23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...Թուրքիայի ընդդիմադիր քրդամետ «Ժողովուրդների դեմոկրատական կուսակցության» (ԺԴԿ-HDP) պոլսահայ պատգամավոր Կարո Փայլանն արձագանքել է Էրդողանի քննադատությանը, որը վերաբերում էր ԱՄՆ Կոնգրեսի Ներկայացուցիչների պալատի կողմից Հայոց ցեղասպանությունը ճանաչող բանաձևի ընդունմանը: Փայլանը գրառում է կատարել թվիթերում։
«Էրդողանը Հայոց ցեղասպանության վերաբերյալ ասաց. «Այս հարցը պատմաբանների գործն է: Այս հարցը հնագետների գործն է: Այս հարցին թող քաղաքական աստառ չտան»:
Պատմաբանները չեն կարող առերեսվել այն ցեղասպանության հետ, որը Թալեաթ փաշայի քաղաքական որոշմամբ է իրագործվել… Այն, ինչ տեղի է ունեցել իմ (հորական) տատի հետ չի կարող լինել հնագետների հարցը»:
Հիշեցնենք, որ ԱՄՆ Կոնգրեսի Ներկայացուցիչների պալատում հոկտեմբերի 29-ին կայացած քվեարկության արդյունքում ձայների մեծամասնությամբ ընդունվել էր Հայոց ցեղասպանությունը ճանաչող բանաձև։ Քվեարկությանը մասնակցած կոնգրեսականներից կողմ էր քվեարկել 405-ը, դեմ՝ 11-ը, ձեռնպահ՝ 3-ը, իսկ 14 կոնգրեսական չէր մասնակցել քվեարկությանը:
Բանաձևի ընդունմանը կոշտ արձագանք էին տվել Թուրքիայի նախագահ Ռեջեփ Թայիփ Էրդողանը, արտգործնախարար Մևլութ Չավուշօղլուն, արդարադատության նախարար Աբդուլհամիթ Գյուլը, պաշտպանության նախարար Հուլուսի Աքարը և իշխանական վերնախավի այլ ներկայացուցիչներ:
Գիտնականների միջազգային խմբին՝ աստղագետ Տիագո Կամպանտեի գլխավորությամբ, հաջողվել է արտասովոր էկզոմոլորակ հայտնաբերել HD 212771 և HD 203949 կարմիր աստղերի շուրջ։
Ինչպես հայտնում է Rusarminfo-ն, գիտնականները մտադիր էին հասկանալ, թե ինչպես է HD 203949 աստղի էկզոմոլորակը խուսափել կլանումից աստղի ընդլայնման ժամանակ։
Նշվում է, որ ընդհանուր թվային մոդելավորումը թույլ է տվել ենթադրել, որ աստղի ընդլայնումը կարող էր դուրս բերել մոլորակը իր նախնական ուղեծրից, որում այն գտնվում է ներկայում։
Հետազոտության համահեղինակներից մեկը Պորտուի Աստղագիտության և տիեզերական գիտությունների ինստիտուտի (Պորտուգալիա) մասնագետ Վարդան Ադիբեկյանն է։ Վերջինս նշել է, որ հետազոտությունների արդյունքները ցույց են տվել, որ աստղերն ու դրանց մոլորակները ոչ միայն ձևավորվում, այլև զարգանում են միասին։
Երբ դու գալիս ես իշխանության, քեզ թվում է՝ բոլոր հարցերը քեզ է պատկանում եւ պետք է այդ բլոր հարցերը լուծես: Այս մասին այսօր՝ հոկտեմբերի 30-ին, լրագրողների հետ հանդիպման ժամանակ նշեց Հանրային խորհրդի նախագահ Վազգեն Մանուկյանը՝ հավելելով, որ 1990-ականներին երբ իրենք եկան իշխանություն, նույն վիճակը կար. «Բայց իրականում ցանկացած երկրի ղեկավար ունի սահմանափակումներ: Դրա համար իշխանության թեւերի տարանջատումը շատ կարեւոր է: Երբ դու գալիս ես իշխանության, պետք է իմանաս, որ կա անկախ մամուլ, որին ձեռք տալ չես կարող: Դու չես կարող ասել՝ սեւ մամուլ, սպիտակ մամուլ: Դու չես կարող ասել՝ ՍԴ-ն պետք է ինձ ենթարկվի: Սահմանափակումներից մեկը անկախ դատարանն է»,-ասաց Վազգեն Մանուկյանը:
Անդրադառնալով ՍԴ-ի եւ նրա նախագահ Հրայր Թովմասյանի շուրջ զարգացումներին, նա ասաց. «Նախկինում ՍԴ-ն ֆորմալ տեսակետից անկախ էր, բայց շատ դեպքերում քանի որ շատ կապված էր գործադիր իշխանության հետ, այս կամ այն ձեւով նաեւ գտնվում էր գործադիրի ազդեցության տակ:
Հիմա աննախադեպ վիճակ է ստեղծվել, երբ ՍԴ նախագահը մի մարդ է, որը շատ ինքնուրույն է, ենթարկվում է օրենքներին: Ոչ մեկին Հայաստանում այդպիսի ռենտգենի տակ չեն անցկացրել, ինչպես իրեն, ու ոչ մի բան վրեն չեն գտել: Ուրեմն այդ մարդը կռուպցիոներ չի, մաքուր է: Ինքը հիմա պայքարում է ՍԴ-ն անկախ պահելու համար: Գնում աղջիկներին են հարցաքննում, հորը հացնում են՝ էդ կտուրը որտեղից, սանիկ են բռնում: Հիմա էլ կպել են թղթից, թե ճիշտ ժամկետին է ներկայացվել, թե ոչ: Իրեն հետապնդում են, որ այդ տեղն ազատի, իրենց ուզած մարդուն նշանակեն»:
Իմ անձի հետ կապված ես վախենալու որևէ բան չունեմ։ Այս մասին այսօր՝ հոկտեմբերի 30-ին, Անդրանիկ Մարգարյանի քաղաքական դպրոցի շրջանավարտներին վկայականների հանձնման արարողությունից հետո ասաց ՀՀ երրորդ նախագահ Սերժ Սարգսյանը՝ պատասխանելով շրջանավարտներից մեկի հարցին, թե արդյոք չի վախենում, որ ձերբակալությունների շղթան իրեն էլ կհասնի։
«Ինչպես հայտնի է՝ ոչինչից չի վախենում միայն կատարյալ հիմարը։ Ես 1988 թվականից հետո իրոք վախեցել եմ, վախեցել եմ կորցնել մեր հայրենիքի մի մասը՝ Լեռնային Ղարաբաղը, ինչը շատ մեծ և իրական վտանգ կբերեր մեր հայրենիքի մնացած և վերջին մասին համար։ Բայց տասնյակ հազարավոր նվիրյալների հետ միասին նայելով վախի աչքերի մեջ՝ մենք կարողացել ենք հաղթահարել այդ վախը պատերազմի՝ ձեզ հայտնի արդյունքներով։ Ես հիմա էլ եմ վախենում անպատասխանատու պոպուլիստների՝ մեր հայրենիքի համար կործանարար քաղաքականությունից։ Իմ անձի հետ կապված ես վախենալու որևէ բան չունեմ , եթե ինձ ձերբակալելով մեր ժողովուրդը գոհ ու երջանիկ կլինի, Մարտի 1-ը, Հոկտեմբերի 27-ը կհամարվի ամբողջովին բացահայտված, մեր երկրին սպառնացող վտանգները կչեզոքանան, ԼՂ բանակցությունները կվերադառնան ճիշտ ուղի, թող ձերբակալեն»,- նշեց նա։
Սերժ Սարգսյանի խոսքով՝ վախկոտ են համարվում այն մարդիկ, որոնք ինչ-որ ազդեցությունների հետևանքով հաճախ փոխում են իրենց որոշումները․ «Ես որոշում փոխող չեմ, երբեք չեմ փոխել իմ որոշումը։ Եթե իմ բացակայությունը հասարակությունից կնպաստի, որ տնտեսական հեղափոխությունը մեծ թափ ստանա և հայրենադարձների հոսքը Հայաստան այնքան մեծանա, որ մենք դրանով ուղղակի կհպարտանանք, թող ձերբակալեն»։
Նա շեշտեց՝ ավելին չի ուզում ասել, քանի որ խոստացել է պարզ և անկեղծ զրույց ունենալ ՀՀ քաղաքացիների հետ, իսկ դրա ժամկետը, նրա խոսքով, մոտենում է։
Հայաստանի Հանրապետության ազգային անվտանգության ծառայությունը, հավատարիմ լինելով մարդու և քաղաքացու իրավունքներն ու ազատությունները հարգելու և պահպանելու օրենքով սահմանված սկզբունքին և որպես առաջնահերթություններից մեկը դիտարկելով հանցավորության դեմ ուղղված պայքարը, 2019 թվականի հոկտեմբերի 14-ին հանցագործության մասին հաղորդում ստանալով ՀՀ քաղաքացուց, ձեռնարկված օպերատիվ-հետախուզական միջոցառումների և քննչական գործողությունների արդյունքում ստացել է փաստական տվյալներ, որ վերջինս արտաքսվելով Հայաստան և ցանկանալով օրինական ճանապարհով վերադառնալ Ռուսաստանի Դաշնություն, այդ հարցը կարգավորելու նպատակով Երևանում ծանոթացել է ՀՀ քաղաքացու հետ, ով խարդախությամբ վերջինիս գումարները հափշտակելու դիտավորությամբ, վստահություն ձեռք բերելու նպատակով, ներկայացել է որպես ոստիկանության աշխատակից, ցույց է տվել ՀՀ ոստիկանության համազգեստով լուսանկարը և պատրաստակամություն է հայտնել 1.000.000 ՀՀ դրամի դիմաց կազմակերպել վերջինիս վերադարձը Ռուսաստան, հայտնում են ԱԱԾ մամուլի կենտրոնից։
Այնուհետև, տարբեր վճարումներ կատարելու պատրվակով, 2019թ.-ի սեպտեմբերի ընթացքում տուժողից պահանջել և ստացել է 41.000 ՌԴ ռուբլի և 35.000 ՀՀ դրամ, իսկ 2019թ.-ի հոկտեմբերի 15-ին՝ 1000 ԱՄՆ դոլար գումար՝ դրանով իսկ խարդախությամբ հափշտակելով խոշոր չափերով՝ 803.490 ՀՀ դրամին համարժեք գումար։
Պահանջած գումարի վերջին մասը ստանալով՝ ՀՀ ԱԱԾ օպերատիվ ստորաբաժանումների հսկողության ներքո ենթադրյալ հանցագործություն կատարած անձը բռնվել է ՀՀ ԱԱԾ աշխատակիցների կողմից և բերման ենթարկվելուց հետո խոստովանել կատարած հանցագործությունը:
Առերևույթ հանցագործության դեպքի առթիվ ՀՀ ԱԱԾ քննչական դեպարտամենտում 2019 թվականի հոկտեմբերի 21-ին հարուցվել է քրեական գործ ՀՀ քրեական օրենսգրքի համապատասխան հոդվածներով, կատարվում է նախաքննություն։
Քաղաքագետ Գագիկ Համբարյանը ֆեյսբուքյան իր էջում գրում է.
«Փաշինյանի «ղամիշլիական» քծնանքը Պուտինին
Հայաստանի վարչապետ Նիկոլ Փաշինյանը հարցազրույց է տվել ռուսաստանյան Коммерсантъ-ին և շնորհակալություն է հայտնել Ռուսաստանի նախագահ Վլադիմիր Պուտինին այն բանի համար, որ վերջինս, հաշվի առնելով Փաշինյանի խնդրանքը սիրիական Էլ-Քամիշլիում (Ղամիշլի) բնակվող հայերի անվտանգությունն ապահովելու առումով, կատարել է Հայաստանի վարչապետի խնդրանքը և Թուրքիայի վարչապետ Էրդողանի հետ բանակցությունների արդյունքում հասել նրանց անվտանգության ապահովմանը…
Կամ պարոն Փաշինյանն ընդհանրապես չի հասկանում աշխարհաքաղաքական գործընթացներից, որոնց արդյունքում բավականին վտանգավոր իրադարձություններ են տեղի ունենում Մեծ Մերձավոր Արևելքում, կամ էլ պարոն Փաշինյանը միտումնավոր քծնում է ՌԴ նախագահին մի բանի համար, որը նա չի էլ արել…
Արդեն հիմա կարելի է պարզ ասել. Թուրքիայի կողմից հոկտեմբերի 9-ից 22-ը Սիրիայի հյուսիսում իրականացված «Խաղաղության ակունք» ռազմական օպերացիան մինչ Անկարայի կողմից սկսելը այն գրեթե համաձայնեցված է եղել բոլոր շահագրգիռ կողմերի՝ Սիրիայի, ՌԴ-ի, ԱՄՆ-ի, Թուրքիայի, Իրանի հետ…
Թուրքիան Սիրիայի հյուսիսում որպես ազդեցության գոտի ստացավ այն տարածքները, որոնք նրան պատրաստ էին հատկացնել ՌԴ-ն և ԱՄՆ… Ոչ ավելին… Արդյունքում, թուրքական բանակն իր վերահսկողությունը սահմանեց թուրք-սիրիական սահմանի 32 կիլոմետր երկայնքով և 10 կիլոմետր խորությամբ՝ Թել- Աբյադից Ռաս ալ-Այն ընկած տարածքների նկատմամբ, որոնք նախկինում վերահսկվել են YPG-ի և PYD-ի քուրդ զինյալների կողմից… Ասադի իշխանությունը և ՌԴ-ն, թուրքական ներխուժումից օգտվելով, իրենց վերահսկողությունը սահմանեցին նախկինում միայն քրդերի կողմից վերահսկվող Մանբիջի և նույնանուն շրջանի բազմաթիվ գյուղերի, Տիշրինի ամբարտակի, Թաբկա քաղաքի և նրա արվարձանում գտնվող նույնանուն ավիաբազայի նկատմամբ… Սիրիական կառավարական զորքերը ամբողջությամբ իրենց վերահսկողության տակ վերցրեցին Ալ-Հասաքայի նահանգի նույնանուն մարզկենտրոնը և մարզի բազմաթիվ բնակավայրեր… ԱՄՆ-ն, որն Անկարայի կողմից ռազմական օպերացիան սկսելուց հետո ձևականորեն դուրս էր բերել իր զորքերը Սիրիայի հյուսիսից և պատժամիջոցներ սահմանել Անկարայաի նկատմամբ, հիմա վերադարձնում է իր զինվորներին Սիրիա՝ Ալ-Հասաքա մարզի հարավում և Դեյր-էլ-Զոր նահանգի արևելքում գտնվող նավթի և գազի հանքերի անվտանգության ապահովման պատրվակով, որն իրականում այդ հանքերի նկատմամբ վերահսկողությունը վերականգնելն է և չեղարկում է պատժամիջոցները… Ռազմավարական նշանակություն ունեցող 200 հազար բնակչությամբ Էլ-Քամիշլի քաղաքը, որը գտնվում է Սիրիայի, Թուրքիայի և Իրաքի սահմանագլխին, ոչ ոք Թուրքիային չէր նվիրելու, որ պարոն Փաշինյանը շնորհակալություն է հայտնում Պուտինին` այնտեղ գտնվող 3000 հայերի անվտանգությունն ապահովելու համար…
Անկարան իր կողմից Սիրիայի տարածքում իրականացված երեք ռազմական օպերացիաների ժամանակ գերադասել է անմիջական բախում չունենալ սիրիական կառավարական ուժերի հետ, որոնց թիկունքում կանգնած են ՌԴ-ն և Իրանը… Շատ վատ է, որ պարոն Փաշինյանը չգիտի, որ նույնիսկ 2014-15 թթ-ներին, երբ սիրիական բանակը պարտություններ էր կրում ահաբեկիչներից և բազմաթիվ բնակավայրեր էին անցնում Թուրքիայի, ԱՄՆ-ի, Մեծ Բրիտանիայի և արաբական բազմաթիվ երկրների կողմից հովանավորվող ահաբեկիչների վերահսկողության տակ, ռազմավարական նշանակություն ունեցող Էլ-Քամիշլի քաղաքի մեծ մասը, քաղաքի միջազգային և ռազմական օդանավակայանները և քաղաքը շրջապատող մոտ հինգ տասնյակից ավել բնակավայրեր միշտ վերահսկվել են Ասադի կառավարության կողմից և Անկարայի կողմից իրականացվող վերջին ռազմական օպերացիայի ժամանակ Էլ-Քամիշլիին որևէ վտանգ չի սպառնացել…
Թուրքիան շատ լավ գիտեր, թե Ռուսաստանը և ԱՄՆ-ն ինչ «կարմիր գիծ» են գծել իր համար… Էլ-Քամիշլին այն «Ռուբիկոնն» էր, որն անցնելու դեպքում Էրդողանը կպատժվեր… Պարոն Փաշինյանի՝ Պուտինին հասցեագրված անիմաստ «ղամիշլիական» շնորհակալությունն ավելի շատ քծնանք է հիշեցնում…
Ի դեպ, նույն հարցազրույցում պարոն վարչապետը կոնկրետ պատասխան չի տվել գազի գնի վերաբերյալ ռուսաստանցի լրագրողի հարցին, որը շատ տարօրինակ է, քանի որ հայաստանյան հասարակությանն այդ հարցը շատ է հետաքրքրում, իսկ երկու ամսից կավարտվի Գազպրոմի և ՀՀ-ի միջև գազի գնի վերաբերյալ պայմանագիրը… Սպառողներն անորոշ վիճակում են, իսկ ջեռուցման սեզոնն արդեն սկսվել է Հայաստանի որոշ շրջաններում… Պարոն Փաշինյանը Պուտինին թող շնորհակալություն հայտնի այն ժամանակ, երբ հօգուտ հայաստանցի սպառողների կլուծվեն գազի գնի վերաբերյալ բանակցությունները, երբ ՌԴ-ում հայկական վարորդական իրավունքով անձանց թույլ կտան աշխատել և շատ այլ հարցերի կարգավորման դեպքում…
Հ.Գ. Որքան շատ է Հայաստանի վարչապետը խոսում հայ-ռուսական հիանալի հարաբերությունների մասին, այնքան շատ են կասկածները, որ այդ հարաբերությունները բնավ հիանալի չեն…»:
Ոստիկանության ԿՀԴՊ գլխավոր վարչության կոռուպցիայի և տնտեսական գործունեության դեմ ուղղված հանցագործությունների հակազդման վարչությունում ստացված օպերատիվ տեղեկությունների հիման վրա նախապատրաստված նյութերով փաստական տվյալներ են ձեռք բերվել, որ 2003 թվականի նոյեմբերից 2018-ի հուլիս ՀՖՖ «Վ․Սարգսյանի անվան հանրապետական մարզադաշտ»-ի տնօրինությունը, առանց ՀՀ ֆինանսների նախարարության հատուկ թույլտվության, մարզադաշտի տարածքում փաստացի իրականացրել է ձեռնարկատիրական գործունեություն։
Մասնավորապես, կազմակերպել են ծաղկի մեծածախ վաճառքի տոնավաճառ և ծաղկի առևտրով զբաղվող անձանցից օրական հավաքագրված ընդհանուր շուրջ 160․000-ական դրամները մասնակի են մուտքագրել դրամարկղ։ Ըստ քննությանն այս պահին հայտնի տվյալների՝ հիշյալ ժամանակահատվածում հավաքագրվել է շուրջ 849․600․000 դրամ, որից ձևակերպվել է ընդամենը 149․519․905 դրամ։ Այս կերպ թաքցվել է 700․000․000 դրամի շրջանառությունը և չի վճարվել առանձնապես խոշոր չափերի՝ ընդհանուր 97․861․424 դրամի հարկեր։ Բացի այդ, լիցենզիայի համար նախատեսված տարեկան պետտուրքի մասով պետությանը պատճառվել է դարձյալ առանձնապես խոշոր չափերի՝ ընդահնուր 10․000․000 դրամի վնաս։
Նյութերի նախապատրաստման ընթացքում պարզվել է նաև, որ «Վ․Սարգսյանի անվան հանրապետական մարզադաշտ»-ի տնօրինությունը անհատ ձեռնարկատիրոջ հետ վարձակալության պայմանագիր է կնքել, որի հիման վրա անհատ ձեռնարկատերը նախորդ տարվա օգոստոսից մինչ օրս, առանց ՀՀ ֆինանսների նախարարության հատուկ թույլտվության, մարզադաշտի տարածքում փաստացի իրականացրել է ապօրինի ձեռնարկատիրական գործունեություն՝ կազմակերպելով ծաղկի մեծածախ վաճառք։ Այս դեպքում լիցենզիայի համար նախատեսված պետտուրքի մասով պետությանը պատճառվել է խոշոր չափերի 2․000․000 դրամի վնաս։
Նյութերի նախապատրաստման ընթացքում ոստիկանության ԿՀԴՊ գլխավոր վարչություն բերման են ենթարկվել անձինք, որոնց միջոցով էլ 2018-ի օգոստոսից հիշյալ անհատ ձեռնարկատերն իրականացրել է ապօրինի ձեռնարկատիրական գործունեություն։
Դեպքերի առթիվ ոստիկանությունում քրեական գործ է հարուցվել, որն ուղարկվել է ՊԵԿ քննչական վարչություն՝ հետագա քննության։ Օպերատիվ-հետախուզական միջոցառումները շարունակվում են։
Ռուսական «Ռոսիա 24» հեռուստաընկերությունը ռեպորտաժ է պատրաստել Հայաստանում սահմանադրական դատարանի նախագահ Հրայր Թովմասյանի շուրջ ստեղծված իրվիճակի վերաբերյալ: Նշվում է, որ ՀՀ քննչական կոմիտեն հայտարարել է Հրայր Թովմասյանի առնչությամբ քրեական գործ հարուցելու մասին՝ պաշտոնական դիրքի չարաշահման համար, երբ վերջինս զբաղեցնում էր արդարադատության նախարարի պաշտոնը:
Ռեպորտաժի հեղինակը մեկնաբանություն է վերցրել «Իրավական ուղի» ՀԿ համահիմնադիր Ռուբեն Մելիքյանից, որը նշել է, որ Հրայր Թովմասյանի նկատմամբ ՀՀ իշխանությունների կողմից քաղաքական հետապնդում է իրականացվում:
Ռեպորտաժում նշվում է նաև, որ հարցաքննման են կանչվել Թովմասյանի տարեց հայրը, որն առողջական խնդիրներ ունի, ինչպես նաև դուստրերը: «Ռոսիա 24»-ի լրագրողը նշում է, որ Հրայր Թովմասյանին ձերբակալելու ոչ մի իրավական հիմք չկա, քանի որ նա ի պաշտոնե անձեռնմխելի է:
https://www.youtube.com/watch?v=Dqe3UmKnMDA
ԱՄՆ Ներկայացուցիչների պալատը ժամեր առաջ ճնշող մեծամասնությամբ՝ 405 կողմ, 11 դեմ ձայներով ընդունեց Հայոց ցեղասպանությունը ճանաչող 296 բանաձևը, որը ճանաչման հետ մեկտեղ կոչ է անում միջոցներ ձեռնարկել Ցեղասպանության ժխտման դեմ ու կրթական ծրագրերի միջոցով խրախուսել Ցեղասպանության մասին տեղեկացվածությունն ու հանրային ընկալման մեծացումը:
«Հաստատելով Հայոց ցեղասպանության վերաբերյալ Միացյալ Նահանգների արձանագրությունները» վերնագրված բանաձևում ասվում է, որ բանաձևի ընդունմամբ հաստատում են, որ Ներկայացուցիչների պալատի կարծիքով Միացյալ Նահանգների քաղաքականությունն է՝
1) ոգեկոչել Հայոց ցեղասպանությունը` այն պաշտոնապես ճանաչման և հիշատակման միջոցով,
2) մերժել Միացյալ Նահանգների կառավարությանը՝ Հայոց ցեղասպանության կամ որևէ այլ ցեղասպանության ժխտման մեջ ներգրավելու, ներառելու կամ որևէ այլ կերպ առնչվելու փորձերը, և
3) խրախուսել Հայոց ցեղասպանության փաստերի վերաբերյալ կրթությունն ու հանրային իրազեկվածությունը՝ ներառյալ մարդասիրական օգնության գործում Միացյալ Նահանգների դերի և Հայոց ցեղասպանության կարևորությունը մարդկության դեմ ժամանակակից ոճրագործությունների վերաբերյալ:
Նշենք, որ բանաձևին կողմ են քվեարկել 223 դեմոկրատ և 177 հանրապետական կոնգրեսականներ:
Ինչպես գրում է Reuters-ը, 35 տարի անց առաջին անգամ այսպիսի օրենսդրության քննարկումը Ներկայացուցիչների ամբողջ պալատում ընդգծում է Կոնգրեսում տարածված վրդովմունքն ընդդեմ Թուրքիայի կառավարության, ինչպես դեմոկրատների, այնպես էլ նախագահ Դոնալդ Թրամփի կուսակից հանրապետականների կողմից:
Հայոց ցեղասպանության քվեարկությունից անմիջապես հետո երկու կուսակցությունների օրենսդիրները կրկին ճնշող մեծամասնությամբ ընդունեցին օրենսդրությունը, որը կոչ է անում Թրամփին պատժամիջոցներ կիրառել Թուրքիայի նկատմամբ Սիրիայի հյուսիսում իր հարձակողական գործողությունների կապակցությամբ։
Երկու միջոցների ճակատագիրը Սենատում անհայտ է, և քվեարկություն չի նախատեսվում նման օրենսդրության վրա:
Տասնամյակներ շարունակ Կոնգրեսում սառեցված էր Հայոց ցեղասպանության ճանաչմանն ուղղված միջոցառումները, ինչը բխում էր այն մտավախությունից, որ դա կարող է բարդացնել հարաբերությունները Թուրքիայի հետ, ինչպես նաև արդյունք էր Անկարայի կառավարության լոբբինգի:
Հոկտեմբերի 25-27 Երևանում տեղի ունեցավ Իմունոգենետիկայի ԵվրոպականՖեդերացիայի 8-րդ Տարածաշրջանի Բալկանյան Որակի Վերահսկման Տարեկան գիտաժողովը(European Federation of Immunogenetics Region 8 and Balkan EPT):
Դեռ 2019-ի հունվարին մեկնարկել էին ՈՍԴՀՌ-ի 20-ամյակին նվիրված հոբելյանական միջոցառումները և այս գիտաժողովը ևս ամփոփում էր հիմնադրամի 20ամյա գործունեությունը:Գիտաժողովը հատկանշական էր նաև նրանով , որ այն ամփոփում էր նաև ԵՖԻ 8րդ տարածաշրջանի Բալկանյան HLA տիպավորման որակի վերահսկման 2019 թվականի արդյունքները:
ժողովին մասնակցում էին շուրջ 150 մասնակիցներ Եվրոպայից և տարածաշրջանի այլ երկրներից: HLA տիպավորման, Ցողունային բջիջների և սոլիդ օրգանների փոխպատվաստման ասպարեզում իրենց հարուստ փորձով և գիտելիքներով կիսվեցին համաշխարհային ճանաչում ունեցեղ մասնագետներ:Ծրագիրը կազմելիս հաշվի էր առնված երկրում տեղի ունեցած և սպասվող փոփոխությունները փոխպատվաստման ասպարեզում, ինչպես նաև տարածաշրջանի երկրներին հուզող խնդիրները: Այն հետքրքիր էր և՛ սկսնակների և ՛բնագավառի մասնագետների համար, որոնք հնարավորութուն ունեցան առանց կտրվելու ուսումից կամ աշխատանքից հարուստ գիտելիքներ ձեռք բերել և քննարկել իրենց հուզող հարցերը ոլորտի ամենաառաջատար մասնագետների հետ: Իր գործունեության 20 տարիների ընթացքում ՈԴՀՌ-ը միշտ եղել է միջազգային չափանիշների համապատասխանության կրողն ու ջատագովը մեր երկրում՝ կազմակերպելով բազմաթիվ միջազգային գիտաժողովներ: Լաբորատորիայի որակի հիմնական ցուցանիշը ոչ միայն թանկարժեք սարքավորումների առկայությունն է, այլ նրա հաջող մասնակցությունն է Որակի ստուգման ծրարգրերին, որի ժամանակ բոլոր տվյալները համեմատվում են ռեֆերենտ լաբորատորիայի տվյալների հետ:Ռեեստրի լաբորատորիան մշտապես մասնակցում է որակի վերահսկման Եվրոպական և Ամերիկյան տարեկան ստուգումներին, որը հնարավորութուն է տալիս ստանալ տարեկան Եվրոպական հավատարմագիրը և համաքայլ ընթանալ աշխարհի նմանատիպ այլ լաբորատորիաների հետ:Այս առումով նաև շատ արդիական էին որակի ստուգման և միջազգային չափանիշները ներկայացնող ելույթները, քանզի լաբորատոր ծառայությունների Որակի ստուգման գործընթացը այսօր Հայաստանում գտնվում է կայացման փուլում:
Փոխպատվաստման, ինչպես նաև դրա հետ կապված լաբորատոր հետազոտությունների ոլորտը փոփոխվում գլխապտույտ արագությամբ և համաքայլ ընթանալ և կատարելագործվել օգնում են այսպիսի միջազգային գիտաժողովները: Վստահ ենք , որ ժողովի ընթացքում փեռք բերված գիտելիքները և համագործակցության նոր կամուրջները լավագույնս կծառայեն բժշկության այս խիստ կարևոր և դժվարին ոլորտի զարգացմանը Հայաստանում:
Ժողովին իրենց մասնակցության և ելույթի հայտն են ներկայացրել իմունոգենետիկայի և փոխպատվաստման բնագավառում համաշխարհային ճանաչում ունեցող մասնագետներ Եվրոպայից և ԱՄՆ-ից, EFI նախագահն ումոտ 80 մասնակիցներ եվրոպական և տարածաշրջանային այլ երկրներից:
Քննարկվեցին HLA անտիգեների հետ առնչվող հիվանդությունների,իմունոգենետիկայի, ցողունային բջիջների/օրգանների փոխպատվաստման ոլորտի վերջին զարգացումները:
Գիտաժողովի պաշտոնական բացումը եղավ Մարիոթ Արմենիա հյուրանոցի Տիգրան Մեծ դահլիճում հոկտեմբերի 26-ին ժամը 9-ին:
-
-
23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» -
23.04.2024 | 11:42
Ադրբեջանում պահանջել են նաև չորս «անկլավային գյուղերը» -
23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.