13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...04.04.2024 | 11:10
Քաշքշուկ Երուսաղեմի հայ համայնքի ներկայացուցիչների և իսրայելցիների միջև...03.04.2024 | 15:10
Փաշինյանն ավելի մեծ սպառնալիք է Հայաստանի անվտանգության համար, քան Արցախի վտարան...Թե որ արժանիքների համար Արման Սահակյանը նշանակվեց Պետական գույքի կառավարման վարչության պետի պաշտոնում, այդպես էլ մնաց անհայտ: Արմանի միակ` հանրությանը հայտնի արժանիքը Գալուստ Սահակյանի որդի լինելն է, գումարած` Աշոտ Աղաբաբյան անունով քեռի ունենալը:
Երբ փորձեցինք հենց իրենից` Արման Գալուստիչից ճշտել նրա նշանակման դրդապատճառները, պարզվեց, որ անգամ ինքը դեռ չի հասկացել, թե որ արժանիքների համար են իրեն տվել այդ պաշտոնը: Պարզվեց` Գալուստիչին հարկավոր է 100 օր հասունանալու համար, որպեսզի կարողանա պատրաստել այդ հարցի պատասխանը: Իսկ մինչ այդ նա մեր հարցերին արձագանքեց ինչպես զտարյուն չինովնիկ:
— Պարո´ն Սահակյան, ինչո՞վ կբացատրեք Ձեր նշանակումը: Ձեր պատգամավորական արդյունավետ գործունեությո՞ւնը հիմք հանդիսացավ նման նշանակման, թե՞ սա Հայաստանի` որպես կլանային համակարգ ունեցող երկրի, ևս մեկ հաստատումն էր:
— Սովորաբար կա այդպիսի ավանդույթ, որ նոր պաշտոնատար անձը շփվում է լրատվամիջոցների հետ 100 օր անց. ես խնդրում եմ, որպեսզի սպասեք այդ 100 օրվան, նոր շփվենք:
Սակայն Արմանի բախտը այս առումով բերել է. նրա նշանակումներից հարյուր օր էլ չանցած, հանրությունը մոռանում է նրա մասին:
Ի տարբերություն Արմանի, պարզվեց նրա խարիզմատիկ քեռին ավելի քան կողմնորոշված է և մտքով չէր էլ անցնում, թե որևէ մեկը կարող էր կասկածի տակ առնել իր Արմանին պաշտոն տալու արժանավորության հարցը: «Արմանիս բան չասես, հա~»,- նախազգուշացրեց Բուռնաշը:
— Պարոն Աղաբաբյան, ինչո՞վ էր պայմանավորված այս նշանակումը:
— Ոնց` ինչո՞վ, շատ լավ կադր ա:
— Բայց առերևույթ տպավորություն է ստեղծվում, թե կլան է ստեղծված ինչ որ… միայն Ձեր երեխաներն են առաջ գնում` քեռի, պապա ունեցողները:
— Ի՞նչ կլան, ա´յ քեզ բան, վաստակ ունենք, ա´յ բալա ջան:
— Ուրիշները վաստակ չունե՞ն, թե դուք յոթ պորտի համար եք վաստակել:
— Կան, ո՞վ ա բան ասում, հերթով կտան, ամենքը իրա վաստակով պիտի լինի, հո: Օրինակ՝ ո՞ր լավերին, խի մենք վատն ե՞նք: Դե գնա` էնքա~ն վատ կա` վատին հարցրա, մեր լավին խի՞ ես հարցնում:
— Բայց ինքը «անգույն» սուսուփուս պատգամավոր էր:
— Ո՞վ ա սուսուփուս, Արմանն ա՞ սուսուփուս: Տես ինչ եմ ասում` ամեն պաշտոն էշի բեռ ա, մենք մեր վրա էշի բեռ ենք վերցնում, ոչ թե եսիմ ինչ ա:
Հետաքրքիր է, ստացվում է, որ մեր պաշտոնատարները էշի բեռ են տանում, մեր երկրում օլիգարխները, նրանց մտերիմները բեռնակիր կենդանիներ են, իսկ հասարակ մահկանացուները պարզապես վայելում են կյանքը:
Հիսուսն ասում է` իրար բեռներ կրեք: Մեր խաչ ու Քրիստոս հարգող բեռնակիրներին կոչ ենք անում իրենց բեռներից մի քիչ էլ մյուսներին բաժին հանեն, համ իրենց բեռը կթեթևանա, համ էլ արմանսահակյանները քիչ կլինեն:
Այս րոպեներին Կազանում մեկնարկում է Հայաստանի, Ադրբեջանի և Ռուսաստանի նախագահներ Սերժ Սարգսյանի, Իլհամ Ալիևի և Դմիտրի Մեդվեդևի եռակողմ հանդիպումը: Հանդիպման շուրջ հետաքրքրությունը չափազանց մեծ է, կարգավորման գործընթացում բեկման հնարավորությունը` նույնպես:
Քիվեսթյան գործընթացից հետո չեմ հիշում, որ այսքան ուժգին միջազգային հետաքրքրություն եղած լինի Հայաստանի ու Ադրբեջանի նախագահների հանդիպման շուրջ: Բոլորը նրանց հորդորում են` Կազանում հանաձայնության գալ կարգավորման Հիմնարար սկզբունքների շուրջ: Դատեք ինքներդ` Սարգսյանին ու Ալիևին զանգահարում է ԱՄՆ նախագահ Բարաք Օբաման, Սարգսյանին ուղերձ է հասցեագրոմ Ֆրանսիայի նախագահ Նիկոլա Սարկոզին, կազանյան ակնկալիքը պաշտոնապես ձևակերպում է Ռուսաստանի ԱԳՆ հայտարարությունը, կողմերից համաձայնություն են ակնկալում Բրյուսելում և Ստրասբուրգում:
Հեղինակավոր Reuters-ը և ռուսական «Կոմերսանտը» հայտնում են, որ Կազանում այսօր ստորագրվելու է շրջանակային մի փաստաթուղթ` բաղկացած 14 կետից:
Կարծես թե` այս լուրը մոտ է իրականությանը, և բանակցային առաջընթացի սպասումն իրոք ունի հիմքեր:
Կարգավորման հեռանկարի վերաբերյալ երբեք այսքան մոտ չեն եղել միջնորդ երկրների, միջազգային շահագրգիռ կառույցների մոտեցումները: Կազանի հանդիպումը կազմակերպում է Ռուսաստանը, բայց դա անում է ԱՄՆ-ի և Ֆրանսիայի գործուն օժանդակությամբ: Մի խոսքով, միջնորդ երկրները ձևավորել են կոնսենսուս, ինչը նրանց հնարավորություն է տալիս արդյունավետ ճնշում գործադրել Հայաստանի և Ադրբեջանի ղեկավարների նկատմամբ:
Միջնորդները խորապես գիտակցում են, որ այսօրվա վիճակը պահպանելն անհանդուրժելի է, որովհետև այլևս իրական է դառնում պատերազմի վերսկսման վտանգը: Դա անուղղակի` փոխադարձ մեղադրանքներով, խոստովանում են նաև հակամարտության կողմերը:
Իհարկե, համաձայնություններին խանգարող գործոններ էլ կան: Առաջին հերթին դա այն է, որ Հայաստանի և Ադրբեջանի հասարակությունները պատրաստ չեն փոխզիջումների, թե մեր և թե հարևան երկրում փոքր է բանակցողների վստահության պաշարը:
Բայց նաև մեր հասարակությունները պատերազմ չեն ուզում և հոգնել են այն թշվառ իրականությունից, որ ծնում է չլուծված հակամարտությունը:
Կազանը կարող է շրջադարձային դառնալ բանակցային գործընթացում: Նույն տրամաբանությամբ` այս հանդիպման ձախողումը կարող է պայթյունավտանգ իրավիճակ ստեղծել տարածարջանում:
Մի քանի ժամ հետո իրավիճակն ավելի որոշակի կլինի, իսկ առայժմ դրական սպասումներին ուղեկից է քողարկված տագնապը:
6-րդ գլխավոր վարչությունում շարունակվում է քննվել ռուսական Tez Tur տուրիստական ընկերության դեմ հարուցված քրեական գործը, որը, ըստ իրավապահ մարմիններին մոտ կանգնած մեր աղբյուրների, փակուղի է մտել, քանի որ գործին խառնվել են ռուսաստանյան հեղինակավոր ուժային կառույցների ներկայացուցիչներ։ Հիշեցնենք, որ այս ընկերությունը մի քանի ամիս առաջ պաշտոնապես դադարեցրեց իր գործունեությունը Հայաստանում, հայկական մասնաճյուղի բոլոր աշխատակիցներն ազատվեցին աշխատանքից: Պատճառը Tez Tur և հայտնի տուրօպերատոր Majik Time ընկերությունների միջև ծագած հակասություններն էին։ Երկար ժամանակ երկու ընկերությունները խաղաղ և շահավետ համագործակցում էին, բայց անցյալ տարվա ամռանը նրանց միջով սև կատու անցավ։ Majik Time ընկերությունը խոշոր պարտք կուտակեց Tez Tur-ին՝ մոտ 400 հազար ԱՄՆ դոլար։ Այս գումարը գոյացել էր ռուսական ընկերության ուղեգրերի վաճառքից, որը Հայաստանում հիմնականում իրագործում էր Majik Time-ը։ Ի պատասխան սրան, «քցված» Tez Tur ընկերությունը ձմռանը դադարեց աշխատել Majik Time-ի հետ։ Կոնֆլիկտից ամենաշատը տուժեցին սովորական քաղաքացիները, որոնք ամանորյա վարկեր էին ձևակերպել Majik Time-ից, ուղեգրեր էին գնել և պատրաստվում էին թռչել Եգիպտոս։ Այժմ նրանք ցուցմունքներ են տալիս 6-րդ գլխավոր վարչությունում։ Մինչ գործը քննվում էր, ի հայտ եկան նաև տուրիստական ընկերություններ, որոնք վաճառել էին Tez tur-ի տոմսերը, բայց չէին ստացել իրենց գումարը։ Հարցաքննվել են նաև տուրօպերատորի նախկին աշխատակիցները։ Ըստ որոշ տեղեկությունների, հենց 6-րդ վարչության պետ Գագիկ Ավետիսյանն է կանգնել Tez Tur-ի հակառակորդի` Majik Time ընկերության մեջքին, որպես վերջինիս ղեկավարների՝ Մանուկյան եղբայրների ազգական։ Որպես վերջինիս հովանավոր նշվում է նաև Երևանի նախկին քաղաքապետ Գագիկ Բեգլարյանի անունը։
Որևէ երկրի համար նշանակալի իրադարձություն է իր նախագահի ելույթը ԵԽԽՎ նստաշրջանում: Այդ պարագայում գնահատողի կարգավիճակում հանդես է գալիս ոչ միայն այդ երկրի հասարակությունը, այլ նաև` միջազգային հանրությունը:
Երեկ Հայաստանի նախագահ Սերժ Սարգսյանը ելույթ ունեցավ Ստրասբուրգում` ԵԽԽՎ ամառային նստաշրջանում: Ելույթն, ընդհանուր առմամբ, Հայաստանում վերջին մի քանի ամիսներին նկատվող հանդուրժողականության միջավայրի ամփոփ արտացոլումն էր: Սարգսյանը Ստրասբուրգ գնաց` առանց քաղաքական բանտարկյալների առկայության, և պատահական չէ, որ քաղաքական հանդուրժողականության մասին նրա դատողությունները շատ ավելի ադեկվատ էին հնչում, քան` ամիսներ, տարիներ առաջ: «Մենք սովորում ենք: Մենք սովորում ենք լսել ու հարգել միմյանց կարծիքը:
Սովորում և մեզանում քայլ առ քայլ արմատավորում ենք, որ իշխանությունն ու ընդդիմությունը թշնամիներ չեն, և պարտադիր չէ, որ ուժեղն իր ուժը ցույց տալու համար անպայման տրորի դիմացինին: Մենք հանդուժողականություն ենք սովորում և երկխոսության մշակույթ ձևավորում: Սովորում ենք վիրավորանքին վիրավորանքով չպատասխանել ու կարևորագույն հարցերի շուրջ շատերի կարծիքը հարցնել: Սովորում ենք մեծարել ու գնահատել նախկին առաջնորդների վաստակը և չենք ամաչում առողջ քննադատությանն ականջալուր լինելով փոխել մեր իսկ կայացրած որոշումները»,-ԵԽԽՎ բարձր ամբիոնից հայտարարեց Հայաստանի նախագահը:
Բայց նա ժողովրդավարությունն ու հանդուրժողականությունը կարևորեց ոչ միայն վերացական հարթության մեջ, այլ նաև առաջիկա ընտրությունների համատեքստում: «Մենք պատրաստ ենք ընդունել մեր բոլոր միջազգային գործընկերների խորհուրդն ու աջակցությունը, պատրաստ ենք օգտագործել արդեն գոյություն ունեցող բոլոր մեխանիզմները և ստեղծել ընտրությունների ներքին և միջազգային դիտարկման ամենաթափանցիկ հնարավորություններ: Ամենակարևորն այն է, որ գալիք ընտրությունները տեղի ունենան հանրային վստահության պայմաններում և ամրապնդեն մեր ձեռքբերումները»,- նշեց Սարգսյանը:
Իհարկե, այսօր Հայաստանում շատ քչերն են հավատում արդար ընտրությունների անցկացման, լեգիտիմ իշխանությունների ձևավորման հեռանկարին: Ամեն դեպքում, Սերժ Սարգսյանի` միջազգային հանրությանը տված հրապարակային խոստումը միայն կարող է նպաստել լավ որակի ընտրությունների անցկացմանը:
Սարգսյանի ստրասբուրգյան ելույթի և հարցուպատասխանի ամենամեծ ինտրիգը դարձավ ընդդիմադիր պատգամավոր Զարուհի Փոստանջյանի հարց-առաջարկը: Նա իր երկրի նախագահին առաջարկեց հրաժարական տալ, ինչին ի պատասխան` Սարգսյանը բացառեց արտահերթ ընտրությունների անցկացման հնարավորությունը:
Զարուհու արածի մեջ ես ոչ մի արտառոց բան չեմ տեսնում, եթե նկատի ունենանք, որ ԵԽ-ն նաև մեր կառույցն է, ու նաև այնտեղ կարող են արտացոլվել մեր ներքին հակասությունները: Ասեմ ավելին` Փոստանջյանն ակամայից նպաստեց Սարգսյանի`դեմոկրատ նախագահ լինելու PR-ին: Համաձայնեք, որ դժվար է պատկերացնել մի վիճակ, երբ Սահակաշվիլուն կամ Ալիևին Ստրասբուրգում քննադատական հարց ուղղեն, համապատասխանաբար, վրացի կամ ադրբեջանցի պատգամավորները: Ստացվում է, որ մենք տարածաշրջանում ամենաազատ երկիրն ենք` ամենահանդուրժող նախագահով: Փոստանջյանը երեկ նպաստեց նման կարծիքի ձևավորմանը: Գուցե` ակամայից:
Մոտ երկու շաբաթ առաջ լուր էր տարածվել, թե կռիվ է տեղի ունեցել Շմայսի` ԱԺ պատգամավոր Առաքել Մովսիսյանի բարեկամների և Երևանի ոստիկանապետ Ներսիկ Նազարյանի որդու և նրա թիկնապահների միջև, վնասվածքներ են եղել և այլն: Այսօր Ազգային ժողով էր եկել նաև Մովսիսյանը, ում, չգիտես ինչու, այսօր ով տեսնում ասում էր` «պարոն Առաքելյան»:
— Իմ անունն ա Առաքել, ես Մովսիսյան եմ,- ծիծաղելով ուղղում էր պատգամավորը: Ըստ երևույթին «Առաքելյանը» վարակիչ էր և այդ վարակը ինձ էլ կպավ:
— Պարո´ն Առաքելյան…
— Ըհը´, քո բախտն էլ չբերեց, ով անունս սխալ ա ասում, հարց չի տալիս: Ես Մովսիսյանն եմ:
— ի՞նչ կռվի պատմություն էր ձերոնց ու Ներսես Նազարյանի որդու միջև:
— Տո ես ու Նազարյան Ներսիկը լավ ընկերներ ենք, ի՞նչ կռիվ: Ես Իսպանիա էի, բացել նայում եմ` իմ նկարն ու Ներսիկինը ու իբր կռիվ ա էղել: Ասի` դե լավ ա, ես ու Ներսիկը իրար կողք ընգանք:
— Ասում եք, որ որևէ միջադեպ չի եղե՞լ:
— Մենք մեր կռիվն արել ենք, մենք հայերի հետ էլ կռիվ չունենք անելու:(Հավանաբար արցախյան պատերազմին `իրենց Մովսիսյանների մասնակցությունը, ի նկատի ուներ.- Լ.Կ. )
Հ.Գ. Ինչ էլ ասի Առաքել Մովսիսյանն իր ու Նազարյանի ընկերության ու նրա կողքը «ընգնելու» մասին, Շմայսի ու Նազարյան Արմենի «մարդկանց» միջև միջադեպ եղել է: Իսկ թե ինչու իրավապահները շրջանցեցին, ու դրա հետ կապված լուրերն էլ չշրջանառվեցին, կարծում ենք պարզ է:
Երեկ երեկոյան, ժամը 19.30-ից սկսած` ֆեյսբուքյան «Ընտրենք կյանքը» նախաձեռնության ակտիվիստները՝ մոտ 12 հոգի, Կիևյան կամրջի վրա թողեցին շուրջ 400 նամակ, ուղղված ինքնասպանության մտադրություն ունեցողներին:
Նամակն իհարկե բալասան չի բոլոր վերքերին, այն պրոբլեմներին, որոնք մարդուն դրդում են ինքանասպանության: Բայց մարդիկ գնում են ինքնասպանության` միշտ մտքում տեղ պահելով որևէ փրկունակ լույսի համար: Չի բացառվում, ու ակցիայի մասնակիցները համոզված են, որ այդ նամակները կարող են մարդուն մտածելու տեղիք տալ և հետ պահել ճակատագրական քայլից:
Նամակները տեղադրում էին՝ ձկան թելով կապելով կամրջի վրա փակցված դատարկ ծաղիկների պատվանդաններին, խցկելով նախշազարդերի արանքները, փակցնելով սյուներին, աշխատում էին փակցնել հիմնականում «Մեկ ազգ»-ի պաթետիկ ու ագրեսիա առաջացնող թռուցիկների վրա, կամրջի երկայնքով գնացող գազի խողովակի վրա, մի խոսքով՝ ամենուր, ուր կարող է մարդու աչքը տեսնել: Նրանք իրենց հետ բերել էին պաստառներ՝ «Ընտրենք կյանքը», «Մենք սիրում ենք քեզ», սակայն հարմար տեղ չգտան փակցնելու:
Ուշագրավ էին մարդկանց վերաբերմունքն ու արձագանքը ակցիային: Ոմանք՝ գերակշիռ մեծամասնությունը, կանգ էին առնում, հարցեր տալիս, վերցնում նամակն ու կարդալով գնում: Երբ հասկանալի դարձավ, որ մարդիկ իրենց հետ տանում են նամակները, սկսեցին ավելի շատ փակցնել…
Մեքենաները կանգնում էին, հարցեր տալիս, հետո ասում. «Ապրեք, շատ լավ բան եք մտածել»: Զբոսնող ընտանիքներ կային, որոնց երեխաները նամակները հավաքում էին. նրանց բացատրեցին, որ այդ նամակներն իրենց պետք չեն, ու երեխաները հետ դրեցին դրանք:
Տհաճ միջադեպ էլ եղավ, երբ երկու երիտասարդ փորձում էին զավեշտի վերածել ակցիան` հիմար ու ոչ տեղին հարցեր տալով աղջիկներին…
Մի խոսքով, ակցիան կայացավ: Ու եթե գեթ մի մարդու կօգնի հետ կանգնել ինքնասպանությունից, իսկ ես համոզված եմ, որ այդպես էլ կլինի, ապա համարենք, որ երիտասարդներն իրենց ուժերին ներածի չափով նպաստել են ինքնասպանությունների կանխարգելմանը:
Նախաձեռնողները մտադիր են ամսվա մեջ մի քանի այսպիսի ակցիաներ անցկացնել քաղաքի կամուրջների վրա:
Երեկ այնպես ստացվեց, որ հրապարակային ելույթ ունեցան Հայաստանի միանգամից երկու նախագահ` գործող իշխանության և ընդդիմության ղեկավարները:
Մինչ Սերժ Սարգսյանը ելույթ էր ունենում ԵԽԽՎ նստաշրջանում` «Մոսկովսկիե նովոստին» զետեղեց Լևոն Տեր-Պետրոսյանի հարցազրույցը: Եթե Սարգսյանի ելույթը գլխավորապես նվիրված էր Հայաստանի ընթացիկ խնդիրներին, ապա Տեր-Պետրոսյանն առավելապես խոսել է պատմական իրադարձությունների մասին:
ՀԱԿ առաջնորդը հանգամանալից անդրադարձել է ԽՍՀՄ փլուզման պատմությանը, անկախության առաջին տարիներին: Իհարկե, Տեր-Պետրոսյանն անդրադարձել է նաև այսօրվա խնդիրներին` ԼՂ հիմնահարցի կարգավորման գործընթացին, հայ-թուրքական հարաբերություններին, ներքաղաքական հարցերին:
Հարցազրույցում նոր ոչինչ չի ասվել, բայց առաջին նախագահը հետևողականորեն զարգացրել է իր պատկերացումները Ղարաբաղի խնդրի կարգավորման հարցում: Ըստ այդմ, զարգացվել է այն թեզը, որ Հայաստանը չի կարող զարգացում ունենալ առանց բաց սահմանների:
Հարցազրույցից կարելի է տպավորություն ստանալ, որ գոնե արտաքին քաղաքականության հարցերում իշխանությունն ու ՀԱԿ-ն էական տարաձայնություններ չունեն: Այդ մասին ասում է հենց ինքը` Լևոն Տեր-Պետրոսյանը, երբ խոսում է հայ-թուրքական հարաբերությունների մասին:
ՀԱԿ առաջնորդը պնդել է, որ, անկախ երկխոսության փաստից, ինքը շարունակում է Սերժ Սարգսյանին համարել ոչ լեգիտիմ նախագահ: Իհարկե, հիշյալ հարցազրույցում հանրապետության առաջին նախագահը շատ զգուշավոր է խոսում արտահերթ ընտրությունների հնարավորության մասին:
Մի խոսքով, այս հարցազրույցում նոր ոչինչ չկա: Բայց հարցազրույցի փաստն ինքնին հետաքրքիր է և խոսում է այն մասին, որ արտերկրում ևս Տեր-Պետրոսյանն ու նրա ղեկավարած ուժը համարվում են Հայաստանի ներքին կյանքի կարևոր դերակատար:
Այսօր խորհրդարանում բավական հետաքրքիր զրույց ծավալվեց պատգամավոր Աշոտ Աղաբաբյանի հետ: Տևական ժամանակ Աղաբաբյանն էլ չէր գալիս խորհրդարան, ավելի շուտ, երևի թե այն ժամանակից, ինչ արաբ շեյխերի հետ պայմանագրեր կնքեց` «Ջերմուկ» հանքային ջուր արտահանելու հաշվով: Դուբայ մեկնումներն այլևս հնարավորություն չտվեցին այս պատգամավորին օրենսդրական գործունեություն ծավալել` ինչպես հարկն է: Կառավարության արտահերթ նստաշրջանը Ազգային ժողով բերեց նաև նրան:
— Էդ որ ըտենց հա’ գրում եք` Բուռնաշ, ինչ էլ ասեմ, տակը վերջը փչացնում, գրում եք` Բուռնաշ, խի՞ չեք մի անգամ գրում, որ էդ Բուռնաշը կռվի վախտվա իմ պազիվնոն ա էղել:
— Բայց, պարոն Աղաբաբյան, Դուք սիրում եք Ձեր մականունը, չէ՞: Ի՞նչ կա դրա մեջ:
— Է, հա’, էն «Վրիժառուների» կինոյի միջի Բուռնաշին չե՞ք հիշում, դրանով են ինձ ըտենց կանչել:
— Բայց նա վախենալու կերպար էր, Դուք էլ ե՞ք ըտենց վախենալու:
— Էսօր Ռուսաստանը ըտենց չի՞: Սաղ Ռուսաստանը հիմի բուռնաշներ են: Պայքար էր, պայքարի ձև էր, էդ էլ անուն էր: Ինձ համար ոնց որ ասում են` Արծիվ 2, Ճայ 4…
— Դե, Ձեզ դա չէր սազի, ասենք` Ծիծեռնակ ասեին:
— Ինչի՞ չէր սազի:
— Ծիծեռնակ Ձեզ կսազե՞ր
— Օրինակ` կարաս ծիծեռնակին բնութագրես, անգամ երգ կա իրա մասին:
Այսօր դարձյալ Ազգային ժողովն իր ներկայությամբ պատվել էր Լևոն Սարգսյանը` Ալրաղացի Լյովը: Պատգամավոր Սարգսյանը մասնակցեց բոլոր քվեարկություններին. կառավարության հրավիրած արտահերթ նստաշրջանում խորհրդարանը զբաղված է մի ամբողջ խումբ բավական վիճահարույց օրենքներ դակելով: Սարգսյան Լևոնը բոլորից շուտ էր ձեռքը մեկնում կոճակին և կողմ քվեարկում: Սարգսյանը խորհրդարան էր եկել նաև երեքշաբթի` արտահերթի առաջին օրը. որևէ մեկը հույս չուներ էլ, թե նա էլի կարող է գալ, և, ո~վ զարմանք, դարձյալ պատգամավորը խորհրդարանում էր` իր մշտապես դատարկ, սակայն երկու օր է ծանրությունից «զարմացած» աթոռին:
— Պարո´ն Սարգսյան, ինչո՞վ է պայմանավորված ձեր գալը այս արտահերթ նստաշրջանին:
— Ինչո՞վ պտի պայմանավորվի:
— Դե, տևական ժամանակ չէիք գալիս և հանկարծ գալիս եք:
— Դե, լավ էի անում` չէի գալի, հիմա էլ գալիս եմ:
— Չէ, դե շատ լավ է, որ գալիս եք, բայց ինչ-որ առանձնահատուկ առիթ կա գուցե…
— Է~~~~, — այստեղ Սարգսյանը մատը տնկեց, կարծես ասեր` «էս ի~նչ տուֆտա հարցեր են տալիս», կարծես եթե խորհրդարանի ընթացիկ օրինագծերի վերաբերյալ կամ քաղաքական գործընթացներին վերաբերող մի այլ հարց լիներ, Ալրաղացի Լյովիկը փայլելու էր իր խորիմաստ պատասխաններով կամ գեոպոլիտիկ վերլուծություններով:
Նախորդ անգամ, երբ Սարգսյանը` որպես հազվագյուտ հանդիպող դեմք հայտնվել էր խորհրդարանում, լրագրողները փորձել էին նրա հետ զրուցել, սակայն ի պատասխան պատգամավորը ձեռքը նախազգուշական բարձրացրել էր` արգելելով անգամ մոտենալ: Հաշվի առնելով, որ գոնե նման պատասխաններ հաջողվեց լսել, կարելի է երևի թե հայ ժողովրդին շնորհավորել, որ ի վերջո հաջողվեց իր պատգամավորից գոնե բառ լսել: Իհարկե, «Է~» ասելու և մատը տնկելու ժամանակ Ալրաղացի Լյովի աչքերը, որի բիբերը գրեթե սպիտակ էին և սուբյեկտիվ ընկալմամբ` բավական վախենալու (երբ այդ հայացքը ուղղվեց վրաս, կյանքում առաջին անգամ մի տեսակ կորցրեցի խոսելու ընդունակությունս` վախեցա, ապշեցի, չգիտեմ, թե ինչ կատարվեց), աստիճանաբար կատաղի ցոլքեր սկսեցին արձակել:
Ալրաղացի Լյովը «Է~» ասելուց հետո քայլերն ուղղեց ՀՀԿ խմբակցության ղեկավարի սենյակ և մի վերջին շեդևր-նախադասություն պարգևելով հայ հանրությանը` կորավ տեսադաշտից:
— Ոնց որ մարդ իրա տուն գա մտնի, ասեն` խի՞ ես էկել:
Երեկ քաղաքապետարանը տարածել էր մի հաղորդագրություն, ըստ որի` Երևանի քաղաքապետ Կարեն Կարապետյանը նույն օրը աշխատանքային շրջայց է կատարել Շենգավիթ վարչական շրջանում, և շրջայցը սկսվել է Կոմիտասի անվան զբոսայգու պանթեոնից:
«Երևանի քաղաքապետարանի ծրագրով պանթեոնն ամբողջությամբ բարեկարգվում է: Թարմացվում են քայքայված սալահատակները, վերակառուցվում են ճեմուղիները, բարեկարգվում են նաև խարխլված որոշ արձաններ և պատվանդաններ:
Ծանոթանալով ծրագրի ընթացքին, Կարեն Կարապետյանը հանձնարարեց հատուկ ուշադրություն դարձնել նաև պանթեոնի կանաչ գոտիների խնամքին և ոռոգմանը»:
Սա հետաքրքիր ծանուցում է. ընդամենը մի քանի ամիս առաջ այս զբոսայգուն առնչվող նույն հանձնարարականը տվել էր նախկին քաղաքապետ Գագիկ Բեգլարյանը, որի հատուկ հոգածության կենտրոնում էին հայտնվել թե՛ պանթեոնը, թե՛ դելֆինարիումը: Հանձնարարականն ուղղակի ցուցում չէ, որոշակի գումար է, որ վճարում ենք մենք` հարկատուներս: Եթե Գագիկ Բեգլարյանի օրոք ծախսված գումարը չի ծառայել նպատակին, ուրեմն թող բացատրեն — ներկայացնեն հանրությանը` ի՞նչ անուն են դնում նույն գործը երկու անգամ անելիս: Եթե ասելիք չկա, ապա դա Կարապետյանի հերթական փիառն է, որը մեկ-մեկ պարզապես անցնում է թույլատրելիության սահմանը:
Նույն պատկերն է բակերի բարեկարգման դեպքում: «Մայիսի 9/51, Չեխովի 10/1 և Չեխովի 8/1 շենքերի միացյալ բակը վերջերս է բարեկարգվել: Նախկին «բոստանային» տարածքների փոխարեն այսօր արդեն հարմարավետ նստարաններ են, զրուցարաններ, երեխաների համար ժամանակակից մանկական խաղեր ու մարզասարքեր:
Հաջորդ բակում, ուր այցելեց Կարեն Կարապետյանը, արդեն մեկնարկել էին բարեկարգման աշխատանքները: Շուտով Երևանի քաղաքապետարանի և «Փյունիկ» բարեգործական հիմնադրամի համատեղ ծրագրով այստեղ ևս փոքրիկների համար կտեղադրվեն ժամանակակից մանկական խաղեր ու տարբեր մարզաձևերի համար նախատեսված մարզագույք»,- ասված է հաղորդագրության մեջ:
Ասյ գործում ևս նախկին քաղաքապետն առաջընթաց էր գրանցել. ճիշտ է, պաշտոնական ներկայացված հաշվարկներով` մեկ բակի բարեկարգումը քաղաքային բյուջեի վրա նստել է մոտ 60 հազար դոլար (Բեգլարյանի օրոք վաթսունից ավելի բակ էր բարեկարգվել): Եվ այս առումով սա շատ շահավետ բիզնես է, հիմնական բարեկարգումը արվում է բնակիչների կողմից, և ասֆալտապատումն ու մեկ-երկու ատրակցիոնը, որոնք մի 1000- 2000 դոլար կարժենան լավագույն դեպքում, ամբողջացնում են պատկերը, դրանց մի մասը նվերներ են լինում տարբեր ՀԿ –ներից կամ գործարարներից, ու արդյունքում ստացվում է, որ դուրս գրված գումարի մեծ մասը մնում է ստվերում:
Մեկ ուրիշ հարց, որին բազմիցս անդրադարձել ենք. Կարապետյանը, ըստ իր լրատվական ծառայության, ծանոթանալով ստորգետնյա անցումների պայմաններին, վարչական շրջանի ղեկավարին հանձնարարել է գետնանցումներում առևտրային գործունեություն իրականացնող տնտեսվարողներին պարտադրել, որ կատարեն շրջակա տարածքը մաքուր և բարեկարգ պահելու իրենց իսկ պայմանագրային պարտավորությունները:
Հետաքրքիր է, քաղաքապետը համարձակվե՞լ է մտնել «Հայրենիք» կինոթատրոնի խաչմերուկի անցումը:
Հ.Գ. Քաղաքապետարանի լրատվականի ղեկավար Արթուր Գևորգյանը պարզաբանեց, թե Կարապետյանը ծանոթանալով Կոմիտասի անվան պանթեոնում տարվող աշխատանքների ծրագրին, հստակ նշել է որ ուշադրության կենտրոնում պետք է լինեն հատկապես կանաչապատ տարածքները և ոռոգման խնդիրը: Այսինքն եղել է խնամքի հետ կապված հանձնարարական: Որևէ նոր սկզբի մասին խոսք չկա: Շարունակվում է այն` ինչ արդեն սկսվել է:
Սակայն այդպես չէ, երևի թե մեկ անգամ էլ կարելի է նայել տեքստը: խնդիրն այն է, որ պատասխանատուները հարկ է, որ ավելի ուշադիր լինեն` իրականացվող պիառի շրջանակներում, քաղաքապետարանի հաղորդագրություններում հաճախ ուշադրություն չեն էլ դարձնում, որ տգեղ է, երբ Բեգլարյանի արածը միշտ էլ կարծես միտումնավոր շրջանցվում է:
-
-
13.04.2024 | 01:26
Վթարի հետեւանքով մահացած բոլոր չորս զինծառայողները ժամկետայիններ էին. -
13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել -
13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ» -
13.04.2024 | 01:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը․ գտնվել է գողոնի մի մասը -
13.04.2024 | 01:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կարեն Վրթանեսյանը՝ ԱԱԾ կողմից հայ զինվորների նկատմամբ քրեական վարույթ նախաձեռնելու մասին -
13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներում պատերազմի մեջ ներքաշելու համար
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.