2015թ-ին մնացին հաշված օրեր: Մինչ մեզնից շատերը որոշում են` Ամանորը դիմավորել թեյի սեղանի շուրջ, ծաղկաձորյան հյուրանոցներից մեկում, թե այնուամենայնիվ ճոխ սեղան պետք է լինի իրենց տանը, մեր շոու-բիզնեսի ներկայացուցիչներից շատերն արդեն որոշել են, թե որտեղ կանցկացնեն տարեմուտը:

Սիլվա Հակոբյանն, օրինակ, Նոր Տարվա գիշերը մենահամերգով կլինի Մոսկվայում:
Նա գալիք տարում բոլորին մաղթում է առողջություն, երջանկություն և ամենակարևորը` համբերություն:

Գրիգոր Կոկչյանն այդ օրը կլինի Կիպրոսում, իսկ Նոր տարուն նա բոլորին մաղթեց երազանքների իրականացում:

Այ, Արսեն Գրիգորյանը (դերասան) դեռ չի պլանավորել, թե որտեղ է անցկացնելու Ամանորի գիշերը, սակայն բոլորին ուրախ Ամանորյա գիշեր է ցանկանում:

Մերի Մակարյանն ամանորը անցկացնելու է աշխատանքային մթնոլորտում, նկարահանումներ, շոուներ և այլն: Նա էլ գալիք տարուն մաղթեց խաղաղություն և սեր

Ջուսն, տարեմուտին աշխատելու է. վազելու է մի ակումբից մյուս ակումբ. «Ասեմ, որ շատ եմ սիրում հենց գործի մեջ անցկացնել Ամանորը. Ես դրանից շատ եմ լիցքավորվում և դառնում երջանիկ»,- անկեղծացավ Ջուսը, իսկ հայրենակիցներին նա մաղթում է մեծ երջանկություն, վառ կյանք և լուսավորություն ամեն ինչում:

Մհերը նույնպես Ամանորը կնշի աշխատանքի մեջ, կլինի «JOSE»-ում, ապա Բելաջիոում: Նա էլ ցանկանում է, որ կատարվեն բոլորի այն երազանքները, որոնք չիրականացան 2014թ-ին: