Մեծ Եղեռնի հարիւրամեակը վերանորոգ ուխտով հայ ժողովուրդը իր ամբողջական հատուածներով դրաւ նոր հրամայականի մը առջեւ։
1915ի Հայոց Ցեղասպանութեան մեր մէկուկէս միլիոն նահատակներու սրբադասումէն ետք, հայ ժողովուրդը իր հաւաքական ընդվզումն ու կամքը պէտք է արտայայտէ այնպիսի ազդու, բայց զուսպ միջոցներով, որոնք կրնան միջազգային համայնքի ուշադրութիւնը գրաւել եւ հայ ժողովուրդի անժամանցելի դատին նկատմամբ համակրանք ստեղծել։ Անտարակոյս, կը գտնուինք Հայոց Ցեղասպանութեան դարադարձէն ետք, թէ՛ Հայաստանի, եւ թէ՛ աշխարհացրիւ սփիւռքի մէջ հայ արդար դատի պահանջատիրութեան նոր հանգրուանի մը առջեւ։ Եղեռնի դարադարձը միայն կարելի է նկատել հանգրուան մը, բնականաբար դարձնելով զայն կիզակէտը միասնական ու ամբողջական պահանջատիրութեան։ Այլ խօսքով, պահանջատիրական պայքարը հայ ժողովուրդին, հանգրուանային ծրագրումով շեշտուի ազգապատկան ու եկեղեցապատկան կալուածներու եւ ինչքերու իրաւատիրոջ պահանջքով։
Հայ ժողովուրդի պատմական լեռնաշխարհի փոքր մէկ հողաշերտին վրայ գոյութիւն առած ու վերանկախացած հայրենի 25ամեայ պետութիւնը, վերջնական ոչնչացումէ փրկուած Սարդարապատի փառահեղ յաղթանակի շառաւիղով՝ միակ երաշխիքն է մեր ժողովուրդի գոյատեւման։ Սակայն, անաւարտ է հայ ժողովուրդին սրբազան առաքելութիւնը, անաւարտ է իր մեծ երազին իրականացումը ու անոր համար ալ խոր գիտակցութենէ բխող անժամանցելի որպէս հրամայական, մեր պահանջատիրական տեսլականը միշտ գերիվեր պէտք է նկատել։
Այսօրուան մեր սերունդն է ժառանգորդն ու պահանջատէրը մեր արդար դատին, ու անոր անխոնջ հետապնդումը մեր ազգային ամէնէն սրբազան նպատակը պիտի մնայ հայ ժողովուրդի պահանջատիրութեան։ 2016 թուականը հանգրուանային կարեւորութեամբ մը կ՛արժեւորուի նաեւ Լեռնային Ղարաբաղի Հանրապետութեան հռչակումով։ Հայկական լեռնաշխարհի անբաժան բայց անարդարօրէն բռնագրաւուած կարեւոր մէկ տարածքը, իր սեփականատիրոջ Արցախի ժողովուրդին արդար պահանջատիրութեամբ դարձաւ հայապատկան ու եղաւ բարգաւաճ։
25ամեայ Լեռնային Ղարաբաղի Հանրապետութեան տարածքը, այս օրերուն դարձեալ դարձած է թիրախը թրքաբարոյ ազերի պետութեան անիրաւ յարձակումներուն։ Բայց իր պապենական հողին կառչած հայորդին, զոհողութեամբ կը դիմագրաւէ ամէն դժուարութիւն իր սեփական տարածքը պաշտպանելով։ Այլընտրանք չունինք այլեւս, հայ ժողովուրդը բացայայտօրէն կանգնած է կարեւոր հանգրուանի մը առջեւ, ամբողջական պահանջատիրութեամբ տէր կանգնելու որպէս միակ իրաւատէրը մեր անժամանցելի դատին, ռազմավարական հեռանկարային գործելակերպի պատրաստութեամբ։ Ստեղծագործ ժողովուրդի մը դէմ ազգաջինջ անհետացումը կարելի չեղաւ իրականացնել ազգովին. ուրեմն, պէտք է մնալ պահանջատէրը մեր ժողովուրդին վիճակուած արդար իրաւունքներուն։
Արա Ահարոնեան
- 15:10ԱՄՆ պետդեպարտամենտը քննադատական զեկույց է հրապարակել Հայաստանում մարդու իրավունքների վերաբերյալ
- 12:10Կարևորը՝ «Հռոմի ստատուտի» վերաբերյալ Հայաստանի ՍԴ որոշումից. Yrevan.Today
- 14:10Ախր ինչպե՞ս կարող է թշնամին գալ ու անխոչընդոտ փակել Արցախը սնուցող վերջին մազանոթները, ինչպե՞ս նման բան չի կարող ու չպիտի լինի
- 13:10Թուրքիայի հետ խաղաղ գոյակցությո՞ւն. Թուրքիան արդեն իսկ ձևակերպել է իր «ռազմավարական խորքը», երբեմն փափուկ, երբեմն կոշտ ուժի միջոցով քայլելով դեպի այն
- 12:10Միրզոյանը ներկայացրել է Հայաստանի առաջարկները Ադրբեջանի հետ պայմանագրի նախագծում
- 15:10Կարող է լինել վիճակ, որ Իրանը ստիպված լինի գալ ու մեզ հետ ուս-ուսի տված կռվել թուրքերի դեմ.Վովա Վարդանով
- 13:10Ինչ առաջարկներ է ներկայացրել Հայաստանն Ադրբեջանին խաղաղության պայմանագրում. մանրամասնել է Արարատ Միրզոյանը
- 14:10Նոր ռազմական բախումը հավանական եմ համարում ցանկացած պահի. Ներսիսյան
- 11:10Հայաստանում դիտորդական առաքելության համազեկուցողները գաղտնազերծել են ԵԽԽՎ մոնիտորինգային խմբի եզրակացությունները
- 14:10Հայաստանն առավել լուրջ խնդիրներ ունի անվտանգության ուժերի կողմից խոշտանգումների, բանտային ծանր պայմանների, կամայական ձերբակալությունների, դատական անկախության ոլորտներում. Պետդեպ