Մենք անելանելի դրության մեջ ենք, պետք է փոխենք Փաշինյանին: Երկիրը պետք է պատրաստ լինի հարձակման դեպքում պաշտպանվելուն, բայց այդ ուղղությամբ ոչինչ չի արվում: Ա/ապրիլի 8-ին, լրագրողների հետ զրույցում ասաց ՀՀ նախկին վարչապետ Հրանտ Բագրատյանը:

«Ամբողջ օրը մենք լսում ենք հայհոյանքներ Ռուսաստանի հասցեին, չափազանցված պատկերացումներ Արևմուտքի մասին, մինչդեռ պետք է լավ լինենք  երկուսի հետ էլ՝ հիշելով, որ այնուամենայնիվ, Ռուսաստանը մեր դաշնակիցն է»,-ասաց նա:

Բագրատյանի խոսքով, վերջերս շատ բուռն քննարկումներ եղան Կառավարությունում, պայմանավորված այն հանգամանքով, որ  Մհեր Գրիգորյանը ձախողել է բանակցությունները և չի տիրապետում քարտեզներին: Հրանտ Բագրատյանի խոսքով, Մհեր Գրիգորյանը տեղյակ չէ այն որոշումների մասին, որոնցով այս կամ այն հողը մեզ է պատկանում:

«Այսքանից հետո Ալեն Սիմոնյանը տեսե՛ք՝ ինչ ստորություն է անում, հրապարակում է քարտեզ, հետո ադրբեջանցիներն ասում են՝ էն լավ քարտեզը հրապարակի, որտեղ կան անկլավները, և նա հրապարակում է ու ասում ՝ սա է ՀՀ-ն, մենք ոչինչ Հայաստանից չենք տալիս: Ախպեր ջան, 4+4 ֆորմուլան հասկացե՞լ ես: Դա նշանակում է՝ 4 գյուղ տալիս ենք առանց անկլավի, որովհետև էդտեղ իբր թե ադրբեջանցիներ են ապրել, դրանից հետո 4 հատ էլ անկլավ ենք տալիս: Պետության 2-րդ դեմքը սա չգիտի, կամ էլ դավաճան ա: Փաշինյանի, Արմեն Գրիգորյանի, Ալեն Սիմոնյանի նման տպերի հետ անհնար է աշխատելը»,-ասաց Հրանտ Բագրատյանը:

Նրա խոսքով, Ալիևն ասում է, որ իրեն քարտեզներ պետք չեն, որովհետև ոչ մի քարտեզով Հայաստանը Ադրբեջանին ոչինչ չունի տալու:

«Բա եթե բոլոր տեսակի քարտեզները չեն անցնում, Փաշինյանը ի՞նչ ա ասում 1991 թվականի հռչակագիր: Ադրբեջանն ասում ա սահման չկա, թքած ունեմ 1991 թվականի հռչակագրի վրա: Կռիվ լինելու ա, ու ես գիտեմ, որ մենք պիտի հաղթենք: Մեր թշնամին էսօր Ադրբեջանում չի»,-հավելեց ՀՀ նախկին վարչապետը:

«ԱՄՆ դեսպանը Հայաստանն ու Նիկոլի իշխանությունը համարում է ժողովրդավարության փարոս։ Այսօր ես ինձ հետ բերել եմ թուրքական արտադրության լամպ։ Սա է Նիկոլ Փաշինյանի ժողովրդավարության փարոսը, որովհետև այս փարոսը լույս է տալիս ու աշխատում է բացառապես Ադրբեջանի ու Թուրքիայի համար»,-ասաց ակցիայի մասնակից ԱԺ նախկին պատգամավոր Նաիրա Զոհրաբյանը։

Հիշեցնենք, որ այսօր Հայաստանում է գտնվելու Եվրոպայի խորհրդի Գլխավոր քարտուղար Մարիա Պեյչինովիչ Բուրիչը: Քիչ անց ԱԳՆ շենքում նախատեսված է նրա հանդիպումը ԱԳ նախարարի պաշտոնը զբաղեցնող Արարատ Միրզոյանի հետ:

«Այստեղ քիչ անց կժամանի Եվրոպայի խորհրդի գլխավոր քարտուղարը։ Այն քարտուղարը, էն կառույցից, որ նախկինում որևէ ընդդիմադիրի սանրվածք ծռվում էր կամ գրիպ էր ընկնում, ԵԽԽՎ-ն, ԵԽ կոմիտեն հազարավոր հայտարարություններ էին տարածում ի պաշտպանության քաղբանտարկյալների։ Ես ինքս եղել եմ ԵԽԽՎ այն պատգամավորների թվում, ով 2012 թ. կողմ է քվեարկել քաղբանտարկյալ ձևակերպմանը։ Ամենայն պատասխանատվությամբ պնդում եմ, որ կալանքի տակ գտնվող Արմեն Աշոտյանը, Նարեկ Մալյանը, Նարեկ Սամսոնյանը, Վազգեն Սաղաթելյանը, Մամիկոն Ասլանյանը քաղբանտարկյալներ են, համապատասախանում են ԵԽ ընդունած բանաձևի բոլոր հինգ կետերին»,-ասաց նա։

Զոհրաբյանը հարց հնչեցրեց՝ ինչո՞ւ է ԵԽ քարտուղարն աչք փակում Հայաստանում այսօր տեղի ունեցող դիկտատուրայի, բռնապետության, քաղաքական բանտարկյալների այս մեծ թվի վրա։

«Եթե թույլ տան, այս լամպը՝ ժողովրդավարության փարոսը ես կհանձնեմ Մարիա Բուրիչին»,-ասաց Զոհրաբյանը՝ պահանջելով, որ անհապաղ բանաձև ընդունվի ու քննարկվի Հայաստանի քաղբանտարկյալների հարցը, ԵԽ-ն Հայաստանի «լամպոչկա» իշխանություններից պահանջի անհապաղ ազատ արձակել քաղբանտարկյալներին։

«Որտե՞ղ է ժողովրդավարությունը», «Ազատություն քաղբանտարկյալներին». այս ու այլ գրություններով,  քաղբանտարկյալների՝ Մամիկոն Ասլանյանի, Արմեն Աշոտյանի, Վազգեն Սաղաթելյանի, Նարեկ Մալյանի, Նարեկ Սամսոնյանի լուսանկարներով ցուցապաստառներով, Հայաստանի ու Արցախի դրոշներով մի շարք գործիչներ, քաղաքացիներ բողոքի ակցիա են իրականացնում արտաքին գործերի նախարարության դիմաց։

«ԱՄՆ դեսպանը Հայաստանն ու Նիկոլի իշխանությունը համարում է ժողովրդավարության փարոս։ Այսօր ես ինձ հետ բերել եմ թուրքական արտադրության լամպ։ Սա է Նիկոլ Փաշինյանի ժողովրդավարության փարոսը, որովհետև այս փարոսը լույս է տալիս ու աշխատում է բացառապես Ադրբեջանի ու Թուրքիայի համար»,-ասաց ակցիայի մասնակից ԱԺ նախկին պատգամավոր Նաիրա Զոհրաբյանը։

Հիշեցնենք, որ այսօր Հայաստանում է գտնվելու Եվրոպայի խորհրդի Գլխավոր քարտուղար Մարիա Պեյչինովիչ Բուրիչը: Քիչ անց ԱԳՆ շենքում նախատեսված է նրա հանդիպումը ԱԳ նախարարի պաշտոնը զբաղեցնող Արարատ Միրզոյանի հետ:

«Այստեղ քիչ անց կժամանի Եվրոպայի խորհրդի գլխավոր քարտուղարը։ Այն քարտուղարը, էն կառույցից, որ նախկինում որևէ ընդդիմադիրի սանրվածք ծռվում էր կամ գրիպ էր ընկնում, ԵԽԽՎ-ն, ԵԽ կոմիտեն հազարավոր հայտարարություններ էին տարածում ի պաշտպանության քաղբանտարկյալների։ Ես ինքս եղել եմ ԵԽԽՎ այն պատգամավորների թվում, ով 2012 թ. կողմ է քվեարկել քաղբանտարկյալ ձևակերպմանը։ Ամենայն պատասխանատվությամբ պնդում եմ, որ կալանքի տակ գտնվող Արմեն Աշոտյանը, Նարեկ Մալյանը, Նարեկ Սամսոնյանը, Վազգեն Սաղաթելյանը, Մամիկոն Ասլանյանը քաղբանտարկյալներ են, համապատասախանում են ԵԽ ընդունած բանաձևի բոլոր հինգ կետերին»,-ասաց նա։

Զոհրաբյանը հարց հնչեցրեց՝ ինչո՞ւ է ԵԽ քարտուղարն աչք փակում Հայաստանում այսօր տեղի ունեցող դիկտատուրայի, բռնապետության, քաղաքական բանտարկյալների այս մեծ թվի վրա։

«Եթե թույլ տան, այս լամպը՝ ժողովրդավարության փարոսը ես կհանձնեմ Մարիա Բուրիչին»,-ասաց Զոհրաբյանը՝ պահանջելով, որ անհապաղ բանաձև ընդունվի ու քննարկվի Հայաստանի քաղբանտարկյալների հարցը, ԵԽ-ն Հայաստանի «լամպոչկա» իշխանություններից պահանջի անհապաղ ազատ արձակել քաղբանտարկյալներին։

ՀՀԿ Գործադիր մարմնի անդամ Էդուարդ Շարմազանովը գրել է․

«Սերժ Սարգսյանից մեկ Ալիևն է վառված, մեկ՝ նիկոլիստները, մեկ էլ՝ անուղղելի արևմտամոլները։

Նիկոլիստներ, սորոսականներ ու արևմտամոլներ… Սերժ Սարգսյանի ասածներն եք քննադատու՞մ ՝ ասելով, թե նա «երկրորդում է Բաքվին»։

Հիմա ուշադիր կարդացեք գրածներս։

Զեզնից, Նիկոլից ու ձեր արևմտյան «պապա-մամաներից» Բաքվին ավելի լավ երկրորդող չի եղել ու չկա։

Նիկոլն է երկրորդել Բաքվին ու ճանաչել Արցախն Ադրբեջանի մաս։

Արևմուտքն է երկրորդել Բաքվին ու առաջարկել ՀՀ-ին «Արցախի հարցում նշաձողն իջեցնել»։

Արևմուսքն է  Միշելի ու Մակրոնի հովանավորությամբ Պրահայում Փաշինյանին սատարել Արցախն ադրբեջանական ճանաչել։

Փաշինյանն է երկրորդել Բաքվին, երբ համաձայն է Տավուշի 4 գյուղերը հանձնել Ադրբեջանին։

Փաշինյանն է երկրորդել Բաքվին ու Ալիևի նման պատերազմով է սպառնում հայ ժողովրդին։

Փաշինյանն է երկրորդել Բաքվին ու ծրագրում է փոխել Սահմանադրությունն ու Անկախության հռչակագիրը։

Շարքը երկար է…

Սերժ Սարգսյանից մեկ Ալիևն է վառված, մեկ նիկոլիստները, մեկ էլ  արևմտամոլները։

Ինչու՞…որիվհետև թույլ չէր տալիս Հայաստանը դարձնել աշխարհաքաղաքական գործիք»։  

Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» (չակերտները` Tert.am) Հարավային Կովկասի համար. այս մասին հայտարարել է Ադրբեջանի նախագահ Իլհամ Ալիևը:

«Չնայած այն հանգամանքին, որ Միացյալ Նահանգների և Եվրամիության բարձրաստիճան պաշտոնյաները իրենց նախաձեռնությամբ տեղի ունեցած հեռախոսազրույցների ընթացքում փորձել են համոզել մեզ, որ այս հանդիպումն ուղղված չէ Ադրբեջանի դեմ, մենք գիտենք, որ դա հակասում է Ադրբեջանի հետ համագործակցությանը»,- նշել է Ալիևը Թուրքիայի խորհրդարանի անդամ, ՆԱՏՕ-ի Խորհրդարանական վեհաժողովում պատվիրակության ղեկավար Մևլութ Չավուշօղլուի հետ հանդիպմանը։

Այն, որ Ադրբեջանը չի դատապարտել Իսրայելի կողմից Դամասկոսում Իրանի հյուպատոսության վր հարձակումը, Իրանի իսլամական հեղափոխականների կորպուսի հետ առնչվող տելեգրամյան ալիքները դա դիտարկում են որպես Ադրբեջանի անուղղակի ներգրավվածություն այս ահաբեկչական գործողության մեջ եւ շատ դեպքերում սլաքներն ուղղում են հատկապես Բաքվի բռնապետական վարչախմբին: Այս մասին նշեց իրանագետ Վարդան Ոսկանյանը:

«Թիրախավորվում է Բաքվի վարչախումբը որպես իսրայելական պլացդարմ Հարավային Կովկասում, որպես պետություն, որը Իսրայելին օժանդակում է ամեն ինչում, եւ դա այդպես է: Դա խորքային ռազմավարական դաշինք է՝ ընդդեմ Իրանի, որից օգտվում է Բաքվի բռնապետական վարչախումբը Հայաստանի դեմ գործողություններ իրականացնելով: Գիտեք, որ Իսրայելը ադրբեջանական ահաբեկչության թիվ մեկ հովանավորն է թե քարոզչական, թե ռազմական տիրույթում:

Իրանցիները հստակ հասկանում են, որ Ադրբեջանն Իսրայել արբանյակն է՝ հակաիրնական նպատակների առումով»,-ասաց նա:

Վարդան Ոսկանյանը նաեւ նկատեց, որ եթե Իրանը ներքաշվի լայնածավալ պատերազմի մեջ, դա նոր մարտահրավերներ է բերելու. «Գիտեք, որ Իրանը փաստացի մեր անվտանգային ճարտարապետության կարեւոր բաղադրիչի ապահովողներից մեկն է: Խոսքը հատկապես Սյունիքի մասին է եւ այսպես կոչված, «Զանգեզուրի միջանցքի» մասին: Հետեւաբար, եթե Իրանի ռեսուրսներն ուղղորդվեն այլ լայնածավալ գործողությունների, ապա կարող է ստեղծվել որոշակի վակուում, որից կարող է օգտվել Ադրբեջանը:

Մյուս կողմից կա վտանգ հենց նույն Բաքվի բռնապետական վարչախմբի համար, որովհետեւ այս իրավիճակում որեւէ մեկը չի կարող երաշխավորել, որ դիցուք, թիրախներից մեկը չի դառնա Բաքուն»,- ընդգծեց իրանագետը:

Լեմկինի Ցեղասպանության կանխարգելման ինստիտուտը երրորդ անգամ է հայտարարել կարմիր դրոշի ահազանգ (ամենաբարձր նախազգուշացումը)՝ հաշվի առնելով Ադրբեջանի սրացող հռետորաբանությունն ու պահանջները Երևանի հասցեին, ինչպես նաև վերջին հարձակումները Սյունիքի և Գեղարքունիքի մարզերի վրա։

«Նախկինում մենք բազմաթիվ կարմիր դրոշի և SOS ահազանգեր ենք տարածել 2023 թվականի սեպտեմբերի 19-ին Ադրբեջանի կողմից օկուպացված և հայաթափված Արցախի Հանրապետության համար: Այժմ, ինչպես և ենթադրվում էր մեր նախորդ հրապարակումներում, ցեղասպանության վտանգը տարածվել է նաև բուն Հայաստանի Հանրապետության ինքնիշխան տարածքի վրա։ Ադրբեջանը, կարծես, վարում է Հայաստանի ինքնիշխան տարածքի աստիճանական օկուպացման ռազմավարություն», — նշում են ինստիտուտի փորձագետները՝ ընդգծելով, որ Բաքուն այժմ ձգտում է վերահսկողություն հաստատել ութ գյուղի նկատմամբ, որոնք, Ադրբեջանի պնդմամբ, գտնվում են «հայկական օկուպացիայի» (չակերտները՝ Tert.am) տակ:

«Նրա նպատակն է ամբողջապես վերահսկել հայկական պետությունը և Ադրբեջանը միավորել Թուրքիային… Հավակնելով վերահսկել Հայաստանի ռազմավարական կետերը, Ադրբեջանը, կարծես թե, իր քաղաքականությունը մոդելավորում է Պաղեստինում իսրայելական բնակավայրերի ստեղծման օրինակի վրա: Հայաստանին սպառնացող վտանգը դարձել է հրատապ՝ պահանջելով միջազգային հանրության անհապաղ և համակարգված ուշադրությունը։ Հրատապ գործողությունները հրամայական են՝ թույլ չտալու համար տարածքային օկուպացիայի և ցեղասպանության հերթական դեպքը, որը նման է ընդամենը վեց ամիս առաջ Արցախում տեղի ունեցածին», — նշվում է հրապարակման մեջ:

Իսրայելցիներն այսօր Երուսաղեմում ոստիկանության աջակցությամբ մուտք են գործել «Կովերի պարտեզ»։ Այս մասին, այսօր՝ ապրիլի 3-ին,  X-ի էջում հայտնել  է «Փրկենք Երուսաղեմի հայկական թաղամասը» նախաձեռնությունը։

Ոստիկանությունը առանց դատարանի որոշման և առանց նախազգուշացման,  ապօրինի կերպով, հեռացրել է տեղադրված արգելապատնեշները։

Երուսաղեմի հայ համայնքի ներկայացուցիչների, այդ թվում՝ հոգևորականների և «Կովերի պարտեզ» ներխուժած իսրայելցիների ու ոստիկանների միջև քաշքշուկ է տեղի ունեցել:

Սեդրակ Բալյանն է «X»-ի իր էջում մի տեսանյութ հրապարակել։

«Կալիֆորնիա կուրիեր» թերթի հրատարակիչ և խմբագիր Հարութ Սասունյանը գրել է. «Բոլորս էլ գիտենք, թե վարչապետ Նիկոլ Փաշինյանը, բացի Արցախի կորստից, ինչ արհավիրքներ է բերել Հայաստանի գլխին իր անկարողության պատճառով։ Կարող ենք մեջբերել Փաշինյանի բազմաթիվ սխալ գործողություններ և իրարամերժ հայտարարություններ: 2020 թվականի պատերազմի ժամանակ Գերագույն գլխավոր հրամանատարի պաշտոնում իր լիակատար ձախողումից հետո, Փաշինյանը հիմա փորձում է այնպես անել, որ հայերը մոռանան Արցախի կորստի մասին՝ ջնջելով Արցախի անունը ժողովրդի հիշողությունից:
Փաշինյանը ոչ մի քայլ չի ձեռնարկել արցախահայերի՝ իրենց հազարամյա հայրենիքում խաղաղ ապրելու իրավունքի պաշտպանության համար: Նա նաև նախապատրաստություններ չի տեսել Արցախից ավելի քան 100 հազար փախստականների տեղավորման համար, չնայած գիտեր, որ 2020 թվականի պատերազմից հետո Արցախի հայերը վերջին հաշվով փախչելու են Հայաստան: Իմանալով, որ ապագա ընտրություններում Արցախի հայերը իրենց ձայնը չեն տա իր կուսակցության օգտին, Փաշինյանը, իրավիճակը վատթարացնելով, հայտարարեց, որ նրանք Հայաստանի քաղաքացիներ չեն: Այս մարդիկ տասնամյակներ շարունակ ունեցել են Հայաստանի Հանրապետության անձնագրեր, որոնք ճանաչվել են ոչ միայն Հայաստանի, այլև օտարերկրյա պետությունների կողմից՝ արտասահման իրենց ուղևորությունների ժամանակ: Ցավոք, հազարավոր արցախցիներ Հայաստանից մեկնել են Ռուսաստան՝ ապաստան և աշխատանք գտնելու համար, որպեսզի կարողանան կերակրել իրենց ընտանիքները:
Բացի այդ, Փաշինյանը հրաժարվում է հանդիպել Արցախի որևէ պաշտոնյայի հետ և դեմ է, որ արցախցիները բողոքի ցույցեր անցկացնեն Երևանում՝ բողոքելով Հայաստանում իրենց ծանր վիճակից: Ահա Փաշինյանի հակաարցախյան գործողությունների վերջին օրինակը: Անցյալ շաբաթ Արցախի նախագահ Սամվել Շահրամանյանը հարցազրույց տվեց ֆրանսիական Le Figaro թերթին, որտեղ նա ասաց, որ Արցախի Հանրապետությունը շարունակում է գոյություն ունենալ՝ չնայած Ադրբեջանի կողմից բռնագրավմանը: Նա նաև հայտարարեց, որ գոյություն ունի Արցախի վտարանդի կառավարություն Երևանում, որտեղ գտնվում են նրա գրասենյակները: Շահրամանյանի խոսքերը զայրացրել էին Փաշինյանին, որն անմիջապես պատասխանեց և սպառնաց, որ օրինական գործողություններ կձեռնարկվեն բոլոր նրանց դեմ, որոնք խոսում են Արցախի վտարանդի կառավարության մասին: Առանց որևէ փաստարկի, Փաշինյանը մեղադրեց Արցախի ղեկավարներին՝ Հայաստանի ազգային անվտանգության համար սպառնալիք ստեղծելու մեջ։
Չհասկանալով «վտարանդի կառավարություն» եզրույթի իմաստը, Փաշինյանն ասաց, որ Հայաստանում կա միայն մեկ կառավարություն և չի կարող լինել երկրորդ կառավարություն, չնայած ոչ ոք չէր խոսում երկրորդ կառավարության ստեղծման մասին: Եթե Փաշինյանն ունենար որևէ փորձառու խորհրդական, ապա նրան կտեղեկացներ, որ շատ երկրներում գոյություն ունեն տասնյակ «վտարանդի կառավարություններ», որոնք ամենուրեք ընդունված են միջազգային իրավունքի համաձայն: Իրականում, Հայաստանում միակ մարդը, որ սպառնում է Հայաստանի անվտանգությանը, հենց ինքը՝ Փաշինյանն է:
Նա ոչ միայն չի պաշտպանել արցախահայերի իրավունքները, որոնք Հայաստանի քաղաքացիներ են, այլև թույլ է տվել Ադրբեջանի զինված ուժերին հատել Հայաստանի սահմանները 2021 և 2022 թվականներին: Բացի այդ, երբ Ալիևը պահանջեց, որ Հայաստանն Ադրբեջանին հանձնի չորս հայկական գյուղերը, Փաշինյանը զգուշացրեց այդ գյուղերի բնակիչներին, որ հակառակ դեպքում Ադրբեջանը նոր պատերազմ կսկսի: Շահրամանյանին ուղղված իր կոշտ պատասխանում Փաշինյանը սպառնաց նաև համապատասխան միջոցներ ձեռնարկել, որպեսզի «արտաքին ուժերը չօգտագործեն որոշակի շրջանակների [Արցախի]՝ Հայաստանի անվտանգությանը սպառնալիք ստեղծելու համար»։
Ցավալի է, որ Փաշինյանը կեղծ մեղադրանք է ներկայացնում արցախահայությանը՝ օտարերկրացիների կողմից շահարկվելու մեջ։ Փաշինյանի իրական խնդիրը ոչ թե Արցախի վտարանդի իշխանությունն է, այլ այն փաստը, որ արցախահայությունը քայլեր է ձեռնարկում Արցախի հիշատակը վառ պահելու համար, ինչը նրա համար խիստ խայտառակիչ է, քանի որ ինքն է հանձնողը։ Մենք կորցրեցինք Արցախը թշնամուն, բայց չպետք է այն ջնջենք մեր հիշողությունից։ Մենք պարտավոր ենք ոչ միայն հիշել Արցախը, այլև Արցախ վերադառնալու երազանքը փոխանցել հաջորդ սերնդին: Սա շատ կարևոր է, քանի որ եթե ապագա սերունդները չիմանան, որ Արցախը հայկական հող է, երբ հնարավորություն ընձեռվի այն ազատագրելու համար, նրանք չեն օգտվի դրանից, դրանով ընդմիշտ կորցնելով Արցախը ոչ թե թշնամու արածի, այլ մեր իսկ անգործության պատճառով։
Միևնույն ժամանակ, մեզ մնում է միայն ափսոսալ, որ Հայաստանի վարչապետը, գիտակցաբար կամ անգիտակցաբար, կատարում է Ալիևի հրամանը՝ փորձելով խեղդել նույնիսկ Արցախի մասին հիշողությունն ու երազանքը։ Ավելին, ամոթալի կլինի, եթե Փաշինյանը, գործելով ըստ իր սպառնալիքների, հրամայի ձերբակալել Արցախի ղեկավարներին Հայաստանում, այդպիսով միանալով Բաքվին՝ Արցախի ղեկավարներին գերության մեջ պահելու հարցում։ Օրեցօր Փաշինյանն ավելի է սատկացնում իր հակահայկական գործողությունները։
Մինչև ե՞րբ պիտի լռեն հայերը Հայաստանում և Սփյուռքում նման ինքնակործան գործողությունների դիմաց։ Ե՞րբ է հայ ժողովուրդն արթնանալու իր նիրհից, ասելու «բավակա՛ն է» և գտնելու նոր ձեռնհաս ղեկավար, որը երկիրը դուրս կբերի այս ճահճից։ Հակառակ Փաշինյանի պնդմանը՝ Արցախի հարցը փակված չէ։ Հայերը չպետք է շարունակեն ձեռքերը ծալած նստել և հետևել, թե ինչպես է Հայաստանն աստիճանաբար անհետանում մեկ մարդու չարագործությունների պատճառով… Վերջապես, ամոթալի կլինի, եթե Փաշինյանը ստիպի Շահրամանյանին և Արցախի մյուս պաշտոնյաներին լքել Հայաստանը և իրենց վտարանդի կառավարությունը տեղափոխել օտար երկիր։

Թարգմանությունը՝ Ռուզաննա Ավագյանի

Սարսափելի բան չէ պատերազմը, պատերազմի հետևանքներն են սարսափելի, թե ինչպիսին ես դու այդ պատերամզի մեջ, ինչ ես ուզել ունենալ։ Սա է ամբողջ խնդիրը։ Այո, այս երկրի ղեկավարությունը քանի խոսում է այդ մասին, մենք գիտենք, որ նա պատերազմ վարող չէ, դրա համար է սարսափելի։ Այս մասին հայտարարել է Տավուշի թեմի առաջնորդ գերաշնորհ Բագրատ եպիսկոպոս Գալստանյանը։

«Այս դաշտերում զոհված մեր հայրերը, ընկերներն ու եղբայրները հավիտենականության, անմահության համար են։ եթե մենք պատրաստ չենք լինելու նման զոհաբերության՝ առանց ակնկալիքի, դրա դիմաց ինչ-որ բան ստանալու՝ բացի մեր պատվից ու հայրենիքից՝ մենք կյանք չունենք, ոչինչ է դա»,- ասաց Սրբազանը։

Բագրատ Սրբազանի խոսքով՝ պատգամը պետք է գնա բոլորին, հատկապես՝ չարիքին, որ պատվախնդիր, պատիվ, անուն ունեցող հայությունը, մարդկությունն ընդհանրապես որևէ ձևով հող զիջելու, հանձնելու տրամադրություն չունի, որքան էլ, որ փորձեն պարտադրել դա։

«Մարդ եք փնտրում, որ փաստի, ահավասիկ՝ այս են մարդիկ։ Մենք դեռ երազ ունենք իրականացնելու, մեր տղերքի երազ ունենք վերադարձնելու, հայրենիք ունենք վերադարձնելու»,- նշեց նա։
Մանրամասները՝ տեսանյութում

Տավուշի մարզի Ոսկեպար համայնքի բնակիչները ուղերձով դիմել են ՀՀ վարչապետ Նիկոլ Փաշինյանին․

«Մենք՝ ներքոստորագրյալներս, Տավուշի մարզի սահմանապահ Ոսկեպար, գյուղի բնակիչներս, մեր խոր անհանգստությունն ենք հայտնում վերջերս ՀՀ կառավարության տարբեր ներկայացուցիչների կողմից, մասնավորապես նաև Ձեր կողմից մեր բնակավայրի հարակից տարածքների ադրբեջանական կողմին վերադարձնելու մասին հայտարարությունների կապակցությամբ։

Նախ՝ մի քանի խոսք այն մասին, թե ինչպե՞ս է ստեղծվել այս իրավիճակը մեր տարածաշրջանում։ Նախկին՝ խորհրդային պետության կողմից մեզ ժառանգություն թողնված սահմանները դիտավորյալ այնքան էին խճճվել ու խեղաթյուրվել, որ Հայաստանի մնացած բնակավայրերին կապող մեր ճանապարհները գտնվում էին ադրբեջանցիների հսկողության տակ։ Վերջիններս ԽՍՀՄ փլուզումից անմիջապես հետո սկսեցին մեր քաղաքացիների հանդեպ բռնություններն այդ ճանապարհահատվածներում, իսկ 1991թ․ հետո սկսվեցին ՀՀ քաղաքացիների առևանգումները։ Այդ տարիներին մեր և հարևան բնակավայրերից առևանգվեցին մի քանի, իսկ ընդհանուր առմամբ՝ այդ ճանապարհահատվածներից գերեվարվեցին և անհետ կորան քառասունից ավելի ՀՀ քաղաքացիներ։ 1991թ․ հակառակորդի կողմից թալանվեցին, ավերվեցին, պայթեցվեցին Ոսկեպարի Ժամի ձոր թաղամասի բոլոր տները, իսկ գյուղը գրեթե մշտապես ենթարկվում էին գնդակոծության ու հրետակոծության․․․ Այդ ամենից հետո միայն՝ մենք ելել ենք պայքարի ոչ թե տարածքներ գրավելու, այլ մեր ապրելու, ազատ տեղաշարժվելու իրավունքը պաշտպանելու և նվաճելու։ Շատ թանկ՝ զոհերի ու խեղված կյանքերի գնով միայն 1992թ․մեզ դա հաջողվեց։

Այսօր, երբ պետությունների «տարածքային ամբողջականության» կեղծ թեզի տակ հրապարակի վրա են այդ տարածքների վերադարձի մասին հրապարակային հայտարարությունները, ապա դա մեզ համար միանգամայն անընդունելի է։ Իսկ ու՞ր է մնում «Մարդու իրավունքների համընդհանուր հռչակագրով» մեզ տրված ազատ ապրելու և տեղաշարժվելու իրավունքը։ Նույնիսկ այսօր, երբ հակառակորդի դիրքերից գտնվում ենք որոշակի հեռավորության վրա, պարբերաբար ենթարկվում ենք հակառակորդի ոտնձգություններին և մեր երկիըը չի կարող ապահովել մեր երեխաների անվտանգությունը, ի՞նչ կլինի, երբ այդ տարածքները վերադարձվեն և թուրք տարրը հայտնվի մեր տներից 20-30 մ, դպրոցից 100 մ հեռավորության վրա, երբ մենք նորից կհայտնվենք արտաքին աշխարհից մեկուսացված, թշնամական տարրով շրջապատված վիճակում։

Մյուս կողմից, եթե խոսում ենք «տարածքային ամբողջականության» մասին, ապա արդյոք հակառակ կողմը պատրաստվու՞մ է վերադարձնել հենց մեր տարածքում Հայաստանի ինքնիշխան տարածքի իր հսկողության տակ գտնվող տարածքները՝ Բերքաբեր գյուղի մոտ 900 հեկտարը Ջողազի ջրամբարի ձախ ափին, Կոթիի 2-3 կմ-անոց շերտով իրենց կողմից վերահսկվող սահմանակից տարածքները, էլ չխոսելով Արծվաշենի և մնացած տարածքների մասին։ Համոզված ենք, որ հակառակորդը չի էլ մտածում այդ մասին։

Մենք չէ, որ պետք է ՀՀ կառավարությանը բացատրենք այս տարածքում սահմանների նույնիսկ ամենափոքր հետքաշման ստրատեգիական նշանակության, պետական անվտանգության խաթարման մասին, բայց ստիպված ենք շեշտել, որ սահմանի այս հատվածում տարածքային զիջման արդյունքում կտուժեն ոչ միայն սահմանամերձ Բերքաբեր, Սարիգյուղ, Ծաղկավան, Կիրանց, Ոսկեպար, Բաղանիս, Ոսկևան, Կոթի, Բարեկամավան բնակավայրերը, այլ նաև Հայաստանը կկորցնի Իջևան- Նոյեմբերյան միջպետական մայրուղին, կդատարկվեն նշված բնակավայրերը, և հակառակորդի համար սարերով ազատ ճանապարհ կբացվի դեպի Ալավերդի, Վանաձոր․․․

Միամտություն կլինի կարծել, թե հաջորդ քայլին հակառակորդը չի պահանջի հանձնել այսպես կոչված «անկլավները», իսկ թե ի՞նչ կկատարվի մեր երկրի հետ դրանից հետո, նույնիսկ սարսափելի է մտածել։ Մեր ոչ բարով հարևան երկրի նախագահի ամենօրյա ելույթներում լսում ենք պահանջատիրական ավելի մեծ նկրտումներ մեր երկրի նկատմամբ՝ Զանգեզուրի, Սևանի, նույնիսկ Երևանի մասին։ Դա նրանց վարքագիծն է․ այստեղ հայտնվելուց հետո, ուրիշինը խլելու նրանց ցանկությունը երբեք չի մարելու։ Նրանք հարգում են միայն ուժի իրավունքը և խաղաղություն են կնքում միայն ուժեղի հետ։ Եվ միջազգային ոչ մի իրավունք, ոչ մի կառույց չի կարող զսպել նրանց։

Ոսկեպարը և հարակից հայկական բնակավայրերը հազարամյա պատմություն ունեն։ Այստեղ մեր գյուղերը գոյություն ունեն առնվազն 4-րդ դարից և կարողացել են դարերի մաքառումների միջով հասնել 21-րդ դար և պետք է հարատևեն։ Թուրք տարրը ընդամենը 200 տարի առաջ է այստեղ հայտնվել և միշտ էլ ձգտել է մեզնից խլել այստեղ ապրելու մեր իրավունքը, բայց դա նրան չի հաջողվել։ Չի հաջողվել նաև 90- ականներին, չի հաջողվելու նաև այսօր։ Դրա վկան մեր հազարամյա մշակութային կառույցներն են, բերդերն ու եկեղեցիները։

Վերջում ուզում ենք հույս հայտնել, որ կանսաք մեր խոսքին և կփորձեք այս տարածաշրջանում այլ լուծումներ գտնել, որոնք չեն լինի արդեն իսկ գոյություն ունեցող ամուր պաշտպանական գծերի զիջման, մեր բնակավայրերի բնակչության ապրելու և ազատ տեղաշարժվելու իրավունքի ոտնահարման հաշվին։

Մենք՝ ներքոստորագրյալներս, մեր անհամաձայնությունն ենք հայտնում Ադրբեջանի կողմից ներկայացվող տարածքային պահանջների բավարարմանը և սահմանի այս հատվածում տարածքային զիջումներին։ Մենք պատրաստ ենք ամեն գնով պաշտպանել մեր ապրելու և ազատ տեղաշարժվելու իրավունքը, լինել մեր բանակի կողքին, նրա շարքերում՝ ի շահ մեր հայրենիքի ու բնակավայրերի պաշտպանության»,-ասված է հայտարարության մեջ: