Կրթության ոլորտում իշխանությունները շարունակում են «բարեփոխումները». հիմա էլ դպրոցներին նոր ծանուցագրեր են փոխանցվում, որոնց համաձայն՝ դպրոցների ֆինանսավորումը նախորդ տարվա համեմատ, նախնական տվյալներով՝ 10-15%-ով կրճատվում է։
«Մենք ծանուցում ենք ստացել ոչ թե այն մասին, որ կրճատվում է ֆինանսավորումը, այլ այն մասին, որ ֆինանսավորման պայմանագրի նոր նախագիծ կա, ըստ որի՝ նախորդ տարվա համեմատ կրճատումներ կան։ Բայց թե դրանք ինչով են պայմանավորված, և որքանով հնարավոր կլինի բյուջեն պլանավորել, մենք պետք է հստակեցնենք։ Առաջիկայում հանդիպումներ են լինելու քաղաքապետարանի ֆինանսական վարչության հետ։ Կարծում եմ՝ այդ հանդիպումներից հետո արդեն հստակ կհասկանանք՝ ինչ է լինելու։ Այս պահին դեռևս շատ անհասկանալի պահեր կան։ Առաջիկա օրերի քննարկումներից հետո հնարավոր կլինի հասկանալ՝ ինչ չափի կրճատումների մասին է խոսքը»,- Panorama.am-ի հետ զրույցում ասաց Ալ. Պուշկինի անվան համար 8 դպրոցի տնօրեն Նատալյա Ստեփանյանը։
Երևանի մեկ այլ՝ թիվ 145 դպրոցի տնօրեն Գայանե Աղասարյանն էլ մեզ հետ զրույցում ասաց, որ իրենք ֆինանսավորման վերաբերյալ ծանուցում ստացել են և տեղյակ են՝ ինչպես է այն իրականացվելու։
«Կոնկրետ մեր դպրոցի ֆինանսավորման կրճատումը խնդիրներ չի առաջացնում, քանի որ մենք ունենք խնայողություններ, և կա հրահանգ, որ կարող ենք դպրոցի ազատ մնացորդից տնօրինել, եթե աշխատավարձերի հետ կապված խնդիրներ առաջանան։ Այս փուլում որևէ ճնշման չի ենթարկվում մեր դպրոցը։ Խնդիրներ կառաջանեն, եթե դպրոցն իր գումարների մնացորդը սպառի. այդ դեպքում հաստիքների հետ կապված խնդիրներ ևս կարող են առաջանալ։ Բայց այս տարի նման խնդրի չենք բախվի»,- մեզ հետ զրույցում ասաց Գայանե Աղասարյանը։
Երևանի շատ դպրոցներ էլ ծանուցումներ ստացել են, բայց դեռ հաշվարկներ չեն իրականացրել, և հստակ չգիտեն՝ ինչպես է իրականացվելու կոնկրետ իրեց ֆինանսավորումը։
Թե՞ ինչ հիմքով է դպրոցների ֆինանսավորումը կրճատվում, Երևանի քաղաքապետարանի մամուլի խոսնակ Հակոբ Կարապետյանը չպատասխանեց՝ նշելով, որ դպրոցների ֆինանսավորման հարցերը և բյուջեն կազմում է Կառավարությունը, դա քաղաքապետարանի ենթակայության տակ չէ։
ԿԳՄՍ նախարարությունից էլ Panorama.am-ի հետ զրույցում ասացին, որ բոլոր պետական հանրակրթական հաստատությունները ֆինանսավորվում են ՀՀ կառավարության 2020 թ․դեկտեմբերի 30-ի ՀՀ 2021 թվականի պետական բյուջեի կատարումն ապահովող միջոցառումների մասին 2215-Ն որոշմամբ հաստատված չափաքանակով, ամբողջ ծավալով։
«Նախարարությունն արդեն ստորագրել է իր ենթակայության հաստատությունների հետ սուբսիդիայի տրամադրման պայմանագրերն ու հաստատել նախահաշիվները։ Նախարարությունում հանրակրթական հաստատությունների ֆինանսավորման նվազեցման հարց չի քննարկվում»,- նշեցին ԿԳՄՍՆ Հասարակայնության հետ կապերի և տեղեկատվության վարչությունից։
Հասկանալու համար, թե ի՞նչ այդ դեպքում ի՞նչ ծանուցագրեր են ստացել դպրոցները, Panorama.am-ը գրավոր հարցում ուղարկեց ԿԳՄՍ նախարարությանը։
Մեր հարցին, թե 2021 թվականի պետական բյուջեից հանրակրթական դպրոցներին հատկացվող բյուջեն որքանո՞վ է կրճատվել նախորդ տարվա համեմատ. խնդրում ենք ներկյացնել թվային տվյալներ, ԿԳՄՍ նախարարությունից պատասխանել են . «2020 և 2021 թվականներին հանրակրթական դպրոցների հատկացումները կատարվել են համապատասխանաբար Հայաստանի Հանրապետության կառավարության 2019 թվականի դեկտեմբերի 26-ի «Հայաստանի Հանրապետության 2020 թվականի պետական բյուջեի կատարումն ապահովող միջոցառումների մասին» թիվ 1919-Ն և Հայաստանի Հանրապետության կառավարության 2020 թվականի դեկտեմբերի 30-ի «Հայաստանի Հանրապետության 2021 թվականի պետական բյուջեի կատարումն ապահովող միջոցառումների մասին» թիվ 2215-Ն որոշումներով հաստատված չափաքանակներին համաձայն:
Հայաստանի Հանրապետության կրթության, գիտության, մշակույթի և սպորտի նախարարությունը հանրակրթական դպրոցներին հատկացված միջոցների վերաբերյալ որևէ ծանուցում չի ուղարկել:
Միևնույն ժամանակ հարկ ենք համարում նշել, որ հանրակրթական դպրոցներն իրենց կարգավիճակով պետական ոչ առևտրային կազմակերպություններ են, ունեն իրավաբանական անձի կարգավիճակ (հիմք` «Պետական ոչ առևտրային կազմակերպությունների մասին» ՀՀ օրենքի 3-րդ հոդվածի 1-ին մաս) և իրենց միջոցների շրջանակում ինքնուրույն են որոշում իրենց ծախսերի ուղղությունները, այդ թվում` աշխատավարձերի և հավելավճարների չափերը»։
Ըստ երևույթին, ծանուցագիր ուղարկողը՝ Երևանի քաղաքապետարանը սլաքներն ուղղում է դեպի Կառավարություն, իսկ ԿԳՄՍ նախարարությունը խուսափում է հարցի ուղիղ պատասխանից։ Մնում է սպասել դպրոցների տնօրենների և քաղաքապետարանի ֆինանսական վարչության աշխատակիցների հանդիպմանը, որպեսզի տնօրենները կարողանան հստակ հասկանալ և ներկայացնել՝ ինչ է սպասվում իրենց։
- 11:42Ադրբեջանում պահանջել են նաև չորս «անկլավային գյուղերը»
- 11:23Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան
- 13:26Վթարի հետեւանքով մահացած բոլոր չորս զինծառայողները ժամկետայիններ էին.
- 11:29Գեղարքունիքում զինվորական «ԿամԱԶ» է վթարի ենթարկվել
- 14:08Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամերձի մյուս մասը՝ Ադրբեջանում. Թաթոյան
- 13:00Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին
- 15:10Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած ՌԴ քաղաքացուն առևանգելու և Գյումրու ռազմաբազայում ապօրինի պահելու մասին
- 11:10Եթե շատ լինեք, մենք կշրջափակենք կառավարությունը․ Հրանտ Բագրատյան
- 14:10Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյուղապետ
- 12:10270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գալստյան
23.04.2024 | 11:42
23.04.2024 | 11:06
13.04.2024 | 13:57
13.04.2024 | 13:26
13.04.2024 | 13:06
13.04.2024 | 12:59
13.04.2024 | 12:28
13.04.2024 | 11:29
12.04.2024 | 14:08
12.04.2024 | 13:56
12.04.2024 | 2:20
10.04.2024 | 15:10
10.04.2024 | 14:10
10.04.2024 | 13:10
10.04.2024 | 12:10
10.04.2024 | 11:10
09.04.2024 | 15:10
09.04.2024 | 14:10
09.04.2024 | 13:10
09.04.2024 | 12:10
09.04.2024 | 11:10
08.04.2024 | 15:10
08.04.2024 | 14:10
08.04.2024 | 13:10
08.04.2024 | 12:10
08.04.2024 | 11:10
06.04.2024 | 14:10
06.04.2024 | 13:10
06.04.2024 | 12:10
06.04.2024 | 11:10
05.04.2024 | 15:10
05.04.2024 | 14:10
05.04.2024 | 13:10
05.04.2024 | 12:10
05.04.2024 | 11:00
04.04.2024 | 15:10
04.04.2024 | 14:10
04.04.2024 | 13:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.