Հիմք ընդունելով Հայաստանի Հանրապետության կառավարության 2018 թվականի դեկտեմբերի 13-ի որոշումը, ՀՀ կրթության և գիտության նախարարության և Հայաստանի երիտասարդական հիմնադրամի միջև կնքված նվիրաբերության պայմանագիրը` 2019 թվականի փետրվարի 11-ից մարտի 1-ը հայտարարվում է փաստաթղթերի ընդունելություն` ուսման վարձավճարների զեղչի նպատակով:

Ծրագրին կարող են դիմել առկա և հեռակա ուսուցմամբ բակալավրի և մագիստրոսի կրթական ծրագրում ընդգրկված այն ուսանողները, ովքեր 2016 թվականի ապրիլի 2-ից 6-ն ընկած ժամանակահատվածում ՀՀ զինված ուժերում իրականացրել են մարտական հերթապահություն կամ մասնակցել են մարտական գործողությունների (զինվորական գրքույկում պարտադիր է համապատասխան նշման առկայությունը) և բուհում առաջադիմությունից ելնելով օգտվում են մինչև 50 տոկոս զեղչից:

Նշված ծրագրով 2016 թվականի ապրիլի 2-ից 6-ն ընկած ժամանակահատվածում ՀՀ զինված ուժերում մարտական հերթապահություն իրականացրած կամ մարտական գործողություններին մասնակցած առկա և հեռակա ուսուցմամբ բակալավրի և մագիստրոսի կրթական ծրագրերով սովորող ուսանողներն՝ ըստ առաջադիմության, կարող են ստանալ լրացուցիչ  20 տոկոս զեղչ: Դիմողները պետք է ներկայացնեն հետևյալ փաստաթղթերը՝

1.Անձնագրի կամ նույնականացման քարտի բնօրինակը և պատճենը, /բնօրինակը տեղում հետ կվերադարձվի/

2.3×4 չափսի մեկ լուսանկար,

3.ուսանողական տոմսի պատճեն,

4.ստուգման գրքույկի պատճեն՝ հաստատված դեկանի կողմից,

5.զինվորական գրքույկը և զինվորական գրքույկի պատճենը /բնօրինակը տեղում հետ կվերադարձվի/, եթե զինվորական գրքույկում հստակ նշված չէ, որ մարտական հերթապահությունը իրականացվել է 2016 թվականի ապրիլի 02-ից 06-ն ընկած ժամանակահատվածում, ապա զինվորական գրքուկից բացի անհրաժեշտ է ներկայացնել կնքված տեղեկանք համապատասխան տարածքային զինկոմիսարյատից,

6.տեղեկանք բուհից, որտեղ նշված պետք է լինի ֆակուլտետը, կուրսը, առկա/հեռակա ուսուցմամբ բակալավրի/մագիստրոսի կրթական ծրագրում սովորելու հանգամանքը, ուսման վարձի չափը, ինչպես նաև այն փաստը, որ ուսանողն օգտվում է բուհի կողմից սահմանված 30 (40) տոկս զեղչից,

7.լրացված դիմումը, որը կարող եք ներբեռնել հետևյալ հղումով:

Տեղեկացնում ենք, որ բուհի,  ՀՀ ԿԳՆ-ի և ՀԵՀ-ի  կողմից  տրամադրվող ընդհանուր զեղչի գումարը չպետք է գերազանցի ուսման վարձավճարի 50 տոկոսը: Փոխհատուցումը իրականացվելու է 2018-2019 ուսումնական տարվա համար:

Դիմումներն ընդունվում են Հայաստանի երիտասարդական հիմնադրամի գրասենյակում (ՀՀ, ք. Երևան, Աբովյան 50/5) յուրաքանչյուր աշխատանքային օր՝ ժամը 10:00-17:00: Ընդմիջում՝ 13:00-14:00:

Այլ հարցերի համար զանգահարել 010 545802, 010 567922:

ԱՄՆ-ի պետքարտուղարության հայտարարություններին, կարծում եմ,  Հայաստանի արտգործանախարարությունը կպատասխանի: Փետրվարի 13-ին լրագրողների հետ զրույցում հայտարարեց Հայաստանի պաշտպանության նախարար Դավիթ Տոնոյանը՝ մեկնաբանելով  83 անձից բաղկացած հայկական մարդասիրական առաքելությունը Սիրիա ուղարկելու հարցով ԱՄՆ դիրքորոշումը:

Նրա կարծիքով՝ տվյալ հարցով Վաշինգտոնի դիրքորոշման հետ կապված որոշակի աշխարհաքաղաքական տարաձայնություն կա, սակայն Հայաստանի կողմից Սիրիային աջակցությունը, որի մի մաս է նաեւ հայկական համայնքը, բարոյական տեսանկյունից «անխոցելի է» եւ չի կարող շահարկումների պատճառ դառնալ:

Հիշեցնենք, որ ԱՄՆ-ի պետդեպարտամենտը բացասաբար է արձագանքել 83 անձից բաղկացած հայկական մարդասիրական առաքելությունը Սիրիա ուղարկելու մտադրությանը եւ ընդգծել, որ չի աջակցում հայ մասնագետների մասնակցությունը Սիրիայի զինված ուժերի հետ համագործակցությանը, ինչպես նաեւ դեմ է այդ առաքելության շրջանակներում Ռուսաստանի հետ Հայաստանի համագործակցությանը:

Ռուսաստանի Դաշնությունը միշտ եղել է հայկական կոնյակի առաջին խոշոր սպառողը: Այստեղ գնահատում են մեր կոնյակի բարձր համային ու որակական հատկանիշները: Բայց Հայաստանում օրենսդրական որոշ փոփոխություններ գործում են ի վնաս հայ արտահանողի՝ նրան դուրս մղելով իր ամենաեկամտաբեր շուկայից: Բարեփոխումների աջակցության հանրային նախաձեռնությունը ոլորտի մասնագետների հետ կազմել է հայկական կոնյակի արտահանման գործընթացի բարելավման առաջարկների փաթեթ, որը կներկայացվի ՀՀ վարչապետին և ԱԺ նախագահին:

Փաստաթղթերը կազմվել են խաղողագործության, գինու և կոնյակի արտադրության և արտահանման հարցերի շուրջ Բարեփոխումների աջակցության հանրային նախաձեռնության  կազմակերպած քննարկումների արդյունքում: Քննարկումներին մասնակցել են նաև գինի և կոնյակ արտադրող ու արտահանող ընկերություններ: Արտադրողների ու արտահանողների առաջնահերթ մտահոգությունը պետական տուրքի մասին ՀՀ օրենքում լրացումներ և փոփոխություններ կատարելու մասին օրենսդրական փոփոխությունն է, որն ընդունվել է 2018  թ. հունիսի 13-ին 6-րդ գումարման Ազգային ժողովի կողմից և գործում է արդեն այս տարվա հունվարից:  Փոփոխությունը  նախատեսում է արտադրողի կողմից 100.000 լ և ավելի իրացրած կոնյակի թրմօղու արտադրանքի յուրաքանչյուր լիտրի դիմաց գանձել 100 դրամ պետական տուրք: «Արարատի Աբրիկոն» ոգելից խմիչքների գործարանի տնօրեն, Բարեփոխումների աջակցության հանրային նախաձեռնություն կազմկոմիտեի անդամ Կարեն Խաչիկյանը  առնվազն տարօրինակ է համարում այն փաստը, որ մեր երկրում արտահանման ժամանակ պետտուրք է վճարվում հիմնական արտադրվող ապրանքի համար, որը  հանածո չէ և ստացվում է վերամշակման արդյունքում. «Ասեմ ավելին, Ադրբեջանը օրենք ունի, որով արտահանվող ապրանքների համար 3 %-ի չափով բոնուսային համակարգ է գործում, այսինքն՝ արժեքի 3 %-ը, գումարած նաև հարկերը, պետությունը վերադարձնում է տնտեսվարողին: Ընդ որում ալկոհոլային խմիչքների դեպքում վերադարձնում է 6 %-ը: Այսինքն այնտեղ արտահանողի համար գործում են ավելի ձեռնտու պայմաններ, հետևաբար նա ավելի մրցունակ է: Մենք մեր օրենքով հավելյալ 100 դրամ ենք ավելացնում ինքնարժեքին, 21 ցենտ արտահանման շուկայում, իսկ ռուսական ընկերությունները շահագրգռված են էժան ընդունել և յուրաքանչյուր ցենտի համար մեծ պայքար են մղում, որովհետև միլիոնավոր լիտրերի մեջ դա մեծ գումար է կազմում, արդյունքում էլ հրաժարվում են աշխատել հայկական ընկերությունների հետ»:

Մյուս խնդիրը, որ բարձրաձայնում են մասնագետները, հարկային ծանրաբեռնվածությունն է: Կոնյակի թրմօղին արտահանելու համար ԱԱՀ-ից բացի վճարվում է նաև աքցիզային հարկ, որը դարձել է 4560 դրամ: Արտահանողը մինչև բոլոր այդ տուրքերը չվճարի արտահանման թույլտվություն չի ստանում: Նախկինում փոքր ու միջին արտահանողները այդ տուրքերից խուսափելու համար համատեղ  գործունեության պայմանագիր էին կնքում կոնյակի արտոնագիր ունեցող ընկերությունների հետ: Այսօր արդեն նոր օրենքով դա անհնար է, որովհետև իրենք էլ պետք է արտոնագիր ունենան՝ վճարելով 15 մլն դրամ:

Այս և նախորդ խնդիրներով պայմանավորված ռիսկերն ի մի բերելով՝  Բարեփոխումների աջակցության հանրային նախաձեռնությունը կազմել է առաջարկությունների 2 փաթեթ՝ ուղղված ՀՀ վարչապետին և ԱԺ նախագահին: Առաջին փաստաթղթով առաջարկվում է ընդառաջ գնալ արտահանողներին և կասեցնել 100 դրամ հավելյալ տուրքի վերաբերյալ օրենքի կիրառումը, երկրորդ փաստաթուղթը նախատեսում է այնպիսի օրենքի մշակում, որի համաձայն արտահանողը չի մուծի ԱԱՀ և մյուս այն հարկերը, որոնք միևնույնն է պետությունը վերադարձնում է: Աջակցելով ու թեթևացնելով արտահանման գործընթացը՝ ընդհանուր առմամբ մեր պետությունը կխթանի հայրենական արտադրության մեջ բրենդային նշանակություն ունեցող կոնյակագործության ու գինեգործության զարգացմանը:

«Արտաշատ վինկոն» գինու-կոնյակի գործարանի տնօրեն Ծերուն Վիրաբյանը մեջ բերելով «Գյուղ կանգնի՝ գերան կկոտրի» հայտնի խոսքը, կարևորում է ոլորտի մասնակիցների միավորումը նման խնդիրների լուծման շուրջ. «Հարյուր դրամը միգուցե շատ մեծ գումար չի թվում, բայց գործում դա մեծ գումար է, ու չի կարելի տնտեսվարողներին հանկարծակիի բերել նման որոշումներ կայացնելով: Կան պայմանագրեր, հաստատված գներ, գործընկերություն, իսկ ռուսական շուկան մեր մենաշնորհը չէ, ամբողջ աշխարհի աչքն է այդ շուկայի վրա¦:

Ոլորտի մասնակիցների ուժերը համախմբելու կարևորությունը շեշտեց Բարեփոխումների աջակցության հանրային նախաձեռնության ղեկավար Գևորգ Թադևոսյանը. «Նման քննարկումները կարևոր են, որովհետև բիզնեսը պիտի խոսի, եթե չի խոսում ու խնդիրները չի ձևակերպում, խնդիրները չեն լուծվում: Եվ գործարարին մնում է կա՛մ համակերպվել, կա՛մ թողնել-գնալ: Կարևոր է, որ խոսի հենց գինու և կոնյակի արտադրությունը, որը մեր երկրի համար և՛ տնտեսության գերակա ճյուղ է՝ որպես գյուղատնտեսական հումքի կարևոր հիմնական վերամշակող, և՛ Հայաստանը ներկայացնող բրենդ:  Եվ ընդհանրապես՝ արտադրողին ու հատկապես արտահանման արտադրանք թողարկող արտադրողին ոչինչ չպիտի խանգարի իր գործում»:

Այս առումով, որպես ոլորտը համակարգող կարևոր կառույց ներկաները կարևորեցին  Խաղողագործության և գինեգործության հիմնադրամի գործունեությունը: Հիմնադրամի տնօրեն  Զարուհի Մուրադյանը, անդրադառնալով ոլորտի խնդիրներին, նշում է՝ դրանք շատ են.   բարձր աքցիզային հարկ, արտոնագրի բարձր վճար, խաղողագործությունում առկա խնդիրներ:

Ոլորտի ամբողջ ներուժը առկա խնդիրների հաղթահարման ու զարգացման շուրջ մոբիլիզացնելու համար Բարեփոխումների աջակցության հանրային նախաձեռնության կազմկոմիտեի անդամ, Առաջատար տեխնոլոգիաների ձեռնարկությունների միության ղեկավար Կարեն Վարդանյանը կարևորում է  Խաղողագործության և գինեգործության հիմնադրամի վերակազմավորումը ասոցիացիայի: Տեղեկատվական տեխնոլոգիաների ոլորտն էլ է բախվել օրենսդրական խնդիրների և դրանց լուծումը հնարավոր է եղել միայն հիմնադրամից ասոցիացիայի անցման, ՏՏ ընկերությունների համախմբման միջոցով. «Պետք է մշակվի ռազմավարություն, զարգացման ուղղությունները նախանշվեն, հստակ գծագրվի հաղթանակի պատկերը»:

Պաշտպանության նախարարության մամուլի քարտուղար Արծրուն Հովհաննիսյանն արձագանքել է ՀՀ կողմից Սիրիայի Արաբական Հանրապետություն հումանիտար մասնագետներ և նրանց անմիջական անվտանգությունն ապահովող անձնակազմ ուղարկելու փաստին:

ՊՆ-ն հանդիսանում է այդ կենտրոն ՊՈԱԿ-ի լիազոր մարմինը։

Տեղեկանք

• Հայաստանի Հանրապետության և Սիրիայի Արաբական Հանրապատության կառավարությունների միջև 2001թ. օգոստոսի 27-ին կնքվել է համագործակցության մասին համաձայնագիր (այսուհետ՝ Համաձայնագիր),

• Համաձայնագիրը սահմանված կարգով վավերացվել է 2002թ. փետրվարի 4-ին և ուժի մեջ է մտել 14.02.2002թ.

• Համաձայնագրի 2-րդ հոդվածի դրույթները սահմանում են, որ Կողմերը փոխադարձ պայմանավորվածության դեպքում կարող են համագործակցել նաև այլ բնագավառներում.

«Համատեքստի հետ միաժամանակ հաշվի են առնվում»՝
ա) պայմանագրի մեկնաբանման կամ դրա դրույթների կիրառման վերաբերյալ մասնակիցների միջև հետագա ցանկացած համաձայնություն,
բ) պայմանագրի կիրառման հետագա պրակտիկան, որը սահմանում է դրա մեկնաբանման վերաբերյալ մասնակիցների համաձայնությունը,

• Վերը նշվածը ուղղակիորեն ամրագրում է կողմերի իրավասությունը մեկնաբանելու Համաձայնագրի դրույթները երկկողմանի ընդունելի տարբերակով,

• Համաձայնագրի 4-րդ հոդվածը Կողմերին պարտավորեցնում է՝ «Համաձայնագրի դրույթներն իրագործելիս պետք է ամբողջապես պահպանեն փոխամկաված տեղեկատվության ամբողջական գաղտնիությունը»

• «Պետական և ծառայողական գաղտնիքի մասին» ՀՀ օրենքի 6-րդ հոդվածն ամրագրում է, որ «Այլ պետությունների գաղտնիքների և Հայաստանի Հանրապետության պետական և ծառայողական գաղտնիք կազմող տեղեկությունների հետ կապված հարաբերությունները կարգավորվում են Հայաստանի Հանրապետության միջազգային պայմանագրերով»:

• «Պետական և ծառայողական գաղտնիքի մասին» ՀՀ օրենքի 8-րդ հոդված 3-րդ մասի «ե» կետի համաձայն՝ «ՀՀ կառավարությունը ձեռնարկում է միջոցներ պետական և ծառայողական գաղտնիք կազմող տեղեկությունները համատեղ օգտագործելու և պաշտպանելու վերաբերյալ Հայաստանի Հանրապետության միջազգային պայմանագրերի կատարման ուղղությամբ»:

Եզրակացություն

ՀՀ կողմից Սիրիայի Արաբական Հանրապետություն հումանիտար մասնագետներ և նրանց անմիջական անվտանգությունն ապահովող անձնակազմ ուղարկելու ընթացակարգերը ՀՀ օրենսդրության տառին համապատսխան պահպանվել են։ Համապատսխան իրավական ակտերի մի մասը Պետական և ծառայողական գաղտնիքի վերաբերյալ ՀՀ օրենսդրության համապատասխան հրապարակման ենթակա չեն։

Ավելին՝ դրանց չարտոնված հրապարակումը ենթադրում է ՀՀ քրեական օրենսգրքի 306-րդ հոդվածով սահմանված պատասխանատվություն։

Հ.Գ. Ի դեպ նկարում կարող եք տեսնել, որ առաջին խումբը արդեն Հալեպում է։ Ողջ հայ ժողովուրդը հպարտություն է ապրում Սիրիայի ժողովրդին և մեր հայրենակիցներին մեր կողմից իրականացվող մարդասիրական օգնության համար։ Մի քանի հասարակական գործիչներ պետք է հստակ կողմնորոշվեն իրենց կարծիքներում՝ դա զուտ մտահոգություն է, անընկալում, թե ի՞նչ»։

Վերջնականորեն ավարտեցինք ՀՀ կառավարության կառուցվածքի քննարկումները:

Այս մասին ֆեյսբուքյան իր էջում գրել է ՀՀ վարչապետ Նիկոլ Փաշինյանը:

«ՀՀ-ում կլինի 12 նախարարություն: Վարչապետի աշխատակազմում կստեղծվի Սփյուռքի գործերի գլխավոր հանձնակատարի պաշտոն, ով կլինի վարչապետի ներկայացուցիչը Սփյուռքի հետ հարաբերություններում եւ վարչապետի անունից կհամակարգի կառավարության աշխատանքները սփյուռքի հետ հարաբերություններում»,-գրել է նա:

Հայաստանի վարչապետ Նիկոլ Փաշինյանը երկրում տեղի ունեցած հեղափոխությանը հաջորդած ամիսների ընթացքում գրանցված կարևորագույն նվաճումներից է համարում այն, որ Հայաստանն այժմ ժողովրդավարական երկիր է: Այս մասին նա ասել է Deutsche Welle-ի ռուսական ծառայությանը տված հարցազրույցում:

«Ամենակարևոր նվաճումն այն է, որ հիմա Հայաստանը ժողովրդավարական երկիր է: Հայաստանից արմատախիլ է արվել համակարգային կոռուպցիան, երկրում չկա տնտեսական մենաշնորհ: Բոլոր քաղաքացիները հավասար են օրենքի առաջ: Իսկապես քաղաքացիներն են որոշում իշխանության ճակատագիրը»,- ասել է Փաշինյանը:

Նա ընդգծել է, որ իշխանություններն այժմ պետք է անեն ամեն բան, որպեսզի կոռուպցիան նոր արմատներ չունենա:

Անդրադառնալով Մարտի 1-ի գործով դատավարությանը, որտեղ որպես մեղադրյալ է ներգրավված Հայաստանի Հանրապետության երկրորդ նախագահ Ռոբերտ Քոչարյանը, վարչապետը նշել է, որ քննությունն ընթացքի մեջ է: «Քրեական գործի քննությունը շարունակվում է: Թե ինչի այն կհանգեցնի, չեմ կարող ասել»,- ասել է վարչապետ Փաշինյանը:

Կառավարությունը «Նաիրիտը» վերագործարկելու հարցը կարող է քննարկել այն պայմաններում, երբ առկա է առարկայական, հստակ հաշվարկելի և գնահատելի ծրագիր: Մենք դեռևս այդ փուլում չենք: Այս մասին այսօր Կառավարության նիստից հետո լրագրողների հետ զրույցում ասաց տնտեսական զարգացման և ներդրումների նախարար Տիգրան Խաչատրյանը՝ անդրադառնալով մամուլի հրապարակմանը:

«Նաիրիտի» հարցը շատ զգայուն է: Պետությունը պատրաստ է քննարկել տնտեսության զարգացման բոլոր նախաձեռնությունները միայն այն հիմքով, երբ որ դրանք իրատեսական են»,- ասաց նա:

Հիշեցնենք, որ «168 ժամ»-ը գրել էր, որ «Նաիրիտի» համակարգող խումբը կոչ է անում ՀՀ վարչապետ Նիկոլ Փաշինյանին և կառավարությանը՝ հետաքննել, թե ի՞նչ հիմքով են չինացիները մուտք գործել ռազմավարական նշանակություն ունեցող «Նաիրիտ» գործարան, և այդ ի՞նչ գործարք են մտադրվել «գլուխ բերել» իշխանությունների թիկունքում։

Անդրադառնալով այս լուրին՝  Տիգրան Խաչատրյանը նշեց, որ չինացիները հնարավոր է, որ հետաքրքրություն ունեն, բայց կառավարությունում «Նաիրիտի» վերաբերյալ քննարկում է եղել այլ կազմակերպության հետ:

«Մենք ունեցել ենք քննարկումներ այն անձանց հետ, որոնք հանդես են գալիս այդ նախաձեռնությամբ: Իրենք ունեն տեսակետներ, բայց դրանք շատ վաղ շրջանում են: Այսինքն՝ ասել, որ կա ներդրումային առաջարկ, մի քիչ ավելի շատ կլինի, քան հարցի կարգավիճակը ներկայում: Բայց այն քննարկումները, որոնք ներկայում իրականացվում են, գտնվում են բավականաչափ մասնագիտական հարթության վրա: Այսինքն՝ խոսող կողմը այդ ծրագրի օգտին տիրապետում է և տեխնոլոգիական և կազմակերպական հստակ փորձառությանը»,- հայտնեց նախարարը:

Հարցին, թե «Նաիրիտի» սնանկության գործընթացը չպետք է կասեցվի, եթե նման քննարկումներ կան, Տիգրան Խաչատրյանը պատասխանեց. «Սնանկության գործընթացն իրականացվում է օրենքով սահմանված կարգով, կան պարտատերեր, դատարանի որոշմամբ նշանակված կազմակերպիչներ:

Պետք է կասեցնել, թե ոչ, դատարանը պետք է որոշում կայացնի»:

«Էլիտ Պլազա» բիզնես կենտրոնին Շահումյան հրապարկում մեքենաների կայանման թույլտվություն չի տրամադրվի։ Այսպիսի որոշում կայացրեց Երեւանի ավագանին այսօր՝ հունվարի 29-ին, հրավիրված նիստում։ ««Էլիտ-Պլազա» փակ բաժնետիրական ընկերությանը ծառայողական ավտոկայանատեղիի շահագործումը շարունակելու իրավունք տալու մասին» որոշման նախագծին դեմ քվեարկեց ավագանու 42 անդամ, 4-ը կողմ քվեարկեցին, 5-ը՝ ձեռնպահ։

Ավագանու նիստին ելույթ ունեցավ «Էլիտ-Պլազա» ընկերության տնօրեն Դավիթ Մկոյանը, որը կոչ արեց աջակցել բիզնեսին։

Ավագանու «Իմ քայլը» խմբակցության անդամ Մեսրոպ Պապիկյանը նշեց, որ ժամանակն է Երեւանի հրապարակները վերադարձնել բնակչին ու հետիոտնին, ինչպես նաեւ՝ ոստիկանության միջոցով վերահսկել, որ հրապարակները չդառնան կայանատեղիներ։ Հուսով եմ, որ մեր քվեարկության արդյունքում Շահումյան հրապարակը եւ մյուս հրապարակները կազատագրվեն մեքենաներից։

Ավագանու «Իմ քայլը» խմբակցության անդամ Լեւոն Զաքարյանն էլ անդրադարձավ բիզնեսին աջակցելու կոչին՝ ասելով. «Բոլորս լավ հիշում ենք Մաշտոցի պուրակը, որտեղ պետք է լինեին բուտիկներ եւ բիզնեսը պետք է զարգանար, այսօր չեք գտնի մի քաղաքացի, որ գոհ չլինի, որ Մաշտոցի պուրակը մնացել է պուրակ»։

Նշենք, որ «Էլիտ Պլազա» բիզնես կենտրոնը ունի ստորգետնյա կայանատեղի, բայց Երեւանի նախորդ ավագնին կենտրոնի համար բացառություն էր արել եւ կայանման  թույլտվություն տրամադրել։

Նման թույլատվության համար էր դիմել նաև «Ամերիաբանկ» ՓԲ ընկերությունը, որը ևս Երևանի ավագանին մերժեց։

Հայաստանի Հանրապետության կառավարությունը սահմանեց 2019 թ. համար սոցիալական ն ընտանեկան նպաստների ու հրատապ օգնությունների գումարային չափը:

Այսպիսի որոշում կայացվեց գործադիրի հունվարի 24-ի նիստում:

«2019 թվականի ՀՀ պետական բյուջեով նախատեսվել է շուրջ 37,698,315,4 հազ. դրամի նպաստ: 2019 թ. նպաստառու ընտանիքների միջին ամսական թիվը կազմում է 99 900, որից սոցիալական նպաստ ստացողներինը՝ 26 799, իսկ ընտանեկան նպաստ՝ 73 101»,- ասաց ՀՀ աշխատանքի և սոցիալական հարցերի նախարար Զարուհի Բաթոյանը:

Որոշման նախագծով սահմանվում է.

1. ընտանեկան նպաuտի բազային մաuը` 18 000 դրամ,

2. 30.01-35.00 անապահովության միավորով ընտանեկան նպաստի իրավունք ունեցողընտանիքների.

ա. յուրաքանչյուր 18 տարին չլրացած անդամին տրվող հավելումը` 5 500 դրամ,

բ.18 տարին չլրացած չորu և ավելի անդամ ունեցող ընտանիքների (այuուհետ` բազմազավակ ընտանիք) յուրաքանչյուր 18 տարին չլրացած անդամին տրվող հավելումը` 6 500 դրամ,

գ. բարձրլեռնային կամ uահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը` 6 000 դրամ,

դ. բարձրլեռնային կամ uահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը` 7 000 դրամ,

3. 35.01-39.00 անապահովության միավորով ընտանեկան նպաստի իրավունք ունեցող ընտանիքների.

ա. յուրաքանչյուր 18 տարին չլրացած անդամին տրվող հավելումը` 6 000 դրամ,

բ. բազմազավակ ընտանիքի յուրաքանչյուր 18 տարին չլրացած անդամին տրվող հավելումը` 7000 դրամ,

գ. բարձրլեռնային կամ uահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը` 6 500 դրամ,

դ. բարձրլեռնային կամ uահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը` 7 500 դրամ.

4. 39.01 և ավելի անապահովության միավորով ընտանեկան նպաստի իրավունք ունեցող ընտանիքների`

ա. յուրաքանչյուր 18 տարին չլրացած անդամին տրվող հավելումը` 6 500 դրամ,

բ. բազմազավակ ընտանիքի յուրաքանչյուր 18 տարին չլրացած անդամին տրվող հավելումը` 7500 դրամ,

գ. բարձրլեռնային կամ uահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը` 7 000 դրամ,

դ. բարձրլեռնային կամ uահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը` 8 000 դրամ:

5. Սահմանել սոցիալական նպաստի չափը` 18 000 դրամ:

6. Սահմանել հրատապ oգնությունների չափերը.

1) միանվագ հրատապ oգնության չափերը.

ա. երեխայի ծննդյան դեպքում` 50 000 դրամ,

բ. երեխայի` առաջին դասարան ընդունվելու դեպքում` 25 000 դրամ,

գ. ընտանիքի անդամի մահվան դեպքում` 50 000 դրամ.

2) եռամսյակային հրատապ oգնության ամսական չափը` 18 000 դրամ:

Հայաստանի Հանրապետության կառավարության «2019 թվականի ընտանեկան նպաստի, սոցիալական նպաստի և հրատապ օգնության չափերը սահմանելու մասին» որոշման նախագծի ընդունումից հետո պետական բյուջեում ծախսերի և եկամուտների ավելացում կամ նվազեցում չի ակնկալվում: