29.09.2024 | 20:03
Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսե...09.09.2024 | 12:51
Խնդրում ենք ընթերցողների ներողամտությունը26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...28.05.2024 | 11:11
Իշխանությունը մանթրաժի մեջ է․ «Հրապարակ»28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...Որքան մոտենում է քվեարկության օրը, այնքան նախագահի թեկնածու Սերժ Սարգսյանն իրեն զգում և մատուցում է որպես իր միակ ամենակատաղի մրցակիցն ու այլընտրանքը: Նրա հռետորաբանությունը կոշտանում է, կոչերը էլ ավելի սուր են հնչում: Նախագահի թեկնածու Սերժ Սարգսյանը, «քարը քարին չի թողնում» նախագահի աթոռը պետական հեղաշրջման արդյունքում զավթած և հինգ տարի շարունակ զբաղեցրած` Սերժ Սարգսյանի օրոք իշխանական վարքուբարքը քննադատելիս: Օրինակ, երեկ Արագածոտնի մարզի Ապարան և Աշտարակ քաղաքներում ընտրողների հետ հանդիպման ժամանակ նա կոչ է արել լինել «ակտիվ քաղաքացի ու թույլ չտալ վատ իշխանության վերարտադրություն»: « Եթե մերժում եք այն միտքը, որ մեր իշխանությունն այլևս պատանդ է մի քանի հարուստների ձեռքին, ապա պետք է մասնակցեք այս ընտրություններին », «Եթե դուք անտարբեր դառնաք ու հանձնվեք այն գաղափարին (…) թե՝ ձեր ձայնը բացարձակապես ոչ մի նշանակություն չունի (…) ապա ձեր լռությունը անպայման կլրացնեն այլ ձայներ` նրանց ձայները, ովքեր տարիներ շարունակ ամեն ինչ արել են, որպեսզի Հայաստանը դառնա պղտոր ճահիճ, որ ամեն բան մնա անփոփոխ այս երկնքի տակ` հանուն սեփական նեղ խմբակային ու անձնական շահի: Նրանց ձայնը, ովքեր տարիներ շարունակ հաշվի չեն առել ձեր ձայնը, խլել են ձեր ապագան և արել ամեն բան, որ ընտրությունը չլինի ձերը, այլ ուրիշինը, որ ընտրվածը չլինի ձեր ընտրյալը: Նրանք, ովքեր սովոր են ամեն ինչ գնել, ինչ ցանկանում են ունենալ, նրանք, ովքեր պատրաստ են խլել այն, ինչ չեն կարողանում գնել ( …) Բոլոր նրանք, ովքեր սովոր են հանձնել ու խլել, ստորանալ ու ստորացնել, ովքեր ցանկանում են ուղղորդել մեր յուրաքանչյուր արարքն ու մեր փոխարեն որոշել ամեն բան: Եվ միայն դուք, Հայաստանի սիրելի քաղաքացիներ, կարող եք ընդհատել այս արատավոր շղթան»,- ասել է նախագահի թեկնածու Սերժ Սարգսյանը, ցանկանալով մարդկանց ներշնչել, թե այդ «ՆՐԱՆՔ» իր հետ ոչ մի կապ չունեն: Իսկ ոմանք ասում են` ընտրություններն անցնում են ոչ մրցակցային պայմաններում և Սերժ Սարգսյանն այլընտրանք չունի: Մի երկու այսպիսի ելույթ էլ, և միջազգային դիտորդները կարձանագրեն ՀՀ նախագահական ընտրություններն անցան լուրջ մրցակցության պայմաններում. Սերժ Սարգսյանը ինքնամոռաց դուրս էր եկել Սերժ Սարգսյանի դեմ:
Հայկական ժամանակ
Դեռևս 2012-ի հոկտեմբերի 16-ին Գյումրիի քաղաքապետարանում կատարված չարաշահումների փաստի առթիվ քրեական գործ է հարուցվել քրեական օրենսգրքի 179 հոդվածի (յուրացում, վատնում) 2-րդ մասի 1-ին, 2-րդ և 3-րդ կետերի հատկանիշներով (պաշտոնեական դիրքի չարաշահում, մի խումբ անձանց ներգրավմամբ չարաշահումներ, խոշոր չափերի յուրացում): Այս մասին երեկ «ՀԺ»-ի թղթակցին հայտնել են ոստիկանության հա-սարակայնության հետ կապերի և լրատվության վարչությունից: «Այդ քրգործի շրջանակներում նախաքննություն է կատարվել և նախաքննության ընթացքում ֆինանսների նախարարությանը հանձնարարվել է ստուգումներ իրականացնել և այդ ստուգումների արդյունքներն ուղարկվել են ոստիկանություն: Նախաքննությունն ընթացքի մեջ է»,- փոխանցել է վարչության աշխատակիցը: Ըստ թերթի աղբյուրների, այս գործի շրջանակներում Վարդան Ղուկասյանը դեռ չի հարցաքննվել: Արդյո՞ք նա քրգործում որևէ կարգավիճակ կստանա, թե կհամալրի այն նախկին պաշտոնյաների շարքը, ովքեր նմանատիպ հոդվածներով քրգործերով, նույնիսկ, որպես վկա չեն անցնում, ցույց կտա ժամանակը:
Հայկական ժամանակ
Երեկ Տավուշի մարզի Մովսես գյուղի մարտական դիրքերից մեկում` «Շուրայի պավարոտում», հակառակորդի բացած հրազենային կրակից վիրավորվել է պայմանագրային զինծառայող:
Լուր էր տարածվել, որ սահմանապահը զոհվել է, սակայն Բերդի բժշկական հոսպիտալից «ՀԺ»-ին տեղեկացրել են, որ զինծառայողը վիրավոր է: Այլ տեղեկություն հոսպիտալից հրաժարվել են հայտնել: Երեկ Տավուշի սահմանամերձ գյուղերում դա միակ միջադեպը չի եղել: Առավոտյան ժամերից սկսած, մինչև կեսգիշերն անց, կրակոցներ է եղել Բերդի տարածաշրջանի սահմանի երկայնքով, գնդակոծության են ենթարկվել Չինարի, Այգեպար, Ներքին Կարմիրաղբյուր և Մովսես գյուղերը: Չինարի գյուղի ուղղությամբ ադրբեջանական զինուժը կրակ է բացել ժամը 15-15:30-ից սկսած:
Չինարիի գյուղապետ Սամվել Սաղոյանը հայտնել է, որ հակառակորդը խոշոր տրամաչափի զենքերից կրակ է բացել գյուղացիներից մեկին պատկանող ավտոմեքենայի ուղղությամբ, որտեղ եղել է նրա ընտանիքը: Բարեբախտաբար վնասվել է միայն մեքենայի առաջամասը, ուղևորները հասցրել են թաքնվել: Հակառակորդի կրակից վնասվել է նաև գյուղի գազատար խողովակը, հրդեհ է բռնկվել, գազամատակարարումը կես ժամով ընդհատվել է: Սամվել Սողոյանն ասել է, որ գյուղի և դիրքերի վրա «աշխատում» են նաև ադրբեջանական նշանառուները:
«Մարդիկ անհանգիստ վիճակում են: Գյուղի երիտասարդները գյուղամիջում հավաքված են, քննարկում են: Նապաստակի նման` մի աչքը բաց, մեկը փակ, ապրում ենք»,- ասել է համայնքի ղեկավարը: Այգեպարում կրակոցները սկսվել են առավոտից: Այս մասին թերթը տեղեկացել է համայնքի ղեկավար Անդրանիկ Այդինյանից: «Տարբեր տրամաչափի զենքերով են կրակում: Տանիքների վրա են կրակում, խփածը պայթում ա: էս պահին ոչ մեկը տնից դուրս չի գալիս, բոլորը տներում են, մեքենա չի կարողանում դուրս գա, ոչ էլ լույս ենք կարողանում վառել: Ժողովուրդը թաքնված է նկուղներում».-պատմել է Այդինյանը:
Ներքին Կարմիրաղբյուրի գյուղապետ Մանվել Կամենդատյանն էլ նշել է, որ կեսգիշերից երկու ժամ առաջ հակառակորդը սկսել է գնդակոծությունը և ժամը 23:50-ի դրությամբ շարունակվում է: Կրկին գնդակոծությունների թիրախը գյուղի տներն են:
Թերթը նշում է, որ Շամշադինի տարածաշրջանը 184 կմ երկայնքով սահման ունի Ադրբեջանի հետ, և նման դեպքեր լինում են տարվա մեջ մի քանի տասնյակ անգամ: Գյուղացիներից մեկը, ում անունը թերթը չի նշում, իր թղթակցին ասել է, որ ամեն անգամ գնդակոծության հետևանքով հրդեհներ են բռնկվում: Հատկապես, երբ թիրախը տներն են, հաճախ են կտուրները բռնկվում: Մի քանի համայնքներ դիմել են պետական մարմիններին, այդ թվում` Տավուշի մարզպետ Արմեն Ղուլարյանին, խնդրելով, գոնե յուրաքանչյուր թաղամասին մի քանի հատ կրակմարիչներ տան, հրդեհները մարելու համար: Տավուշի մարզպետը, ով նաև մարզի քաղպաշտպանության շտաբի պետն է և Սերժ Սարգսյանի կամ Սեյրան Օհանյանի այցերի ժամանակ գնդապետի համազգեստ հագնելով մեկնում է սահման, խնդրանքն անարձագանք է թողել:
Հայկական ժամանակ
Երևանի քաղաքապետը հանրակրթական երկու դպրոցներում արձանագրված նախընտրական քարոզչության և քաղաքական գործունեություն իրականացնելու փաստերով խիստ նկատողություն է հայտարարել ուսումնական հաստատությունների տնօրեններին:
Սա հայտնում են քաղաքապետարանից, իսկ թե խոսքը որ դպրոցների մասին է, պետք է միայն կռահել: Ենթադրվում է, որ նկատողություն ստացածներից մեկը թիվ 191 դպրոցի տնօրենն է: «Հժ» նախորդ համարում գրել էր, թե ինչպես էր Մալաթիա-Սեբաստիա վարչական շրջանում գտնվող այս դպրոցում հյուրընկալվել թաղապետ Դավիթ Օհանյանն ու մանկավարժներին նախընտրական հրահանգներ տալիս: Դրանից հետո ԿԳ նախարար Արմեն Աշոտյանը ֆեյսբուքյան իր էջում համոզմունք էր հայտնել, որ քաղաքապետն այս ամենը անհետևանք չի թողնի: Եվ ահա հետևանքը: Թաղապետը նկատողություն չի ստացել, միայն դպրոցի տնօրենը: Իշխանությունները վերը նշված երևույթների մասին «տեղեկանում են» մամուլից կամ համացանցից: Այնինչ` նույն Դավիթ Օհանյանը նշված հանդիպման ժամանակ պատմում է, որ այլ դպրոցներում ու մանկապարտեզներում ևս նախընտրական հրահանգներ է տվել:
Հայկական ժամանակ
«Հայկական ժամանակն» իր այսօրվա առաջնորդողում անդրադարձել է Հայրիկյանի գործով կասկածյալ երկու ձերբակալվածներին` գրելով, որ ըստ որոշ աղբյուրների, կասկածյալները Մոլդովայի քաղաքացիներ են: Իսկ ահա օրվա վերջում էլեկտրոնային լրատվամիջոցներում տեղեկություն հայտնվեց, թե մահափորձի իրականացման մեջ կասկածվող Սամվել Հարությունյանը «Զվարթնոց» օդանավակայանի անվտանգության ծառայության պետ Կարեն Բաբայանի` Շերիֆի, մորաքրոջ որդին է: Երեկ թերթի թղթակից Լուսինե Բարսեղյանին հաջողվել է սույն տեղեկությունը ճշտել իրենից` Շերիֆից.
-Պարոն Բաբայան, ճի՞շտ է, որ Հայրիկյանի վրա կրակող Սամվել Հարությունյանը ձեր մորաքրոջ որդին է:
-Պարզ ասեմ ձեզ, երբ իմ ծանոթները, ընկերները կապվեցին իմ հետ և ասեցին, որ այսպիսի բան կա գրած, ես նայեցի ու իմ համար շատ զարմանալի է, որովհետև ես մի հատ մորաքրոջ տղա ունեմ, որը Ռուսաստանում է ապրում: Իսկ իրա հետ կապված ծնողներիցս եմ ճշտել, որ շատ, շատ հեռու… ու ասենք, ոչ թե արդարանալու համար, ասեմ, այնքան վստահ եմ, որ ԱԱԾ-ն արագ կբացահայտի, որ ես տենց մորաքրոջ տղա չունեմ: Ուղղակի իմ հորաքրոջ թոռան, եսիմ ինչն է, որին վերջին անգամ երևի մի 20 տարի առաջ տեսած լինեմ:
-Այսինքն, Սամվել Հարությունյանը ձեր հեռավոր ազգականն է, որին վաղուց չեք տեսել:
-Վաղուց ասելով, կարող եմ շեշտել` ընդհուպ երևի մի 15 տարուց ավել, 20 տարուց:
-Իսկ դուք տեղյա՞կ եք, ինքը Հայաստանի քաղաքացի է, թե՞ այլ երկրի, որտե՞ղ է ապրում:
-Ես ընդհանրապես տեղյակ չեմ, եթե ես իրեն այսքան ժամանակ չեմ տեսել, ես ի՞նչ գիտեմ` ո՞րտեղի քաղաքացի է, ընդհանրապես չգիտեմ` ստեղ է, թե ստեղ չի:
-Դուք ասացիք՝ ձեր հորաքրոջ ի՞նչն է:
-Ես էլ եմ արդեն մոռացել, որովհետև պիտի ծնողներիս կոնկրետ հարցնեմ, հորաքրոջս թոռան խորթ տղան է, թե չգիտեմ ինչը: Ես նորից եմ ասում, ազնվությամբ, չեմ էլ վերհիշում, 15-20 տարի առաջ տեսած լինեմ, թե չլինեմ: Դա թաքցնելու թեմա չի մեր փոքր Հայաստանում, տենց բաները շատ արագ են իմացվելու:
-Այսինքն, դուք տեղյակ չե՞ք եղել ոչ մի բանի մասին (մահափորձի մասին է խոսքը-խմբ.):
-Ես դա համարում եմ դավաճանություն մեր ազգի նկատմամբ, ուրիշ ոչ մի բան: Իսկ մենք դավաճանների հետ ընդհանրապես չենք շփվում:
Հայկական ժամանակ
Ռոբերտ Քոչարյանը երեկ անսպասելի հայտնվեց լրատվամիջոցների ուշադրության կենտրոնում և կրկին արթնացրեց տխուր հուշեր: Քոչարյանը և իր որդին` Սեդրակը, էլի դատի են տվել ԶԼՄ-ի և էլի իրենց համբավը արատավորելու հիմնավորմամբ:
Այս անգամ Քոչարյանների ընտանիքի թիրախը «1iո.am» լրատվական կայքն է: Հունվարի 15-ին դատարանը մասամբ բավարարել է Քոչարյանների հայցն ընդդեմ կայքի և կալանք դրել նրա գույքի վրա 5 մլն դրամի չափով, իսկ հաշիվների վրա կալանք դնելու մասով հայցը մերժել է: Քոչարյանների ընտանիքը իր «պատիվն ու արժանապատվությունը արատավորող» է համարում կայքի մի հրապարակում, ըստ որի 2006-ին «Նաիրիտի» սեփականաշնորհումը կատարվել է Ռոբերտ Քոչարյանի անմիջական հսկողությամբ: Մեկ այլ`«Ժողովուրդ» օրաթերթի դեմ էլ նախորդ օրը նոր հայց է ներկայացրել «X Գրուպ» ընկերության նախագահ Խաչիկ Խաչատրյանը: Երկու հայցերով օրաթերթից պահանջում է 62 մլն դրամ: Տպավորությունն այնպիսին է, մի քանի ամիս տևած «զինադադարից» հետո ԶԼՄ-ների դեմ կրկին սկսում են գործածել «Ֆինանսական մահակը»:
Հայկական ժամանակ
ՀՀ-ում Լեհաստանի արտակարգ և լիազոր դեսպան Զդիսլավ Ռաչինսկին հարցազրույց է տվել «Հայկական ժամանակին»: Թերթի թղթակիցը նրան է ուղղել հետևյալ հարցը. «Պարոն դեսպան, գաղտնիք չէ, որ բոլոր դեսպանատներն ունեն իրենց հատուկ ծառայությունները, և լավագույնները տիրապետում են տվյալ երկրում տիրող ամեն ինչին: Ձեր հատուկ ծառայությունները ձեզ ի՞նչ են զեկուցել Պարույր Հայրիկյանի մահափորձի մասին: Ո՞րն է ձեր երկրի տեսակետը, ո՞վ է կանգնած այդ մահափորձի ետևում»:
Դեսպանը հարցին պատասխանել է հետևյալ կերպ. «Իսկ ի՞նչ ասել է «հատուկ ծառայություն»: Հետախուզական ծառայություն, այո՞: Առաջին հերթին քաղաքական-հասարակական իրականությունը պետք է զատել միֆոլոգիայից: Եթե դուք կարծում եք, որ «հատուկ ծառայությունները» դրանք տեսախցիկներ են Հայաստանի ամեն սյան և քարի վրա, կարծում եմ, որ ոչ մի վատիկանյան և Մոսադի հետախուզություն չի կարող Հայաստանի իրադրության մասին ավելի լավ տեղեկացված լինել, քան հայկական ծառայությունները: Գիտե՞ն հայկական ծառայությունները ով է կանգնած մահափորձի ետևում: Չգիտեն: Գոնե այդպես են ասում: Նշանակում է, մեկ ուրիշը նույնպես չի կարող իմանալ: Սա միֆ է: Սա լրիվ այլ զրույցի թեմա է (ժպտում է — հեղ.): Մահափորձը շատ հանելուկային պատմություն է, որովհետև տրամաբանական չէ այն իմաստով, որ պարոն Հայրիկյանը շատ հարգելի անձնավորություն է, նա պայքարի խորհրդանիշ է: Բայց չնայած պարոն Հայրիկյանն ինքն է ասում, որ առաջին փուլում 70 տոկոս քվե կստանա, ես դրանում համոզված չեմ: Ինձ չի թվում, թե նա երկրորդ փուլ անցնելու հնարավորություն ունեցող ֆիգուր է: Նա այն վտանգավոր մրցակիցը չի, որին չեզոքացնելու կարիք լիներ: Բոլորը միաձայն`և ընդդիմությունը, և իշխանությունը, ասում են, որ դա մահափորձ է պետականության դեմ: Ինչ-որ չափով այո: Ես համաձայն եմ նաև, որ դա «խփում է» իշխանությունների վարկանիշին: Որովհետև դա առաջին հերթին քանդում է ընտրությունների այն ուրախ պատկերը, որի մասին մենք խոսեցինք, անվտանգ և ապահով Հայաստանի միֆը, և դա արդեն ազդում է ընտրությունների գնահատականի վրա: Բայց միգուցե Հայաստանի շատ քաղաքական գործիչներ կնեղանան, ես ունեմ իրավիճակի իմ տեսլականը: Նույնիսկ եթե դա չլիներ քաղաքական մոտիվացիայով, բայց արդյունքը լինելու է քաղաքական: Սա մեկ: Երկրորդը ինձ թվում է որ, չնայած նման բաներ կարող են տեղի ունենալ ցանկացած երկրում, բայց սա հնարավոր էր, որովհետև Հայաստանում չի վերացել անպատժելիության մթնոլորտը: Սա ցանկացած հարթությունում, մանր և խոշոր հանցագործությունների: Պատմում եմ ձեզ սա որպես անեկդոտ, կարող եք ծիծաղել, բայց ինձ համար դա շատ խոսուն էր: Կողոպտել էին իմ նստավայրը: Ես խոսեցի այն չինովնիկի հետ, ով պատասխանատու էր անվտանգության համար: Նա ասաց գիտեք, դա իմ գործը չէ: Ես սարսափեցի: Այդ բարձրաստիճան մարդու մոտ բացակայում էր զգացողությունը, թե ինչ է նշանակում «պետականություն»: Սեփական երկրի համաի պատասխանատվության զգացողությունը պետք է բոլորին պատասխանատվության տանի ոչ միայն սեփական տեղամասի համար: Ես կարծում եմ, որ անկախությունից հետո Հայաստանի համար ամեն ինչ չէ, որ հարթ է եղել: Սպանությունները, որոնք, ասում են, քաղաքական մոտիվացիաներ ունեին, միշտ չէ որ, մեղմ ասած, բացահայտվել են: Վերցրեք 2008թ. իրադարձությունները: Ոչ ոք պատասխան չտվեց: Ամենաթողության մթնոլորտը կարող էր ինչ-որ մեկին դրդել, որ կարելի է կրակել: Ահա, քաղաքականության մեջ ոչինչ չի առաջանում ոչնչից: Քաղաքականության մեջ, ինչպես հղիությունն է, ոչինչ չի կորչում, դա պետք է իր արդյունքը տա: Քաղաքական գործիչը չի կարող խուսափել պատասխանատվությունից իր գործունեության համար և ոչ թե այնտեղ, հեռավոր աշխարհում, այլ այստեղ: Խոսք կա «կմախքներ պահարանում»: Միայն անհեռատես քաղաքական գործիչներն են կարծում, որ կարելի է թաքցնել այդ կմախքները: Ես հուսով եմ, որ ցավալի իիադարձությունը չի ազդի ոչ ընտրությունների արդյունքների, ոչ էլ քարոզարշավի վրա: Բայց մի բան փաստ է տոնն արդեն փչացված է:»
«ՀԺ»-ի մեկ այլ հարցի, թե ինչպես է պարոն դեսպանը` որպես մեր երկրում դիվանագիտական առաքելություն իրականացնող պաշտոնյա, գնահատում Հայաստանում նախընտրական իրավիճակն ու քարոզարշավի փուլը, դիվանագետը պատասխանել է.
-Ինձ թվում է, որ այս նախընտրական քարոզարշավը բնութագրվում է առաջին հերթին արդյունքների կանխատեսելիությամբ, երկրորդը շատ հանգիստ, կազմակերպված ընթացքով, չհաշված պարոն Հայրիկյանի դեմ մահափորձը, դեպք, որ կարծում եմ մեծ ազդեցություն չի ունենա քարոզարշավի վրա: Երրորդ էլեմենտը, որ կուզեի նշել` հանրության ոչ բարձր ակտիվությունն է: Հնարավոր է, որովհետև պաշտոնական քարոզարշավը շատ կարճ է տևում, մոտ մեկ ամիս, հնարավոր է, ձմեռային շրջան է, բայց փաստ է, որ ոչ միայն մայրաքաղաքում, այլեւ մարզերում, գյուղերում չեն զգում, որ քարոզարշավ է: Սա իրականություն է:
Հայկական ժամանակ
Այսօր կեսօրին կհրապարակվի ՀՀ նախագահի թեկնածու Պարույր Հայրիկյանի որոշումը` դիմելո՞ւ է նա Սահմանադրական դատարան, ընտրությունները 2 շաբաթով հետաձգելու համար, թե՞ ոչ: Այդ մասին երեկ լրագրողներին հայտնել է Հայրիկյանը:
Նա ասել է, թե այժմ իր թիմը հետազոտություն է անցկացնում, պարզելու` իր դեմ կատարված մահափորձն ազդե՞լ է գործընթացների վրա, թե՞ ոչ, և որ իր որոշումը կախված է այդ հետազոտության արդյունքներից: Արդեն երեկոյան, երբ «ՀԺ»-ի թղթակիցը հետաքրքրվել է, թե ինչպիսին են հետազոտության արդյունքները, և ինչ եզրակացության հանգեց Հայրիկյանը, վերջինս չի ցանկացել նշել: «Վաղը կասենք, հիմա ոչինչ չեմ կարող ասել»,-ասել է նախագահի թեկնածուն: Հանրապետական կուսակցության ներկայացուցիչները, սակայն, ինչպես նաև առանձին քաղաքական գործիչներ, երեկ թերթի թղթակցի հետ զրույցներում վստահություն են հայտնել, թե ընտրություններն, այդուամենայնիվ չեն հետաձգվի: ՀՀ նախագահի մեկ այլ թեկնածու` էպոսագետ Վարդան Սեդրակյանն էլ թերթի թղթակցին հայտնել է, որ եթե Հայրիկյանը չդիմի ՍԴ, ապա` ինքն է դիմելու:
Հայկական ժամանակ
Պարույր Հայրիկյանի մահափորձի աշխարհաքաղաքական վարկածն, այնուամենայնիվ, գոյության իրավունք ունի: Հիմա, երբ աշխարհաքաղաքական ուժային կենտրոնները, առավել քան երբևէ աշխարհաքաղաքական կողմնորոշման հարցը սուր են դնում Հայաստանի առաջ, 17 տարի Խորհրդային բանտերում ազգայնական գործունեության մեղադրանքով անցկացրած նախագահի թեկնածուի վրա կրակելը չի կարող մտածված գործողություն չլինել: Մտածողների թեկնածուներն էլ երկուսն են Ռուսաստանն ու Արևմուտքը:
Ռուսաստանի վարկածը — Եթե Հայրիկյանը սպանվում էր, Սահմանադրության ուժով ընտրություններն ավտոմատ չեղյալ էին հայտարարվում, նշանակվում էր նոր ընտրություններ, նոր թեկնածուներով, նոր քաղաքական իրադրությամբ: Իսկ ինչու պիտի սա անհրաժեշտ լիներ Ռուսաստանին: Գուցե Սերժ Սարգսյանը բավարար երաշխիքներ չի տվել ՌԴ-ին, որ Հայաստանը մտցնելու է Եվրասիական Միություն, և երբ Հայրիկյանի սպանությամբ Սարգսյանի անարգել վերընտրության ընթացիկ նախագիծը փլուզվում էր, ՀՀԿ-ի ղեկավարը ավելի մեծ զիջումների պատրաստ կլիներ: Ակնհայտ է, որ Եվրասիական Միությունը Ռուսաստանի ընթացիկ աշխարհքաղաքական գերակայությունն է, բայց այս ոլորտում ամեն ինչ այնքան հարթ չի ընթանում, որքան ցանկալի է Մոսկվայի համար: Խնդիրն այն չէ, որ Հայաստանը հզոր դիմադրություն է ցույց տալիս: Նման բան ասելու հիմքեր չկան: Բայց չկա մի փաստ, որ Սերժ Սարգսյանը նման երաշխիք տվել է:
Արևմուտքի վարկածը — Լրջորեն կարելի է դիտարկել, եթե Սերժ Սարգսյանն իրականում Ռուսաստանին երաշխիքներ է տվել Եվրասիական Միության կապակցությամբ: Արևմուտքը Հայրիկյանին սպանելու քայլին կգնար միայն այս պարագայում: Նման քայլն առնվազն հետաձգում էր ՌԴ-ին «վերջնականապես ծախված» Սերժ Սարգսյանի վերընտրությունը, և հնարավոր դարձնում Հայաստանում հակառուսական տրամադրությունների բորբոքումը: Այսինքն այս տարբերակում, Հայրիկյանը որպես թիրախ կարող էր ընտրվել հակառուսական տրամադրություններ բորբոքելու նկատառումով: Նաև Սերժ Սարգսյանին ետ պահելու համար Եվրասիական Միությանն անդամագրվելու ոգևորությունից: Կամ գուցե նախագահի նոր ընտրություններ անցկացնելու, այսինքն նոր թեկնածուներ բերելու խնդի՞ր էր դրված պրոռուսական վիճակը հակակշռելու համար: Նույնը, ի դեպ, կարող էր վերաբերվել նաև Ռուսաստանին, որը կարող էր նոր թեկնածուների կազմով նոր ընտրություններ անցկացնելու խնդիր ունենալ:
Ի վերջո, ինչ տեղի ունեցավ վերջին ամիսներին ներքաղաքական դաշտում, ոչ ոք, ըստ էության, գլխի չընկավ: Ոմանք արդեն սկսում են մտածել, որ Հայաստանում ընթանում է ոչ թե քաղաքական գործիչների, այլ օտարերկրյա գործակալների պայքար: Մի բան ակնհայտ է. ներքաղաքական խաղացողներից ոչ ոք չէր կարող նման մահափորձի գնալ զուտ ներքաղաքական հաշվարկներից ելնելով: Նույնիսկ, եթե սա ներքին խաղացողների ձեռքի գործ է, բանը չէր կարող իրագործվել առանց օտարերկրյա կոնսուլտացիաների:
Կենցաղային վարկածը, նույնիսկ քննարկել չարժե: Որովհետև ամենակենցաղային միջադեպը, որ բերում է կամ կարող է բերել քաղաքական ու աշխարհաքաղաքական հետևանքների, դադարում է կենցաղային լինել: Իսկ որ Հայրիկյանը, որպես թիրախ ընտրվել է ոչ թե իր ներկայի կամ ապագայի, այլ անցյալի համար, ակնհայտ է: Հայրիկյանը թիրախ չէր լինի, եթե չլիներ նախագահի թեկնածու, բայց նախագահի թեկնածուներից հենց նա է ընտրվել` անցյալի պատճառով:
Ի դեպ, անլուրջ են այն վարկածները, թե կրակողը սպանելու դիտավորություն չի ունեցել: Մարդու մարմնի վրա կրակողը չի կարող երաշխիք ունենալ, որ նա կենդանի կմնա: Այնպես, ինչպես չի կարող երաշխիք ունենալ, որ կմահանա: Նույնիսկ ամենապրոֆեսիոնալ քիլլերներն են վրիպում: Թալիբ ահաբեկիչները մահվան էին դատապարտել պակիստանցի 15-ամյա աղջնակին Մալալա Յուսաֆզայիին, և ահաբեկիչը ատրճանակը պահել էր երեխայի գլխին ու կրակել, բայց նա հրաշքով ողջ մնաց: Ինչպես քաղաքական գործիչների, այնպես էլ քիլլերների գործը անկանխատեսելի է:
Հայկական ժամանակ
Երեկ երեկոյան, ժամը 23.15-ի սահմաններում մահափորձ է տեղի ունեցել ՀՀ նախագահի թեկնածու Պարույր Հայրիկյանի դեմ: Դեպքը տեղի է ունեցել Երևան քաղաքի Տպագրիչների 9 շենքի բակում, որտեղ բնակվում է Հայրիկյանը:
Ըստ ամենայնի, դա եղել է հետևյալ կերպ. Հայրիկյանը ավտոմեքենան կայանել է շենքի բակում, իջել է մեքենայից կամ իջնելիս է եղել, ապա տեղի է ունեցել մահափորձը: Հարևանները լրագրողներին տեղեկացրել են, որ դեպքի մասին տեղեկացել են աղաղակներից, երբ Հայրիկյանն օգնություն կանչելիս է եղել: Սա, թերևս, նշանակում է, որ նա մենակ է եղել:
Ըստ նախնական տեղեկությունների, դեպքի վայրում հայտնաբերվել է մեկ պարկուճ և բանալիների տրցակ: Վերջինն, ըստ ամենայնի, վայր է ընկել Հայրիկյանի ձեռքից: Վրա հասած հարևանները շտապօգնություն են կանչել, որը Հայրիկյանին տեղափոխել է Նոր Նորքի «Սբ. Գրիգոր Լուսավորիչ» բժշկական կենտրոն: Ինչպես բժշկական կենտրոնը, այնպես էլ դեպքի վայրը, շուտով շրջափակվել է ոստիկանական ուժերի կողմից: Աժ նախագահ Հովիկ Աբրահամյանը, վարչապետ Տիգրան Սարգսյանը, այլ պաշտոնյաներ, ՀՀ նախագահի թեկնածու Հրանտ Բագրատյանը, նախագահի այլ թեկնածուներ, պատգամավորներ, քաղաքական գործիչներ, քաղաքացիներ այցելել են հիվանդանոց:
Բժիշկները վստահեցնում էին, որ Հայրիկյանի կյանքին վտանգ չի սպառնում, հավելելով՝ այս պահին: Ըստ նախնական տեղեկությունների՝ Հայրիկյանը վնասվածք է ստացել աջ ուսի շրջանում: Թոքը կամ կենսական նշանակության որևէ օրգան չի վնասվել: Առայժմ վիրահատության կարիք չկա: Հայրիկյանը Աժ նախագահ Հովիկ Աբրահամյանին հայտնել է, թե երկու կրակոց է հնչել իրականում, բայց ինքը կրակողին չի տեսել:
Հայկական ժամանակ
Քստմնելի այս հարձակումը ցնցող տպավորություն է թողել ՀՀ քաղաքացիների վրա: Երեկ արդեն հարցեր էին հնչում, թե ինչ ազդեցություն կունենա տեղի ունեցածը նախագահական ընտրությունների վրա: ՀՀ Սահմանադրության հոդված 52-ում ասվում է. «Հանրապետության Նախագահի թեկնածուներից մեկի համար անհաղթահարելի խոչընդոտներ առաջանալու դեպքում Հանրապետության Նախագահի ընտրությունը հետաձգվում է երկշաբաթյա ժամկետով: Անհաղթահարելի ճանաչված խոչընդոտները չվերանալու դեպքում, նշանակվում է նոր ընտրություն, իսկ քվեարկությունն անցկացվում է նշված երկշաբաթյա ժամկետը լրանալուց հետո՝ քառասուներորդ օրը: Մինչև քվեարկության օրը թեկնածուներից մեկի մահվան դեպքում նշանակվում է նոր ընտրություն, իսկ քվեարկությունն անցկացվում է նոր ընտրություն նշանակելուց հետո՝ քառասուներորդ օրը»:
Սա նշանակում է, որ նախագահական ընտրությունների հետագա ընթացքը կախված է Պարույր Հայրիկյանի առողջական վիճակից: Առաջին հարցը, որ ծագում է, հետևյալն է. ու՞մ է սա ձեռնտու: Այս թեմայով, սակայն, վաղաժամ հետևություններ անել, թերևս պետք չէ. հիմա բոլոր ուժերը պետք է ներդրվեն հանցագործությունը բացահայտելու համար: Հանցագործի կամ հանցագործների ինքնության բացահայտումն է, որ կտա բոլոր հարցերի պատասխանը:
Մինչ այդ արձանագրենք, որ Հայաստանին չի հաջողվում դուրս գալ այս արյունալի իրադարձությունների շղթայից: Այսօրինակ վերջին սպանությունը մեր երկրում տեղի է ունեցել 2009-ի փետրվարի 3-ին, երբ կրկին սեփական տան շքամուտքում սպանվեց ՀՀ ոստիկանության պետի տեղակալ Գևորգ Մհերյանը: Այս սպանությունը բացահայտված չէ: Բացահայտված չեն նաև Մարտի 1-ի սպանությունները: Սա նշանակում է, որ մեծ թվով մարդասպաններ շարունակում են լինել ազատության մեջ, ինչը նշանակում է, որ ամեն պահի կարելի է սպասել նոր սպանությունների: Մարդասպաններին պետք է կանգնեցնել: Սա Հայաստանի ազգային անվտանգության խնդիր է:
Հ.Գ. Հայրիկյանի վրա կրակողի անձը դեռևս հայտնի չէ: Գործով ձերբակալվածներ չկան: Հարուցվել է քրեական գործ՝ դիտավորյալ սպանության փորձի հատկանիշներով: Խոսք է գնում այն մասին, որ կրակողը եղել է սև շորերով, կրակոցներ արձակելուց հետո վազել է դեպի փողոց: Բակը, որտեղ տեղի է ունեցել դեպքը, գտնվում է Տպագրիչներ-Հանրապետություն փողոցների խաչմերուկում:
Հայկական ժամանակ
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.