Ուզբեկստանի եւ  Ղրղզստանի սահմանային շրջանում տեղի է ունեցել 6«4 բալ ուժգնությամբ երկրաշարժ« տեղեկացնում է BBC-ն:

Երկրաշարժի էպիկենտրոնը գտնվել է ուզբեկական Ֆերգանա քաղաքից 42 կմ հեռավորության վրա:

Հնարավոր ավերածությունների եւ զոհերի մասին դեռեւս տեղեկություններ չեն հաղորդվում:

Պակիստանում առաջին անգամ երկրի արտաքին գործերի նախարար է նաշանակվել կին: 34-ամյա Հինա Ռաբանի Հառը Պակիստանի պատմության մեջ նաեւ առաջին նման երիտասարդ արտգործնախարարն է:

Հառը նախկինում Պակիստանի արտգործնախարարի տեղակալն էր:

Պակիստանի նախկին արտգործնախարարը պաշտոնաթող է եղել այս տարվա փետրվարին կառավարության նոր կազմի ձեւովորման ժամանակ:

Չնայած որոշ սպաներ հայտարարել են բանակը լքելու և ապստամբներին միանալու մասին, սակայն սիրիական բանակը շարունակում է հավատարմորեն ծառայել երկրի նախագահ Բաշար Ալ-Ասադին: Ըստ MIGNews.com կայքի տեղեկությունների, նրանք երեկ գրոհել են Հոմս քաղաքի բնակելի թաղամասերի վրա, զոհվել է 10 մարդ:

Իրավապաշտպան Ռամի Աբդ Ալ-Ռահմանի հաղորդմամբ` մարտերն ավելի կատաղի են եղել դրանից մեկ օր առաջ. իրար են բախվել Բաշար Ալ-Ասադի կողմնակիցներն ու հակառակորդները, որի հետևանքով Հոմս քաղաքում զոհվել է 30 մարդ:

Հզոր «Մաոն» թայֆունը մոտենում է Ճապոնիային: Քամու արագությունը թայֆունի էպիկենտրոնում վայրկյանում հասնում է 40 մետրի:

Հարավային նահանգներից սկսվել է բնակչության տարհանման գործընթացը:  Տեղի իշխանություններն ափամերձ հատվածների և ջրամբարների մոտակայքում բնակչությանը տեղեկացրել է բարձր ալիքների, հեղեղումների և փլուզումների վտանգի մասին: Հարավային նահանգներում արդեն չեղյալ են համարվել ավիաթռիչքները, դադարեցվել է լաստանավային հաղորդակցությունը, մի շարք շրջաններում ժամանակավորապես դադարեցվել է էլեկտրաէնեգիայի մատակարարումը: Ըստ ԻՏԱՌ-ՏԱՍՍ-ի, օդերևութաբանների կանխատեսմամբ` Ճապոնիայի մի շարք շրջաններում ուժեղ քամին կմոլեգնի մինչև ուրբաթ:

Չինաստանում խոշոր չափերով կաշառակիրության մեղադրանքով ազատազրկած չինական քաղաքների նախկին քաղաքապետեր Սյույ Մայունուի եւ Ցի Ժենցզեի նկատմամբ այսօր առավոտյան ի կատար է ածվել մահապատիժը, հայտնում է «Ինտերֆաքս»-ը:

Հուլիսի 7–8–ը Երևան և Բաքու կատարած այցի ժամանակ,  Ռուսաստանի արտգործնախարար Սերգեյ Լավրովը Հայաստանի և Ադրբեջանի նախագահներին էր փոխանցել ԼՂ հակամարտության կարգավորման վերաբերյալ Մեդվեդևի անձնական  ուղերձն ու առաջարկները:

ՀՀ արտգործնախարար Էդվարդ Նալբանդյանը ռուսաստանցի իր գործըկերոջ հետ հեռախոսազրույցի ժամանակ նշել է, որ Հայաստանը մոտ ժամանակներս կպատասխանի ԼՂ հակամարտության կարգավորման վերաբերյալ ՌԴ նախագահ Դմիտրի Մեդվեդևի առաջարկներին:

 Ռուսական «Ռիա նովոստի» գործակալությունը, հաղորդում է, որ արտգործնախարարները քննարկել են ԼՂ հակամարտության շուրջ ստեղծված իրադրության տարբեր ասպեկտները:

Ռուսաստանը, ինչպես երևում է վճռական է տրամադրված. «Ընդգծվել է հրադադարի ռեժիմի խիստ պահպանման անհրաժեշտության, փոխադարձ հիմքի վրա անվտանգության լրացուցիչ միջոցառումների իրականացման և վստահության ամրապնդման, միջադեպերը հետաքննելու հարցում համագործակցության շուրջ Աստրախանում ( 2010թ. հոկտեմբերի 27–ին) և Սոչիում (2011թ. մարտի 5–ին) ՌԴ նախագահ Դ.Ա. Մեդվեդևի՝ Հայաստանի նախագահ Ս.Ա. Սարգսյանի և Ադրբեջանի նախագահ  Ի.Հ. Ալիևի հետ հանդիպումների ժամանակ ձեռք բերված պայմանավորվածությունների գործնականում իրականացման ակտուալությունը»,– ասված է ՌԴ ԱԳՆ–ի տարածած հաղորդագրության մեջ:

Yediot Ahronot իսրայելական օրաթերթի հաղորդմամբ, ԱՄՆ ԿՀՎ-ի նախկին աշխատակից Ռոբերտ Բաովերը այն կարծիքին է, որ Իսրայելը շուտով հարվածելու է Իրանի ատոմակայաններին,որին պաշտոնական մասնակից է դառնալու ԱՄՆ-ն:
Ռոբերտ Բաովերը  հայտարարել է, որ Իսրայելը սեպտեմբերին կհարձակվի Իրանի վրա: Ըստ նրա՝ Իսրայելի վարչապետ Նեթանյահուն Իրանին հարվածելու նախագիծ է մշակել,որը  իրագործելու է նախքան Պաղեստին անկախության հանրաքվեն:

Yediot Ahronoti մատուցմամբ, Բաովերը նշել է. «Իսրայելը հարվածելու է Իրանի ատոմակայաններին։ Իրանն էլ փոխադարձ քայլով հարվածելու է տարածաշրջանում ամերիկյան ու իսրայելյան կենտրոններին, որի արդյունքում ԱՄՆ-ը պարտավորված մասնակցելու է Իսրայելի նախագծած գործողություններին: Բայց սա կարող է աղետալի լինել Իսրայելի համար, որովհետև այդ եպկիրը բավարար զինուժ չունի նման պատերազմին համար»։

ԱՄՆ պետքարտուղար Հիլարի Քլինթոնը մասնակցել է  Ստամբուլում  կայացած Լիբիայի հարցով կոնտակտային խմբի համաժողովին: Վերջինս Թուրքիայի նախագահ Աբդուլլահ Գյուլի հետ հանդիպման ժամանակ  կարևորել է Թուրքիա-Իսրայել բարեկամանական հարաբերությունների վերականգնման և հայ-թուրքական հարաբերությունների կարգավորման գործընթացը:

ԱՄՆ պետքարտուղարը հատկապես կարևորել է նախորդ տարի «Մավի Մարմարա»-ի հետ կապված դեպքից հետո լարված թուրք-իսրայելական հարաբերությունները։ «ԱՄՆ-ը աջակցում է Թուրքիա-Իսրայել գաղտնի բանակցություններին և պատրաստ է ամեն ինչ անել դրանց հաջող ավարտի համար»,‑ընդգծել է Քլինթոնը։

Իսկ Թուրքիայի նախագահ Աբդուլլահ Գյուլն ընդգծել է, թե համաձայն է, որ Իսրայելը պետք է ներողություն խնդրի և փոխհատուցում վճարի: Գյուլը նաև  հավելել է, որ Թուրքիան չի անտեսի Իսրայելի կողմից բարի կամքով պարզած ձեռքը:

Խոսելով Հայաստան-Թուրքիա հարաբերությունների կարգավորման գործընթացի մասին, ԱՄՆ պետքարտուղարն անհրաժեշտ է համարել, որ այն կրկին աշխուժանա և  շարունակվի։

Հիշեցնենք, որ Քլինթոնը հայ-թուրքական հարաբերությունների հետ կապված խնդիրը բարձրացրել է նաև թուրքական գլխավոր ընդդիմության ղեկավարների հետ հանդիպմանը:

Կանանց մի խումբ, իրեն անվանելով «Պուտինի բանակ», երիտասարդ աղջիկներին կոչ է անում աջակցել վարչապետի թեկնածությանը առաջիկա նախագահական ընտրություններին, հայտնում է BBC-ն:

Աղջիկներին առաջարկվում է մասնակցել ֆիլմի նկարահանմանը,  որտեղ նրանք պետք է պատռեն իրենց զգեստները հանուն Պուտինի:

Ինչպես հաղորդվում է, այս շաբաթ Մոսկվայի կենտրոնում կանցկացվի նման ակցիա: Պուտինի աջակցության պատվին լավագույն ստրիպտիզ պարողին կազմակերպիչները խոստացել են արժեքավոր մրցանակ` iPad2 համակարգիչ:

Եկեղեցին, ինչպես նաեւ այլ կազմակերպությունները, որոնք նման վարքագիծը համարում են անբարոյական, դեռեւս չեն արձագանքել այս երեւույթին:

«ՌԻԱ Նովոստի» գործակալությունը տեղեկացնում է, որ Ռուսաստանի արտգործնախարար Սերգեյ Լավրովն Ադրբեջանի արտգործնախարար Էլմար Մամեդյարովի հետ Մոսկվայում կքննարկի ղարաբաղյան հակամարտության կարգավորման խնդիրը:

Ակնկալվում է,որ  երկկողմ հանդիպմանը  հիմնականում կքննարկվեն  ղարաբաղյան հակամարտության կարգավորման բանակցային գործընթացի վերաբերյալ Մոսկվայի առաջարկությունները, որոնք ադրբեջանական ղեկվարությանը փոխանցվել էին հուլիսի  8 -ին` Լավրովի Բաքու կատարած այցի ժամանակ: