Երեք գնդակի հետք է հայտնաբերվել մեքենայի մեջ, որը գտնվել է Մոսկվայի հարավ-արեւմուտքում սպանվածի դիակի մոտ: Այս մասին «ՌԻԱ Նովոստի»-ին հայտնել է իրավապահ մարմիններում աղբյուրը:

«Սպանվածի դիակի կողքին մեքենա էր կանգնած, որտեղ գտել են գնդակի երեք հետք»,- ասել է գործակալության զրուցակիցը:

Պարզվել է  գնդակահարված Հայաստանի քաղաքացու ինքնությունը։ Նրա անունը Գևորգ Գ. Է, հայտնում է mk.ru-ն։

Հաղորդվում է, որ զոհը զբաղվել է շինարարական բիզնեսով։ Տաքսու վարորդի խոսքով, որը դարձել է սպանության ականատես, սպանվածը (մոտավորապես 30 տարեկան) գնդակահարվել է իր BMW ավտոմեքենայից ոչ հեռու, ենթադրաբար վարձու մարդասպանի կողմից, որը սպանության վայրից հեռացել է մուգ կանաչ «Լենդ Ռովեր» ավտոմեքենայով։
Սպանությունը տեղի էր ունեցել «Յասնևո» մետրոյի հարևանությամբ, գիշերը ժ. 02.00-ի սահմաններում։

Սպանվածի մոտ չեն եղել փաստաթղթեր։ Նրա ինքնությունը հաջողվել է պարզել ավտոմեքենայի միջոցով, որով երթևեկել է։ Մեքենան վերջինս ձեռք էր բերել 2014թ. վարկով, այն ձևակերպված է եղել տղամարդու ազգականի անունով։

Սպանության վայրից ոչ հեռու հայտնաբերվել էր «Կալաշնիկով» ինքնաձիգ։ Զենքը եղել է առանց խլացուցչի։

Հարուցվել է քրեական գործ ՌԴ ՔՕ-ի՝ «Սպանություն» և «Զենքի անօրինական ձեռքբերում» հոդվածներով։