«Հայկական վարկածն» արդեն տեղեկացրել է «ՀՀ պաշտպանության ժամանակ զինծառայողների առողջությանը կամ կյանքի վնասի փոխհատուցման մասին» օրինագիծի շուրջ քննարկուների մասին, ինչը հանրության կողմից միանշանակ հավանության չի արժանացել: Կառավարությունն այսօր հավանության է արժանացրել նախագիծը:

Պաշտպանության նախարար Վիգեն Սարգսյանը մանրամասնել է, որ ըստ օրինագծի՝ մարտական հերթապահության կամ մարտական պայմաններում զոհված սպաների ընտանիքները միանվագ 10 մլն դրամ և ամսական 300 հազար դրամ կստանան: Այսպիսով՝ «Զոհվելու կամ առաջին կարգի հաշմանդամություն ստանալու դեպքում ամսական ապահովագրական վճարները կկազմեն` 300 հազար դրամ սպայական անձնակազմի, 250 հազար դրամ ենթասպաների և 200 հազար դրամ շարքայինների դեպքում:

Երկրորդ կարգի հաշմանդամների դեպքում այդ վճարները համապատասխանաբար կկազմեն 250, 200 և 150 հազար դրամ: Այդ գումարը, որպես ապահովագրական վճար, կվճարվի 20 տարի շարունակ՝ կազմելով սպայական անձնակազմի համար 82 մլն դրամ, ենթասպայական անձնակազմի պարագայում՝ 70 մլն դրամ և շարքայինների դեպքում՝ 48 մլն դրամ»:

Պաշտպանության նախարարը տեղեկացնում է, որ միայն բյուջեի միջոցներից փոխհատուցում վճարել անհնար է, ուստի հավելյալ ֆինանսական միջոցներ կհատկացվեն հատուկ ֆոնդից, որը կձևավորվի յուրաքանչյուր աշխատող քաղաքացուց ֆոնդի հաշվին ամսական 1000 դրամ վճարվող գումարրներից: Նախագիծը կյանքի կկոչվի հունվարի 1-ից: