Նորընծա օլիմպիական փոխչեմպիոն Միհրան Հարությունյանը չկարողացավ զսպել արցունքները Ռիո դե Ժանեյրոյում շարունակվող ամառային Օլիմպիական խաղերի հունահռոմեական ոճի ըմբշամարտի 66 կգ քաշային կարգիպարգեւատրության արարողության ժամանակ: Երբ «Կարիոկա-2» մարզապալատում հայտարարվեց հայ ըմբիշի անունը, երկրպագուները սկսեցին ծափահարել նրան: Իսկ երբ հայտարարվեց եզրափակիչում Հարությունյանինկողմնակալ մրցավարության շնորհիվ հաղթած սերբ 30-ամյա Դավոր Շտեֆանեկի անունը, մարզապալատը սկսեց սուլել:

Միհրան Հարությունյանը երկրպագուներին ցուցադրեց, որ պետք չէ սուլել իր մրցակցին:

Հիշեցնենք, որ եզրափակիչում գրանցվել էր 1:1 հաշիվը, իսկ Դավոր Շտեֆանեկը հաղթել էր վերջինը միավոր վաստակելու շնորհիվ: Այդ միավորը նա ստացել էր, քանի որ հայ ըմբիշը զգուշացվել էր երկրորդ անգամ: Գոտեմարտի ընթացքում Միհրանին 2 անգամ պարտեր նստեցրեին, բայց նա հիանալի էր պաշտպանվում եւ միավոր չտվեց մրցակցին: Վերջնամասում Միհրան Հարությունյանը շատ ավելի ակտիվ էր, սակայն սերբ ըմբիշին այդպես էլ պասիվություն չտվեցին, ինչը խայտառակություն էր: 

NEWS.am Sport

Վանաձորի քաղաքապետարանին կից «Նեցուկ» ՊՈԱԿ֊ի աշխատակից, բանվոր Սաթենիկ Ափինյանը աշխատանքից հեռացվել է «Ֆեյսբուք» սոցիալական ցանցում «like» դնելու համար։

Կինը հուլիսի 10֊ին լայքել է «Լուսավոր Հայաստան» կուսակցության ֆեյսբուքյան էջի գրառումներից մեկը։ Այդ օրն ավելի ուշ նա հեռախոսազանգ է ստացել համադասարանցուց՝ Սուսաննա Դարբինյանից, ով Վանաձորի քաղաքապետ, ՀՀԿ֊ական Սամվել Դարբինյանի քույրն է։

Աշխատանքից ազատված կինը պատմել է, որ իր համադասարանցին ցանկացել է իմանալ՝ ինչ առնչություն ունի ինքը «Լուսավոր Հայաստան» կուսակցության և դրա առաջնորդ, ԱԺ պատգամավոր Էդմոն Մարուքյանի հետ։ Նա նշել է, որ չի ճանաչում Մարուքյանին։

Զրույցից հետո Ափինյանին ազատել են աշխատանքից։

«Նույնիսկ չկանգնելով այդ կուսակցության կողքին, ընդամենը համացանցում երեք հատ «լայք» տալով՝ կարող եմ զրկվել իմ հանապազօրյա հացից։ Ես «լայք» եմ դրել ամեն ինչին, բայց, չգիտեմ ինչի, իրանց վրա ազդել ա «Լուսավոր Հայաստանը» և Քրիստ Մարուքյան անունը (Էդմոն Մարուքյանի եղբայրն է)», ֊ ասել է Ափինյանը։

Հուլիսի 29-ին գիշերը, Երեւան քաղաքի Սարի թաղ կոչվող թաղամասում տեղի ունեցած բախումների ժամանակ քաղաքացիական հագուստով ոստիկանների շարքերում էր ՀՀ ոստիկանության պետի տեղակալ Լեւոն Երանոսյանի քրոջ որդին՝ Սերյոժա Գալստյանը, որն իր մորեղբոր թիկունքից չէր հեռանում այնքան ժամանակ, մինչեւ սկսվեց բախումը:

Բախման ժամանակ էլ Սերյոժա Գալստյանը (քաղաքացիական հագուստով) նախ արագ բարձրանում է համազգեստավոր ոստիկանների առջեւի շարքը, իսկ հետո լքում այդ հատվածը, որտեղ մնում են ոստիկանապետի թիկնազորի պետը, թիկնապահը, առանձնապես ծանր հանցագործության մեջ մեղադրվեղ Սարգիս Հախանումյանի եղբայրը եւ Աժ պատգամավոր Մհեր Սեդրակյանի տղայի վարորդը:

Armtimes.com-ին հայտնի դարձավ, որ Սերյոժա Գալստյանի եղբայրը՝ Սամվել Գալստյանը, Արմավիրի մարզի Ջրառատ համայնքի ղեկավար Սամվել Գալստյանն է, որը հաստատեց, որ ե՛ւ Երանոսյանի քրոջ որդիներն են իրենք, ե՛ւ որ իր եղբայրը ՀՀ ոստիկանության ծառայող է:

-Պարոն Գալստյան, Սերյոժա Գալստյանը ձեր եղբայրն է, չէ՞:

-Այո:

-Նա ի՞նչ կապ ունի Երեւանի ոստիկանության հետ կամ առհասարակ ոստիկանության հետ, ոստիկանության ծառայո՞ղ է:

-Աշխատում է, ուրիշ ինչ կա, ի՞նչ խնդիր կա:

-Ինքն էլ է մասնակցել Սարի թաղի միջադեպին:

-Ավելի լավ չի՞ ոստիկանությանը դա հարցնեք:

-Ես ուզում էի իմանալ՝ հաստատ ձեր եղբայրն, թե՞ չէ:

-Այո, ես ունեմ Սերյոժա Գալստյան անունով եղբայր: Ինքն աշխատում ու ծառայում է Հայաստանի Հանրապետությանը:

-Դուք բարեկամական կապ ունեք չէ՞, փոխոստիկանապետ Լեւոն Երանոսյանի հետ:

-Ունեմ, ու մեծ հպարտությամբ ունեմ:

-Ձեր մորեղբա՞յրն է:

-Հա, ասենք՝ դուք լավ տեղեկացված եք:

Հիշեցնենք, հուլիսի 19-ին Երևանի Խորենացու փողոցում և  հուլիսի 29-ի լույս 30-ի գիշերը Սարի թաղում տեղի ունեցած դեպքերի առիթով ՀՀ ոստիկանությունում իրականացվող ծառայողական քննության նախնական արդյունքների հիման վրա ՀՀ ոստիկանության պետի հրամանով կարգապահական պատասխանատվության են ենթարկվել ոստիկանության մի շարք ծառայողներ: Նկատի ունենալով այն հանգամանքը, որ ծառայողական քննության արդյունքներով ձեռք են բերվել տեղեկություններ ոստիկանության մի շարք ծառայողների կողմից անհամաչափ ուժ գործադրելու դեպքերի վերաբերյալ, ՀՀ ոստիկանության պետի հրամանով դադարեցվել է ՀՀ ոստիկանության զորքերի շտաբի օպերատիվ բաժնի պետի տեղակալ, գնդապետ Լեռնիկ Երանոսյանի լիազորությունները  (ՀՀ փոխոստիկանապետ Լեւոն Երանոսյանի եղբայրն է):

Հունահռոմեական ոճի ըմբիշ Միհրան Հարությունյանը դարձավ օլիմպիական փոխչեմպիոն: Ռիո դե Ժանեյրոյում շարունակվող ամառային Օլիմպիական խաղերի 66 կգ քաշային կարգի եզրափակիչում Եվրոպական խաղերի փոխչեմպիոնը պարտվեց աշխարհի 2014թ. չեմպիոն, սերբ 30-ամյա Դավոր Շտեֆանեկին եւ բավարարվեց արծաթե մեդալով:

Առաջին մրցափուլի միջնամասում Միհրանին ծնկած դիրք նստեցրին պասիվության համար, բայց հայ ըմբիշը հաջող պաշտպանվեց եւ միավոր չտվեց մրցակցին: Քիչ անց Միհրանը Շտեֆանեկին դուրս հրեց գորգից եւ վաստակեց մեկ միավոր՝ այդ առավելությունը պահպանելով մինչեւ 30 վայրկյանանոց ընդմիջումը:

Երկրորդ մրցափուլի սկզբնամասում Հարությունյանը ստացավ ունքի պառվածք եւ գոտեմարտը դադարեցվեց մոտ մեկ րոպեով: Գոտեմարտի ավարտից 1 րոպե առաջ Միհրանին դարձյալ պարտեր նստացրեին, բայց նա դարձյալ արագ ոտքի կանգնեց եւ Շտեֆանեկը մեկ միավոր վաստակեց: Սերբ ըմբիշը հաղթեց վերջինը միավոր վաստակելու շնորհիվ: Վերջնամասում Միհրանը շատ ավալի ակտիվ էր, սակայն սերբ ըմբիշին այդպես էլ պասիվություն չտվեցին, ինչը զարմանալի էր:

Այդ օրերին Օգոստոս կայսրը հրապարակեց մի հրամանագիր՝ իր կայսրության սահմաններում գտնվող բնակիչների մարդահամար անցկացնելու: Ամեն մարդ իր հայրենի քաղաքն էր գնում՝ արձանագրել տալու իր անունը: Հովսեփը ևս, Դավթի ցեղից և ազգատոհմից լինելով, Գալիլեայի Նազարեթ քաղաքից ելավ և իր անունն արձանագրել տալու համար գնաց Հրեաստանի Բեթղեհեմ քաղաքը՝ Դավիթ թագավորի ծննդավայրը: Նրան ուղեկցում էր իր նշանածը՝ Մարիամը, որը հղի էր:

Բեթղեհեմում Մարիամի ծննդաբերության ժամանակը հասավ, և նա ծնեց իր անդրանիկ որդուն, խանձարուրի մեջ փաթաթեց նրան և դրեց մսուրի մեջ, որովհետև պանդոկում նրանց համար տեղ չկար:
(Ղուկասի ավետարան 2:1-7)

Հանրապետության տարածքում`
Օգոստոսի 17-18-ը՝ երեկոյան ժամերին, առավելապես հյուսիսային շրջաններում հնարավոր է կարճատև անձրև և ամպրոպ: 19-21-ը սպասվում է առանց տեղումների եղանակ:
Քամին՝ հարավային՝ 2-7 մ/վ արագությամբ: Արարատյան դաշտում երեկոյան ժամերին սպասվում է քամու ուժգնացում՝ 15-20 մ/վ:
Օդի ջերմաստիճանը 17-19-ը կբարձրանա 2-3 աստիճանով, այնուհետև էապես չի փոխվի: Այս մասին տեղեկանում ենք ՀՀ ԱԻ նախարարության մամուլի ծառայությունից:

Երևանում՝

Օգոստոսի 17-18-ը՝ երեկոյան ժամերին, սպասվում է ամպրոպ, առանձին հատվածներում կա կարճատև անձրևի փոքր հավանականություն: 19-21-ը սպասվում է առանց տեղումների եղանակ: Երեկոյան ժամերին սպասվում է քամու ուժգնացում՝ 15-20 մ/վ:

Երևանի օգոստոսի 17-ի բազմամյա կլիմայական տվյալներ.

• Օդի առավելագույն ջերմաստիճան՝ 38.60C (2005 թ.)
• Օդի նվազագույն ջերմաստիճան՝ 12.90C (1982 թ.)
• Օդի միջին օրական ջերմաստիճան՝ 25.90C

Ռուսաստանի նախագահ Վլադիմիր Պուտինը երախտագիտություն է հայտնել Ղազախստանի նախագահ Նուրսուլթան Նազարբաեւին ռուս-թուրքական հարաբերությունների կարգավորման գործում ունեցած նշանակալի դերակատարության համար: Այդ մասին նա հայտարարել է այսօր Սոչիում Նազարբաեւի հետ հանդիպման ժամանակ:

«Ես ուզում եմ շնորհակալություն հայտնել Ձեզ ձեռնարկած ջանքերի համար: Նկատի ունեմ Ձեր միջնորդական առաքելությունը: Ինչպես տեսնում ենք, դրանք հաջողությամբ են պսակվել»,- ասել է Պուտինը Նազարբաեւին:

Վերջինս էլ, իր հերթին, նշել է, թե ուրախ է, որ կարողացել է օգնել կարգավորել ռուս-թուրքական հարաբերությունները:

Հիշեցնենք, որ 2015 թվականի նոեմբերի 24-ին Թուրքիայի ռազմաօդային ուժերը Սիրիայի հետ սահմանին խոցել էին ռուսական ռազմական ինքնաթիռ, ինչից հետո Անկարայի ու Մոսկվայի հարաբերութունները կտրուկ սրվել էին: Տեւական լարվածութունից հետո՝ օգոստոսի 8-ին, Սանկտ Պետերբուրգում կայացել է Վլադիմիր Պուտինի եւ Թուրքիայի նախագահ Ռեջեփ Թայիփ Էրդողանի հանդիպումը: Երկու երկրների ղեկավարների հաշտեցման գործում զգալի միջնորդական առաքելություն է իրականացրել Նուրսուլթան Նազարբաեւը:

«Ազատություն քաղբանտարկյալներին», «Սասնա ծռեր», «Դավիթ Սանասարյան» նախաձեռնություններն այսօր բաց նամակ են գրել Եվրահանձնաժողովի ղեկավար Ժան Կլոդ Յունկերին, Եվրոպական խորհրդի նախագահ Դոնալդ Տուսկին, Եվրախորհրդարանի նախագահ Մարտին Շուլցին։

Նամակում, մասնավորապես, նշվում է. «Մենք մտահոգված ենք խաղաղ ցուցարարների ապօրինի բանտարկությունների կապակցությամբ, որոնց կալանավորել են Հայաստանում 2016 թվականի հուլիսի 29-ին։ Մենք հատկապես մտահոգված ենք հետեւյալ անձանց կալանավորման եւ ծեծի ենթարկելու հանգամանքով՝ Հովսեփ Խուրշուդյան («Ժառանգություն» կուսակցություն, PR մասնագետ), Դավիթ Սանասարյան («Ժառանգություն» կուսակցություն, մամուլի քարտուղար), Արմեն Մարտիրոսյան («Ժառանգություն» կուսակցություն, փոխնախագահ), Անդրիաս Ղուկասյան (նախագահի նախկին թեկնածու, «Ոտքի՛ Հայաստան» շարժման հիմնադիր), Դավիթ Հովհաննիսյան («Ոտքի՛ Հայաստան» շարժման անդամ)»։

Վերը նշված քաղաքացիական նախաձեռնությունները նամակ են գրել նաեւ Եվրոպայի ժողովրդական կուսակցության ղեկավար Ժոզեֆ Դոլին. «Մենք նամակում կոչ ենք արել օգտագործել բոլոր լծակները ՀՀԿ իշխող քրեական կուսակցությունը Եվրոպայի ժողովրդական կուսակցութունից հեռացնելու համար, եւ պահանջել անմիջապես վերջ դնել բռնություններին։ Մենք սպասում ենք ձեր շուտափույթ գործողություններին։ Ամբողջ աշխարհի հայերը սպասում են ձեր ջանքերին»։

Նիդերլանդների Մաաստրիխտի պաշտոնանկ արված հոգևոր հովիվ Տեր Արմեն քահանա Մելքոնյանը բաց նամակ է գրել Տեր Ասողիկ քահանա Կարապետյանին: Տեր Ասողիկը «ֆեյսբուք» սոցիալական ցանցում, անդրադառնալով Տեր Արմենի՝ Նիդերլանդներում ՀՀ դեսպանատան դիմաց ի պաշտպանություն «Սասնա Ծռեր» խմբի կազմակերպված ակցիայի ժամանակ հնչեցրած բացման ու փակման խոսքին, համոզմունք էր հայտնել, թե Տեր Արմենի «պահվածքը և մոտեցումը վայել չեն հայ հոգևորականին»: Տեր Ասողիկը Տեր Արմենին հեռացրել է նաև իր ֆեյսբուքյան ընկերների շարքից:

Հիշեցնենք, որ Տեր Արմեն քահանա Մելքոնյանը պաշտոնազուրկ է արվել Նիդերլանդներում ՀՀ դեսպանատան դիմաց ի պաշտպանություն «Սասնա Ծռեր» խմբի կազմակերպված ակցիայի ժամանակ հնչեցրած բացման ու փակման խոսքից հետո: Տեր Արմենը, սակայն, պաշտոնից զրկվելով՝ կարգազուրկ չի արվել, քանի որ ենթարկվում է Կիլիկիո կաթողիկոսարանին:

Տեր Ասողիկ քահանա Կարապետյանի գրառումը

Տեր Արմեն քահանա Մելքոնյանի պատասխան բաց նամակը.

1.- «Մօտեցումը և պահուածքը վայել չէ Հայ հոգևորականի»։ Միթէ ո՞ր մօտեցումն ու պահուածքը նկատի ունէք. այն որ ես կանգնած իմ իմ ժողովուրդիս ու հօտիս կողքին անոնց արդար պահանջքներու՞ն համար, կամ թէ որովհետև կը մերժեմ Հայաստանի մէջ տեղի ունեցող սպառնալիքներն ու անարգութիւնները ոստիկաններու կողմէն մեր մայրերուն և քոյրերուն նկատմամբ։ Այս ուղղութեամբ ձեզի միայն մէկ ձևով կարող եմ իրաւունք տալ. ես պէտք չէր ցուցարարներուն կողքին լինէի արտասահմանում, այլ պէտք էր բոլոր պարտականութիւններն ու պարտաւորութիւններս լքելով, խաչս ձեռքս առնելով իջնէի խորենացի ու արգելք հանդիսանայի որ մարդիկ անարգանքի ու բերման ենթարկուեն։ Սակայն սրա մէջ էլ ես մեղք չունեմ. քանի այսպիսի քայլի մը դիմելու համար պարտաւոր էի Սուրբ Էջմիածնի՝ մայր Աթոռի հաւանութիւնը ունենալ վստահ լինելով որ պիտի չկարենայի ձեռք բերել։

2.- Ո՞րն է «Հայ առաքելական եկեղեցւոյ հաշտարար ու խաղաղարար վերաբերմունքն ու առաքելութիւնը»։ Լռե՞լ երկրի մէջ տեղի ունեցող անարդարութիւններուն և մարդկային իրաւունքներու ոտնակոխութեան, ա՞յս պիտի ըլլայ մեր եկեղեցւոյ վերաբերմունքը այս իրավիճակին, բնաւ և երբեք. մենք մեր եկեղեցւոյ հայրերէն սորուած ենք որևէ վտանգ սպառնացող ներքին կամ արտաքին թշնամիներուն առջև խաչը շալկել ու պայքարիլ մեր ժողովուրդի իրաւունքներու համար։ Այս արտայայտութեան մեծագոյն օրինակն են Ղևոնդեանց քահանաները Սուրբ Ղևոնդ երեցի գլխաւորութեամբ։

3.- «Խորը ցավ եւ վրդովմունք պատճառեցիք»: Զարմանում եմ ձեր այս խօսքերին սիրելի Տէր եղբայր։ երանի թէ համարձակութիւնն ունենայիք ձեր ցաւն ու վիշտը յատնել (եթէ գոյութիւն ունեն) այն ինչին որ ենթարկւում են մեր մայրերն ու քոյրերը, երիտասարդներն ու նոյնիսկ անչափահասները մեր հայ ոստիկանների ձեռքով։ սակայն ըստ երևոյթին մարդկային արժէքներն ու չափանիշները փոխուել են ձեր մօտ, և ձեր մատների արանքով տեսնում էք միայն այն ինչ որ ցանկալի չէ մեր իշխանութիւնների համար։

Ես էլ եմ ցաւ ապրում երբ տեսնում եմ որ հայրենիքի մեր հովիւները անհոգութիւնն ու անտարբերութիւնը իրենց հօտին նկատմամբ, և իւրաքանչիւրը իր աջը քաշած՝ մեկուսացած սպասում է թէ կշիռքի նժարը որ կողմն է իջնելու անմիջապէս փաթաթուելու նրանց շուրջ։

Ես վստահ եմ թէ եթէ «Սասնայ Ծռեր»ը Յաղթած դուրս գային (որը սպասելի է նաև այսօր և ամէն օր երկաթների հետևից), դուք այլ վերաբերմունք ու գնահատանք պիտի հնչեցնէիք իմ հասցէին կամ իմ ֆէյսպուքի նամակատուփին։

4.- Երանի թէ այս ձեր խոր ցաւն ու վիշտը հրապարակաւ Յայտնէիք ու հերքէիք Պատրիարքարան Փոխնորդ Տ. Արամ Եպս. Աթէշեանի ահաւոր դաւաճանական արտայայտութիւնը երբ Գերմաիան ընդունեց հայոց ցեղասպանութիւնը։

Ի վերջոյ փակեմ իմ նամակը Ն.Ս. Օ Տ.Տ. Արամ Ա. Կաթողիկոսի խոհեմ խօսքերով.-

«Այս իրավիճակում լուռ մնալը ճիշտ չենք համարում: Մտահոգ ենք: Մտահոգ ենք, որովհետև մեր հայրենիքի հզորացումը, մեր միասնականության ամրապնդումը, մեր ազգային պահանջատիրության նոր խայծ, նոր թափ տալու համազգային պահանջը մեր ժողովրդի համար պետք է դառնա համազգային մտահոգություն: Հայաստանը միայն հող չէ, Հայաստանը նաև ու մանավանդ ժողովուրդ է իր պետականությամբ: Մեր սպասումն է, որ մեր ժողովրդի ղեկավարները Հայաստանում լսեն մեր ժողովրդին, կհետևեն մեր ժողովրդի սպասումներին, կարիքներին, պահանջներին»:

Տեր Արմեն քահանա Մելքոնյանի լուսանկարը՝ իր ֆեյսբուքյան էջից