29.09.2024 | 20:03
Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսե...09.09.2024 | 12:51
Խնդրում ենք ընթերցողների ներողամտությունը26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...28.05.2024 | 11:11
Իշխանությունը մանթրաժի մեջ է․ «Հրապարակ»28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...ՀՀ կրթության և գիտության նախարարությունից հայտնում են, որ ապրիլի 18-ին լրանում է հայաստանյան բուհերի ռեկտորների թափուր պաշտոնների համար դիմումների ներկայացման վերջնաժամկետը:
Հայտարարված մրցույթին ԿԳՆ դիմումներ են ստացվել միայն ռեկտորների ներկայիս պաշտոնակատարներից:
Վաղը լրանում է Երևանի Մխիթար Հերացու անվան պետական բժշկական համալսարանի ռեկտորի թափուր պաշտոնի մրցույթին մասնակցելու համար դիմում ներկայացնելու վերջնաժամկետը, սակայն դեռ ոչ ոք չի դիմել: ԵՊԲՀ-ի ռեկտորի պաշտոնի համար մրցույթը կկայանա ապրիլի 30-ին: Այստեղ երկու տարբերակ կա. կամ՝ ներկայիս պաշտոնակատար Դերենիկ Դումանյանը այնքան վստահ է, որ ինքն է զբաղեցնելու այդ պաշտոնը և մտածում է՝ դիմում է էլի, վերջին պահին էլ գրվի՝ բան չի փոխվի, կամ՝ դեռ չի կողմնորոշվել (սա, իհարկե, քիչ հավանական է):
Մյուս ԲՈՒՀ-երում ևս, կարծես, հարաբերական անդորր է տիրում. Երևանի ճարտարապետության և շինարարության պետական համալսարանի ռեկտորի թափուր պաշտոնը զբաղեցնելու համար հայտարարված մրցույթին մասնակցելու ցանկություն է հայտնել միայն ռեկտորի ներկայիս պաշտոնակատար Հովհաննես Թոքմաջյանը: Գավառի պետական համալսարանի ռեկտորի պաշտոնի հավակնորդը ևս մեկն է` ներկայիս պաշտոնակատար Ռուզան Հակոբյանը: Այս բուհում այլ բան չէր էլ կարելի սպասել. հավակնորդը բուհի հիմնադիր Հրանտ Հակոբյանի թոռնուհին է`Հրանուշ Հակոբյանի եղբոր դուստրը… Այնպես որ՝ սա ընտանեկան բիզնես է:
Հայաստանի պետական տնտեսագիտական համալսարանի ռեկտոր դառնալու ցանկություն է հայտնել միայն ռեկտորի ներկայիս պաշտոնակատար Կորյուն Աթոյանը:
Իր տեղում վստահ է զգում նաև Երևանի թատրոնի և կինոյի պետական ինստիտուտի ռեկտոր Արմեն Մազմանյանը: Մրցույթին մասնակցելու համար դիմումներ ներկայացնելու վերջնաժամկետը ապրիլի 16-ն է, սակայն կարծես այստեղ էլ նոր թեկնածուներ չկան:
ԿԳՆ- ից հայտնում են, որ եթե սահմանված ժամկետներում դիմումներ չներկայացվեն, նոր մրցույթ կհայտարարվի:
— Պարո´ն վարչապետ, տնտեսության անմխիթար վիճակի մասին ի՞նչ կասեք:
— Իսկ երբվանի՞ց եք Դուք դա արձանագրել` էդ անմխիթար վիճակը: Այսինքն, 5 տարի առաջ ընենց բարգավաճող վիճակում էինք, հետո դառավ անմխիթա՞ր:
— Հիմա ի՞նչ վիճակում է մեր տնտեսությունը: Օր օրի լավանու՞մ է, թե՞ վատանում:
— Ես հիշում եմ Արշակ Սադոյանի ելույթները. որ մենք կանգնած ենք կործանման եզրին, որ վաղը, մյուս օրը մեր վերջակետն է, մենք կործանվելու ենք: Մենք ձեզ հետ միասին հետճգնաժամային փուլում ենք գտնվում, երբ որ դուք էլ եք տեսնում, որ աշխարհում շատ բան է փոխվել, աշխարհում զարգացման մոդելն է փոխվել: Այսինքն` լրջագույն փորձություններ են սպասվում մեզ առջևում, և ես կարծում եմ՝ մենք ունենք համապատասխան գործիքներ` մեր նավը համաշխարհային տնտեսության մեջ առանց ռիսկերի կառավարելու:
— Նախագահը ձեզ երկու ամիս ժամանակ է տվել կառավարության հետ միասին` տնտեսության մեջ դրական շարժեր կատարելու:
— Առաջին անգամ եմ լսում: Ես կարծում եմ, որ որոշ լրատվական միջոցներ փորձում են նախագահի խոսքերը աղավաղել: Այդպիսի վերջնաժամկետներ կառավարության առջև ոչ մեկը չի դրել, այդ թվում նաև՝ հանրապետության նախագահը: Նախագահը ձևակերպել է կարճաժամկետ, միջնաժամկետ և երկարաժամկետ խնդիրներ, ընդ որում, մինչև մայիս ամսվա ընթացքում մենք ինքներս արձանագրել ենք, որ լինելու են դրական տեղաշարժեր, մենք բոլորս տեսնելու ենք, միջնաժամկետ առումով էլ ա դա լինելու, տարվա վերջում մենք ակնկալում ենք, որ գնաճն էլ կկարողանանք զսպել, կտրուկ կնվազի: Այնպես որ, պետք է խոսել մինչև մայիս, մինչև սեպտեմբեր, մինչև տարվա վերջ, ինչպես նաև մինչև մյուս ընտրություններ, որին մենք պետք է պատշաճ նախապատրաստված լինենք:
— Մինչև մայիս նախապատրաստվա՞ծ եք:
— Այո´, քանի որ այն միտումները, որ մենք արձանագրում ենք արդյունաբերության մեջ, գյուղատնտեսությունում, վկայում են այն մասին, որ դրական տենդենցները առկա են: Մեր պարտքն է` պահպանել այդ դրական միտումները մինչև տարվա վերջ:
ԼՈՒՍԻՆԵ ԿԵՍՈՅԱՆ
Class aptent taciti sociosqu ad litora torquent per conubia nostra, per inceptos himenaeos. Aenean dapibus elit ut risus varius ac mollis augue pretium! Lorem ipsum dolor sit amet, consectetur adipiscing elit. Phasellus vulputate ipsum at libero hendrerit imperdiet. Sed porta posuere sem, quis viverra dolor fermentum sed. Cras non felis at nibh gravida venenatis. Nam volutpat urna luctus nunc ultricies ut ultrices augue fermentum. In hac habitasse platea dictumst. Sed nec iaculis quam. Nunc rutrum, risus at tempor interdum, sem felis dignissim tellus, non tincidunt est arcu ac arcu. Integer tortor elit, auctor nec imperdiet nec, sollicitudin aliquet odio.
Etiam id urna tortor. Ut in dui leo. Vivamus sed eros sit amet risus faucibus dictum. Nullam pulvinar leo quis justo feugiat quis posuere tortor faucibus. Aenean vehicula orci eget lectus fermentum facilisis fringilla dui gravida. Integer elit velit, luctus id lobortis vitae, lacinia at mauris. Aliquam ut elit elit. Nulla vitae elementum purus? Integer orci tellus, consectetur a convallis convallis, vehicula nec elit. Maecenas eu massa eros?
Nunc vehicula tortor ac nibh consectetur placerat. Nam fringilla ipsum in ligula dignissim in rutrum nulla mattis. Sed hendrerit dui ut nulla euismod eu vulputate ante laoreet. Etiam eget diam nunc; quis convallis ligula. Aenean euismod ultricies volutpat. Integer sit amet sollicitudin tortor. Nunc commodo leo at dolor auctor tempus? Donec neque nisl, tempor id sodales in, placerat quis dolor. Nullam sapien felis; porttitor vel pharetra ac; mollis ac diam. In pharetra gravida nunc, vitae scelerisque massa luctus nec. Donec adipiscing tortor sit amet lacus eleifend vel vehicula dui blandit. Duis mollis volutpat ultrices. Nulla facilisi. Donec at scelerisque risus. Mauris at purus nisl, ut lacinia orci. In fringilla lobortis sodales?
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը քննարկվում է ոստիկանության Արաբկիրի բաժնի պետի օպերգծով նախկին տեղակալ, ոստիկանության փոխգնդապետ Արմեն Պողոսյանի նկատմամբ երկամսյա կալանք կիրառելու հարցը:
Հատուկ քննչական ծառայությունը Հովհաննես Թամամյանի դեմ հարուցված քրգործի շրջանակներում միջնորդել է երկամսյա կալանքի կիրառումը:
Այս պահին ընթանում է դատական նիստը` դատավոր Մնացական Մարտիրոսյանի գլխավորությամբ:
Երևանի Կենտրոն և Նորք-Մարաշ վարչական շրջանների դատարանը երկու ամսով կալանքի վճիռ է կայացվել ոստիկանության Սիսիանի բաժնի օպերգծով տեղակալ Կամո Ներսիսյանի նկատմամբ:
Դատավոր Մխիթար Պապոյանը բավարարել է Հատուկ քննչական ծառայության միջնորդությունը:Վերջինս մեղադրվում է քր.օր-ի 308 հոդվածի (Պաշտոնեական դիրքի չարաշահում) հատկանիշներով:
Նույն գործով, դատաբժշկական փորձաքննություն իրականացնող դատաբժիշկ Սարգիս Հայրապետյանին ավելի վաղ մեղադրանք էր առաջադրվել կեղծ եզրակացություն տալու և արհեստական ապացույցներ ստեղծելու համար, իսկ Կամո Հայրապետյանին` ապօրինի ձեռքբերված ինքնաձիգով քաղ. Ա.Խ-ին դիտավորությամբ մարմնական ծանր վնասվածք պատճառելու համար: Սույն գործի շրջանակներում էլ կալանավորվել է Սիսիանի բաժնի պետի տեղակալը:
Զարմանալի շտապողականությամբ քննչական գլխավոր վարչությունը «Օշականցի Գեւորիկ» մականունով Գեւորգ Մելիքյանին ներկայացրել է դատարան, նրա նկատմամբ որպես խափանման միջոց երկամսյա կալանքը ընտրելու միջնորդությամբ:
Հիշեցնենք, որ ընդամենը երեկ Մելիքյանին ձերբակալել էին թմրանյութ պահելու կասկածանքով: Հետաքրքիր է նյութերը նախապատրաստելու ընթացքում պարզվել է, որ «օրենքով գողը» նաև բարի՞գ է, թե այս պատմությունը այլ ենթատեքստ ունի:
Հետաքրքիր է, նաև որ Գեւորգ Մելիքյանին դատարան էին ուղեկցում ոստիկանության կազմակերպված հանցավորության դեմ պայքարի (ԿՀԴՊ) գլխավոր վարչության (6-րդ վարչություն) աշխատակիցները: Կարելի է չկասկածել դատավոր Մխիթար Պապոյանը պարզապես կդակի հերթական կտրոնը` որոշում կկայացնի կալանավորել Մելիքյանին:
Այսօր Նորարարական փորձարարական արվեստի կենտրոնում՝ ՆՓԱԿ բացվեց «Դիմանկար և Քաղաք» լուսանկարչական ցուցահանդեսը, որին մասնակցում էին երկու երիտասարդ արվեստագետ՝ Էնդի Դոբին և Կարեն Խոնթյանը: Էնդիի լուսանկարները քաղաքային տեսարանների, շինությունների լուսանկարներ էին, իսկ Կարենինը՝ հիմնականում դիմանկարներ, թվային ֆոտոխցիկով ու ոչ թվային՝ ժապավենով: Չնայած տարածքը կիսված էր ըստ հեղինակների, այնուամենայնիվ կար կապ՝ քաղաքներն ու դեմքերը համալրում էին իրար:
Էնդի Դոբի
— Ինչ է ֆոտոն քեզ համար:
— Ի՞նչ է ֆոտոն: Ինձ համար դա կյանքի չկրկնվող մի պահ է, երբ մի չխկոցով կարող եմ կանգնացնել ժամանակը: Երբ նայում ենք նկարին, մենք չենք մտածում, որ դա կանգնած ժամանակն է, ու երկրորդ այդպիսի պահ չի լինելու:
Լուսանկարչությամբ զբաղվել եմ վաղ տարիքից, երբ տաս տարեկանում նվեր ստացա “Սմենա” ֆոտոապարատ: Զբաղմունքս երկար շարունակություն չունեցավ: Հենց ժապավենս վերջացավ, ստիպված էի լուսանկարել դատարկ ապարատով. դրանով էլ ամեն ինչ ավարտվեց: Այդ օրից անցավ տասներեք տարի, ու ինձ կրկին համակեց ստեղծագործական ընթացքը: Լուսանկարչությամբ կրկին տարվեցի, երբ սկսեցի ճամփորդել: Իմ առաջին ճամփորդությունը Փարիզ էր, եւ ես ունեի իմ թվային ֆոտապարատը: Բարեբախտաբար տեխնոլոգիաները փոխվեցին, և ժապավենին փոխարինելու եկավ թվային ապարատը, որով կարող ես անվերջ նկարել: Իսկ Փարիզն էնքան սիրուն էր, որ ուզեցի ֆիքսել էս ամենն ու կիսվել ընկերներիս հետ, որպեսզի նրանք էլ տեսնեն այդ գեղեցկությունն իմ աչքերով:
— Ես գիտեմ, որ դու “Green Card” ունես, այսինքն՝ կարող ես ապրել ԱՄՆ-ում, բայց հիմնականում էստեղ ես ապրում ինչո՞ւ: Չե՞ս հարմարվում, ի՞նչը չես հավանում:
— Էնպես ստացվեց իմ կյանքում, որ ընկերոջս համար”Green Card” ի անկետա էի լրացնում, ձեռի հետ էլ ինձ համար լրացրեցի: Երեք ամիս անց պարզվեց, որ շահել եմ, ու պետք է տեղափոխվեմ ինձ անծանոթ էդ երկիրը: Էնտեղ ես ավելի շատ սկսեցի լուսանկարել, առաջին քիչ թե շատ հաջողված ֆոտոսեսիան, եթե դա կարելի է էդպես անվանել, ես անցկացրեցի Աստղերի պողոտայում, որքան էլ տափակ թվա: Ամերիկան էն երկիրը չի, ուր ես կուզենայի ապրել: Ես օրվա հացս վաստակում էի հայկական ու մեքսիկական հարսանիքներում լուսանկարահանումներ անելով, որոնք որպես կանոն ավարտվում էին տուրուդմփոցով:
Ընդհանրապես էնտեղի հայերը երեք տեսակի են լինում՝ ռաբիզ, ախպար ու փսեվդո ինտելիգենցիա, մի մասն էլ նորմալ մարդիկ են, բայց ցավոք, նրանք էդքան էլ չէին ուզում ծանոթանալ սյսպես ասած՝ նորեկի հետ:
Ամերիկայում ինձ մոտ ազատ ժամանակ հայտնվեց ստեղծագործելու, մենակ էի ապրում, ու իմ միակ ընկերը կոմպյուտերն էր: Քանի որ իմ լուսանկարները որակով զիջում էին, ես որոշեցի նրանց վրա մի քիչ աշխատել, էն ինչ արեցի առաջին անգամ, ինձ դուր եկավ: Սուպեր տեխնիկայի հետեւից երբեք չեմ ընկել, ինչ-որ չէր ստացվում նորմալ ֆոտոապարատ առնել, բայց ես չեմ բարդույթավորվել ու սիրած զբաղմունքս չեմ թողել: Որոշեցի պրոֆեսիոնալ տեխնիկա չգնել, որպեսզի ինքս ինձ ապացուցեմ, որ էդ ձեռքիս եղած տուփիկը կարող է արարման գործիք դառնալ:
— Պրոֆեսիոնալ տեխնիկան ի՞նչ դեր է խաղում այսօրվա լուսանկարչության մեջ որպես արվեստի: Արդյո՞ք հնարավոր է ոչ պրեֆեսիոնալ տեխնիկայով անել էնպիսի գործեր, որոնք արվեստ կընկալվեն:
— Լավ տեխնիկա ունենալով, դու չես մտածում նկարի որակի մասին, ավելի քիչ ժամանակ ես ծախսում նրա մշակման համար: Իմ կարծիքով, պետք է առաջին հերթին կարողանաս տեսնել գույներն ու որսալ պահերը, եւ ապա մտածել լուրջ տեխնիկա ձեռք բերելու մասին: Ամենամեծ երջանկությունն այն է, երբ նայում են քո աշխատանքներին, ու տեսնում էնտեղ էն ամենն ինչ դու ուզել ես փոխանցել: Մի անգամ ես իմ IPhone-ով մի կադր եմ արել, քանի որ ֆոտոապարատ չկար մոտս, իսկ կադրը խնդրում էր նկարել, ու էդ ֆոտոն ուղարկել եմ Մոսկվա Էփսոն մրցույթի, ու մոռացել դրա մասին: Ավելի ուշ ինձ նամակ եկավ, որ իմ աշխատանքը լավագույնն է ճանաչվել ու ցուցադրվելու է Մոսկվայում: Ի դեպ, էս տարի իմ եւս մեկ աշխատանք հաղթել է մրցույթում:
— Ի՞նչ ես սիրում լուսանկարել:
— Վերջին ժամանակներս ես ավելի շատ սկսել եմ քաղաքը լուսանկարել, շատ եմ ուզում կիսվել ճարտարապետական կառույցների գեղեցկությամբ, մանավանդ այն մարդկանց հետ, ովքեր դեռ հնարավորություն չեն ունեցել լինել այլ երկրներում, ուզում եմ ցույց տալ նրանց, թե որքան մեծ ու բազմազան է աշխարհը…
Կարեն Խոնթյան
— Արդեն չորս տարի զբաղվում եմ լուսանկարչությամբ: Իմ դիմանկարների մեջ ես տեսնում եմ մարդկանց ներաշխարհը, որ մարդն ասելիք ունենա հենց աչքերից, հայացքից, նաեւ շրջապատի հետ կապված՝ տեղանքից: Սիրում եմ լուսանկարել ամեն ինչ: Առաջինը կլինեմ այն մարդկանցից, ովքեր աչքերի փոխարեն կունենան բարձրորակ ֆոտոապարատ: Հոբբի չեմ համարում մասնագիտությամբ օպերատոր եմ, մեծ բավականություն եմ ստանում ամեն կադր նկարելիս, ամեն ինչ հաշվարկում եմ, մտածում եմ, հետո իմ իսկ ֆոտոները քննադատում եմ:
— Քննադատելուց ի՞նչ ես գտնում:
— Պահը, որ ճիշտ չեմ որսացել, ինչ-որ պակաս բաներ եմ գտնում, ու էդ ամեն մինուսը ուզում եմ պլյուս սարքել, որ ասելիքս ավելի հստակ լինի:
— Հիմա ում ձեռքը ֆոտոպարատ է ընկնում, սկսում է ֆոտոներ անել ու որոշում է, որ ինքը լուսանկարիչ է: Շատ մարդիկ են հիմա ֆոտո անում, արդյո՞ք կարեւոր ես համարում ֆոտոյի որակը լուսանկարչության մեջ, որպես արվեստի:
— Ես գտնում եմ, որ լավագույն տեխնիկան դա դեռ չի նշանակում ոչինչ, եթե մարդն այլ նախադրյալներ չունի: Դա երկարատեւ աշխատանք է պահանջում, ամեն սխալիցդ դասեր ես քաղում, փորձ ես ձեռք բերում: Ես լուսանկարում եմ նաեւ ֆոտոժապավենով, էդ դեպքում գույներն ավելի հյութեղ են ստացվում, կադրը ավելի խորքային է, ու դա առավելություն է: Ու բարդ է լուսանկարելն ավելի, քանի որ դու չես տեսնում անմիջապես, ոնց որ թվային ֆոտոպարատով:
— Լուսանկարչությամբ կարո՞ղ ես ապրել: Դու դա չե՞ս բացառում:
— Դե, եթե հարսանիքներ նկարես կարող ես ապրել, բայց ես հիմա չեմ կենտրոնանում վաստակելու վրա, ես ուզում եմ փորձ ձեռք բերել նախ եւ առաջ, ու ապա նոր մտածել լուսանկարչությամբ վաստակելու մասին: Իսկ լուսանկարչությունը ամբողջ աշխարհում շահութաբեր է, մեզ մոտ էլ, եթե անուն ունենաս ու վաստակ՝ կարող ես փող աշխատել, ճիշտ է, էնքան չէ ինչքան դրսում, բայց ապրել կարելի է:
Լուսինե Վայաչյան
«Ձախ» կուսակցության անդամ մի գերմանացի երիտասարդ քաղաքական գործչի բռնել են զուգարանի թուղթ գողանալու պահին: Նրան հայտնաբերել են Շտևալզունդի քաղաքապետարանի զուգարանից դուրս գալու պահին` համապատասխան թուղթը ձեռքին: Պարզվել է, որ քաղաքապետարանի հավաքարարները վերջին մի քանի շաբաթների ընթացքում նկատել են, որ կորել է ավելի քան 200 հատ զուգարանի թուղթ: Այդ «հանելուկը» պարզելու համար հավաքարարները որոշել են սեփական նխաձեռնությամբ «հետաքննություն» սկսել:
Նրանք պարզել են, որ զուգարանի թղթերն անհետանում են հենց այն օրերին, երբ քաղաքապետարանում հանդիպումներ են անցկացնում «Ձախ» կուսակցության անդամները: Նման մի օր քաղաքապետարանի աշխատակիցը նկատել է, թե ինչպես է երիտասարդ քաղաքական գործիչ Ֆրանկ Միքայել Ջոնը դուրս գալիս զուգարանից` թուղթը ձեռքին: Հետագայում մի քանի գլանափաթեթ է հայտնաբերվել նաև նրա ուսապարկում:
Երիտասարդ քաղաքական գործիչը դեռևս չի մեկնաբանել, թե ինչով են իրեն այդպես գայթակղում զուգարանի թղթերը:
«Բարով եք եկել: Հուսով եմ, ամսագիրը կհավանեք, ու որքան շատ հավանեք, այնքան մեծ է հաջորդ համարների լույս տեսնելու հավանականությունը: Շնորհակալ ենք, որ եկել եք, նայեք լավ կինո»,- այս խոսքերով նախաձեռնության համահեղինակ Արտավազդ Եղիազարյանը բացեց «Սինեմագ» կինոամսագրի շնորհանդեսը «Բյուրոկրատ» գրատանը: Մյուս համահեղինակը Տիգրան Հ. Գալստյանն է: Ամսագրի անդրանիկ համարի վրա աշխատել են Ֆրանսիական համալսարանի շրջանավարտները:
«Սինեմագ»-ը հանդես է կինոյի մասին՝ հայկական, համաշխարհային, հին, ժամանակակից և ապագա: Այլ կերպ ասած՝ ձեր ուղեցույցը մեծ կինոյի աշխարհում: Սինեմագի առաջին համարում կարդացեք. ինչպե՞ս են Քոլին Ֆըրթը և Նատալի Պորտմանը հասել Ամերիկյան կինոակադեմիայի բաղձալի մրցանակներին, մեր հայրենակիցներից ովքե՞ր են արժանացել Օսկարի, ե՞րբ և ո՞ր ֆիլմերում են համաշխարհային կինոյի աստղերը մարմնավորել հայերի, ի՞նչ դիտել մոտակա երկու ամիսներին, ի՞նչ է ժամանակակից կինոյի խնդիրն ըստ Ատոմ Էգոյանի, ինչու՞ էր Հարություն Խաչատրյանը երազում խոհարար դառնալ, ինչու՞ Յոս Ստելինգը չի սիրում ֆրանսիական կինոն, ինչպե՞ս կառուցվեց կինո Մոսկվան», — այսպես էր ներկայացված ամսագիրը անոնսների կայքում:
— Ինչո՞ւ որոշեցիք թողարկել կինոամսագիր, ինչպե՞ս առաջացավ այդ միտքը,- հարցս ուղղեցի Արտավազդին:
— Դե, կինո երևի շատերն են սիրում, եթե ոչ՝ բոլորը: Միևնույն ժամանակ Հայաստանում ոչ մի պարբերական վաղուց չի եղել, որը կլիներ կինոյի մասին, կզբաղեցներ այդ հարթակը: Կինոյի մասին միշտ գրել են, գրել են նաև Հայաստանում. սովետական տարիներին եղել է «Էկրան» ամսագիրը, ու էդ ոլորտը մնացել էր բաց: Մենք որոշեցինք հանդգնել ու այսպիսի ամսագիր թողարկել: Հիմնադիրը և հրատարակիչը «Wise buseness» ընկերությունն է, որը հովանավորեց մեր հանդգնությունը: Առաջին համարում մենք փորձել ենք լուսաբանել կինոն իր բոլոր ուղղություններով, այսինքն՝ մեզ չի խանգարում, որ զանազան ժանրեր ու արտադրողներ, թվում է՝ բոլորովին տարբեր, կարող են հանդիպել մի ամսագրի էջերում, ասենք՝ ամերիկյան ու հայկական կինոն: Հայկական կինոյի վրա պետք է հատկապես շեշտը դնել, քանի որ մեզ անհրաժեշտ է հիշել հինը ու կերտել նորը: Կփորձենք ժամանակի ընթացքում հեղինակություն ձեռք բերել, ոնց որ աշխարհում կա՝ կինոքննադատների, կինոգետների գնահատականներն են:
Վերջապես, ուղղակի կինոյի սիրահարների համար ինֆորմատիվ-հանրամատչելի ամսագիր ենք անում: Չէ՞ որ կինոն որքան հաճելի է նայել, այդքան էլ հաճելի է կարդալ դրա մասին, հարցազրույցներ, պատմություններ, գալիք նախագծեր ու այդպես՝ ամբողջական ներկայացնել»:
Ամսագիրը լի է գովազդներով, բայց դե՝ առանց դրա մեր օրերում ոչինչ հնարավոր չի: Ես կարոտով եմ հիշում հին սովետական ամսագրերը, ուր միակ գովազը կարող էր լինել հաջորդ համարի անոնսը…
Ես կինո սիրում եմ, բայց կինոգետ չեմ, ու «Սինեմագ»-ի օբյեկտիվ վերլուծություն չեմ կարող անել, այդ իսկ պատճառով մոտեցա կինոգետ Զավեն Բոյաջյանին, ում «8 ½» հաղորդաշարի ֆիլմերի դիտումը նույնքան սպասելի էր ինձ համար, որքան խաղաղեցնող ձայնով Զավենի մեկնաբանությունները, որով, ասես, ինձ ճամփա էր դնում կինոյի հեքիաթային աշխարհ…
— Ո՞նցն է ամսագիրը, Զավեն, ի՞նչ կասեք մասնագետի տեսանկյունից:
— Ուրախ եմ, որ երիտասարդական խանդավառությամբ մի խումբ որոշել է Հայաստանում կինոյի մասին հանդես տպել: Իմ զարմուհու աղջիկն էլ է նրանց մեջ, բոլորն էլ Ֆրանսիական համալսարանի շրջանավարտներ են՝ լեզուների իմացությամբ, Արտավազդ Եղիազարյանն էլ նաև արձակագիր է. մի խոսքով, երիտասարդներ են, ապրեն, որ տպել են, և հուսով եմ՝ շարունակական կլինի:
Բայց ինչո՞ւ որևէ մասնագիտական աջակցություն, գոնե որևէ փորձագետի խորհրդատվություն չկա: Ճիշտ է, ինձ արդեն առաջարկել են համագործակցել, բայց դա պետք էր անել մինչ համարի լույսընծայումը: Խոսքն իմ մասին չի, գրագետ ու բանիմաց երիտասարդներ շատ կան, ես նրանց անունները գիտեմ, իսկ իրենք չգիտեն: Այնինչ այդ երիտասարդները կարող էին շատ օգտակար լինել թե՛ նյութերի ընտրության առումով, թե՛ ընդհանրապես. ամսագիրը կշահեր, մակարդակը ավելի բարձր կլիներ: Ես հասցրի կարդալ հեղինակների անունները, նրանց մեջ ոչ մի կինոգետ չկա: Գուցե սխալ եմ, գուցե կան մարդիկ, որոնք կինոգետ չեն, բայց կարող են լավ գրել կինոյի մասին, բայց միևնույնն է, համոզված եմ, որ սա «Սինեմագ»-ի խոցելի կողմն է:
Նաև կուզեի, որ դիզայնը, գեղարվեստական ձևավորումն ավելի լիարժեք լինեին ու ավելի ժամանակակից: Ոչ թե կրկնվեր մեր տեսածը, մեր ունեցածը, այլ ավելի թարմ մոտեցումներ, ավելի նոր մտահղացումներ լինեին, որովհետև այսօր «հայկական» գավառական մակարդակով տպագիր հանդես ներկայացնելը շատ հեշտ է: Չեմ ուզում ասել, որ «Սինեմագ»-ն այդպիսին է, ուղղակի ոճական, զուտ վիզուալ առումներով պետք է ավելի ամբողջական ու օրիգինալ լիներ:
Դեռ չեմ ընթերցել, ընդամենը թերթել եմ, և սա առաջին տպավորություն է ընդամենը, բայց ավելի հետաքրքիր նյութեր էի ակնկալում, թեև մեր ստանդարտից մի քիչ բարձր է թվում, չէի ասի, որ շատ ավանդական է: Օսկարի մրցանակաբաշխությունը ներկայացնելն էլ, ըստ իս, ճիշտ չէ, քանի որ արդեն անցած այդ մրցանակաբաշխության մասին տեղեկատվության պակաս չկա, ավելի հետաքրքիր կլիներ, եթե որևէ մասնագետի վերլուծություն լիներ: Եւ հետո, Օսկարն ունի երկրների ցանկ, որոնք կարող են ֆիլմեր ներկայացնել մրցանակաբաշխությանը «Լավագույն արտասահմանյան ֆիլմ» կամ «Օտարալեզու ֆիլմ» նոմինացիայում: Հայաստանը մի քանի տարի առաջ հայտնվեց այդ նոմինացիայում, այսինքն, իր ցանկությամբ հնարավորություն ստացավ այլ երկրների պես՝ Օսկարի նախնական ընտրական հանձաժողովին ներկայացնել ֆիլմ, որն ինքն արժանի է համարում: Բոլոր երկրներից ֆիլմերն ընդունվում են, հավաքվում, ու նրանց միջից ընտրվում է հինգ թեկնածու, և դրանք էլ հենց համարվում են նոմինանտներ, նախնական՝ կուլիսային փուլում առաջադրված ֆիլմերը դեռևս նոմինանտներ չեն: Հանդեսի այս համարում ես տեսնում եմ անուններ, ում տարբեր տարիներ Հայաստանն առաջադրել է Օսկարի: Նրանք նոմինանտներ չեն, այնինչ այստեղ այդպես են ներկայացված:
Այս տարվա Օսկարը գնահատվեց ամենաթույլերից մեկը՝ զուտ արարողության ու ընդհանրապես ֆիլմերի ընդգրկվածության մակարդակով, բայց այս խնդրի վերհանումը դիլետանտի, խանդավառված էնտուզիաստի ուժերից վեր է, ավելի մասնագիտական մոտեցման կարիք կա: Գուցե իմ մոտեցումն այդքան էլ արդարացվա՞ծ չէ, գուցե՚ իրենք ուզում են տպել ինչ-որ մասսայական, հանրամատչելի բան, ու այդքան շահագրգռվա՞ծ չեն մասնագիտական ներկայությամբ: Բայց ամեն դեպքում զուտ ինֆորմացիան ներկայացնելու, ճիշտ մատուցելու առումով գոնե պետք է ունենան խորհրդատու, փորձագետ կամ օգտվեն հեղինակավոր բազաներից:
Հետո, նյութերի տարերային հաջորդականություն կա. օրինակ՝ ինչո՞ւ է Համո Բեկնազարյանը ամսագրի վերջնամասում: Հնարավոր է, մեխանիկական բան է ասածս, բայց ինչո՞վ է արդարացված այս կամ այն նյութի առաջնայնությունը:
— Դե, գուցե նո՞ր են, գուցե հետո՝ հաջորդ համարներում էդպե՞ս կլինի:
— Բան չունեմ ասելու. դրա համար էլ մեկը պետք է լինի, որ իրենց ասի՝ հա, էրեխեք ջան, լավ եք անում, բայց մի քիչ էլ լուրջ մոտեցում է անհրաժեշտ այս ամենին, որովհետև այդպես, զուտ խանդավառությամբ, «ուռա» գոռալով լուրջ բան չես անի: Այդպես Ղարաբաղի համար էլ էինք «ուռա» գոռում… Ի՞նչ, քանի՞ տարի է՝ գոռում ենք…
Լուսինե Վայաչյան
2010 թվականին Հայաստանի Հանրապետությունում Ընդհանուր իրավասության առաջին ատյանի դատարաններում արդարացման դատավճիռ է կայացվել 27 դատական գործով 35 անձանց նկատմամբ:
Ի պատասխան մեր հարցման, այս տեղեկությունը տրամադրեցին դատական դեպարտամենտից : 25 դատական գործի վերաբերյալ արդարացումը եղել է լիովին իսկ 2 գործով`փոփոխություններով, այսինքն` արդարացման վճիռը կայացվել է դատապարտվելուց հետո միայն:
Նշենք նաև, որ 2010-ին դատապարտվել է 4402 անձ:
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.