Հաջորդ տարվանից առաջին դասարանցիների գրանցման հայտերը կլրացվեն առցանց՝ բացառելով կոռուպցիոն ռիսկերը ու տնօրենների կողմից իրենց լիցենզիայով թույլատրվածից ավել աշակերտ ընդունելու հնարավորությունը։

Այս մասին ֆեյսբուքյան ուղիղ եթերում ասել է ՀՀ կրթության և գիտության նախարար Արայիկ Հարությունյանը։

Նրա խոսքերով, սա համակարգային խնդիր է, որը լուծում կստանա հաջորդ տարվանից, երբ այլևս որևէ տնօրեն առնչություն չի ունենա առաջին դասարանցիների ընդունելության հետ։ Կգործի կայք, որտեղ առաջին դասարան հաճախելու պատրաստվող երեխայի ծնողը կբացի կոնկրետ դպրոցի էջը, որը ցանկանում է ու այնտեղ նշված կլինի, թե որքան թափուր տեղ կա առաջին դասարանցիների համար։

Հայտը լրացնելուց հետո տնօրենը կընդունի այն առցանց:

Նախարարը եթերում նշեց նաև, որ կան որոշ «օլիգարխ դպրոցներ», որոնք չափից դուրս շատ աշակերտներ են ներգրավում, իսկ նախարարությունը կամ տեսչությունը, հաշվի առնելով այդ տնօրենների կապերն այս կամ այն պաշտոնյաների հետ, չէին կարողանում զրկել նման հնարավորությունից, արդյունքում՝ մյուսները թերբեռնված են լինում՝ դրանից բխող բոլոր բացասական հետևանքներով:

Նախարարը հավելեց, որ կայքը գրեթե պատրաստ է, այն կգործարիվի արդեն հաջորդ տարվա առաջին դասարանցիների ընդունելության ժամանակ:

https://www.facebook.com/arayik.harutyunyan/videos/10156496254388501/