Հերոսները երբեք չպետք է մոռացվեն. ,,Թալիշ′′ կարճամետրաժ ֆիլմի ռեժիսոր
Ապրիլի 12, 2017 | 16:45
Լրագրող Գևորգ Դերձյանն ապրիլյան քառօրյա պատերազմի իր ունեցած կադրերն ամբողջացրել է կարճամետրաժ ֆիլմում՝ դրանք հիշեցնող մնայուն նյութ ստեղծելու նպատակով: «Թալիշ» վերնագրով 10 րոպե տևողությամբ ֆիլմը ներկայացնում է հենց քառօրյայի օրերին Թալիշում առաջնագծում գտնվող զինվորների առօրյան: Գևորգը ցանկանում է, որ իր աշխատանքը նպաստի, որպեսզի հերոսները երբեք չմոռացվեն:
«Քանի որ օրվա լրահոսի մեջ նրանց մասին արված հրապարակումները կորում-գնում են, մտածեցի, որ կարևոր է հավաքել եղած ողջ նյութն ու ստանալ մնայուն մի բան, որն անընդհատ կարող է հիշեցնել այդ դեպքերի մասին, որպեսզի ավելի մեծ ուշադրություն դարձնեն զինվորներին ու նրանց ընտանիքներին, այլ ոչ թե տոնակատարություն կազմակերպեն այդ օրերին: Ապրիլի 2-ի այդ հրավառության օրինակը բերեմ: 1 տարի առաջ այդ օրն ինչ էր կատարվում, ու 1 տարի անց ինչ է կատարվում: Գոնե այդ օրը կարելի էր մի փոքր զուսպ լինել, գոնե Կենտրոնական ընտրական հանձնաժողովի պաշտոնական տվյալները հրապարակվեին, նոր հրավառություն լիներ, ու ԱԺ ընտրություններում իրենց հաղթանակը տոնեին, այլ ոչ թե այդ նույն գիշերը»,- ասել է նա:
«Թալիշ» ֆիլմի շնորհանդեսը տեղի ունեցավ ապրիլի 5-ին «Լոֆթ» ինքնազարգացման կենտրոնում: Ցուցադրությունը նախատեսված է եղել 30-40 հոգու համար: Հեղինակը ցանկացել է դիտել ու քննարկել այն ընկերների և գործընկերների հետ, սակայն նախատեսվածից ավելի շատ մարդիկ էին եկել, և միջոցառումը ստիպված են եղել տեղափոխել ավելի մեծ սրահ: Անգամ այս պարագայում, որոշ այցելուներ այդպես էլ չեն կարողացել ներս մտնել՝ տեղ չլինելու պատճառով, ինչի համար Գևորգը ներողություն է խնդրել և խոստացել, որ հետագայում այն կրկին կներկայացնի՝ ավելի ծավալուն դարձրած:
«Իմ ֆեյսբուքյան էջում ներողություն եմ խնդրել բոլոր նրանցից, ովքեր չկարողացան սրահ մտնել: Բայց կարծում եմ, որ ֆիլմը հետագայում ավելի ծավալուն դարձած կրկին կներկայացվի: Երբ ինչ-որ մեկի մասին գրում ես ու մյուսին չես անդրադառնում, որպես հեղինակ քո մեջ ինչ-որ բաց է մնում, պարտավորվում ես մյուսների մասին էլ խոսել: Երբ գնում ես տեսնում ես նրանց այդ պահին՝ հուզված, վախեցած, ոգեւորված, լրիվ տարբեր հոգեվիճակների մեջ ապրող տղաներ, հասկանում ես, որ իրավունք չունես բաց թողնել ոչ մեկին»,- ասում է նա:
Հեղինակը նաև ներողություն է խնդրել ներկաներին՝ արցունքների համար: Նշում է, որ շնորհանդեսի օրն իր խոսքում փորձել է հնարավորինս զգույշ լինել մարդկանց ցավ չպատճառելու համար, սակայն չի ստացվել: Ներկաները հուզվել են:
«Շատ հուզված էի, որովհետև թեման շատ նուրբ է, ցանկացած բառ կարող է դիմացինիդ էմոցիաների վրա ազդել: Այդ պատճառով մտածելով և զգույշ էի խոսում, բայց շատ էմոցիոնալ երեկո ստացվեց. հանդիսատեսի, հերոսների, ծնողների աչքերում արցունքներ տեսա, և ուզում եմ ներողություն խնդրել այդ արցունքների համար, որ դիպա այդ վերքին, բայց կարծում եմ՝ դա այն վերքն է, որը միշտ պետք է արնահոսի, և մենք պետք է մեր աշխատանքով սրբենք այդ արյունը»:
Շնորհանդեսի ընթացքում հանդիսատեսի շարքերում էին նաև այդ օրերին Թալիշում՝ առաջնագծում, ծառայող տղաներից մի քանիսը, օրինակ, 3 տանկ խոցած Շուլի Հարությունյանը, ինչպես նաև զոհված զինվորների ծնողներ՝ Ադամ Սահակյանի մայրը և Գևորգ Հարությունյանի մայրն ու հայրը:
Շնորհանդեսի ընթացքում հանդիսատեսի շարքերում էին նաև այդ օրերին Թալիշում՝ առաջնագծում, ծառայող տղաներից մի քանիսը, օրինակ, 3 տանկ խոցած Շուլի Հարությունյանը, ինչպես նաև զոհված զինվորների ծնողներ՝ Ադամ Սահակյանի մայրը և Գևորգ Հարությունյանի մայրն ու հայրը:
«Շատ հուզիչ էր ֆիլմը: Մաղթանքս նրանց, ովքեր դեռ չեն եղել առաջնագծում. Աստված տա, որ դրա կարիքը երբեք չզգացվի: Հույս ունեմ, որ մի գեղեցիկ օր հենց այդպես էլ լինելու է: Նայում եմ երիտասարդներին, այդ թվում նաև քեզ, Գևո՛րգ, ջան, որովհետև մեր տանը արած քո ռեպորտաժն այն փոքրաթիվ ռեպորտաժներից էր, որ ինձ դուր է եկել, տեսնում եմ, որ այս երիտասարդներն էլ պակաս հերոսներ չեն: Ես նկատեցի, որ ուշացողներ կային, որ ինչպես էին ցանկանում ներս մտնել, նրանք հետ չդարձան: Ես հիացած եմ, պարտադիր չէ, որ առաջնագծում լինեք: Ամեն օր հանդիպում եմ հերոս երիտասարդների»,- շնորհանդեսի ընթացքում ասել էր Ադամ Սահակյանի մայրը՝ Գայանե Անտոնյանը:
Աղբյուրը՝ Առաջին Հեռուստաբլոգ:
բաժնի նյութերը
- 14:10Դավիթ Տոնոյանը ստիպված կլինի պատասխանել բազմաթիվ հարցերի. Օգտատերը պնդում է՝ ՀՀ ԶՈւ համազգեստը կարվել է Թուրքիայում
- 13:10Ամանորյա պարգեւատրումներ են ստացել նաեւ գլխավոր դատախազն ու տեղակալները. Ընդհանուր պարգեւատրումների չափը կազմում է ավելի քան 1,7 մլն ԱՄՆ դոլար
- 13:10Գները աճել են, դոլարի փոխարժեքը բարձրացել, իսկ բնակչության եկամուտները չեն ավելացել, տեղի է ունենալու աղքատացում. Հարությունյան
- 14:10Նիկոլ Փաշինյանի իշխանության ազդեցությունն ու լեգիտիմությունը կթուլանա հատկապես մարտ ամսին. Աստղաբան
- 13:10Ռուսաստանն այլեւս չի հանդուրժում Փաշինյանի սուտ հայտարարությունները. Սեւակ Հակոբյան
- 12:10Ստեփանակերտ. Ադրբեջանական հասարակությունը պատրաստ չէ հայերի հետ բարիդրացիական հարաբերությունների
- 15:10Ադրբեջանցիներով Հադրութը բնակեցնելու մասին են խոսում. Արտյոմ Տոնոյան
- 13:10Ադրբեջանը փորձում է նոր դիրքեր գրավել Ամարասի դիմաց՝ մինչև վերջնական սահման գծելը. վանահայր
- 11:10Օրեր առաջ տեխնիկա է մտցվել, 14 պարկ դիակ է հանվել, ԴՆԹ-ով կորոշվի քանի դիակ է. Մարուքյան
- 12:10«Բոլորը բոլորի դիմաց» բանաձևը այս պահին աշխատում է միայն Բաքվի օգտին. Էլիբեգովա
Լուրեր