Համացանցում տեսանյութ է հրապարակվել, որում ցուցադրվում է խոզերից մարմելադի պատրաստման գործընթացը:

Ինչպես գրում է Lenta.ru-ն, տեսանյութը «Ֆեյսբուք»-ում հրապարակել է @glass.walls.israel ծածկանունով օգտատերը:

Տեսանյութում ներկայացվում է դոնդողի ստեղծման գործընթացը, որից հետագայում քաղցր մարմելադային կոնֆետներ են պատրաստվում: Տեսանյութի հեղինակները ցուցադրել են պատրաստման հակասանիտարական պայմանները, քիմիկատներով լցված թունավոր կանաչ դույլերը, կենդանիների ոսկորներ եփելը և մորթած խոզերից կտրված մաշկի կտորները:

Նշվում է, որ համացանցի օգտատերերը զայրացել են ոչ միայն պատրաստման գործընթացից, այլև անպաշտպան կենդանիների հանդեպ ցուցաբերվող անմարդկային վերաբերմունքից, որը ցուցադրվում է տեսանյութում:

«Մարմելադային արջուկներն ու ծամելու դրաժե կոնֆետներն այնքան համեղ են: Ո՞վ կարող էր մտածել, որ դրանք կենդանիներից են պատրաստված: Նույնիսկ չեմ կարող հասկանալ, թե ինչ եմ զգում` զզվանք, թե ամոթ, չէ՞ որ այդքան շատ եմ դրանցից կերել»,- իր ապրումներով կիսվել է օգտատերերից մեկը:

 Նյութի աղբյուրը՝ tert.am