23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...Արդեն սովորել ենք, որ ՀՀ-ում ԱՄՆ-ի դեսպանը պարբերաբար հանդես է գալիս մեր երկրի արտաքին կամ ներքին քաղաքականությանն առնչվող հարցերի վերաբերյալ դիտարկումներով:
Հաճախ դիվանագետի հնչեցրած գնահատականները դիպուկ են լինում, դրանցում շոշափվում են այն մարտահրավերներն, որոնք խոչընդոտում են Հայաստանի զարգացմանը:
Երբեմն էլ տպավորություն է ստեղծվում, որ Ջոն Հեֆերնը Հայաստանի ապագայով ավելի շատ է մտահոգ, քան` ապահով Հայաստանում առոք-փառոք ապրող մեր ղեկավարները:
Ոմանք էլ ասում են, թե մերոնք դեսպանի հետ պայմանավորվել են. ինչ-որ թեմաների մասին առաջինը հենց այս դիվանագետն է խոսում, հետո` այդ թեման հայտնվում է իշխանությունների քաղաքականության օրակարգում` որպես միջազգային գործընկերների կարծիք կամ խորհուրդ:
Եթե ընդունենք, որ ՀՀ-ում ԱՄՆ-ի դեսպանի կարծիքն, որոշ իմաստով, ուղեցույցային է մեր իշխանությունների համար, առաջիկայում անհանգստանալու առիթներ է ունենալու ԱԺ օլիգարխ պատգամավոր Սամվել Ալեքսանյանը:
Երեկ «Կոկա-Կոլա Հելլենիկ Բոթլինգ Քամփնի Արմենիա» ընկերությունում
Հեֆերնն ընդգծել է, որ Հայաստանի տնտեսության համար կարևոր են հարկային ու մաքսային ոլորտների թափանցիկությունը և ողջ տնտեսության մեջ ազատ մրցակցության կանոնների պահպանումը: Անդրադառնալով «Կոկա-Կոլա» ընկերությանը` դեսպանն ասել է, թե, օրինակ, այդ ընկերության համար կարևոր է, որ մրցակցություն լինի շաքարի ներկրման ոլորտում, որպեսզի ընկերությունը կարողանա ընտրություն կատարել ներկրողների միջև, ավելի էժան ձեռք բերել հումքը ու հետևաբար ավելի էժան առաջարկել իր ապրանքը սպառողներին:
Շաքարի ներկրման մենաշնորհն, ինչպես հայտնի է, պատկանում է հենց Ալեքսանյանին:
Շատերը հիմա կպնդեն, որ նա վայելում է իշխանության բարձր օղակների հովանավորությունը, կբերեն Փակ շուկայի օրինակը, մի խոսքով` կհիմնավորեն, որ Ալեքսանյանն այս իշխանությունների աչքի լույսն է:
Չեմ վիճում` դա այդպես է:
Մյուս կողմից` վիճակը ստիպելու է, որ տնտեսական անելանելի վիճակում հայտնված մեր երկրի իշխանությունները բարդ ընտրություն կատարեն` ամենակարող օլիգարխիային սատարելու և օտարերկրյա ներդրումներ ունենալու հեռանկարի միջև:
Անշուշտ, օլիգարխիան այս իշխանության հենարանն է, թերևս` միակ կայուն հենարանը, սակայն այդ համակարգի ամրապնդումը բերում է կոռուպցիայի խորացմանը, մենաշնորհային երևույթների արմատավորմանը, սոցիալական բևեռացմանը, ինչը կարող է հանգեցնել անկանխատեսելի հետևանքների, օրինակ` սոցիալական բունտի, որի փլատակների տակ կմնա նույն իշխանությունը:
Թերևս, այդ վտանգը հասկանալով` իշխանությունը փորձում է կարգի բերել օլիգարխներին կամ` առայժմ ձևավորում է քարոզչական այն միջավայրը, որը հնարավոր կդարձնի հենց օլիգարխներին դարձնել թիրախ` տնտեսական ձախողումների, սոցիալական լարվածության համար:
Բնավ պատահական չէ, որ այս օրերին ոչ միայն ԱՄՆ դեսպանն է հիշում Ալեքսանյանին, այլ նաև` քաղաքացիական մի շարք նախաձեռնություններ, որոնք արդարցիորեն ընդվզում են Փակ շուկայում կատարվող այլանդակությունների դեմ:
Պարբերաբար էլ մամուլում լուրեր են հայտնվում, որ Ալեքսանյանը շուտով վաճառելու է «Երևան Սիթի» խանութների ցանցը:
Հայաստանի իշխանության մանևրելու հնարավորությունները խիստ սահմանափակ են, մանավանդ` գազի գների թանկացմանը հաջորդող սոցիալական լարվածության ֆոնին:
Հետևաբար` կարելի է ենթադրել, որ եկել է շախմատի տախտակի վրա գործող որոշ ֆիգուրներին զոհաբերելու ժամանակը` քաղաքական և տնտեսական նրանց ազդեցիկությունը չեզոքացնելու կամ սահմանափակելու իմաստով:
Սուրեն Սուրենյանց
Սովորաբար ՀԱԿ գրասենյակը չի սիրում հաղոդագրություններ տարածել առաջին նախագահի հանդիպումների, գրասենյանկ կատարած նրա հատուկենտ այցերի մասին:
Երեկ ՀԱԿ-ը շտապեց տեղեկացնել, որ Լևոն Տեր-Պետրոսյանի նախագահությամբ տեղի է ունեցել նորաստեղծ կուսակցության վարչության նիստ, ավելին` տարածվեց նիստի մասին պատմող տեսանյութ:
Ինչո՞ւ հենց երեկ տեղի ունեցավ ՀԱԿ վարչության նիստը և ինչո՞ւ դրա մասին տեղեկատվության արագ արտահոսք կազմակերպվեց:
Իմ տպավորությամբ` առաջին նախագահը մտահոգված է, որ իր կուսակցության առանց այն էլ խարխլված դիրքերը կրկին կարող են հարվածներ ընդունել:
Պետք է խոստովանել, որ Լևոն Տեր-Պետրոսյանն իսկապես անհանգստանալու հիմքեր ունի և երեկվա հրապարակային քայլով` փորձում է կանխել հնարավոր մարտահրավերները:
Առաջին նախագահի թիմն ամենամեծ հարվածը ստացավ ԲՀԿ առաջնորդ Գագիկ Ծառուկյանից, որն օրեր առաջ հայտարարեց, թե իր կուսակցությունն ընդդիմադիր չէ:
Տեր-Պետրոսյանի քաղաքագիտական հայտնի վերլուծությունը, որը կառուցված է ՀՀԿ-ԲՀԿ հակասությունների վրա ու դարձել է ՀԱԿ մարտավարության հիմքը, խոցելի և ոչ արժանահավատ դարձավ, արդեն` հասարակության ավելի լայն շերտերի համար:
Ըստ այդմ` ՀԱԿ-ից հեռացած մարդկանց այն պնդումները, թե Տեր-Պետրոսյանի հայտնի վերլուծությունը դարձավ Կոնգրեսի ֆիասկոյի պատճառը` ճշմարտանման են թվում:
Եթե սրան գումարենք այն հանգամանքը, որ առաջին նախագահի քաղաքականությունից դժգոհ նրա երբեմնի համախոհները փորձում են վերակենդանացնել ՀՀՇ-ն` դժվար չէ կանխատեսել, որ ՀԱԿ-ից մարդկային արտահոսք է սպասվում:
Ահա, սա է, որ մտահոգում է Տեր-Պետրոսյանին, ինչպես նաև` Երևանի ավագանու ընտրություններում հարազատ կուսակցության ծանր պարտությունը:
Տեր-Պետրոսյանը փորձում է հրապարակային ակտիվությամբ կանխել ՀԱԿ-ի նոր տրոհումը, թիմին և համակիրներին ներշնչել, որ նախկինի պես տիրապետում է իրավիճակին:
Չնայած` պետք է խոստովանել, որ Տեր-Պետրոսյանն այսօր չունի նախկին խարիզման և նրա որևէ հրապարակային դրսևորում` վաղուց կորցրել է հայտնության էֆեկտը:
Երևի թե` արժեր խոստովանել, որ ՀԱԿ-ն անցած երկու տարում սխալ մարտավարություն է ընտրել: Գուցե այսկերպ հնարավոր լիներ գոնե մասամբ վերականգնել կուսակցության հեղինակությունը:
Բայց Տեր-Պետրոսյանը համառորեն հավատարիմ է մնում իր քաղաքագիտական վերլուծությանը:
Մնում է ենթադրել, որ նրան կաշկանդում են ստվերում գտնվող գործոններ, որոնց բացահայտումն ավելին կարժենա ՀԱԿ-ի համար, քան` այսօրվա ամոթալի մարտավարությունը:
Սուրեն Սուրենյանց
Երկար ժամանակ մերձ ՀՀՇ-ական միջավայրում քննարկվում էր Լևոն Տեր-Պետրոսյանի` նախագահական ընտրություններին չմասնակցելու ժամանակ հնչեցրած այն խոսքը, որ, բացի տարիքից, կա չառաջադրվելու ևս մեկ պատճառ, որի մասին ասել էր` «չեմ խոսի»: Ըստ որոշ տեղեկությունների` պատճառը եղել է ֆինանսական: Եղել են նախնական բանակցություններ, պայմանավորվածություններ, մասնավորապես` որ Տեր-Պետրոսյանի առաջադրվելու դեպքում նախընտրական կամպանիան կֆինանսավորի Գագիկ Ծառուկյանը, սակայն վերջինս հետագայում հրաժարվել է: Թե ինչու` մեր աղբյուրները չասացին, սակայն կարծիք հայտնեցին, որ նախորդ օրվա ընդդիմադիր չլինելու իր հայտարարությամբ Գագիկ Ծառուկյանը 2-րդ անգամ ջարդեց Տեր-Պետրոսյանի ծրագիրը:
Հրապարակ
ԲՀԿ-ն ընդդիմություն չէ ու ընդդիմադիր լինել չի կարող:
Այս նախադասությունը Գագիկ Ծառուկյանը հնչեցրել է պարզ հայերենով՝ առանց երկիմաստության:
Այս ֆոնին առնվազն տարակուսելի է, որ Ծառուկյանի կուսակցական ընկերները, նրա խոսնակը, «բուրժուադեմաոկրատական հեղափոխության» գծով նրա դաշնակիցները մեզ բոլորիս ասում են, թե ԲՀԿ նախագահին սխալ ենք հասկացել:
Գագիկ Ծատուկյանի խոսնակը անգամ հայտարարեց, թե իր առաջնորդի խոսքերը համատեքստից կտրվել են ու առաջիկա օրերին ԲՀԿ-ի նախագահի կողմից կտրվի նոր պազաբանում:
Անկեղծ ասած՝ ես չեմ կարողանում հասկանալ, թե Ծառուկյանն ինչ է պարզաբանելու, հերքելո՞ւ է, թե՞ սրբագրելու է իր ասածը:
Ակնհայտ է, որ ԲՀԿ նախագահի ցանկացած պարզաբանում աշխատելու է իր դեմ:
Եթե նա հաստատի իր ասածը, ապա տարակուսելի կդառնա բուն պարզաբանման իմաստը: Եթե հերքի, հերքելու է ոչ թե ինչ-որ բան խեղաթյուրած լրագրողներևին, այլ՝ ինքն իրեն: Այսինքն, կստացվի, որ մեծությամբ խորհրդարանական երկրորդ խմբակցության ղեկավարը կայուն դիրքորոշումներ չունի և պահի ազդեցությամբ՝ կարող է վերանայել դրանք:
Չնայած՝ նման մի դեպք ԲՀԿ-ի պրակտիկայում պատահել է:
Նախագահական ընտրություններին ընդառաջ, երբ Ծառուկյանը կուսակցական ընկերների ուղեկցությամբ, Եվրոպայում էր, նույն հանդիպման մասին կուսակցության մամուլի ծառայությունն երկու հաղոդրագրություն տարածեց:
Առաջինը՝ խիստ ընդդիմադիր էր ու բովանդակությունը հանգում էր նրան, որ Գագիկ Ծառուկյանը պատրաստվում է առաջադրվել նախագահական ընտրություններում և պայքարել կոռումպացված իշխանությունների դեմ:
Երկրորդ հաղորդագրության մեջ բացակայում էին ընդդիմադիր շեշտադրումները, խոսք անգամ չկար Ծառուկյանի քաղաքական հավակնությունների մասին:
Տպավորությունն՝ և այն ժամանակ, և հիմա, այնպիսինն է, որ ԲՀԿ-ի քաղաքական վարքագիծն որոշվում է ԲՀԿ-ից դուրս՝ այլ վայրում, որտեղ սովոր են պարբերաբար դիրքորոշումներ փոխել:
Քաղաքականության արժեզրկումը սկսվում է այն ժամանակ, երբ քաղաքական ուժերը հստակ ասելիք չեն ունենում ու նրանց խոսքը դադարում է լուրջ ընկալվելուց:
Սուրեն Սուրենյանց
Այս օրերին ՀՀԿ Երևանի տարածքային կառույցների անդամները հերթով հավաքվում են տարբեր ռեստորաններում` հիմնականում «Փարվանա»-ում նշելու ավագանու ընտրություններում ՀՀԿ հաղթանակը: Ավելին, ինչպես փոխանցում են «Ժողովուրդ»-ի աղբյուրները, բացի ճոխ հյուրասիրությունից, ՀՀԿ-ականները նաև խրախուսանքի են արժանանում: Պարզվում է` ընտրատեղամասերում ամենաբարձր ցուցանիշներ գրանցած հանրապետականները արժանացել են ընդհուպ մինչև 20-25 հազար ԱՄՆ դոլար պարգևի: Այս առիթով մեկնաբանությունների համար «Ժողովուրդ»-ը դիմել է Աժ ՀՀԿ խմբակցության քարտուղար Հովհաննես Սահակյանին, որը, սակայն, հերքել է այդ լուրերը. «Սխալ ինֆորմացիա է: Ես չեմ տիրապետում նման լուրերի»: Բայց իրականում պարգևներ ստացողներ կան:
Ժողովուրդ
ԱՄՆ նախագահ Բարաք Օբաման հայտարարել է, որ աշխատանքից ազատվել է ԱՄՆ հարկային ծառայության ղեկավարի պաշտոնակատար Սթիվեն Միլերը: Իսկ գիտե՞ր, թե ինչու է այդ մարդը զրկվել պաշտոնից: Նրա կազմակերպությունը «ոչ իրավաչափ» ստուգումներ է անցկացրել կազմակերպություններում, որոնք կապված են այս պահին ընդդիմադիր Հանրապետական կուսակցության հետ: [Խոսքը, բնականաբար, ԱՄՆ-ի Հանրապետականի մասին է, որովհետև Հայաստանի Հանրապետականը, ըստ Գալուստ Սահակյանի, երբեք ընդդիմադիր չի լինի]: Չորեքշաբթի Օբաման իր ելույթում նշեց` դատապարտելի վարքը, որը ի հայտ բերեց հարկային ծառայության գլխավոր տեսուչի զեկույցը, աններելի է: «Ես չեմ հանդուրժի նման վարք ոչ մի գերատեսչությունում, հատկապես հարկային ծառայությունում»: Մի խոսքով` ԱՄՆ նախագահը ջղայնացավ և, ինչպես ասում են, ձեռքը խփեց սեղանին: Այդտեղ հետաքրքիր առնվազն երկու հանգամանք կա: Նախ` որ ԱՄՆ-ում կա հարկային ծառայության գլխավոր տեսուչ, որը վերահսկում է այդ մարմնի գործունեությունը և հայտնաբերում է չարաշահումները: Պատկերացնո՞ւմ եք` Հայաստանում նման պաշտոն սահմանվեր, նրա տերը կլիներ մեր երկրի ամենակոռումպացվւսծ պաշտոնյաներից մեկը: Իսկ երկրորդը, իհարկե, այն է, որ «նալոգովիի շեֆը» պատժվել է ընդդիմադիր կառույցներում ոչ իրավաչափ ստուգումներ անցկացնելու համար: Հայաստանում ավելի շուտ հակառակը հնարավոր կլիներ` որ հարկայինը կպատժվեր, եթե ոչ իրավաչափ ստուգումներ չանցկացներ որևէ հացի փռում կամ երշիկի արտադրամասում, որի տերը կասկածվում է ընդդիմության հետ կապ ունենալու մեջ: Եվ ավելի խիստ կպատժվեր, եթե հանկարծ այդ կասկածելի մարդու «օբյեկտում» իրավաչափ ստուգում անցկացվեր:Երկու համակարգերի տարբերությունը դա է. մեկում խրախուսվում է ազատ կամարտահայտությունը ընդհանրապես և ազատ ձեռներեցությունը մասնավորապես, և պատժվում են բոլոր նրանք, ովքեր խոչընդոտում են դրան: Երկրորդում հակառակը` ձեռներեցությռւնը ձգտում են մտցնել իշխանության տիրապետության տակ: Դա երեւում է հատկապես ընտրությունների ժամանակ, իշխանության «շտաբիստները» մոտենում են ցանկացած մանր և միջին գործարարի ու ասում` կբերես մեզ այսքան ձայն, թե չէ` վատ կլինի: «Վատը» այն է, որ կգան տարբեր պետական մարմիններ, այդ թվում` հարկայինը, և այնպես կանեն, որ քո բիզնեսը կփակվի: Դա, հանրապետականների լեզվով, կոչվում է «աշխատել ընտրությունների» ժամանակ: Այստեղ գործարարի համար կա երկու տարբերակ` կամ գնալ առճակատման, կամ ենթարկվել: Բայց երկրորդ դեպքում ստորացված լինելու վիրավորանքը մնում է մարդու հոգում: Եվ շատ հնարավոր է, որ այդ սպին այնքան խորն է լինում, որ այդ գործարարն իր ընտանիքով որոշում է լքել հայրենիքը` որոշում, որը, կարծում եմ, պետք չէ խրախուսել կամ ողջունել, բայց որոշում, որը մարդկայնորեն հասկանալի է: Խոշոր բիզնեսի դեպքում գործում են փոքր-ինչ ավելի բարդ մեխանիզմներ, բայց էությունը նույնն է: Հիմա հասկանալի՞ է, թե ինչու ՀՀԿ-ն և ԲՀԿ-ն չեն կարող ընդդիմություն լինել;
Առավոտ
Այսօրվանից ՀՀ-ն՝ ԱԳ նախարար Էդվարդ Նալբանդյանի դեմքով, ստանձնում է Եվրախորհրդի նախարարների կոմիտեի նախագահությունը՝ վեց ամիս ժամկետով:
Իհարկե, այս կարգավիճակին ՀՀ-ն արժանացել է բնավ էլ ոչ փայլուն դիվանագիտության, կամ այլ արժանիքների շնորհիվ:
Եվրախորհրդում գործում է նախարարների կոմիտեի նախագահության այբբենական ռոտացիոն սկզբունքը:
Հենց այստեղ է, որ առաջանում է հակասական մի վիճակ:
Բանն այն է, որ Նախարարների կոմիտեի նախագահողը պետք է նպաստի ԵԽ անդամ երկրներում ժողովրդավարության ամրապնդմանը:
Գաղտնիք չէ, որ մեր երկրում ժողովրդավարությունը, մեղմ ասած, կաղում է, ավելին՝ անցած բոլոր երեք ընտրությունների օրինականությունը կասկածի տակ է դրվել ընդդիմության և հասարակության մի ստվար զանգվածի կողմից:
Արդյո՞ք նման իրավիճակում՝ Հայաստանը կամ ժողովրդավարության առումով կասկածելի ռեպուտացիա ունեցող մեկ այլ երկիր կարող է նպաստել ժողովրդավարության հաստատմանն ամբողջ Եվրոպայում:
Իմ կարծիքով՝ ոչ: Ավելի շուտ՝ դևալվացվելու է եվրոպական ինստիտուտը: Օրինակ, պատկերացրեք՝ ՀՀ ԱԳ-ի նախարարը լուրջ դեմքով խոսում է արևմտաեվրոպական ինչ-որ երկրում մարդու իրավունքների խախտումների մասին: Առնվազն ծիծաղելի է:
Սակայն այսպիսին է ԵԽ կանոնադրությունը, և մենք պարտավոր ենք հաշվի նստել դրա հետ, մանավանդ որ՝ օրինակ մյուս գարնանը ԵԽ Նախարարների կոմիտեի նախագահությունը ստանձնելու է ամբողջատիրական այնպիսի ռեժիմ ունեցող երկիր, ինչպիսին է՝ Ադրբեջանը:
Բայց, մեր հասարակությունն ու քաղաքական համակարգը կարող են նաև օգտվել Հայաստանի նախագահության առիթից: Եվրոպական ժողովրդավարության պահապանի թեկուզև ֆորմալ դերակատարությունն ողջ Եվրոպայում ստանձնած իշխանությունը չի կարող իր երկրում բացահայտորեն ոտնահարել քաղաքական և քաղաքացիական իրավունքները:
Ըստ այդմ՝ անհրաժեշտ է արդյունավետորեն օգտվել «վեցամսյա եվրոռեմոնտից»: Այստեղ հատկապես կարևոր է քաղաքացիական նախաձեռնությունների ռացիոնալ ու նպատակային գործունեությունը:
Սուրեն Սուրենյանց
Այսօր «Վարկած» մամուլի ակումբում հյուրընկալվեց ԱԺ արտաքին հարաբերությունների հանձնաժողովի նախկին նախագահ, ՀՀՇ-ի վերագրանցման նախաձեռնող խմբի անդամ Հովհաննես Իգիթյանը:
Հիշեցնենք, որ երկու օր առաջ հայտարարություն էին տարածել ՀՀՇ նախկին նախագահներ Արարատ Զուրաբյանն ու Ալեքսանդր Արզումանյանը, ԱԺ նախկին փոխխոսնակ Կարապետ Ռուբինյանը և Հովհաննես Իգիթյանն՝ ազդարարելով ՀՀՇ-ի վերստեղծման մասին:
Այս փաստին որոշակի խանդով էին արձագանքել ՀԱԿ նորաստեղծ կուսակցությունում համախմբված նախկին հհշ-այականները:
Հովհաննես Իգիթյանը շեշտեց, որ իրենք իրենց գործունեությունը օրենքով են իրականացնում. «Ըստ կուսակցությունների գրանցման օրենքի՝ պետք է հայտ ներկայացվի Արդարադատության նախարարություն, ճիշտ է, սա հեշտ չէ, երևի հենց այս պատճառով ՀԱԿ կուսակցությունը չգնաց նոր կուսակցություն ստեղծելու ճանապարհով, բայց մենք գտնում ենք նոր կուսակցություն ստեղծելու պրոցեսով պետք է գնանք, իսկ ՀՀՇ անունով կուսակցություն բացելու համար որևէ խոչընդոտ չկա՝ հակառակ դեպքում մեզ պարզապես չեն գրանցի»: Հովհաննես Իգիթյանը նշեց, որ քաղաքական և գաղափարական էական տարաձայնություններ ունեն Լևոն Տեր_Պետրոսյանի ստեղծած նոր կուսակցության հետ:
«Մենք գտնում ենք, որ այն, ինչ ժամանակին ասում էինք, անում էինք, ՀԱԿ-ը դա այսօր չի անում ու չի ասում: Մենք ՀԱԿ-ում չենք տեղավորվում ոչ միայն բարոյական չափանիշներով, այլև քաղաքական մեր պատկերացմամբ ու փորձում ենք մեզ համար պլատֆորմ ստեղծել, որտեղից հասարակությանը կներկայանանք»,- ասաց նա:
Հարցին, թե հնարավոր համարո՞ւմ եք ազատական այլ ուժերի, ինչպես նաև ՀԱԿ դաշինքից նախկինում պոկված կուսակցությունների հետ համագործակցությունը, բանախոսը պատասխանեց. «Շատ-շատ կուսակցությունների հետ մենք արդեն համագործակցում ենք: Նաև անձնական շփումներ ունենք: Ցավոք, ընտրական համակարգը Հայաստանում ձևավորված չէ, այլապես փոքր կուսակցությունները նախընտրական բլոկ կազմելով կմիավորվեին ու կդառնային մեկ կուսակցություն: Իսկ քանի դեռ համակարգը կայացած չէ, շարունակում են առանձին-առանձին գործել»:
Ի դեպ, Իգիթյանը հերքեց, որ նոր ՀՀՇ-ի ստեղծման հիմքում կանգնած է Վանո Սիրադեղյանը՝ թեև նշեց, որ Վանոյին շատ հարգում և գնահատում են:
Հայաստանի Հանրապետության կառավարությունն այսօր տեղի ունեցած նիստի ժամանակ՝ հիմք ընդունելով «Քաղաքացիական ծառայության մասին» Հայաստանի Հանրապետության օրենքի 15-րդ հոդվածի 2.1-ին կետը և 33-րդ հոդվածի 1-ին կետի «ա» ենթակետը` որոշում կայացրեց Արմեն Շահնազարյանին ազատել Հայաստանի Հանրապետության ֆինանսների նախարարության աշխատակազմի ղեկավարի պաշտոնից:
Վաղը Հայաստանը ստանձնելու է Եվրախորհրդի նախարարների կոմիտեի նախագահությունը: Նույն օրը Ստրասբուրգում տեղի է ունենալու նիստ, որի ընթացքում լսվելու է Հայաստանի և Ադրբեջանի պարտավորությունների կատարման մասին զեկույց: Հայաստանը, սույն զեկույցի համաձայն, հանվում է հատուկ մոնիտորինգի ռեժիմի տակից և մեր երկրին կոչ է արվում շարունակել առաջընթացը պարտավորությունների կատարման գործում հատուկ ուշադրություն դարձնելով ԼՂ հակամարտությունը խաղաղ կարգավորելու պարտավորությանը: ՀՀ-ն ԵԽ նախարարների կոմիտեում նախագահելու է մինչև այս տարվա նոյեմբեր, որից հետո նախագահությունը կփոխանցի Ավստրիային: Արդեն 2014թ.-ի մայիսից ԵԽ նախարարների կոմիտեի նախագահությունը ստանձնելու է Ադրբեջանը: Անկասկած, Ադրբեջանը փորձելու է այդ հնարավորությունը օգտագործել Ղարաբաղի հարցով ադրբեջանամետ փաստաթղթերի ընդունման համար: ՀՀ-ն, սակայն, կարծես թե չի պատրաստվում օգտագործել այդ հնարավորությունը: ԵԽԽՎ հայաստանյան պատվիրակության ղեկավար Դավիթ Հարությունյանը երեկ թերթի թղթակցին հայտնել է, որ ինքը դեմ է ԼՂ հարցը նման կառույցներ տեղափոխելուն:
Հայկական ժամանակ
-
-
23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» -
23.04.2024 | 11:42
Ադրբեջանում պահանջել են նաև չորս «անկլավային գյուղերը» -
23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.