29.09.2024 | 20:03
Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսե...09.09.2024 | 12:51
Խնդրում ենք ընթերցողների ներողամտությունը26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...28.05.2024 | 11:11
Իշխանությունը մանթրաժի մեջ է․ «Հրապարակ»28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...Հատուկ քննչական ծառայությունը տեղեկատվություն է զետեղել իր կայքում, ըստ որի թմրամիջոցներ ձեռք բերելու համար կալանավորվել է Հայաստանի պետական եկամուտների կոմիտեի աշխատակից Վահագն Ղրմաջյանը:
Տեղեկության համաձայն՝ Հատուկ քննչական ծառայության վարույթում քննվող քրեական գործով Կառավարությանն առընթեր պետական եկամուտների կոմիտեի հատուկ բաժնի մաքսային տեսուչ Վահագն Ղրմաջյանին Հայաստանի Հանրապետության քրեական օրենսգրքի 268-րդ, 34-268-րդ եւ, 34-266-րդ հոդվածներով մեղադրանք է առաջադրվել այն բանի համար, որ իր ծանոթներ Բ.Մ-ի եւ Հ.Հ-ի հետ նախնական համաձայնության գալով, նրանց միջոցով, առանց իրացնելու նպատակի, Բ.Փ-ից կրկին անգամ ապօրինի ձեռք են բերել տարբեր տեսակի թմրամիջոցներ։
Վահագն Ղրմաջյանի նկատմամբ խափանման միջոց կալանավորում կիրառվել է Ապրիլի 16-ին:
Նույն գործի շրջանակներում կալանավորվել են նաեւ Հրաչյա Հակոբյանը¸ Բալաբեկ Մանուկյանը¸ Բագրատ Փաշինյանը եւ Գուրգեն Գեղամյանը:
Քրեական գործի նախաքննությունը ՀՔԾ — ում շարունակվում է:
Քիչ առաջ դատարանի դահլիճից ազատ արձակվեց Հայ ազգային կոնգրեսի համակիր, բռնցքամարտի Եվրոպայի կրկնակի չեմպիոն Սամսոն Խաչատրյանը: Այսօր Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում դատավոր Մխիթար Պապոյանը որոշում է կայացրել մեկ տարվա պայմանական ազատազրկման դատապարտել Սամսոն Խաչատրյանին:
Հիշեցնենք, որ Ս.Խաչատրյանը մեղադրվում էր 316 հոդվածի 1-ին մասով (իշխանության ներկայացուցչի նկատմամբ բռնություն գործադրելը): Մարտի 15-ին նրա նկատմամբ խափանման միջոց էր ընտրվել երկամսյա կալանքը:
Եվրոպական Միությունը կասեցրել է երկաթուղային հաղորդակցությունը Իտալիայի հետ, ինչը բխում է հասարակության շահերից: Առաջինը Իտալիայի հետ երկաթուղային հաղորդակցությունը կասեցրեց Ֆրանսիան: Կիրակի օրը Փարիզն արգելափակեց իտալական Վենտիմիլիա քաղաքից եկող գնացքների մուտքը: Այնտեղից Փարիզ էին ուղևորվում Թունիսի փախստականները: Իտալիայի կառավարությունը նրանց ժամանակավոր բնակության թույլտվություն է տրամադրել, իսկ Ֆրանսիայի իշխանությունները հայտարարել են, որ բոլոր փախստականներին ետ են ուղարկելու Իտալիա:
«Մենք լիովին ուղղորդվում ենք Շենգենյան համաձայնագրի կանոններով: Այդ պատճառով պետք է ստուգենք յուրաքանչյուր միգրանտի ֆինանսական կարողությունները: Եթե այդ պայմանները չբավարարեն մեզ, ապա ստիպված կլինենք նրանց ետ ուղարկել»,- հայտարարել է Ֆրանսիայի ներքին գործերի նախարար Կլոդ Գեանը:
Իսկ ահա Իտալիայի արտգործնախարարությունը կարծում է, որ տարաձայնություններից խուսափելու համար կողմերը պետք է համատեղ մեխանիզմ կմշակեն:
Այսօր ներկայացվել է «Freedom on the Net 2011» զեկույցը, որտեղ նշվում է, որ աշխարհի 37 երկրներում կատարած վերլուծությունների արդյունքով, հատկապես վերջին 2 տարում որոշ երկրներ քաղաքական վերահսկողության տակ են վերցրել ինտերնետ-կոնտենտը, իսկ նրանք, ովքեր նախկինում սահմանափակել են մատչելիությունը, կրկնապատկել են ջանքերը` նոր միջոցների դիմելով:
Միջազգային իրավապաշտպան Freedom House կազմակերպությունը եկել է եզրակացության, որ իշխանությունները սկսել են ավելի հաճախ միջամտել ինտերնետ տարածքում հայտնված անցանկալի ինֆորմացիայի տարածմանը, իսկ որոշ երկրներում պարզապես ոտնահարվում է ազատությունը:
Այդ իմաստով ամենաազատ երկիր համարվում է Էստոնիան, երկրորդը` ԱՄՆ-ն է, երրորդ տեղում` Գերմանիան: Հնգյակում են նաեւ Ավստրալիան եւ Մեծ Բրիտանիան:
Ադրբեջանը ցանկում գրանցված է որպես «մասամբ ազատ» երկիր:
Ոչ ազատ են դիտվել Չինաստանը, Կուբան, Բելառուսը, Իրանը, Թայլանդը, Բահրեյնը, Սաուդյան Արաբիան, Թունիսը, Վիետնամը, Եթովպիան եւ Մյանմարը:
Այսօր Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում, դատավոր Միթար Պապոյանի նախագահությամբ, ընթացավ ՀԱԿ համակիր, Եվրոպայի և ԽՍՀՄ չեմպիոն, հայտնի բռնցքամարտիկ Սամսոն Խաչատրյանի դեմ հարուցված քրեական գործի դատաքննությունը:
Սամսոն Խաչատրյանի փաստաբան Արա Զաքարյանը միջնորդություն ներկայացրեց դատարանին, որպեսզի իր պաշտպանյալի նկատմամբ փոխվի խափանման միջոց ընտրված կալանքը, և նա գրավի դիմաց ազատ արձակվի: Փաստաբանը նշեց, որ բազմաթիվ պատգամավորներ, հասարակական գործիչներ երաշխավորել են, որ Սամսոն Խաչատրյանը, ազատության պայմաններում չի խոչընդոտի դատաքննությանը, պատշաճ կներկայանա դատարան: Փաստաբանը հավաստիացրեց, որ պատրաստ են մինչև 2 մլն դրամ գրավ մուծել:
Սակայն դատախազ Աֆանդյանը առարկեց միջնորդությանը, իսկ գործով տուժողներ ճանաչված ոստիկանները հայտնեցին, թե կարծիք չունեն, և որոշումը թողնում են դատարանի հայեցողությանը:
Դատավոր Պապոյանը խորհրդակցական սենյակում քննեց պաշտպանի միջնորդությունը, որից հետո, վերադառնալով նիստերի դահլիճ, մերժեց միջնորդությունը:
Ի դեպ, դատարանի դահլիճում հավաքված մեծաթիվ անձինք բռնցքամարտիկին դիմավորեցին ՀԱԿ-ի ավանդական` «Հաղթելու ենք», Սամսոն Խաչատրյանի հեղինակած «Թունիսիլ տենք» և այլ կոչերով:
Հիշեցնենք, որ Սամսոն Խաչատրյանը ձերբակալվել է ընդդիմադիր Հայ ազգային կոնգրեսի մարտի 1-ի հանրահավաքից հետո` իշխանության ներկայացուցչի նկատմամբ բռնություն գործադրելու մեղադրանքով: ՀԱԿ-ը նրա ձերբակալությունը քաղաքական հետապնդում է համարում:
ԱԺ նախկին պատգամավոր, «Սիլ գրուպ» կոնցեռնի հիմնադիր Խաչատուր Սուքիասյանը դիմել է դատարան պահանջելով փոխել իր նկատմամբ քրեական հետապնդումը դադարեցնելու հիմքերը:
Հայտնի գործարարը դժգոհություն է հայտնել, որ Հատուկ քննչական ծառայությունն իր դեմ հարուցված գործը կարճել է ոչ թե հանցակազմի բացակայության, այլ ապացույցների անբավարարության հիմքով, և դիմել ՀՀ գլխավոր դատախազություն բողոքարկելով ՀՔԾ-ի որոշումը, պահանջելով դադարեցնել քրեական հետապնդումը Խաչատուր Սուքիասյանի նկատմամբ` նրա արարքում հանցակազմի բացակայության հիմքով: Սակայն դատախազությունը մերժել է: Այդ մերժումը որակելով անօրինական` գործարարի փաստաբաններն այժմ փորձում են խնդիրը լուծել դատարանի միջոցով:
Գործով դատաքննությունը դեռեւս չի սկսվել:
Հիշեցնենք, որ Խաչատուր Սուքիասյանը հայտնվեց անցանկալի անձաց ցուցակում, երբ 2008-ի նախագահական ընտրությունների ժամանակ պաշտպանեց ՀՀ առաջին նախագահ Լեւոն Տեր-Պետրոսյանի թեկնածությունը, որի հետեւանքով, մարտիմեկյան դեպքերից հետո նրա նկատմամբ քրեական գործ հարուցվեց՝ զանգվածային անկարգություններ կազմակերպելու մեղադրանքով: Նա հետախուզման մեջ էր մինչեւ 2009 թվականի սեպտեմբերի 2-ը, որից հետո ներկայացավ իրավապահներին: Դատարանը Խ. Սուքիասյանի նկատմամբ կալանք չկիրառեց ու դրանից մի քանի օր անց Սուքիասյանը հրաժարվեց պատգամավորական մանդատից, իսկ սեպտեմբերի վերջին պատճառաբանելով առողջական խնդիրները, հեռացավ Հայաստանից: Այս ընթացքում Խ. Սուքիասյանից տարբեր ճնշումների միջոցով վերցրեցին «Բջնի» հանքային ջրերի գործարանը:Ապա փորձեցին գործ սարքել նրա եղբոր` Սարիբեկ Սուքիասյանի նկատմամբ,անձի առևանգման մեղադրանքով, ու եթե «առևանգվածը» չլքեր Հայաստանը, դժվար թե կրտսեր Սուքիասյանը այդքան հեշտությամբ դուրս պրծներ դատախազության ճիրաններից: Չկար տուժողը` փչվեց նաև քրեական գործը:
Ինչևէ, շաբաթներ առաջ Հատուկ քննչական ծառայությունը կարճել է Խ. Սուքիասյանի նկատմամբ հարուցված քրեական գործը՝ «ապացույցների անբավարարության» հիմքով, այնինչ նրա փաստաբանների խոսքով, գործը պետք է կարճվեր ոչ թե ապացույցների անբավարարության, այլ նրա գործողություններում հանցակազմի բացակայության հիմքով:
ՄԱԿ-ը կարողացավ համաձայնության հասնել Մուամար Քադաֆիի ուժերի հետ` Լիբիային մարդասիրական օգնություն տրամադրելու հարցում, քիչ առաջ հայտարարել է ՄԱԿ-ի գլխավոր քարտուղար Պան Գի Մունը:
ՄԱԿ-ի մարդասիրական առաքելությունը կհիմնվի Լիբիայի մայրաքաղաք Տրիպոլիում, սակայն Լիբիայի կառավարության մամլո քարտուղար Մուսա Իբրահիմը հայտնել է, որ մարդասիրական միջանցք կստեղծվի նաև դեպի Միսուրատա քաղաք, որտեղ գտնվում է ընդդիմադիրների մեծամասնությունը:
«Համաձայնության պայմաններից մեկն այն մարդկանց անվտանգ տեղափոխությունն է, ովքեր ցանկանում են դուրս գալ Միսուրատայից: Կառավարական զորքերը նաև թույլ կտան, որ քաղաք ներկրվեն զանազան դեղամիջոցներ և մարդասիրական օգնություն»,-ասել է Իբրահիմը և ընդգծել, որ համաձայնությունը հնարավորություն կընձեռի մարդասիրական կազմակերպությունների ներկայացուցիչներին՝ ազատ մուտք գործել քաղաք:
Մարդասիրական «պայմանավորվածությունը» ՄԱԿ-ի և Քադաֆիի միջև կնքվեց այն բանից հետո, երբ Մեծ Բրիտանիան կոչ արեց ՄԱԿ-ին՝ Լիբիայի հարցով հրատապ բանակցություններ անցկացնել: Բանակցությունների ընթացքում Մեծ Բրիտանիայի միջազգային զարգացման հարցերի նախարար Էնդրյու Միթչելը կներկայացնի բնակչությանը առավել արդյունավետ պաշտպանելու միջոցները: Մեծ Բրիտանիայի վարչապետ Դևիդ Քեմերոնը նաև հայտարարել է, որ իրենք չեն պատրաստվում ռազմական գործողություններ իրականացնել Լիբիայում:
«Հեշտոցի մենախոսությունները» («The Vagina Monologues») անունը կրող Եվա Էնսլերի պիեսի հիմքում տարբեր կանանց վկայություններ են, նրանց թվում՝ տարեց ու երիտասարդ, ամուսնացած կամ միայնակ, լեսբուհի, պրոֆեսոր, դերասանուհի, սեքս-առևտրի աշխատողներ, սևամորթ ու սպիտակամորթ, իսպանացիների ասիացիների, հնդկացիներ, հրեաների կանայք, որոնք արել են մի բան՝ հաղթահարել են արգելքներն ու թաբուները:
— Ինչու՞ է ձեր պիեսն այդքան հայտնի,- հարցրել են Էնսլերին:
— Մարդկանց գրավում է, երբ որևէ մեկը որոշում է հաղթահարել թաբուն, — ասել է նա:
«Հեշտոցի մենախոսությունները» երկար ու սկանդալային երթով անցավ ԱՄՆ-ով և Եվրոպայով, այս տեքստերը սիրով կարդացել են Նաոմի Քեմփբլը, Մերիլ Սթրիփը, Ջեյն Ֆոնդան, Քեյթ Բլանշեթը, Ինգեբորգա Դապկունայտեն ու այլ հայտնի կանայք: Այս խիզախ կանայք մի նպատակ ունեին՝ անսալ վերջապես կանչին, որ այդքան երկար լուռումունջ էր:
Սա պաշտամունք-պիես է, գրեթե մանիֆեստ: Աշխարհի հազարավոր կանանց համար այս պիեսը դարձել է դրոշ, որով էլ նրանք «խաչակրաց արշավանք» սկսեցին ընդդեմ սեռական տգիտության ու մոլեռանդության, սեռական ու ընտանեկան բռնության, ամեն տեսակի թաբուների ու գենդերային անհավասարության: «The Vagina Monologues»-ը ծնեց մի ամբողջ ֆեմինիստական շարժում՝ «V-Day», կանանց ու աղջիկների հանդեպ բռնության դեմ: V-Day-ը միավորում է ամբողջ աշխարհի կանանց: Սա ֆեմինիստական շարժման անբաժանելի մասն է ու նշվում է աշխարհի բոլոր ծագերում: 1996 թվականից մինչ օրս «Հեշտոցի մենախոսությունները» պիեսը թարգմանվել է 45 լեզուներով և ներկայացվել աշխարհի շուրջ 130 երկրներում:
Թվում է, թե մանիֆեստը պարտավոր չի օժտված լինել գեղարվեստական արժանիքներով: Հետևաբար, փերֆորմանսին գնացողները կարող էին թերահավատ լինել, համ էլ էդ ամեն ամերիկյանն ու եվրոպականը կարծես մեզ մենթալ օտար են, դա ի՞նչ խոսելու թեմա է և այլն: Ասենք՝ էլ էնքան խոսող չունե՞նք, որ հիմա էլ օրգաններին ենք ձայն տալիս՝ մոռանալով, որ էդ օրգանից ենք բոլորս լույս աշխարհ եկել:
«Սիրտը ընդունակ է զոհաբերության:
Հեշտոցն էլ:
Սիրտը կարող է ներել ու վերականգնվել: Կարող է փոխել իր ձևը, որ մեզ ընդունի, կարող է ընդարձակվել, որ մեզ դուրս թողնի:
Հեշտոցն էլ:
Կարող է ցավ քաշել մեզ համար և ձգվել մեզ համար, մեռնել մեզ համար և, արնաքամ լինելով, մեզ բերել այս դժվարին, հրաշալի աշխարհը»:
Նեղճակատ մարդն ամեն ինչի մեջ էլ նեղճակատություն կգտնի: Գիրքը, ինչպես նաև պիեսը այն եզակիներից է, որ անպայման պետք է կարդալ: Կարելի է մանրանալ, ասել, որ պարզունակ է, անտրամաբանական մանրուքներ կան, և վերջապես՝ մեր պատմությունները չեն, մեր կանայք չունեն նման պրոբլեմներ: Ունեն, էն էլ ոնց ունեն: Բայց այստեղ իմաստը գրքի ընդհանուր գաղափարն է, ոչ թե մանրուքները: Սա կնոջն արժեվորում է որպես արարող ու կործանող ուժ միաժամանակ: Սա կնոջ ազատության մասին է, ինքն իրեն, իր մարմինը, իր անհատականությունը բացահայտելու մասին: Նրա անվտանգության ու հոգատարության իրավունքի մասին: Ստվերից դուրս գալու և օգնություն ու աջակցություն ստանալու մասին:
Կազմակերպիչներից Մարալ Բավականը, որն արդեն երկու տարի է V-Day շարժման ակտիվիստ է, ասում է.
— «Հեշտոցի մենախոսությունները» պիեսը Հայաստանում բացառիկ, աննախադեպ է V-Day շարժման պատմության մեջ ոչ միայն նրանով, որ առաջին անգամ է բեմադրվել այստեղ, այլ նաև նրանով, որ մենք որոշել ենք գրել մեր հայ կանանց մասին՝ մեզ բնորոշ պրոբլեմներով: Կարծում եմ, այդպիսի մատուցմամբ հայ հասարակության կողմից ավելի ընկալելի ու ընդունելի կլինի, էլ չեն ասի, որ դրանք մեր կանանց պրոբլեմները չեն, ներմուծված են ու հետևաբար՝ շինծու»:
Միջոցառումը կազմակերպել ու իրականացրել է Կանանց ռեսուրսային կենտրոնը «V-Day» միջազգային կանանց շարժման շրջանակներում՝ իր կամավորների մասնակցությամբ ու օգնությամբ:
Ներկայացման ողջ հասույթը կտրամադրվի «ՄաՄաՍյու» հիմնադրամին, որը ստեղծվել է մոտ երկու ամիս առաջ՝ Կանանց ռեսուրսային կենտրոնի աջակցությամբ: Իսկ ընդհանրապես հիմնադրամն զբաղվելու է կանանց վերարտադրողական ֆունկցիայի օրգանների քաղցկեղի կանխարգելման և պետպատվերից դուրս դեղորայքի համար անհրաժեշտ գումարի ձեռքբերմամբ:
Ակցիան պայմանավորված է նախ և առաջ կնոջ ազատագրման կարևորմամբ, այս պիեսը դասական պիես է, բեմադրվել է ողջ աշխարհով մեկ՝ «Համլետից» շատ:
Մենք ասում ենք «հեշտոց», ու դրանով իսկ խախտում ենք թաբուն. եթե մարդ մի բանից խոսում է, այդ բանն այլևս դադարում է նրա համար արգելված պտուղ լինել, ու կորչում է անբացատրելի անասնական ձգտումը:
Լուսինե Վայաչյան
Վրաստանում, Սուրբ Զատիկի կապակցությամբ, համաներման են ենթարկվելու ավելի քան հարյուր բանտարկյալներ, հաղորդում է «Թրենդ» գործակալությունը: Համաներման հանձնաժողովի նախագահ Ելենա Թևթորաձեն հայտարարել է, որ որոշ բանտարկյալների պատժաժամկետը կրճատվելու է մոտ 2 անգամ: «Ռուսթավի-2» հեռուստաընկերությունը տեղեկացնում է, որ համաներման են ենթարկվել հիմնականում նրանք, ովքեր դատապարտվել են թմրանյութերին առնչվող հանցագործությունների համար:
Թևթորաձեն ընդգծել է, որ համաներման են ենթարկվել նաև 14 կանայք և մեկ անչափահաս: Առաջիկա օրերին հանձնաժողովի որոշումը կհաստատի նաև Վրաստանի նախագահ Միխեիլ Սահակաշվիլին:
Վեց ամիս առաջ, Սահակաշվիլու որոշմամբ, համաներման ենթարկվեցին 200 հոգի:
Ճապոնական «Ֆուկուսիմա-1» ատոմակայանի ռեակտորների ամբողջական անջատման համար կպահանջվի 6-9 ամիս, հայտարարել է ԱԷԿ-ի օպերատոր TEPCO ընկերության ներկայացուցիչը:
Առնվազն երեք ամիս կպահանջվի ԱԷԿ-ի տարածքում ռադիացիայի մակարդակի իջեցման և հովացման համակարգերի վերականգնման համար: 3-6 ամիս կպահանջվի ռեակտորների անջատման և նրանց վերևում սարկոֆագներ կառուցելու համար: Ճապոնիայի իշխանություններն այդ ամիսների ընթացքում փորձելու են վարակազերծել ԱԷԿ-ին հարող տարածքները:
TEPCO ընկերության ներկայացուցիչ Հիրո Հասեգավան հայտարարել է, որ իրենք անելու են ամեն հնարավոր բան` վթարի հետևանքներն արագ վերացնելու համար:
Սակայն, ըստ մասնագետների, տվյալ ատոմակայանի վարակազերծումը բավական բարդ գործընթաց է: «Ֆուկուսիմա-1»-ի երեք էներգաբլոկների ստորգետնյա հատվածները լցված են ռադիոակտիվ ջրով, և նրանց հովացման համակարգերը վերականգնման ենթակա չեն: Այդ պատճառով TEPCO-ի ճարտարագետները ստիպված են նոր հովացման համակարգեր կառուցել, որոնք, բացի սառեցնելուց, նաև վարակազերծելու են ջուրը:
Այս պահին էներգաբլոկները հովացնելու համար նրանց միջով օրական 170 տոննա ջուր է անցնում, որի զգալի մասը դուրս է թափվում` իր հետ տանելով ռադիոակտիվ նյութերը, որոնք վարակում են շրջակա միջավայրը: Մոտակա 3 ամիսների ընթացքում մասնագետները փորձելու են լուծել արտահոսքի խնդիրը:
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.