի, մենք ուզում ենք գնալ հակառակ ձևի: Մենք ուսումնասիրել ենք աշխարհի լավագույն փորձը և ներդրել Հայաստանում. նոր հեծանիվ հորինելու կարիք չկա»,- պատասխանեց Ռոբերտ Նազարյանը:
«Նոր հեծանիվ» հորինողներից են օրենքի նախագծի աշխատանքային խմբի ղեկավար, «Պոլիտէկոնոմիա» ինստիտուտ ՀԿ նախագահ Անդրանիկ Թևանյանն ու Աժ պատգամավոր Արծվիկ Մինասյանը:
Իսկ արդարացնու՞մ են հանձնաժողովներն իրենց անջատ գոյությունը, արդյունավե՞տ է արդյոք ներկա պահին նրանց աշխատանքը հարցին` Հանրային ծառայությունները կարգավորող հանձնաժողովի նախագահն ասաց. «Արդարացնում են, թե ոչ, ժողովուրդը թող որոշի, ժողովուրդը գնահատի: Ես իմ աշխատանքն եմ անում ինձ վերապահված օրենքի շրջանակներում»: Հանձնաժողովների աշխատանքը, միգուցե, կարելի է գնահատել նրանով, թե տնտեսության մեջ քանի տոկոս են կազմում մենաշնորհից զերծ ոլորտները: Այդ տոկոսային հարաբերությունն էլ կլինի հանձնաժողովների գնահատականը` 100 տոկոսանոց սանդղակով:
- 15:33Քաղաքական գործիչները ստիպված կլինեն ավելի մեծ պոպուլիստ լինել, քան Նիկոլը. Միքայել Մինասյան
- 14:10Նահատակված զինվորի հարազատները թույլ չեն տվել Փաշինյանին մոտենալ իրենց զավակի շիրիմին` պահանջելով հեռանալ
- 15:10Լեռնային Ղարաբաղ. Հակամարտության ռենտգենային պատկերը. Politique Internationale-ի հարցազրույցը Էդվարդ Նալբանդյանի հետ
- 13:10Իսկ գիտե՞ք, թե այսօրվա պաշտոնյաներից քանիսն ունեն դղյակներ․Yerevan.Today
- 15:10Առաջարկում եմ անհապաղ 2020 թվականի 44-օրյա պատերազմի հանգամանքների ԱԺ քննիչ հանձնաժողով ստեղծել.Օնիկ Գասպարյանի հայտարարությունը
- 12:10Փաշինյանի սկանդայալին հայտարարությունը Ռուսաստանի հայ իրավաբանների հետ հանդիպմանը․ձայնագրություն․Armvoice
- 14:10Ադրբեջանից դատարկ վերադարձած ինքնաթիռի համար պատասխանատվություն կրելու է Ալիևը
- 15:10Հոկտեմբերի 19-ից հետո Ադրբեջանը ակնարկել է, որ պետք է լինի 7 տարածքի վերադարձ. Փաշինյան
- 12:10Թուրքերը պատրաստվում են հարմար պահի օղակի մեջ առնել նաև Հայաստանը և Ռուսաստանին դուրս մղել տարածաշրջանից
- 14:10Իլհամ կեղծարարը պետք է կողմնորոշվի՝ վերջապես իր ո՞ր սուտն է ավելի «ճիշտ». ՀՀ երրորդ նախագահի գրասենյակ