«Պոլիտէկոնոմիկա» հետազոտական ինստիտուտի ղեկավար Անդրանիկ Թևանյանը ֆեյսբուքյան գրառում է արել, որում անդրադառնում է երկրում այս պահին ստեղծված իրադրությանը։ Գրառման մեջ ասվում է․
«Թուրքերն ակնհայտորեն դժգոհ են մնացել զինադադարից, քանզի չեն ավարտել իրենց ծրագիրը Զանգեզուրի մասով։ Ռուսները խանգարեցին այդ ծրագրի իրականացմանը, թե չէ, որ ՀՀ իշխանություններին մնար, «Հաղթելու ենք» կարգախոսի ներքո դա էլ կհանձնեին։
Ու քանի որ թուրքերը դժգոհ են մնացել ու մեր երկրում դեռ վխտում են իրենց ազդեցության գործակալները, ուստի հակառուսական արշավը շարունակվում է, պատերազմի հավանականությունը՝ մեծանում։
Երեկ Երևանում ու Ստեփանակերտում միաժամանակ երկու հակառուսական ակցիա տեղի ունեցավ։ Երկուսն էլ կառավարությունից ուղղորդված։
Վարչապետի մամլո խոսնակը ռուսների վրա գցեց Հադրութի շրջանի երկու գյուղերի պատասխանատվության հարցը, իսկ Ստեփանակերտում կոչ հնչեց հանրահավաք անել ռուս խաղաղապահ առաքելության դեմ՝ նույն գյուղերի կորստի թեմայով։ Ընդ որում՝ և՛ Երևանում, և՛ Ստեփանակերտում խառնակչությամբ ու հակառուսական քարոզով զբաղվողները շեղում էին հանրությանը հարցի բուն պատասխանատուներից՝ ՀՀ վարչապետ աշխատող Նիկոլ Փաշինյանից ու Արցախի նախագահ նշանակված Արայիկ Հարությունյանից։
Դա նշանակում է, որ եթե վաղը ադրբեջանցիները հարձակվեն Հայաստանի ու Արցախի այլ բնակավայրերի դեմ, ապա Նիկոլ Փաշինյանը մեղքը կրկին գցելու է ռուսների վրա ու ձեռքերը լվանա, իսկ սորոսաթուրքական շրջանակները բողոքելու են Արցախում ռուս խաղաղապահների, իսկ Հայաստանում՝ ՌԴ դեսպանատան ու Գյումրիի ռուսական ռազմաբազայի դեմ։
Քանի դեռ Ադրբեջանն ու Թուրքիան այստեղ ունեն Փաշինյանին վարչապետի աթոռին, մենք միայն կորուստներ ենք ունենալու։ Դրան հեռացնելը, հետևաբար, ազգային անվտանգության խնդիր է։ Երկուշաբթի օրվանից պետք է ճնշումն ուժեղացնել։
Կոչ եմ անում միանալ «Արժանապատվության երթերին» ու պատրաստվել մեծ ու վճռական հանրահավաքի։ Վաղվա երթը կմեկնարկի ժամը 17:00-ին, Արաբկիր վարչական շրջանի Վահագն Դավթյան այգու մոտից (Պրահայի այգի, Արաբկիրի թաղապետարանի դիմաց)»։
- 12:54Ադրբեջանական մտահոգությունները և վախերը խոսում են այն մասին, որ մենք ճշտագույն ճանապարհի վրա ենք. Բագրատ սրբազան
- 12:10Շարժման ելքը. առանց «եթե»-ների. Վահե Հովհաննիսյան
- 15:42Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դասի նկատմամբ.Առաքել արքեպիսկոպոս Քարամյան
- 11:17Անվտանգության այն կոնցեպտը, որ Հայաստանը մինչև այժմ իրականացրել է, անվտանգություն չի ապահովում, վտանգներ է գեներացնում
- 10:372 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․ Բագրատ Սրբազանը՝ Փաշինյանի Սարդարապատ չգնալու մասին
- 14:10Նոր վարչապետի թեկնածուի անվան հրապարակումը միանգամից ստեղծելու է նոր իրավիճակ
- 13:10Ադրբեջանցի սահմանապահներն արդեն վերահսկողության տակ են վերցրել Տավուշի մարզի չորս գյուղերը
- 12:17Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լրագրող Լեո Նիկոլյանին (տեսանյութ)
- 15:10Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը հավակնությունի ունի 114. Հազ. Քկմ տարածքի նկատմամբ
- 13:10Հայաստանի իշխանությունը մտել է պետականության ամրության համար խիստ վտանգավոր թեմաների մեջ. Արման Թաթոյան