Արարատի մարզպետ Վարդգես Հովակիմյանը աշխատանքից ազատվելու դիմում է ներկայացրել: Անցած հինգշաբթի կառավարության նիստին քննարկվում էր Վայոց Ձորում նոր մարզպետի նշանակման հարցը, վաղվա նիստում ևս գործադիրում հերթական մարզպետի նշանակման հարցն է որոշվելու: Արարատի մարզպետ է նշանակվելու Արտակարգ իրավիճակների նախարարության փոխնախարար, Փրկարար ծառայության պետ Էդիկ Բարսեղյանը:
Բարսեղյանը Արտակարգ իրավիճակների նախարարության թիվ մեկ ֆիգուրն է: Մհեր Շահգելդյանի ազատումն անգամ վերագրվում էր հենց նրան, որ նա այդպես էլ չկարողացավ նախարարությունում վերահսկողություն իրականացնել և, որ հսկայական գումարների շրջանառությունը կարգավորում էր միմիայն Բարսեղյանը:
Արմեն Երիցյանի գործուղումն այս նախարարություն բացատրվում էր հենց նրանով, որ նախագահ Սերժ Սարգսյանը ցանկանում է այս նախարարությունում, ի վերջո, կարգ ու կանոն հաստատել: Եվ հիմնականը, որ պետք է կարողանար անել` Երիցյանը, դա Էդիկ Բարսեղյանի ազդեցության նվազեցումն էր: Հիմա, փաստորեն, Բարսեղյանն ընդհանրապես լքում է նախարարությունը և Արմեն Երիցյանը ստանում է ազատ գործունեության լայն դաշտ: Ոչ շիշը վառվեց, ոչ` խորովածը։ Խնդրի նման լուծման մեջ չի բացառվում Երիցյանի ազդեցության գործոնը։
Մյուս կողմից, Բարսեղյանի տեղափոխումը Արարատի մարզպետի պաշտոնին, այդքան էլ պատահական չի կարելի համարել: Ճիշտ է, նա ժամանակին` 2000-2004թթ., զբաղեցրել է Սյունիքի մարզպետի պաշտոնը, ծնունդով էլ ղափանցի է, սակայն Բարսեղյանը բավական լավ հարաբերություններ ունի Արարատի մարզում ազդեցիկ գործիչներից թե´ Հովիկ Աբրահամյանի, թե´ Ալիկ Սարգսյանի հետ: Վերջիններս մարզը ղեկավարել են. Հովիկ Աբրահամյանը` 1998-2000թթ- ին, Ալիկ Սարգսյանը` 2000-2008թթ –ին, պաշտոնավարումից հետո էլ շարունակելով` մարզի կարևորագույն լծակները պահել իրենց ձեռքում:
Էդիկ Բարսեղյանի տեղափոխումն էլ Արարատի մարզ պետք է վերագրել հենց Աբրահամյանի և Սարգսյանի միջնորդությանը: Ճիշտ է, մամուլում անընդհատ խոսվում է Հովիկ Աբրահամյան -Ալիկ Սարգսյանի հակամարտության մասին, սակայն դա, կարծես թե, այդքան էլ չի խանգարել Բարսեղյանին նպատակին հասնելու: Էդիկ Բարսեղյանը հատկապես մտերիմ է Ալիկ Սարգսյանի հետ, նրանք գործընկերներ են եղել թե´ ոստիկանական համակարգում, (Ալիկ Սարգսյանը քննչական ղեկավար տարբեր պաշտոններ էր զբաղեցնում, իսկ Էդիկ Բարսեղյանը նույն համակարգում ղեկավար պաշտոններ էր փոխում պետավտոտեսչության ոլորտում), թե´ գործադիրի կառույցում, երբ երկուսն էլ մարզպետի պաշտոն ունեին: Նրանց հաճախակի կարելի է տեսնել միասին, բացի դրանից չի բացառվում նաև Բարսեղյանի որոշակի դերը Ալիկ Սերգեյիչի փեսայի` Արտակարգ իրավիճակների նախարարի խորհրդականի պաշտոնում հայտնվելու հարցում :
Այնպես որ, ինչպես ժողովուրդն է ասում, ձեռքը ձեռք է լվանում…իսկ այս դեպքում տղերքը հայոց աշխարհի «շախմատ» են խաղում ու չի կարելի չասել` բավականին խելացի, միայն թե դրանից մարզի ժողովրդի համար գրեթե ոչինչ չի փոխվում ։ Ցավալին այն է, որ տեղական բդեշխները մարզերը բաժան — բաժան են արել ու տնօրինում են ոնց քեֆները տալիս է։
Լուսինե Կեսոյան
- 15:33Քաղաքական գործիչները ստիպված կլինեն ավելի մեծ պոպուլիստ լինել, քան Նիկոլը. Միքայել Մինասյան
- 14:10Նահատակված զինվորի հարազատները թույլ չեն տվել Փաշինյանին մոտենալ իրենց զավակի շիրիմին` պահանջելով հեռանալ
- 15:10Լեռնային Ղարաբաղ. Հակամարտության ռենտգենային պատկերը. Politique Internationale-ի հարցազրույցը Էդվարդ Նալբանդյանի հետ
- 13:10Իսկ գիտե՞ք, թե այսօրվա պաշտոնյաներից քանիսն ունեն դղյակներ․Yerevan.Today
- 15:10Առաջարկում եմ անհապաղ 2020 թվականի 44-օրյա պատերազմի հանգամանքների ԱԺ քննիչ հանձնաժողով ստեղծել.Օնիկ Գասպարյանի հայտարարությունը
- 12:10Փաշինյանի սկանդայալին հայտարարությունը Ռուսաստանի հայ իրավաբանների հետ հանդիպմանը․ձայնագրություն․Armvoice
- 14:10Ադրբեջանից դատարկ վերադարձած ինքնաթիռի համար պատասխանատվություն կրելու է Ալիևը
- 15:10Հոկտեմբերի 19-ից հետո Ադրբեջանը ակնարկել է, որ պետք է լինի 7 տարածքի վերադարձ. Փաշինյան
- 12:10Թուրքերը պատրաստվում են հարմար պահի օղակի մեջ առնել նաև Հայաստանը և Ռուսաստանին դուրս մղել տարածաշրջանից
- 14:10Իլհամ կեղծարարը պետք է կողմնորոշվի՝ վերջապես իր ո՞ր սուտն է ավելի «ճիշտ». ՀՀ երրորդ նախագահի գրասենյակ