Այսօր լրագրողների հետ հանդիպման ժամանակ Լեռնային Ղարաբաղի Հանրապետության ինքնապաշտպանական ուժերի առաջին հրամանատար Արկադի Կարապետյանը , անդրադառնալով այն հարցին, թե ինչպե՞ս է գնահատում այն, որ մեր ռազմավարական գործընկեր ՌԴ-ն շարունակում է Ադրբեջանին զենք վաճառել, պատասխանեց, որ դա թշնամություն .
«Դա կոչվում է՝ թշնամություն մեր հանդեպ, իրենք իրենց խնդիրները լուծում են, Աստված իրենց հետ, բայց մեր հանդեպ դա թշնամություն, դավաճանություն է: Ինչ ուզում են ասեն՝ բիզնես և այլն, մարդկային հարաբերությունները նույնն են, եթե քո թշնամուն զենք են ծախում, ժողովուրդը շատ ավելի ուրիշ բառերով կասի՝ դա ինչ է կոչվում: Ոնց որ մի մարդու թշնամուն դանակ տաս, ի՞նչ է դա կոչվելու»:
80-ականների վերջին ընդհատակում շատ քիչ մարդ կար, որ հավատում էր՝ Կրեմլը մեզ ինչ-որ բան է նվիրելու: Հայերը շատ լավ հասկանում էին, որ արյուն է հեղվելու և խորհրդային տարիներին արդեն հրացաններ, կարաբիններ ունեին: Այսօր կայացած մամուլի ասուլիսի ժամանակ այս մասին ասաց արցախյան պատերազմի առաջին հրամանատար, գնդապետ Արկադի Կարապետյանը:
«Որ թուրքերը մեզ կրակելու են, սպանելու են, սպասելի էր: Բայց մենք հավատում էինք, որ մեր պայքարն արդար է և պետք է հաղթանակի: Ես տրիբունայից ասում էի՝ ժողովուրդ, այս պայքարը ոչ մեկ տարվա է, ոչ հինգ տարվա, ոչ էլ գուցե հիսուն: Շարժումն ինքնաբերաբար տեղի չունեցավ, պատահական ոչինչ տեղի չունեցավ, մենք ընդհատակում լավ կազմակերպվել էինք, տիրապետում էինք իրավիճակին: Մենք տնօրինեցինք մեր բախտը»,- նշեց ազատամարտիկը:
Գնդապետի խոսքով, Արցախյան շարժման առաջին գործողությունը պաշտպանողական էր, քանի որ առաջինը ադրբեջանցիները սկսեցին կրակել: «Ոնց հաշվում էինք, պարտվում էինք, շանս չկար, բայց հաղթեցինք»,- հիշեց ազատամարտիկը:
Անդրադառնալով մերօրյա հայկական բանակի մարտունակությանը՝ Արկադի Կարապետյանն ընդգծեց, որ այսօր բավականաչափ զենք ունենք և անհրաժեշտության դեպքում կարող ենք ոչնչացնել Ադրբեջանին: Ապրիլյան պատերազմը, նրա համոզմամբ, թեստ էր, քանի որ աշխարհի հաշվարկով մենք պատրաստ էինք պարտվելու: Իրականությունը, սակայն, այլ էր:
«Սա լոկ տարածք չի, սա հայրենիք է: Ով է ինձնից հարցրել՝ ես պատրա՞ստ եմ այն հանձնելու: Մենք հող չենք գրավել, մենք մեր հայրենիքն ենք ազատագրել: Որ ասում են 800 հեկտար, ես հո գյուղատնտես չեմ, որ հեկտարների մասին խոսեմ: Ես հայրենիքի մասին եմ խոսում»,- նշեց բանախոսը:
Անդրադառնալով լայնածավալ պատերազմական գործողությունների հնարավորությանը՝ Արկադի Կարապետյանը շեշտեց, որ պատերազմ լինելու է, և բոլոր հարցերը լուծվելու են: «Մենք մինչև վերջ չենք հասել, դեռ խնդիր ունենք: Մենք պետք է պատրաստ լինենք կռվի»,- ասաց ազատամարտիկը:
- 12:10Արցախը երբեք չի կարող լինել Ադրբեջանի կազմում, մոռացեք այդ մասին. Վահրամ Պողոսյան
- 13:10Իսկ եթե տեսնում էին, որ չեն կարողանում աշխատել, պետք է իշխանությունն անցնցում հանձնեին այն մարդկանց, որոնք ունեին պատերազմ վարելու բազմամյա փորձ
- 11:10Մեծամորի դիահերձարանի մոտ կայանված են «Սպայկայի» տարբերանշանով սառնարանային կցորդներ, որոնցում պահվում են զինծառայողների աճյուններ
- 14:10Հադրութի շրջանից կա 99 զոհ. 47 անհայտ կորած. Նրանցից շատերին չէին հասցրել տարհանել
- 12:10Մենք պետք է կարողանանք պահպանել Հայաստանից և Արցախից այն, ինչ մնացել է. Կոմանդոս
- 14:10Հայաստանում բոլորը ամեն ինչի ու ամենքի վրա թքած ունեն. Մինասյան
- 12:10Կառավարությունը փորձում է հասնել Զանգեզուրի պղնձամոլիբդենային կոմբինատի գործունության կասեցմանը. Վահե Հակոբյան
- 15:10Կատարված և կատարվող աշխատանքը հույս է ներշնչում, որ մեր գերիների կյանքին և առողջությանը վտանգ չի սպառնում. Ցոլակյան
- 13:10Փաշինյանի գլխավոր ասելիքն ԱԺ-ում գերիների վերադարձման վերաբերյալ հարցին հետևյալն էր՝ «բա ինչի Սերժի ժամանակ չէիք հարցնում
- 11:10Ադրբեջանցիները մի քանի օր առաջ սպանել են գերեվարված 44–ամյա տղամարդուն ու թաղել Հադրութում