23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...Օրաթերթի տեղեկություններով, անցյալ շաբաթավերջին Սերժ Սարգսյանը ՀՀ ոստիկանապետ Ալիկ Սարգսյանի հետ խորհրդակցության ժամանակ հանձնարարել է լրջագույն պայքար սկսել երկրում քրեական միջավայրը բացառելու և հանցաշխարհի ներկայացուցիչներին խիստ հսկողության տակ առնելու ուղղությամբ։
Ըստ թերթի, Ալիկ Սարգսյանը, Սերժ Սարգսյանի հանձնարարականից հետո, ոստիկանության իր մերձավոր շրջապատին տեղեկացրել է Սերժ Սարգսյանի հանձնարարականի մասին` նշելով, թե չի բացառվում, որ հաջորդ ցուցումը լինի ձերբակալել ազատության մեջ մնացած երեք խոշոր «օրենքով գողերին»` Սուրոյին, Զապին և Մանեթի տղա Սամվելիկին։
Ալիկ Սարգսյանը իր ենթականերին հանձնարարել է գաղտնի կերպով հանցաշխարհի հիշյալ ներկայացուցիչներին զգուշացնել, որ շուտով նրանց դեմ որոնողական աշխատանքներ են ձեռնարկվելու։ Անցյալ շաբաթավերջից, իսկապես, ոստիկանությունը որոնողական աշխատանքներ է իրականացնում նշված «օրենքով գողերին» հայտնաբերելու ուղղությամբ, գրում է թերթը։
Քաղաքացիական օրենսգիրքը փոփոխում են
Լավատեղյակ աղբյուրներից թերթին հայտնի է դարձել, որ ԱԺ անկախ պատգամավոր Վիկտոր Դալլաքյանը հեղինակել և քննարկման է ներկայացրել ՀՀ քաղաքացիական օրենսգրքում փոփոխությունների մի նախագիծ, որով հստակեցվում են «վիրավորանք» և «զրպարտություն» հասկացությունները: Դրանից բացի, Դալլաքյանն առաջարկել է նվազեցնել սահմանված տուգանքները: Բայց թե կոնկրետ որքան է նախատեսվում նվազեցնել տուգանքները, թերթին չի հաջողվել ճշտել: «Ժամանակ»-ի տեղեկություններով, ԱԺ բոլոր խմբակցություններին և անկախ պատգամավոր Վիկտոր Դալլաքյանին ՀՀ քաղաքացիական օրենսգրքում փոփոխությունների առաջարկով դիմել է Փաստաբանների պալատը, և, փաստորեն, միայն Դալլաքյանն է արձագանքել այդ առաջարկին:
Չնայած Սևանա լճից ձուկ որսալու արգելքին, գրեթե անփոփոխ տեմպերով որսը շարունակվում է, տեղեկացնում է «Հրապարակ»-ը:
Թերթի աղբյուրը հայտնում է, որ մոտ 300 ձկնորսական խմբեր կանոնավոր զբաղվում են ձկան և խեցգետնի որսով։ 2-3 հոգուց կազմված որսագողերի խմբերը 50-60 մետրանոց ձկնորսական ցանցեր են նետում լճի մեջ։
Արգելված որսի կանխումը պետք է իրականացնեն ոստիկանությունը և «Սևան» ազգային պարկը, սակայն այս երկուսն էլ աչք են փակում դրա վրա։ Ավելին, որս անելու համար ձկնագողերը «նալոգ» են վճարում՝ ամիսը 30 հազար դրամ։
Այնպես որ, որսագողերին բռնելու փոխարեն՝ այս երկու մարմիններն ամսական մոտ 9 միլիոն դրամի «մաքուր» եկամուտ են ստանում։ Այս համագործակցությունը հատկապես լավ է ստացվում, քանի որ «Սևան» ազգային պարկի տնօրեն Աշոտ Գևորգյանը ժամանակին ոստիկանության ակադեմիայի պետն է եղել, գրում է թերթը:
«Առավոտ»-ի խմբագիրը գրում է. «…Երբ մարդը բերանը բաց է անում իր հակառակորդի կամ պարզապես իր չհավանած անձնավորության հասցեին ինչ-որ տհաճ բան ասելու (բանավոր, թե գրավոր), նա պետք է մտածի, թե որքան ժամանակ է իր այդ ասածը արդիական լինելու։ Երեկ, օրինակ, «Ազատություն» ռադիոկայանին ՀՀ առաջին նախագահ Լևոն Տեր-Պետրոսյանը, իմ կարծիքով, միանգամայն ճիշտ բաներ է ասել երկխոսության թեմայով։ Սակայն նման դատողություններից հետո Կոնգրեսի առավել արմատական
կողմնակիցները՝ որոշակի դառնությամբ, իսկ իշխանության ջատագովները՝ չարախնդությամբ, «կռիսական» հարց են տալիս. «Բա ո՞ւր մնացին ավազակապետերը, մոնղոլները և հատկապես թաթարները»։
Եվ չես կարող ասել, որ այդ հարցը իմաստազուրկ է. ի՞նչ երկխոսություն ավազակների հետ՝ նրանց տեղը բանտում է, իսկ մոնղոլ-թաթարներինը՝ հավանաբար, ինչ-որ հեռավոր տափաստաններում։ Իհարկե, ասածս վերաբերում է ոչ միայն առաջին նախագահին, այլև բոլոր մարդկանց, ովքեր հրապարակային խոսք են ասում՝ նաև, բնականաբար, ինձ։ Մանավանդ՝ հաշվի առնելով մեր կովկասյան տաքարյուն խառնվածքը, եկեք
այնպես խոսենք, որ հետադարձ նստվածք չմնա՝ ոչ միայն դիմացինի, այլև հասարակության մեջ»:
1994 թվականին, երբ Աշոտ Մանուչարյանն էր թունդ հեղափոխական և «հիմա, հիմա» -ի կողմնակից, իսկ ես, ինչպես և հիմա, դրան դեմ էի, այդ գործիչն ինձ հայհոյեց Ազատության հրապարակի հարթակից։ Ես, բնականաբար, Աշոտին վաղուց ներեցի՝ պետք է ինչ-որ պաթոլոգիաներ ունենալ՝ 17 տարի քեն պահելու համար։ Բայց նստվածքը մնացել է:
Ըստ թերթի տեղեկությունների, ՀՀ իշխանությունները մի փոքր ժամանակ են խնդրել Եվրոպայի խորհրդի Մարդու իրավունքների գլխավոր հանձնակատար Թոմաս Համարբերգից, վերջինիս` ՀՀ-ի մասին հրապարակելիք զեկույցում տեղ գտած որոշ հարցադրումներին արձագանքելու համար: Հանձնակատարի զեկույցը պետք է հրապարակվեր մայիսի 2-ին: Արձագանքելով ՀՀ իշխանությունների խնդրանքին, Թոմաս Համարբերգի գրասենյակը մի շաբաթով հետաձգել է զեկույցի հրապարակումը:
Ոստիկանապետը մի շարք հրամաններ է ստորագրել
Երեկ թերթին հայտնի է դարձել, որ ՀՀ ոստիկանապետը ստորագրել է հերթական հրամանը, որով ոստիկանության փոխգնդապետ Աշոտ Ահարոնյանը նշանակվել է ոստիկանության հասարակայնության հետ կապի և լրատվության վարչության պետ: Մինչ այդ նա տվյալ վարչության պետի ժամանակավոր պաշտոնակատարն էր: Սարգսյանի մեկ այլ հրամանով,
գրում է թերթը, ՀՀ ճանապարհային ոստիկանության հենաքննչական բաժանմունքը վերակազմավորվել և դարձել է ճանապարհային ոստիկանության հետաքննչական բաժին: Նշված բաժնի պետ է նշանակվել ոստիկանության մայոր Հարություն Մարգարյանը՝ ազատվելով Ոստիկանության քննչական գլխավոր վարչության, Երևանի քննչական վարչության ճանապարհատրանսպորտային հանցագործությունների քննության բաժնի պետի պաշտոնից:
Հայաստանում ԱՄՆ դեսպանատան` «Ժամանակի»-ի աղբյուրների հավաստմամբ, Հայաստանում ԱՄՆ-ի դեսպան Մարի Յովանովիչը մոտ ապագայում բարձր պաշտոնի կանցնի պետդեպարտամենտում: Ըստ թերթի աղբյուրների, Յովանովիչը Հայաստանից կմեկնի հունիսի սկզբներին:
Միհրանը չդարձավ գեներալ
Երեկ ԴԱՀԿ ծառայողների օրն էր: Արդարադատության նախարարության հարկադիր կատարողներն իրենց օրը նշում էին Ազգային օպերայի դահլիճում, գրում է թերթը՝ հավելելով՝ բոլորը սպասում էին, որ Սերժ Սարգսյանն իր ներկայությամբ պետք է պատվի օրվա տոնախմբությունը: Ըստ թերթի հավաստի աղբյուրների` ԴԱՀԿ ծառայության պետ Միհրան Պողոսյանը, որը նաև «Ֆլեշ» սուպերմարկետների ցանցի սեփականատերն է, սպասում էր, որ Սերժ Սարգսյանը հենց Ազգային օպերայում ընթացող տոնակատարության
ժամանակ իրեն կարժանացնի արդարադատության գեներալի կոչման, սակայն, նախագահական նստավայրի թերթի մեկ այլ աղբյուր հայտնել է, որ Սերժ Սարգսյանը մտափոխվել է` հաշվի առնելով անցյալ տարեվերջին Միհրան Պողասյանի անձի շուրջ մեծ աղմուկը:
Երեկ »Հրապարակ»-ի խմբագրություն է այցելել Կենտրոնի ոստիկանության հետաքննիչը,
որը, թերթի հաղորդման հիման վրա, նյութեր է նախապատրաստում «Զինվոր» հասարակական կազմակերպությունների խորհրդի նախագահ Մարգարիտա Խաչատրյանի (Մառոզ) նկատմամբ։
Թերթը հիշեցնում է, որ ապրիլի 21-ին տպագրված լուրի հետքերով Մարգարիտա
Խաչատրյանը մի խումբ մարդկանց հետ մտել էր խմբագրություն և մի քանի ժամ խանգարել
թերթի աշխատանքը։ Իրենց չափը կորցրած կանայք հարվածել էին աշխատակիցներին,
կոտրել բաժակները, պատռել թերթերն ու սեռական բնույթի հայհոյանքներ տեղացել։
Նույն օրը «Հրապարակ»-ը դիմել էր ոստիկանություն, որտեղ այս ընթացքում նյութեր էին
նախապատրաստվում։ Օրենքը նախատեսում է 1-օրյա հետաքննության փուլ, որից հետ
իրավապահ մարմինը պետք է որոշի`հարուցե՞լ քրեական գործ, թե՞ մերժել քրեական
գործի հարուցումը: Երեկ, փաստորեն, Կենտրոնի հետաքննիչն ավարտել է իր աշխատանքը,
և գործի նյութերն ուղարկվելու են ոստիկանության քննչական ծառայություն: Թերթին
հասած տեղեկություններով, մոտ օրերս խուլիգանության հոդվածով գործ կհարուցվի, և Մ.
Խաչատրյանը կհրավիրվի հարցաքննության: Սա թերևս դաս կլինի բոլոր նրան համար, ովքեր
լրագրողների դեմ փորձում են ուժային մեթոդներ կիրառել և հայհոյանքների լեզվով խոսել,
հետևություն է անում «Հրապարակ»-ը:
«Երկու օր առաջ «Սպայկա» ընկերության սեփականատեր Դավիթ Ղազարյանի ձերբակալության
շրջանակներում հիշատակվել էր, որ Պետական եկամուտների կոմիտեի վարույթում գտնվող այդ գործով կան
նաև ուրիշ ձերբակալվածներ, նաև հիշեցրել էին, որ Դավիթ Ղազարյանը «սպայկա» է Ռոբերտ Քոչարյանի
որդու` Սեդրակ Քոչարյանի հետ, որն ընկերությունում փայ ունի: Ըստ օրաթերթի, արտահանման հետ
կապված կեղծիքների մեղադրանքով ձերբակալված Դավիթ Ղազարյանի հետ պատահածը տեղավորվում է վարչապետի ձախողումների տրամաբանության մեջ:
«ՉԻ»-ն հիշեցնում է, որ որպես հայկական տնտեսությունը սրընթաց զարգացնելու ծրագրի բաղադրիչ` փետրվարի 3-ին կառավարությունը հաստատել էր «Սպայկա» ընկերության հայտը` ավելացրած արժեքի հարկի վճարման տարժամկետում տրամադրելու վերաբերյալ: Ոգևորված վարչապետը ասել էր, որ «Սպայկային» զիջած ԱԱՀ-ի գումարներն աջակցեցին ոչ թե տնտեսության զարգացմանը, այլ տնտեսական հանցագործության արագացմանը. օրենքը խախտելիս «Սպայկան» վստահ է եղել իր թիկունքի վրա»:
ԱԺ նախկին նախագահ, այսօր անկախ պատգամավոր Տիգրան Թորոսյանը, «Առավոտ»-ի հետ զրույցում անդրադառնալով ԱԺ արտահերթ ընտրությունների հնարավորությանը` ասել է, թե դրա համար Սահմանադրությամբ սահմանված հիմքեր այսօր չկան և, ամենամեծ ցանկության դեպքում էլ, դեռ մի քանի ամիս չեն լինի: Բայցև ակնհայտ է համարել, որ խնդիրն այստեղ ոչ թե ներքաղաքական համերաշխության կամ մթնոլորտի բարելավման նպատակներն են, այլ պարզապես կամայականությունը, որով առաջնորդվելով`«որևէ մեկը երբեք չի կարողացել քաղաքական համերաշխության խնդիր լուծել»:
«Սա՛ է հենց այսօրվա իրողությունը: Ուզում եմ հիշեցնել, որ այսօրվա իշխանությունները մեկ ամիս կամ մեկ տարի առաջ չեն ընտրվել: Երեք տարի նույն իշխանություններն էին և անում էին ու այսօր էլ շատ հաճախ կամայական քայլեր են անում: Ուրեմն` ինչպե՞ս պետք է այդ կամայականությունը վերացվի արտահերթ ընտրություններով»,- «Առավոտ»-ին ասել է նախկին ԱԺ նախագահը:
Լոս Անջելեսում կոմունալ վճարումների հետ կապված խարդախություններ անելու և սպառած գազի ու էլեկտրաէներգիայի դիմաց չվճարելու համար ձերբակալված երկու հայերից մեկը ԱՄՆ-ում «Հ1» և «Պարադիզ» ընկերությունների ներկայացուցիչ Գագիկ Ասլանյանն է: Երեկ, ողջ օրվա ընթացքում, «Ժամանակ»-ին հաջողվել է մի քանի ուշագրավ տեղեկություններ պարզել Գագիկ Ասլանյանի գործունեության մասին: Պարզվում է, գրում է թերթը, որ Գագիկ Ասլանյանը կարողանում է ոչ միայն գազ և էլեկտրաէներգիա գողանալ, այլև մարդկանցից պարտքով գումար է վերցնում և չի վերադարձնում: Թերթի մի այլ աղբյուր հայտնել է, որ Գագիկ Ասլանյանը ընկերական հարաբերությունների մեջ է Սերժ Սարգսյանի եղբոր`Սաշիկ Սարգսյանի հետ, ու որդուն`Նարեկին, գործ սկսելու համար տարածք են տրամադրել «Հ1»-ի Լոս Անջելեսի տարածքում: Խորհրդային տարիներին և 90-ական թվականներին նա բարձր պաշտոններ է զբաղեցրել ՀՀ մշակույթի նախարարությունում: Ըստ թերթի, Գագիկ Ասլանյանը Երևանի «Մոսկվա» կինոթատրոնի սեփականատեր Մարտին Ադոյանի և «Հ2» հեռուստաալիքի համասեփականատեր Սամվել Մայրապետյանի մտերիմ ընկերն է:
Հակառակ մեծ սպասելիքների` Ֆրանսիայի Սենատը, ձայների ճնշող մեծամասնությամբ, երեկ մերժել է Հայոց ցեղասպանության ժխտումը քրեականացնող օրինագիծը, որը 2006 թվականի հոկտեմբերին ընդունել էր Ֆրանսիայի Ազգային ժողովը, տեղեկացնում է թերթը:
Սենատի որոշումը, ըստ թերթի տեղեկությունների, մեծ զայրույթ է առաջացրել ֆրանսահայերի շրջանում: Դեռ քվեարկությունից առաջ Սենատի առջև ֆրանսահայերի հոծ բազմություն էր հավաքվել` պահանջելով վավերացնել Ազգային ժողովի ընդունած օրինագիծը:
Սև ամպեր են կախվել ԱԷԿ-ի գլխին
Թերթի տեղեկություններով, մայիսի 16-ին Հայաստան է ժամանելու ՄԱԳԱՏԵ-ի հովանավորությամբ գործող OSART հանձնաժողովի աշխատանքային խումբը, որը համակողմանի ուսումնասիրության է ենթարկելու Մեծամորի ատոմակայանը:
Ըստ թերթի, այս հանձնաժողովի մասին նույնիսկ մակերեսային տեղեկատվություն ունեցողների համար այս լուրը, մեղմ ասած, տագնապահարույց է: Խնդիրն այն է, եթե այս հանձնաժողովը որոշի, որ որևէ ատոմակայան պետք է դադարեցնի իր գործունեությունը, ապա դա վերջին ատյանի որոշում է համարվում և իրականացվում է առանց վերապահումների: Հենց այս հանձնաժողովի որոշման արդյունքում արդեն փակվել են երկու ատոմակայաններ Լիտվայում (Իգնալինայի ԱԷԿ-ը) և Բուլղարիայում (Կոզլոդույի ԱԷԿ-ի երկու բլոկները):
ՀՀ էներգետիկայի նախարարության թերթի աղբյուրները հայտնում են, որ OSART հանձնաժողովի ստուգումները ՀԱԷԿ-ի համար կարող են ճակատագրական լինել, և խնդիրն այն չէ` ՀԱԷԿ-ում կա՞ն արդյոք տեխնիկական խնդիրներ: Եթե հանձնաժողովի աշխատանքային խումբը տեխնիկական խնդիրներ հայտնաբերի, ապա դա կլինի դատավճիռ ՀԱԷԿ-ի համար, և դրա շահագործումը միանշանակորեն կդադարեցվի: Բազմաթիվ ստուգումները ցույց են տվել, որ մեր ատոմակայանը տեխնիկական առումով, կարելի է ասել, անթերի է այնքան, որքան դա հնարավոր է: Սակայն էներգետիկայի նախարարության թերթի աղբյուրները հայտնում են, որ հանձնաժողովը ՀԱԷԿ-ի ապագայի մասին որոշում կայացնելիս կարող է առաջնորդվել ոչ թե տեխնիկական, այլ քաղաքական նկատառումներով: Թերթի աղբյուրները նշում են, որ կոնկրետ Բուլղարիայում և Լիտվայում ատոմակայանները փակվեցին ոչ թե տեխնիկական թերությունների պատճառով, այլ զուտ քաղաքական: Միայն այդ ատոմակայանները փակելու դեպքում Լիտվան և Բուլղարիան կարող էին դառնալ ԵՄ անդամ…
-
-
23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» -
23.04.2024 | 11:42
Ադրբեջանում պահանջել են նաև չորս «անկլավային գյուղերը» -
23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.