Հիսուսը նավակ մտավ և լճի մյուս կողմն անցնելով՝ եկավ իր քաղաքը։ Եվ ահա մարդիկ նրա մոտ բերեցին մի անդամալույծի, որ պառկած էր մահճի մեջ։ Հիսուսը, նրանց հավատը տեսնելով, ասաց անդամալույծին.

— Քաջալերվի՛ր, որդյա՛կ, քո մեղքերը ներված են քեզ։
Օրենքի ուսուցիչներից ոմանք իրենց մտքում ասացին. «Այս մարդը հայհոյում է»։
Հիսուսը, իմանալով նրանց մտածումը, ասաց.
-Դուք ինչու՞ եք ձեր մեջ չար բան մտածում։ Ի՞նչն է ավելի հեշտ. Անդամալույծին «Քո մեղքերը քեզ ներված են» ասե՞լը, թե՞ «Վե՛ր կաց և քայլի՛ր» ասելը։ Բայց պետք է գիտենաք, որ Մարդու Որդին երկրի վրա իշխանություն ունի մեղքերը ներելու։
Ապա դառնալով անդամալույծին՝ ասաց.
— Վե՛ր կաց, վերցրո՛ւ քո մահիճը և գնա՛ քո տունը։
Անդամալույծը վեր կացավ և տուն գնաց։ Ժողովուրդը երբ այս բանը տեսավ, զարմացավ և փառավորում էր Աստծուն, որ այսպիսի իշխանություն է տալիս
մարդկանց։
(Մատթեոսի ավետարան 9:1-8)

Ռուբեն աբեղա Զարգարյան

Երևան քաղաքում հունիսի 10-11-ը՝ կեսօրից հետո, սպասվում է անձրև և ամպրոպ, ամպրոպի ժամանակ՝ քամու ուժգնացում՝ 17-20 մ/վ արագությամբ: 12-13-ի երեկոյան ժամերին առանձին հատվածներում հնարավոր է կարճատև անձրև և ամպրոպ, 14-ին սպասվում է առանց տեղումների եղանակ:

Օդի ջերմաստիճանը հունիսի 10-ին Երևանում կհասնի +35 աստիճանի:

Հանրապետության տարածքում հունիսի 10-11-ը` կեսօրից հետո, շրջանների զգալի մասում, 12-13-ը՝ երեկոյան ժամերին, հիմնականում հյուսիսային շրջաններում սպասվում է անձրև և ամպրոպ, ամպրոպի ժամանակ սպասվում է քամու ուժգնացում: ՀՀ ԱԻՆ «Հիդրոմետ» ծառայության հաղորդմամբ, առանձին վայրերում հնարավոր է կարկուտ: Հունիսի 14-ին սպասվում է առավելապես առանց տեղումների եղանակ:

Երբ Հիսուսը լճի մյուս կողմը՝ գերգեսացիների երկիրը եկավ, նրա դեմ ելան երկու դիվահարներ, որոնք դուրս էին եկել ժայռափոր գերեզմաններից։ Սրանք այնքան կատաղի էին, որ որևէ մարդ այդ ճանապարհով չէր համարձակվում անցնել։ Սրանք աղաղակեցին՝ ասելով.

— Ի՞նչ ես ուզում մեզանից, Հիսո՛ւս, Աստծո՛ւ Որդի, եկար, որ ժամանակից առաջ տանջե՞ս մեզ։
Նրանցից քիչ հեռու խոզերի մի մեծ երամակ էր արածում։ Չար ոգիները աղաչում էին Հիսուսին՝ ասելով.
— Եթե մեզ դուրս ես հանելու, մեզ թո՛ւյլ տուր գնալ խոզերի երամակը։
Հիսուսն ասաց.
— Գնացե՛ք։
Եվ չար ոգիները, դիվահարներից դուրս ելնելով, գնացին խոզերի երամակը։ Եվ ահա խոզերի ամբողջ երամակը խուժեց զառիթափից ցած, դեպի լիճը ու խեղդվեց այնտեղ։
Խոզարածները փախան և քաղաք գնալով՝ պատմեցին կատարվածի մասին, նաև՝ ինչ որ պատահել էր դիվահարներին։ Քաղաքի բոլոր բնակիչները Հիսուսին ընդառաջ ելան և հենց որ տեսան նրան, աղաչեցին, որ հեռանա իրենց սահմաններից։
(Մատթեոսի ավետարան 8:28-34)

ՀՀ արտակարգ իրավիճակների նախարարությունը ներկայացնում է առաջիկա 5 օրվա եղանակի կանխատեսումը.

Հանրապետության տարածքում հունիսի 9-ին, 12-13-ը՝ երեկոյան ժամերին, հիմնականում հյուսիսային շրջաններում, 10-11-ը` կեսօրից հետո, շրջանների զգալի մասում սպասվում է անձրև և ամպրոպ, ամպրոպի ժամանակ սպասվում է քամու ուժգնացում՝ 20-25 մ/վ, առանձին վայրերում հնարավոր է կարկուտ:

Քամին՝ հարավ-արևմտյան՝ 3-8 մ/վ:
Օդի ջերմաստիճանը 9-10-ն էապես չի փոխվի, 11-ին կնվազի 2-4 աստիճանով:

Երևան քաղաքում հունիսի 9-ին, 12-13-ը՝ երեկոյան ժամերին, առանձին հատվածներում հնարավոր է կարճատև անձրև և ամպրոպ, 10-11-ը՝ կեսօրից հետո, սպասվում է անձրև և ամպրոպ, ամպրոպի ժամանակ՝ քամու ուժգնացում՝ 17-20 մ/վ արագությամբ:

Նրանք, որ մեղանչեցին առանց Աստծու Օրենքը ճանաչելու, առանց այդ Օրենքի էլ պիտի պատժվեն, իսկ նրանք, որ Օրենքը գիտենալով մեղանչեցին, Օրենքի համաձայն էլ պիտի դատապարտվեն, որովհետև Օրենքն իմացողները չեն, որ արդարանում են Աստծու առաջ, այլ Օրենքը գործադրողները պիտի արդարանան։ Օրինակ՝ հեթանոսները Աստծու Օրենքը չունեն, բայց երբ Օրենքը չունենալով՝ բնականորեն Օրենքի պահանջներն են գործադրում, ուրեմն՝ իրենք են իրենց իսկ Օրենքը։ Այդպիսով, նրանք ցույց են տալիս, որ Աստծու Օրենքի պահանջները գրված ունեն իրենց սրտերում, այդ մասին է նաև վկայում իրենց խիղճը, երբ իրենց դատողությունները հանդիմանում կամ արդարացնում են իրենց։ Այո՛, յուրաքանչյուր ոք իր ունեցած օրենքո՛վ պիտի դատվի այն օրը, երբ Աստված մարդկանց ծածուկ գործերը կդատի Հիսուս Քրիստոսի ձեռքով, ինչպես որ ավետարանեցի ձեզ։

(Պողոս առաքյալի նամակը հռոմեացիներին 2:12-16)

Ռուբեն աբեղա Զարգարյան

Ռուս երգչուհի Ալլա Պուգաչովան սրտի կաթված է տարել: Ինչպես հաղորդում է «Комсомольская правда»-ն,  այդ մասին լրագրողների հետ հանդիպման ժամանակ ասել է երգչուհու դուստրը` Կրիստինա Օրբակայտեն:
«Մայրս սրտի կաթված է տարել, բժիշկը ժամանել է Լոնդոնից` ախտորոշման համար: Որոշեցինք, որ Բագրատ Գեղամի Ալեքյանը մորս ևս մեկ ստենդ կտեղադրի»,- ասել է Օրբակայտեն` նշեկով, որ վիրահատությունը պետք է անցկացվեր Վիշնևսկու անվան հիվանդանոցում: Նա հայտնել է, որ Պուգաչովան արդեն մեկ անգամ ենթարկվել է սրտի ստենդավորման:

Վիշնևսկի հիվանդանոցի տնօրեն Ռեվիշվալ Ամիրը, սակայն, լրագրողներին հայտնել է, որ վիրահատական միջամտության անհրաժեշտություն չի եղել: Կատարվել է միայն ախտորոշում:

Այսօր՝ հունիսի 7-ին, ամուսնանում է ԱԺ ՀՀԿ-ական պատգամավոր Արկադի Համբարձումյանի՝ Դերժավայի Արկադիի կրտսեր դուստրը՝ Սվետան։ Վերջինիս փեսացուն մամուլին աղմկահարույց պատմություններով հայտնի Ռուբեն Սիմոնյանի՝ «Բոգո» մականունով հեղինակության որդին է՝ Հովոն:

Asekose.am-ին հայտնի է դարձել, որ զույգի հարսանյաց արարողությանը ելույթ կունենա ռեփեր Տիմատին, ով արդեն ժամանել է Երևան:

Հիշեցնենք, որ վաղը Հանրապետության հրապարակում կկայանա նաև Տիմատիի անվճար մենահամերգը:

https://www.youtube.com/watch?v=zvqr4Oj02Uc