Ռուս էստրադայի ներկայացուցիչներ Անժելիկա Վարումն ու Լեոնիդ Ագուդինն արդեն 14 տարի է ամուսնացած են: Նրանք ոչ միայն ամուսիններ են, այլև հիանալի ստեղծագործական դուետ:

Զույգի հարաբերություններում շատ բան է տեղի ունեցել, այդ թվում՝ բաժանում, սակայն նրանց հաջողվել է պահպանել սերն ու ռոմանտիզմը:

Անժելիկա Վարումը, որը դեռ մանկուց հետաքրքրվում էր երաժշտությամբ, արդեն կայացած երգչուհի էր, երբ հանդիպեց ապագա ամուսնուն՝ երաժիշտ Լեոնիդ Ագուդինին:

1997 թվականից նրանք որոշեցին հանդես գալ դուետով, ինչից հետո լրագրողները նրանց «ամուսնացրեցին»: Սակայն իրադարձություններն այդպես արագ չզարգացան, ինչպես սպասում էին թերթերը. մեկ տարի պահանջվեց, որպեսզի հաստատվեն նրանց սիրավեպի մասին լուրերը:

Նշենք, որ և Ագուդինը, և Վարումը նախկինում ամուսնացած են եղել: Անժելիկայի նախկին ամուսինն իր համադասարանցին էր՝ Մաքսիմ Նիկիտինը, իսկ Լեոնիդն 5 տարի ապրել է Սվետլանա անունով կնոջ հետ, իսկ բալերինա Պոլինա Վարաբևայի  հետ  ամուսնացած էր  քաղաքացիական ամուսնությամբ. նրանից երաժիշտը դուստր ունի՝ Պոլինա անունով:

Լեոնիդ Ագուդինը գտնում է, որ կենսափորձն իրեն շատ է օգնել, որպեսզի ճիշտ հարաբերություններ հաստատի կնոջ հետ. «Երբ ես հանդիպեսցի Անժելիկային, արդեն բավականին հասուն էի, սակայն միայն նրա հետ ես հասկացա, թե ինչ ասել է` ունենալ ընտանիք, կին, օջախ, — հարցազրույցներից մեկում խոստովանել է Ագուդինը,- Բացի այն, որ մենք այր և կին ենք, մեզ մոտ, լավ իմաստով, քույր-եղբայր հարաբերություններ են.դա նույնպես շատ թանկ արժե»:

Զույգն ունեցել է երկու հարսանիք. առաջին ամուսնությունը տեղի է ունեցել ռուսական քաղաքացիական ակտերի գրանցման բաժնում, իսկ ավելի ուշ՝ նրանք տոնակատարություն են կազմակերպել ռոմանտիկ քաղաքներից մեկում՝ Վենեցիայում:

Հենց այդ տարում, Անժելիկան ու Լեոնիդը ևս մեկ լուր հայտնեցին՝ նրանք երեխայի էին սպասում: Շուտով ծնվեց նրանց առաջնեկը՝ Ելիզավետան:

Շարունակելի…