23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...Լևոն Զուրաբյանը ջանք ու եռանդ չի խնայում, որպեսզի ՀԱԿ-ում իրականացնի իր առաջին «պերեվառոտը»` վերցնի Ժողովրդական հայրենիք կուսակցությունը Պետրոս Մակեյանի ձեռքից:
Պետրոս Մակեյանը վաղուց է հոգնեցրել Զուրաբյանին. մեկ չի ուզում, որ Զուրաբյանը ՀԱԿ-ը դարձնի կուսակցություն, խանգարում է Զուրաբյանին դառնալ կուսակցապետ, մեկ ցանկանում է հասկանալ և բացատրություն ստանալ, թե ինչու է Զուրաբյանը գաղտնի հանդիպում ունեցել Օսկանյանի հետ, որն էլ գաղտնալսվել է: Մեկ ուզում է իմանալ, ինչու է Զուրաբյանն այդպես արտահայտվել մարտի մեկի զոհերի մասին, և վերջապես` պահանջում է Զուրաբյանի հրաժարականը:
Իր հերթին էլ Զուրաբյանն է պահանջում է ԺՀ կուսակցության ղեկավար Պետրոս Մակեյանի հրաժարականը` նրա կուսակիցներ Պետրոս Գևորգյանի և Ղուկաս Մեհրաբյանի «ձեռքով»:
Ի դեպ, Պ. Գևորգյանն Աջափնյակի ՀԱԿ գրասենյակի ղեկավարն է, գրասենյակն էլ նրա սեփականությունն է: Ինչն էլ իր հերթին նշանակում է, որ ՀԱԿ գրասենյակների համար վճարող Լևոն Զուրաբյանն ուղիղ վճարում է Գևորգյանին: Հետևաբար լծակ ունի նրա վրա` ճնշում գործադրելու, ինչն էլ անում է:
Եվ այսօրվանից Պ. Գևորգյանն ու Ղ. Մեհրաբյանը պահանջում են Մակեյանի հրաժարականը` ԺՀ ղեկավարի պաշտոնից:
Ի՞նչ է մտածում այդ հայտարարության մասին Պետրոս Մակեյանը. «Եթե նրանք պատվիրատու չունեն, իսկ ես գիտեմ, որ հաստատ ունեն, թող գան ԺՀ քաղխորհրդում իրենց ասելիքն ասեն. բարոյականությունից պետք է խոսեն բարոյական մարդիկ: Ինչ վերաբերում է ԺՀ կուսակցության ղեկավարի պաշտոնից իմ հրաժարականին, ապա` «հավը երազում կորեկ է տեսնում». առաջիկայում տեղի կունենա ԺՀ քաղխորհրդի նիստ, ես շտապելու բան չունեմ, վաղը գնում եմ մարզ` երկու-երեք օր կմնամ, հետո կգամ-կորոշեմ. որոշում կայացնողը ես եմ»,- մեզ հետ զրույցում ասաց Պետրոս Մակեյանը:
Վահե Հովսեփյան
Լրագրող Կարմեն Դավթյանը ֆեյսբուքի իր էջում գրել է.
«Քարոզարշավի առաջին օրը` երկու բոնուս Սերժ Սարգսյանին` մարտի մեկի առնչությամբ Ազատություն ռ/կ-ում իր ցավը չթաքցնելու, համեմատաբար անկեղծանալու, բոլորի, այդ թվում և իր մեղքի բաժինն ընդունելու, երեք նախագաներին երբևէ մեկտեղ տեսնելու, բայց ամենից շատ` Ալբերտի, իր աշխատակցի, իր կլիպի երաժշտության կույր հեղինակի ձեռքից բռնած` սրտաբուխ բռած, «ամենատեսության» անկեղծ ցանկության համար:
Մեկ բոնուս` Րաֆֆին. իր տեսահոլովակի համար: Նուրբ էր, ճիշտ էր: Հայեցի էր: Լավն էր:
Մեկ բոնուս Հրանտ Բագրատյանին իր քարոզարշավը Արտաշատից` որպես ուրույն սիմվոլիկա սկսելու համար:
Եվ վերջին բոնուսը Անդրիասին` հանուն քաղաքականության էս ցրտին փողոցը կենդանի պահելու համար:
Ասեք` տուն գնա, քաղաքականությունը չարժե դրան»:
Պարզվում է՝ Սերժ Սարգսյանը կամ փոխել է ԼՂ հիմնախնդրի հարցում իր ավանդական տեսակետները, կամ էլ դրանք երկար ժամանակ ծածուկ է պահել և միայն հիմա է հրապարակում: Շաբաթ օրը «Ազատություն» ռ/կ-ին տված հարցազրույցում բավականին ուշագրավ հայտարարություն է արել. «Մենք ինչու՞ պետք է շահագրգռված լինենք, որպեսզի խնդիրը հետաձգվի: Ես բազմաթիվ անգամ հայտարարություններ եմ արել, որոնց համար նաև հաճախակի քննադատվել եմ, բայց այսօր էլ համարում եմ, որ օր առաջ Լեռնային Ղարաբաղի խնդրի լուծումը միայն ու միայն դրականորեն կարտահայտվի Հայաստանի զարգացման վրա: Բայց ինչպես ասում են՝ մի ձեռքը ծափ չի տալիս: Որպեսզի խնդիրը լուծվի, անհրաժեշտ է նաև Ադրբեջանի համաձայնությունը»:
Նշենք միայն, որ այն միտքը, որ ԼՂ հիմնախնդրի լուծումը դրական ազդեցություն կունենա Հայաստանի զարգացման համար, երկար ժամանակ ասում էր ՀՀ առաջին նախագահը: Ընդ որում, նա այդ միտքն ասում էր մշտապես: Մինչդեռ նույն Սերժ Սարգսյանն ու նրա թիմը հենց այդ մտքի համար էին անընդհատ հայտարարում, թե իբր Առաջին նախագահը ուզում է Ղարաբաղը ծախել: Հիմա փաստորեն Սերժ Սարգսյանը որոշել է, որ ԼՂ խնդրի լուծումը միայն ու միայն դրականորեն կարտահայտվի Հայաստանի զարգացման վրա: Ուրեմն ստացվում է ի՞նչ, կամ Սարգսյանի թիմը պետք է հայտարարի, որ իրենց շեֆն էլ է ցանկանում ծախել Ղարաբաղը, կամ էլ պետք է խոստովանի, որ այս ամբողջ ընթացքում իրենք ընդամենը զբաղված էին Առաջին նախագահի հասցեին զրպարտություն տարածելով և ներողություն խնդրեն, առավելևս, որ Սարգսյանին այս պարզ ճշմարտությունը հասկանալու համար փաստորեն մի 15 տարի էր պետք:
Չորրորդ ինքնիշխանություն
Մինչ այս պահը ՀԱԿ-ի` Հրանտ Բագրատյանին սատարող ուժերը դեռևս ձեռնպահ են մնում այդ մասին հայտարարելուց, չնայած «Հրապարակի» աղբյուրները պնդում են, որ թե «Ազատ դեմոկրատները», թե Կանաչների կուսակցությունը, ինչպես նաև ՀԺԿ-ն ու «Հանրապետությունը», այդ թվում և ՀՀՇ-ի մի մասը` Երջանիկ Աբգարյանի, Հովհաննես Իգիթյանի գլխավորությամբ, սատարելու են նրան: Ինչ վերաբերում է բուն ՀԱԿ-ի պահվածքին, ապա այնտեղ, ինչպես հայտարարել է Զուրաբյանը, քվեաթերթիկներն անվավեր դարձնելու իդեա-ֆիքսն է իշխում: Ինչպես տեղեկացնում են ՀԱԿ աղբյուրները, Բագրատյան-Զուրաբյան հարաբերությունները չեն փայլել դեռևս իրենց իշխանություն եղած ժամանակներում: Ի դեպ, ըստ թերթի աղբյուրների, երբ Բագրատյանն աշխատում էր Պեռնո-Ռիկարի կոնյակի գործարանում, որպես փոխնախագահ-տնօրեն, Լևոն Տեր-Պետրոսյանը դիմել է Բագրատյանին, որպեսզի վերջինս աշխատանք չունեցող Լևոն Զուրաբյանին ընդունի որպես մամլո քարտուղար: Բագրատյանը, սակայն, չի կատարել վերջինիս խնդրանքը: Զուրաբյանին օգնության է հասել ԱԳ նախկին նախարար Վահան Փափազյանը` առաջարկելով Սաբինա Ֆրեյզերին` Միջազգային ճգնաժամային խմբի տարածաշրջանային տնօրենին, որպես փորձագետ, Զուրաբյանին ընդունել աշխատանքի:
Հրապարակ
Լրագրող Կարմեն Դավթյանը ֆեյսբուքի իր էջում գրել է.
«Այս անչափ կաևոր, քարոզարշավային օրը եկա այն եզրահանգման, որ ԲՀԿ-ի և ՀԱԿ-ի դեպքում ևս և խիստ հստակորեն կիրառվեց անչափ նուրբ քաղտեխնոլորգիա, որն ունի հին պատմություն և մեկընդմիշտ անվանվել է ղեկավարելի քաոս:
Ու թե չգիտեք, ասեմ, որ Զբիգնևի ակունքները հայկական են, նրա նախնիները հայեր են եղել: Բժեժինսկու մասին է խոսքը:
Այնպես որ, այսքան ժամանակ ամերիկաներում կիրառվող տեխնոլագիան իր հայրենիքում շատ ավելի լավ էր աշխատելու, որպեսզի շատ երկար ժամանակ չհասկանայինք, որ ԲՀԿ-ն ու ՀԱԿ-ը իշխանական շախմատային «դոսկայի» բաղկացուցիչներն էին ընդամենը:
Պարզապես իրենք` այդ ֆիգուրները, ևս չէին գիտակցում, թե հանուն ում են խաղում: Նույնիսկ այնպիսի շախմատային ֆիգուր, ինչպիսին Տեր-Պետրոսյանն էր:
Հարցնում եք ինչո՞ւ: Շատ պարզ. այդ Ծառուկյանին և նրա հետևում կանգնած պրոքոչարյանական «պահնորդ» խմբին էր թվում, թե Ծառուկյանն ու իրենք չցանկացան խորհրդարանականից հետո մաս կազմել կոալիցիային: Այդ Ծառուկյանին ու Պահնորդին թվաց, թե Ծառուկյանը չցանկացավ դնել իր թեկնածությունը:
-Ոչ թե ինքը չցանկացավ, այլ` իրեն չցանկացան:
Որպեսզի դաշտը մաքրվի` հին խաղացողներից: Օլիգարխիկ արխայականութունից: «Արծիվների ու բազեների» էս մեծ խաղում լեշերի վրա գնացողներից:
Պրոյեկտ, որը բացառապես քչերին, եթե չասենք` միայն այն իրականացնողին էր հայտնի»:
Այսօր Ազատության հրապարակից մեկնարկել է ՀՀ նախագահի թեկնածու, «Ժառանգություն» կուսակցության առաջնորդ Րաֆֆի Հովհաննիսյանի նախընտրական քարոզարշավը, որի ընթացքում բաժանվել են նրա նախընտրական բուկլետները` երկու մասից բաղկացած՝ «Սերժի Հայաստանը» և «Մեր Հայաստանը»:
«Մենք իշխանության կգանք ոչ թե իշխելու, այլ ծառայելու համար: Արդեն մեկ տարի անց 50%-ով կբարձրացվի կենսաթոշակը, 50%-ով կավելացվի գիտության և բանակի ֆինանսավորումը, կբացվի 180 հազար նոր աշխատատեղ»,-իր ելույթում ասել է նախագահի թեկնածուն և հավելել, որ ժողովրդին իր սահմանադրական իրավունքը վերադարձնելու ժամանակն է, երբ պայքարի են դուրս գալիս Րաֆֆի և Սերժ Սարգսյանի Հայաստանները:
ՀՀ նախագահի 8 թեկնածուները Կենտրոնական ընտրական հանձնաժողով են ներկայացրել գույքի և եկամուտների հայտարարագրերը:
Այսպես, ՀՀ գործող նախագահ, նախագահի թեկնածու Սերժ Սարգսյանի դրամական միջոցներն ամենաշատն է՝ 108 մլն 400.000 ՀՀ դրամ։ Իսկ ամենից քիչը՝ ԼՂՀ նախկին արտգործնախարար, ՀՀ նախագահի թեկնածու Արման Մելիքյանը՝ 440 հազար դրամ։
Ստորև ներկայացնում ենք թեկնածուների ԿԸՀ ներկայացրած սեփական ունեցվածքի հայտարարագրերը։
ՀՀ գործող նախագահ Սերժ Սարգսյանն ունի մեկ անշարժ գույք, որը գտնվում է Ստեփանակերտում և զբաղեցնում է 96ք.մ:
Դրամական միջոցները կազմում են 108. 400.000. 00 ՀՀ դրամ, ավտոմոբիլային տրանսպորտի միջոցը՝ «Միցուբիշի Մոնտերո», ունի նաև 8 մլն դրամը գերազանցող թանկարժեք գույք: Նախագահի թեկնածուն ունի հնաոճ իրեր՝ 18-20-րդ դարի արձանիկներ, քանդակներ և այլն, կտավների հավաքածու՝ Խանջյան, Սարյան, Հակոբյան, Գյուրջյան, Բաշինջաղյան, Մինաս, Ե. Քոչար, Կոջոյան, Աբեղյան, 20-րդ դարի ժամանակակից նկարիչների թվով 32 կտավ:
Սերժ Սարգսյանն ունի եկամտի մի քանի աղբյուր` ՀՀ նախագահի աշխատակազմից նա ստանում է 3.898.800.00 դրամ աշխատավարձ, ՀՀ նախագահի աշխատակազմից աշխատավարձին հավասարեցված վճարումը կազմում է 2.596.017.00 դրամ, իսկ «Արարատ» բանկին տրված փոխառությունների դիմաց ստացված տոկոսը 10.925.535.60 ՀՀ դրամ է: Նախագահի թեկնածուն արժեթղթեր և այլ ներդրումներ, ըստ հայտարարագրի, չունի:
«Ժառանգություն» կուսակցության առաջնորդ, ՀՀ նախագահի թեկնածու Րաֆֆի Հովհաննիսյանի դրամական միջոցները կազմում են 402 հազար դրամ և 51 հազար դոլար։ Թեկնածուն ունի 2 առանձնատուն` Երևան քաղաքի Նորք թաղամասում և Երզնկյան փողոցում, ունի մեկ «Գազ 311000» մակնիշի ավտոմեքենա։
«Ազատություն» կուսակության առաջնորդ, ՀՀ նախագահի թեկնածու Հրանտ Բագրատյանի դրամական միջոցները կազմում են 65.000 դոլար։ Ունի 2 բնակարան` 85քմ Ավետիսյան և 120 քմ Սայաթ-Նովա փողոցներում, 613քմ տարածքով մեկ առանձնատուն Արաբկիրում և մեկ ավտոտնակ, ավտոմոբիլային տրանսպորտի մեկ միջոց՝ Նիսսան X-trail մակնիշի մեքենա:
Թեկնածուի եկամտի աղբյուրները, ըստ հայտարարագրի, մի քանիսն են. ԱԺ պատգամավոր Հրանտ Բագրատյանը խորհրդարանից տարեկան ստանում է 2.180.980 դրամ աշխատավարձ, Հայ-ռուսական համալսարանից ստանում է 1.073.900 դրամ աշխատավարձ, Ուկրաինայի Ազգային բանկի Բանկային գործի համալսարանից` 91.439 հրիվնա (մոտ 11254 ԱՄՆ դոլար): Նախագահի թեկնածուն Ֆրանսիայի Pernod-Ricard-ից ունի 0.0003% բաժնետոմս՝ 9.400 եվրո շահաբաժնով, ինչպես նաև` 7.342.000 դրամ` Ասմուս Ռոտնե վարձակալական վճար: Թանկարժեք գույք, որը գերազանցում 8 մլն դրամը, Հրանտ Բագրատյանը չունի։
Էպոսագետ, ՀՀ նախագահի թկնածու Վարդան Սեդրակյանի դրամական միջոցները կազմում են 9 մլն 900 հազար դրամ։ Կոտայքի մարզի Եղվարդ քաղաքում ունի 3 հողամաս` 0,141 հա, 0,16 հա և 0,1600 հա մակերեսներով: Եվս մեկ հողամաս՝ 0,255 հա, ունի Կոտայքի մարզի Քարաշամբ համայնքում, նաև անասնագոմ ունի:
Երևան քաղաքի Քանաքեռ-Զեյթուն համայնքում թեկնածուն ունի մեկ առանձնատուն, որը զբաղեցնում է 252,4 քմ մակերես տարածք և Արաբկիր համայնքում 132 քմ մակերեսով մեկ բնակարան: Ունի «Միցուբիշի Outlander 3.0» մակնիշի ավտոմեքենա: Թեկնածուն թանկարժեք գույք չունի և նշված չեն նաև նրա եկամուտները:
ԱԻՄ առաջնորդ, նախագահի թեկնածու Պարույր Հայրիկյանը հայտարարագիրը ներկայացնելու պահի դրությամբ ունի 20 հազար 198 դոլար և 120 հազար դրամ։ Երևան քաղաքի Դավիթաշեն թաղամասում մեկ բնակարան, Կոտայքի մարզի Գողթ գյուղում թեկնածուն ունի կիսակառույց շինություն և հողամաս, Գեղարքունիքի մարզի Փամբակ գյուղում շինության և հողամասի համասեփականատեր է:
Պարույր Հայրիկյանի շարժական գույքը 2003 թ.-ի արտադրության «Ջիպ Լարեդո» մակնիշի ավտոմեքենան է: Որպես եկամտի աղբյուր թեկնածուն նշել է, որ 50 հազար դոլարը, գոյանում է ԱՄՆ տարբեր բանկերից ստացած փոխառություններից: Հայրիկյանը նաև 360 հազար դրամ կենսաթոշակ է ստանում, ինչպես նաև MGM ընկերության 0,0001%-ով բաժնետոմս ունի:
«Ռադիո Հայ» ՍՊԸ հիմնադիրների ժողովի նախագահ, նախագահի թեկնածու Անդրիաս Ղուկասյանը ԿԸՀ ներկայացված հայտարարագրի պահին ունի 2 միլիոն 500 հազար դրամ, Երևան քաղաքի Բաղրամյան պողոտայում բնակարան, Կոտայքի մարզի Զովունի գյուղում սեփական տան, հողամասի և վարելահողի համասեփականատեր է:
Որպես շարժական գույք` նշված է 2007 թ.-ի արտադրության «Տոյոտա Պրադո» մակնիշի մեկ ավտոմեքենա: Նրա որպես եկամտի աղբյուր՝ «Ռադիո Հայ» ՍՊԸ-ից ունի 9 մլն դրամի եկամուտ և 4 մլն դրամ եկամուտ՝ «Ա-3 Ճարտարապետներ» ՍՊԸ-ից: Անդրիաս Ղուկասյանը 45 տոկոս փայաբաժին ունի «Ֆլամինգո-Արտ Լողափ» ՍՊԸ-ում:
«Ազգային համաձայնություն» կուսակցության նախագահ, ՀՀ նախագահի թեկնածու Արամ Հարությունյանը 1,6 մլն դրամ և 500 ԱՄՆ դոլար ունի, անշարժ գույք Երևան քաղաքի Ծարավ Աղբյուրի և Լվովյան փողոցներում: Որպես շարժական գույք` 2003 թ.-ի արտադրության «ԳԱԶ 3110-101» մակնիշի մեկ ավտոմեքենա: Նախագահի թեկնածուի եկամտի աղբյուր են հանդիսանում խնայողություններն ու բանկային փոխառությունները:
ԼՂՀ նախկին արտգործնախարար, ՀՀ նախագահի թեկնածու Արման Մելիքյանն ունի 440 հազար դրամ։ Արման Մելիքյանը չունի անշարժ, շարժական և թանկարժեք գույք: Թեկնածուն չունի նաև ոչ մի տեսակի եկամուտ, արժեթուղթ կամ այլ ներդրում: Արման Մելիքյանը հաշվառված է Երևան քաղաքի Հալաբյան 35 փողոցի բնակարաններից մեկում, սակայն բնակվում է Երևանի Բրյուսովի 23 հասցեով:
Իշխանությունը փորձում է վերջնական տեսքի բերել առաջիկա նախագահական ընտրությունների անցկացման սցենարը: Ահազանգեր են ստացվում, որ պետական հիմնարկների աշխատակիցներին հանձնարարել են, որպեսզի փետրվարի 18-ին յուրաքանչյուրն իր հետ ընտրության բերի հնարավորինս շատ մարդ, բայց չեն ասում, թե ում է անհրաժեշտ ընտրել: Պահանջը մեկն է` պարզապես, մարդ բերել ընտրության: Ու հիմա իշխանության վերին էշելոններում նստած, հաշվում են, թե չինովնիկների հաշվին որքան մարդու ներկայություն է հնարավոր ապահովել տեղամասերում: «ՀԺ»-ի աղբյուրները հայտնում են, որ յուրաքանչյուր հիմնարկում ցուցակ է կազմվում, թե ով քանի մարդ է պարտավորվում ընտրատեղամաս տանել: Փաստորեն, ռեժիմը փորձելու է ԵԽԽՎ նախընտրական պատվիրակության նախօրեին մատնանշած անտարբերության և անվստահության մթնոլորտի տպավորությունը ցրել վարչական ռեսուրսի միջոցով, և ընտրատեղամասերում մարդկանց քանակություն ապահովել: Սակայն, եթե ընթացող հաշվարկների արդյունքում պարզվի, որ հնարավոր չէ փետրվարի 18-ին անհրաժեշտ ընտրությունների մասնակցություն ապահովել, իշխանությունը ստիպված է լինելու կրկին ապավինել փողին: Իսկ փողի մասով Սերժ Սարգսյանի նախընտրական շտաբներում բավական տխուր վիճակ է: Ըստ տեղեկությունների, շտաբների պետերին օրերս է միայն որոշակի գումար տրվել, այն էլ, այնքան քիչ, որ վերջիններիս ցասումն է առաջացրել: Թերթի հետ ունեցած զրույցներում մի քանի շտաբների պետեր հայտնեցին, որ 150- 200 հազար դրամ են ստացել, որն ընդամենը սուրճի գումար է: ՀՀԿ խոսնակ Էդուարդ Շարմազանովից թերթը մեկնաբանություն է խնդրել պետական հիմնարկների աշխատակիցների վրա դրված վերոնշյալ պարտականության վերաբերյալ, նաև հարցրել` արդյո՞ք հանրապետականում փողի խնդիր կա, ինչո՞ւ է այդքան ժուժկալ դարձել իրենց կուսակցությունը և շտաբներին քիչ գումար է հատկացրել, նա պատասխանել է. «Առաջինը, որևէ պետական հիմնարկում որեւէ հրահանգ չի իջեցվել: Իսկ ինչ վերաբերվում է գումարներին, ասեմ, որ քարոզարշավի ընթացքում կծախսվի այնքան գումար, որքան նախատեսված է օրենքով: Ամեն ինչ անելու ենք, որ այս ընտրությունները լինեն ամենադեմոկրատականն ու թափանցիկը մեր նորագույն պատմության մեջ»:
Հայկական ժամանակ
Նոր մանրամասներ են ի հայտ գալիս Պետրոս Մակեյան-Լևոն Զուրաբյան վեճի մասին, պարզվում է` այն սկսվել է Վարդան Օսկանյան-Լևոն Զուրաբյան գաղտնալսմանը հաջորդող ՀԱԿ նիստում: Այդ օրը Մակեյանը Զուրաբյանից պահանջել է բացատրություն տալ գաղտնալսման համար, ինչպես նաև, թե ինչ է նշանակում մարտի 1-ի զոհերի նկատմամբ նման վերաբերմունքը: Ի պատասխան, Լևոն Զուրաբյանն ասել է, որ չի ցանկանում մեկնաբանել, որովհետև հայտնի է անվտանգության մարմինների ոճը, երբ մտքերը կոնտեքստից հանվում և ցանկալի ձևով են ներկայացվում: Բացատրությունը չի բավարարել Մակեյանին, և հենց այդ նիստում նա պահանջել է Զուրաբյանի հրաժարականը: Արդյունքում, ինչպես տեղեկացնում են թերթի աղբյուրները, Լևոն Զուրաբյանը որոշել է խաղի մեջ ներքաշել ՀԱԿ Աջափնյակի ղեկավար Պետրոս Գևորգյանին, որը ԺՀԿ քաղխորհրդի անդամ է և փորձում է թավշյա «պերեվարոտ» անել: Այստեղ մի նյուանս էլ կա` այդ գրասենյակի ծախսերը հոգում է ՀԱԿ-ը, այսինքն` Զուրաբյանը:
Հրապարակ
Երեւանում Վրաստանի վարչապետի կատարած հայտարարություններից որոշ բաժիններ անհրաժեշտ է լուսաբանել եւ կատարել քաղաքական խորհրդածություններ: Բնականաբար այցը պետք է դիտարկել ներվրացական փոփոխությունների, դրանց իբրեւ արդյունք ռուս-վրացական մերձեցման միտումների ընդհանուր պարունակում:
Իր հայ գործընկերոջ հետ տեղի ունեցած մամուլի համատեղ ասուլիսի ընթացքում հետեւալ «միջադեպ»ը գրավում է առաջին ուշադրությունը.-
Երբ վրացի լրագրողը հարց տվեց վերջին օրերին աղմուկ բարձրացրած այն տեղեկատվության վերաբերյալ, թե Վրաստանի արտգործնախարար Մայա Փանջիկիձեն Լիտվայի խորհրդարանում հայտարարել է, թե «ղարաբաղյան հակամարտությունը պետք է լուծվի միայն Ադրբեջանի տարածքային ամբողջականության շրջանակներում», Իվանիշվիլին վրդովված դիմեց նրան. «Ինչու՞ հիմա այստեղ կրկին այդ հարցն էք արծարծում. մի քանի անգամ արդեն հարցը շահարկվել է, տիկին Մայա Փանջիկիձեի պաշտոնական պատասխանից հետո հարցը փակված է: Գիտեք, որ այդ հարցը աղավաղված է»:
Սպասելի չէր անշուշտ, որ վրացի վարչապետը հայտարարություն կատարեր Արցախի ինքնորոշման իրավունքի սկզբունքի գերակայության մասին: Այսուհանդերձ, իր վրդովմունքը եւ մանավանդ այս առիթով կատարած հայտարարությունը ենթադրում է առնվազն, որ պաշտոնական Թբիլիսին նաեւ չի գերադասում Ադրբեջանի տարածքային ամբողջականության սկզբունքը. ավելին` առանց հասցեագրման ամբաստանում է այն կողմը, որ աղավաղել է Վրաստանի արտաքին գերատեսչության ղեկավարի հայտարարությունը: Թվում է, որ այս մեկը ուշագրավ հստակեցում է, որ Վրաստանի վարչապետը կատարում է Երեւանում:
Արցախա-ադրբեջանական հակամարտության թեմայից անցնենք այս անգամ հայ-ռուս-վրացական հարաբերությունների գծին, կենտրոնանալու համար Աբխազիայի, Վրաստանի եւ Հայաստանի երկաթուղային հաղորդակցության վերականգնման հնարավորությանը վերաբերող քննարկումների վրա: Վարչապետ Իվանիշվիլին ի պատասխան այս հարցին հայտարարել է, որ հնարավոր է, եւ վրացական կողմը բազմիցս պատրաստակամություն է հայտնել. այդ առումով Վրաստանի եւ Հայաստանի միջեւ որեւէ տարաձայնություն չկա: Շարունակելով, որ մեծ մասամբ երկաթուղային հաղորդակցության վերականգնման հնարավորությունը կախյալ է Ռուսաստանի դիրքորոշումից: Նա նաեւ նշել է, որ Վրաստանն այդ ուղղությամբ կգործադրի բոլոր ջանքերը:
Հայտնապես, Հայաստանի Հանրապետության համար տնտեսական նոր հեռանկարներ բացող այս ուղու հարթումը բանակցությունների առարկա է: Թբիլիսին, ըստ այս հայտարարության իր համաձայնությունը տվել է եւ ակնկալում է, որ Մոսկվան վերջնականացնի ծրագիրը: Իսկ նման ուղու հարթումը խորքում Երեւանի համար կարժեզրկի Թուրքիայի հետ սահմանի գինը:
Աճապարելու պետք չկա սակայն, գերխանդավառություն տարածելու համար: Պատահական չէ, որ վարչապետ Իվանիշվիլին գնդակը հեզասահորեն նետել է ռուսական դաշտ: Ներվրացական հակասության դրսեւորումը չուշացավ: Նախագահ Սահակաշվիլին իր վարչապետի երեւանյան հայտարարությունը որակեց հակապետական, այն առումով, որ Աբխազիայի երկաթգծի վերագործարկումը պայմանավորված է Աբխազիայի «ապաբռնագրավումով»: Խառն ուղերձի բաժին կար անշուշտ վրացի վարչապետի հայտարարության երկաթագծին վերաբերող բաժնի մեջ:
Ռուսական շահագրգռվածությունն այս հարցում երեւում է անուղղակի: Գյումրիի ռուսական 102-րդ ռազմակայանի ամրապնդման վերաբերող տեղեկատվությունները հուշում են, որ երկաթգծի վերագործարկումը օգտակար է Գյումրին Ռուսաստանին կապելու ուղղությամբ:
Այս նախադրյալները հուշում են, որ Հայաստան-Վրաստան-Աբխազիա-Ռուսաստան երկաթգծի վերագործարկումը քննարկման առարկա է: Այս ճանապարհը ռազմավարական նկատառելի նշանակություն կունենա կիսաշրջափակված Հայաստանի Հանրապետության համար:
Հանկարծակի շրջադարձեր պետք չէ ապահովել` հուշում է քաղաքական իրատեսությունը: Միաժամանակ սակայն թելադրում է նկատի ունենալ վրացական իշխանափոխությունը, ռուսների հետ Թբիլիսիի կողմից փոխանցվող մերձեցման նշանները, Երեւանի մեջ կատարված հայտարարությունները եւ մանավանդ երկաթգծի վերագործարկման բանակցությունները:
Շահան Գանտահարյան
«Ազդակ»-ի գլխավոր խմբագիր
-
-
23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» -
23.04.2024 | 11:42
Ադրբեջանում պահանջել են նաև չորս «անկլավային գյուղերը» -
23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.