Այս անգամ շոու-բիզնեսի ներկայացուցիչների գրառումներում գերակշռում է Նոր տարվա թեման։ Նրանց էջերը ողողված են ամանորյա շնորհավորանքներով ու յուրօրինակ նկարներով։

 Տարվա լավագույն երգիչ ճանաչված Էրիկ Կարապետյանի տրամադրությունը հավանաբար շատ բարձր է, որը երևում է նրա այս գրառումից ու նկարից. «Դու նոր տարի, գալդ բարի…. Շնորհավոր բոլորի գալիք Նոր տարին և Սուրբ Ծնունդը։ Շնորհավոր Էմմի՝ գեղեցիկ տոնական ձայնասկավառակի կապակցությամբ, շնորհակալություն լավ ու բարի երգերի համար…»

Լիլիթ Հովհաննիսյանը տեղադրել է այս լուսանկարը և մեկնաբանել. «Որոշեցի… Ամանորը դիմավորելու եմ ձիուկներով կապույտ զգեստով: Ասում են՝ Ամանորի գիշերը կապույտ գույնի առկայությունը հաջողություն կբերի եկող տարվա ընթացքում»:

Դերասան Սեպուհ Ապիկյանը կրկին աչքի է ընկել իր հումորային նկարով ու ոչ բոլորին հասկանալի շնորհավորանքներով. «Նախապես շնորհավոր գալիք 2014 թվականը։ Էն թամադա ախպորն էլ ասեք հլը մի հատ դավայ-Օլյա բոչա բուտաաա-պի…»

Սյուզի Մելիքյանն իր էջում ներկայացրել է տոնական բացիկներից մեկը և նշել, թե այն ինչու է այդքան կարևոր. «Ամանորյա ամենաթանկ բացիկներից մեկն արդեն ստացել եմ՝ պապիկիս բացիկն է, որտեղ անսահման սեր ու ջերմություն կա։ Ամեն առիթին այնքան գեղեցիկ տողեր եմ ստանում. դա ինձ համար երջանկություն է։ Աստված մեր մեծերին թող առողջություն տա։»

Երգիչ Անդրեն տեղադրել Ինգա և Անուշ Արշակյանների, հաղորդավարներ Ժակի և Լուլուի հետ լուսանկար և մեկնաբանել. «Սեր և երջանկութուն Ձեզ, սիրելի հայեր ջան»։

Ամենալավ գրառումը, կարելի է ասել, դերասան Ռաֆայել Երանոսյանի էջում է, որը թեև կապ չունի Ամանորի հետ, բայց շատ հետաքրքիր է։ Նրա ընկերներից մեկը տեղադրել է այս նկարը՝ հետևյալ բովանդակությամբ. «ՈՒշադրություն, տարածեք… Մեր շատ սիրելի դերասան Ռաֆայել Երանոսյանը մի շատ լուրջ խնդիր ունի, որի մասին լռում է։ Դե համեստ է, դրանից է, բայց արի ու տես՝ եկել է ամուսնանալու ժամանակը, և նա չի կարողանում գտնել հարսնացու։ Եկեք օգնենք Ռաֆայելին։ Կներեք, որ նկարը կիսատ է, ուղղակի բոյով լինելու պատճառով նա չտեղավորվեց կադրի մեջ։ Դե ինչ կասեք, օգնու՞մ եք։»