Հայաստանի և Ադրբեջանի միջև սպառազինության մրցավազքը լուրջ խնդիր է դառնում: Հայաստանը «Իսկանդեր» հրթիռային համակարգեր է ձեռք բերում, միևնույն ժամանակ Ադրբեջանը Իսրայելից գնում է «կամիկաձե» անօդաչու թռչող սարքեր և բանակցություններ է վարում Պակիստանի հետ բարձր տեխնիոլոգիական զենքեր գնելու համար, հաղորդում է «Bloomberg»գործակալությունը: Այդ ամենը տեղի է ունենում ընդհամենը յոթ ամիս անց վերջին տասնամյակում հակամարտության լուրջ սրացումից հետո:

«Chatham House»  բրիտանական հետազոտական կենտրոնի և «Bloomberg» ամերիկյան գործակալության տվյալներով, Հայաստանի և Ադրբեջանի միջև սպառազինությունների մրցավազքը սրանում է. «Մենք տեսնում ենք, թե ինչպես է սպառազինության մրցավազքը սրանում: Իսկ դա նշանակում է, որ հետագայում բախման հնարավորությունն աճում է», — նշում է «Chatham House»-ի փորձագետը:

«Bloomberg»-ի տվյալներով, երկու երկրները մեծ հաշվով 27 մլրդ դոլար են ծախսել ռազմական ոլորտի  վրա վերջին տաս տարիներին: Նշվում է, որ ռազմական սպառազինության ձեռքբերման առաջատարն է Ադրբեջանը, որն իր նավթային եկամուտները փոխակերպում է ռազմական ներուժի հզորացմանը: Ադրբեջանը տաս տարվա ընթացքում ռազմական սպառազինություն ձեռք բերելու համար 22.7 մլրդ դոլար է ծախսել, դառնալով ռազմական տեխնիկայի խոշոր ներկրող Եվրոպայում:

Ինչպես նշում է «Bloomberg»-ը, Ադրբեջանի ռազմական բյուջեն գերազանցում է Հայաստանի պետական բյուջեն:

Ռազմական սպառազինության մրցավազքը տարածաշրջանում ցանկացած հնարավոր բախում առավել վտանգավոր  է դարձնում: «Երկու կողմերի համար… գինն աճում է», — պնդում է «Bloomberg»-ի հարցազրույցում ԱՄՆ-ի պետքարտուղարի նախկին տեղակալ և Ադրբեջանում ԱՄՆ-ի նախկին դեսպան Մեթյու Բրայզան:

zham.am