Ռուսաստանը ցանկանում է պատասխանատվությունը փոխանցել Գերմանիային
Ռուսաստանի արտաքին գործերի նախարար Սերգեյ Լավրովի երեւանյան այցի ուղերձն այն է, որ քանի դեռ Ղարաբաղի վրա կրակում են եւ քանի դեռ կրակ կա, չի կարող նորմալ բանակցային գործընթաց լինել: Այս մասին հայտարարել է Հայաստանի արտաքին գործերի նախարարի տեղակալ Շավարշ Քոչարյանը:
«Լավրովն ասել է, որ դիմել է Գերմանիային՝ որպես ԵԱՀԿ գործող նախագահի, որպեսզի հետաքննության մեխանիզմներ ներդրվեն», ասել է Քոչարյանը:
Փաստացի, Լավրովի Երեւան այցի ընթացքում ղարաբաղյան հակամարտության կարգավորման գործում կտրուկ շրջադարձ է տեղի ունեցել: Ռուսաստանը երկար ժամանակ չէր համաձայնվում ԱՄՆ առաջարկած հետաքննությունների մեխանիզմի ներդրմանը եւ առաջարկում էր կարգավորման իր ծրագիրը, որը ենթադրում է ստատուս-քվոյի փոփոխությունը, տարածքների հանձնումը եւ խաղաղապահների տեղակայում: Չնայած այն բանին, որ Հայաստանին ձեռնտու է ամերիկյան ծրագիրը, եւ Հայաստանի ԱԳՆ-ն ստիպված էր ընդունել այն, ամեն դեպքում, նախարար Նալբանդյանը համառորեն կոչ էր անում վերադառնալ կարգավորման ռուսական ծրագրին:
Ապրիլի սկզբին Ռուսաստանն ու Ադրբեջանը փորձել են այդ ծրագիրն առաջ տանել պատերազմի միջոցով: Սակայն հայկական կողմը կարողացել է պաշտպանել Ղարաբաղի տարածքային ամբողջականությունը, եւ ռուսական ծրագիրը, որը նախկինում առաջ էր մղվում ռազմական շանտաժի միջոցով, կորցրել է իմաստը:
Սերգեյ Լավրովը Երեւանում ստիպված էր ընդունել այդ ծրագրի պարտությունը եւ հայտարարել, որ կարգավորում չի լինելու, եւ «պատասխանատվությունը» փոխանցել Գերմանիային, որ վերջինս օգնի հրադադարի մեխանիզմների ներդրման հարցում:
Այլ խոսքով, այօրվա դրությամբ կարելի է համարել, որ Ռուսաստանը համաձայնվել է ստատուս-քվոյի պահպանմանը եւ նախաձեռնությունը «փոխանցել» է Գերմանիային, որը նախագահում է ԵԱՀԿ-ում:
Ինչու՞ Գերմանիան: Թերեւս, Ռուսաստանին ավելի ձեռնտու է, որ ղարաբաղյան կարգավորումը Գերմանիան առաջ տանի, այլ ոչ թե ԱՄՆ-ն եւ Ֆրանսիան, որոնք ԵԱՀԿ Մինսկի խմբի համանախագահներ են: Դա պայմանավորված է բազմաթիվ գործոններով, Գերմանիան չնայած հակառուսական դիրքերի խստացմանը, շարունակում է քաղաքականությունում հաշվի առնել Ռուսաստանի կարծիքը: Օրինակ, հենց Գերմանիան է սահմանափակում ՆԱՏՕ-ի եւ Եվրամիության ագրեսիվ քաղաքականությունն Ուկրաինան եւ Վրաստանն աբսորբացնելու գործում: Ընդ որում, չի թաքցնում, որ անում է դա Ռուսաստանի հետ հարաբերությունները չփչացնելու համար:
Ռուսաստանն ամեն ինչ անում է, որ բանակցային գործընթացն իրենից ԱՄՆ-ին «չփոխանցվի», քանի որ Վաշինգտոնը կարգավորման պատրաստի ծրագիր ունի՝ սահմանին սարքավորումներ տեղադրել եւ բանակցություններ սկսել տարածաշրջանի բացման համար: Դրա արդյունքում տարածաշրջանն ամբողջությամբ դուրս կգա Ռուսաստանի ազդեցության գոտուց եւ այլ հարթություն կտեղափոխվի:
Ռուսաստանն ամեն ինչ անելու է, որ դա տեղի չունենա: Սակայն քանի որ ապրիլյան պատերազմի արդյունքում պատռվել է Ռուսաստանի դիմակը, նա դիմում է Գերմանիային:
Աղբյուր՝ Lragir.am
- 15:10Կարող է լինել վիճակ, որ Իրանը ստիպված լինի գալ ու մեզ հետ ուս-ուսի տված կռվել թուրքերի դեմ.Վովա Վարդանով
- 13:10Ինչ առաջարկներ է ներկայացրել Հայաստանն Ադրբեջանին խաղաղության պայմանագրում. մանրամասնել է Արարատ Միրզոյանը
- 14:10Նոր ռազմական բախումը հավանական եմ համարում ցանկացած պահի. Ներսիսյան
- 11:10Հայաստանում դիտորդական առաքելության համազեկուցողները գաղտնազերծել են ԵԽԽՎ մոնիտորինգային խմբի եզրակացությունները
- 14:10Հայաստանն առավել լուրջ խնդիրներ ունի անվտանգության ուժերի կողմից խոշտանգումների, բանտային ծանր պայմանների, կամայական ձերբակալությունների, դատական անկախության ոլորտներում. Պետդեպ
- 13:10Ադրբեջանն իր ժողովրդին նախապատրաստում է պատերազմի, ոչ թե՝ խաղաղության
- 11:10Ադրբեջանը պատրաստվում է սադրանքի. կանխավ հայտարարություն են տարածել
- 15:10Եթե Բաքուն փորձի ռազմական գործողություն սկսել հայ-իրանական սահմանին, Իրանն այլընտրանք չի ունենա, քան միջամտելը.իրանագետ
- 14:10Գերմանիայի թուրք և քուրդ մտավորականներ․ «Պահանջում ենք, որ Ադրբեջանն ու Թուրքիան իրենց ձեռքերը քաշեն Արցախից»
- 15:10Ադրբեջանի հետ խաղաղության բանակցությունները փակուղում չեն, բայց դա չի նշանակում, որ հերթական սադրանք անելու համար Ադրբեջանին դա կարող է զսպող գործիք լինել