Թուրքիայի նախագահ Ռեջեփ Թայիփ Էրդողանը հայտարարել է, որ իր ռուս գործընկեր Վլադիմիր Պուտինին առաջարկել է եռակողմ հանդիպում անցկացնել Սիրիայի նախագահ Բաշար ալ-Ասադի մասնակցությամբ։ Լուրը հաղորդում է ՏԱՍՍ-ը:
«Սակայն դրա համար անհրաժեշտ է, որ հանդիպեն հատուկ ծառայությունների ներկայացուցիչները, հետո պաշտպանության նախարարները և նոր միայն ԱԳՆ ղեկավարները: Այս քննարկումների արդյունքներով հնարավոր կլինի խոսել առաջնորդների հանդիպման մասին: Ես նման առաջարկարեցի պարոն Պուտինին, և նա դրականորեն ընդունեց նախաձեռնությունը: Այն մի շարք բանակցությունների սկիզբ կդնի»,-նախագահական օդանավում լրագրողներին ասել է Թուրքիայի ղեկավարը Թուրքմենբաշի քաղաքից վերադառնալուց հետո, որտեղ չորեքշաբթի մասնակցել էր Թուրքիայի, Թուրքմենստանի և Ադրբեջանի ղեկավարների հանդիպմանը։ Նրա հայտարարությունները հինգշաբթի գլխավորում էր TRT հեռուստաալիքի լուրերի թողարկումները։
Անդրադառնալով Սիրիայում ցամաքային գործողություն իրականացնելու Թուրքիայի ծրագրերին՝ Էրդողանը նշել է, որ Անկարան կողմ է Ռուսաստանի, Թուրքիայի և Սիրիայի համատեղ քայլերին։ Էրդողանը այս կապակցությամբ հիշեցրել է Սոչիի 2019 թվականի հուշագրում ամրագրված որոշումը։
«Սա ի՞նչ լուծում է, սա մեր սահմաններից հարավ 30 կիլոմետրանոց անվտանգության միջանցքի ստեղծումն է, մենք բոլոր անհրաժեշտ քայլերը կձեռնարկենք այդ միջանցքի ստեղծման համար, այստեղ ոչ մի նոր բան չկա, դա քննարկվել է Աստանայում, հետո՝ Սոչիում։ Բացի այդ, Սիրիայի հարցում Ռուսաստանի հետ մեր համակարգումը նորություն չէ»,-ասել է Թուրքիայի նախագահը։
Նա ընդգծել է, որ Անկարայի համբերությունը սպառվել է հարևան երկրի տարածքից բխող ահաբեկչության սպառնալիքի և Արևմուտքի, հիմնականում ԱՄՆ-ի, ահաբեկչական կազմակերպությունների աջակցության հետ կապված։
«Մենք առաջին հերթին ասում ենք ԱՄՆ-ին, որ եթե շարունակեք հազարավոր բեռնատարներ ուղարկել զենքով, զինամթերքով և տեխնիկայով այնտեղ գործող ահաբեկչական կազմակերպություններին, մենք միջոցներ կձեռնարկենք մեզ պաշտպանելու համար»,-ասել է Էրդողանը։
- 14:10Ուժեղ մագնիսական փոթորիկ մայիսի 31-ին. վտանգավոր երկրափոթորիկ կհարվածի երկրին
- 14:10Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դրական ազդեցություն կունենա ողջ տարածաշրջանի վրա․ Թուրքիայի ԱԳ նախարար
- 12:10Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին
- 14:10Իրանի և Ռուսաստանի հարաբերություններում փոփոխություն չի լինի․ Լավրով
- 14:10Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կանգնի կամ չեզոքացվի՝ որպես ահաբեկիչ․ Մեդվեդև
- 11:10Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆԱ
- 12:10«Ոչ ոք չի կարող պառակտում մտցնել Իրանի և Ադրբեջանի միջև»
- 11:00Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով
- 13:10Պենտագոնը հրաժարվել է թույլ տալ Ուկրաինային ամերիկյան զենքով հարվածել Ռուսաստանին
- 12:10Լուկաշենկոն, այցելելով իր եղբորը՝ Ալիևին, հիշել է «ձեր ազատագրական պատերազմի» նախորդած ընթրիքն ու իր խորհուրդները