«Լևոն Տեր-Պետրոսյանի հայտարարություններն ուղղված են ներքին լսարանին՝ ընտրողների ձայները ստանալու համար և իրականությանը չեն համապատասխանում»: «Ազատության» հետ զրույցում նման կարծիք հայտնեց ռազմական հարցերով ռուսաստանցի փորձագետ Վլադիմիր Եվսեևը: Նրա խոսքով, Ադրբեջանն այսօր ոչ միայն պատրաստ չէ որևէ փոխզիջման, այլ ավելի է կոշտացրել է իր դիրքորոշումը։
«Որպես ռազմական փորձագետ, ես համարում եմ, որ Ղարաբաղի հարակից շրջանների հանձնումն ավելի կթուլացնի ապրիլյան պատերազմի հետևանքով թուլացած հայկական ուժերի դիրքերը։ Համոզված եմ, որ վերջին օրերի համեմատական հանդարտությունը սահմանին հանդարտություն է փոթորկից առաջ, և ռազմական գործողությունների վերսկսումն անխուսափելի է: Կողմերը պատրաստվում են պատերազմի»,- ասաց ռուսաստանցի փորձագետը: Ինչ վերաբերում է փոխզիջումներին կամ զիջումներին, Եվսեևի կարծիքով, դրանց, նախևառաջ, պետք է պատրաստ լինի Ղարաբաղի բնակչությունը:
Մարտի 21-ին Հայաստանի առաջին նախագահ, «Կոնգրես-ՀԺԿ» դաշինքի ղեկավար Լևոն Տեր-Պետրոսյանը Հայաստանի Հանրային հեռուստաընկերության եթերում ասել էր, որ ԼՂ խնդրով բանակցային գործընթացում նախաձեռնությունն անցել է Ռուսաստանին: Տեր-Պետրոսյանը նշել էր նաև, որ առաջիկայում խնդիրը հնարավոր է կարգավորել, և որ Հայաստանի իշխանությունները պետք է հնարավորինս շուտ ընդունեն ԵԱՀԿ Մինսկի խմբի ներկայացրած ծրագիրը, ինչը ենթադրում է առաջին փուլում յոթ շրջանների վերադարձ՝ առանց Լեռնային Ղարաբաղի կարգավիճակի հստակ արձանագրման։
Հայաստանում նախընտրական շրջանում ղարաբաղյան խնդիրը դարձել է ներքաղաքական պայքարում քննարկվող հիմնական թեմաներից մեկը: Քաղաքագետ Ալեքսանդր Իսկանդարյանը դա տրամաբանական է համարում։ «Ապրիլյան ռազմական գործողություններն արտացոլվել են Հայաստանի ներքաղաքական դաշտում։ Հակամարտության կարգավորումը դարձել է քննարկման առարկա ընտրություններին մասնակցող ուժերի համար նաև այն պատճառով, որ մինչ ապրիլ ներքաղաքական դաշտում այս հարցում գոյություն ուներ կոնսենսուս։ Լևոն Տեր-Պետրոսյանի մարտի 21-ի հարցարզրույցն այս առումով խորհրդարանական ընտրություններին 7 տոկոս հավաքելու հայտ էր»,- կարծիք հայտնեց Իսկանդարյանը:
Ինչ վերաբերում է ԼՂ խնդրի կարգավորման գործընթացում Մոսկվայի «առանցքային դերակատարությանը», Իսկանդարյանը ևս դա տրամաբանական է համարում, նկատելով՝ «Այսօր իսկապես Ռուսաստանն է ակտիվ աշխատում ղարաբաղյան կարգավորման շուրջ, միայն թե սա ամենևին էլ չի նշանակում, որ արդեն առաջիկայում բանակցային գործընթացում կլինի առաջխաղացում»։ Քաղաքագետը համաձայն չէ նաև Տեր-Պետրոսյանի այն մտքին, թե Ադրբեջանի իշխանությունները պատրաստ են փոխզիջումների։
Հայաստանյան հասարակության մի հատվածում այդ հարցազրույցից տպավորություն է ստեղծվել, թե Տեր-Պետրոսյանի հայտարարությունները տեղավորվում են բնակչությանը խաղաղության նախապատրաստելու տրամաբանության մեջ: «Սակայն, Ադրբեջանում նման զուգահեռ գործընթացներ չեն արձանագրվել»,- ասում է Իսկանդարյանն ու շարունակում․ «Ադրբեջանի իշխանությունները, գոնե այսօր, չեն ստորագրի ռեֆերենդումի մասին կետ պարունակող որևէ փաստաթուղթ, քանի որ դա կնշանակի՝ հրապարակավ հրաժարվել Ղարաբաղից»:
Վերջինս նաև համարում է, որ հակառակ առաջին նախագահի պնդումներին, թե Իլհամ Ալիևը ռացիոնալ քաղաքական գործիչ է, ու Բաքուն պատրաստ է գնալ փոխզիջումների, Ադրբեջանի իշխանությունները նման քայլի գնալու որևէ հնարավորություն չունեն, «դա նրանց պետք էլ չէ»։
Ռուսաստանցի մեկ այլ փորձագետ՝ Նիկոլայ Զլոբինի կարծիքով ևս կարգավորման գործընթացում շուտափույթ առաջխաղացում չի ակնկալվում: «Ռուսաստանը ռազմական գործողությունների հնարավոր վերսկսման դեպքում նորից քաղաքական միջամտություն կցուցաբերի և կանի հնարավորը՝ ռազմական գործողություններին վերջ տալու համար, քանի որ Մոսկվային պետք չեն ռազմական գործողություններ հետխորհրդային տարածքում»,- «Ազատությանն» ասաց Զլոբինը: Նրա ընդգծմամբ, Ռուսաստանի միջամտությունը «միայն քաղաքական է լինելու»։
- 12:54Ադրբեջանական մտահոգությունները և վախերը խոսում են այն մասին, որ մենք ճշտագույն ճանապարհի վրա ենք. Բագրատ սրբազան
- 12:10Շարժման ելքը. առանց «եթե»-ների. Վահե Հովհաննիսյան
- 15:42Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դասի նկատմամբ.Առաքել արքեպիսկոպոս Քարամյան
- 11:17Անվտանգության այն կոնցեպտը, որ Հայաստանը մինչև այժմ իրականացրել է, անվտանգություն չի ապահովում, վտանգներ է գեներացնում
- 10:372 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․ Բագրատ Սրբազանը՝ Փաշինյանի Սարդարապատ չգնալու մասին
- 14:10Նոր վարչապետի թեկնածուի անվան հրապարակումը միանգամից ստեղծելու է նոր իրավիճակ
- 13:10Ադրբեջանցի սահմանապահներն արդեն վերահսկողության տակ են վերցրել Տավուշի մարզի չորս գյուղերը
- 12:17Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լրագրող Լեո Նիկոլյանին (տեսանյութ)
- 15:10Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը հավակնությունի ունի 114. Հազ. Քկմ տարածքի նկատմամբ
- 13:10Հայաստանի իշխանությունը մտել է պետականության ամրության համար խիստ վտանգավոր թեմաների մեջ. Արման Թաթոյան
29.09.2024 | 20:03
09.09.2024 | 12:51
26.06.2024 | 10:01
31.05.2024 | 12:54
31.05.2024 | 12:10
31.05.2024 | 11:10
29.05.2024 | 15:42
29.05.2024 | 12:10
29.05.2024 | 11:17
28.05.2024 | 13:20
28.05.2024 | 13:02
28.05.2024 | 11:17
28.05.2024 | 11:11
28.05.2024 | 10:37
24.05.2024 | 15:10
24.05.2024 | 13:10
24.05.2024 | 12:17
24.05.2024 | 11:29
23.05.2024 | 15:10
23.05.2024 | 14:10
23.05.2024 | 13:10
23.05.2024 | 11:10
22.05.2024 | 15:10
22.05.2024 | 14:10
22.05.2024 | 13:10
22.05.2024 | 12:10
22.05.2024 | 11:10
21.05.2024 | 15:10
21.05.2024 | 14:10
21.05.2024 | 13:10
21.05.2024 | 12:10
21.05.2024 | 11:10
20.05.2024 | 15:10
20.05.2024 | 14:10
20.05.2024 | 13:10
20.05.2024 | 12:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.