ՌԴ ԱԳ նախարարությունը մեկնաբանել է ղարաբաղյան կարգավորման շուրջ ստեղծված իրավիճակը:«Լեռնային Ղարաբաղի շուրջ իրադրության զարգացման համատեքստում ռուսական կողմը հաստատակամորեն ելնում է նրանից, որ հրադադարի վերաբերյալ 1994 թվականի համաձայնագիրը, ինչպես նաեւ դրա զարգացումը հանդիսացող Լեռնային Ղարաբաղի հակամարտության գոտում զինադադարի մասին 1995 թվականի համաձայնագիրը անժամկետ բնույթ են կրում եւ առաջվա պես կազմում են հակամարտության գոտում զինադադարի հիմքը: Սկզբունքային դիրքորոշումը շարադրված էր ԵԱՀԿ-ում Ռուսաստանի Դաշնության մշտական ներկայացուցչության նոտայում, որն ապրիլի 12-ին ուղարկվել է ԵԱՀԿ-ում Ադրբեջանի մշտական ներկայացուցչությանը», ասված է ՌԴ ԱԳ նախարարության տեղեկատվության եւ մամուլի դեպարտամենտի մեկնաբանության մեջ:Նման դիրքորոշումը կարող է միայն վկայել, որ ներկայիս ռազմաքաղաքական իրավիճակի պայմանագրային բազա են ճանաչվում արդեն առկա պայմանագրերը, եւ նորերը չեն լինելու: Այս դիրքորոշումն, ըստ տրամաբանության, ենթադրում է, որ Լեռնային Ղարաբաղում զորքերի դիմակայության գիծը պետք է վերականգնվի 1994 թ. դրությամբ ձեւավորված իրավիճակի համապատասխան:
Այսինքն, կամ Ադրբեջանը պետք է իր կամքով հեռանա նախկին դիրքերին, կամ էլ ԼՂՀ պաշտպանության բանակը իրավունք է ստանում վերականգնել հաշտության գիծը ռազմական ճանապարհով:
Սակայն ԼՂՀ եւ Հայաստանի պաշտոնատարների անթիվ-անհամար հայտարարություններում խոսվում է ինչի մասին ասես, բացի գլխավոր պահանջից՝ ադրբեջանական զորքերի հեռացումը նախկին դիրքերին, այդպիսով ցույց տալով այդ երկրի հավատարմությունը 1994 եւ 1995 թթ. պայմանագրերին: Չի խոսվում այն մասին, որ ԼՂՀ պաշտպանության բանակն իրեն իրավունք է վերապահում հարկադրել Ադրբեջանին նահանջել իր դիրքերին:
Առավել եւս չի խոսվում այն մասին, որ այդ պահանջը կարող է դառնալ կողմերի միջեւ բանակցության միակ առարկան:Ավելին, Ադրբեջանի համար հարմարավետ պայմաններ են ստեղծվել իրենց զավթած պոստերում ինժեներային աշխատանքներ անցկացնելու համար: Դրանում կարելի է համոզվել ադրբեջանցիների տարածած տեսանյութերից:
Ինչպե՞ս հասկանալ այս ամենը: Ինչո՞ւ է Ռուսաստանի ԱԳՆ-ն միայն 10 օր հետո հայտնում Ադրբեջանին փոխանցված նոտայի մասին: Ինչո՞ւ ռազմական գործողությունների օրերին Սերժ Սարգսյանը հայտարարեց, որ զինադադար կարող է լինել միայն այն դեպքում, եթե վերականգնվեն նախկին դիրքերը, սակայն հետագայում Հայաստանն առանց այդ պայմանի կատարման համաձայնվեց զինադադարին:Միակ բացատրությունը կարող է այն տեսակետը լինել, որ ԼՂՀ սահմանի մի մասը փոխանցվել է Ադրբեջանին ինչ որ քաղաքական ինտրիգների շրջանակներում:
- 15:10Կարող է լինել վիճակ, որ Իրանը ստիպված լինի գալ ու մեզ հետ ուս-ուսի տված կռվել թուրքերի դեմ.Վովա Վարդանով
- 13:10Ինչ առաջարկներ է ներկայացրել Հայաստանն Ադրբեջանին խաղաղության պայմանագրում. մանրամասնել է Արարատ Միրզոյանը
- 14:10Նոր ռազմական բախումը հավանական եմ համարում ցանկացած պահի. Ներսիսյան
- 11:10Հայաստանում դիտորդական առաքելության համազեկուցողները գաղտնազերծել են ԵԽԽՎ մոնիտորինգային խմբի եզրակացությունները
- 14:10Հայաստանն առավել լուրջ խնդիրներ ունի անվտանգության ուժերի կողմից խոշտանգումների, բանտային ծանր պայմանների, կամայական ձերբակալությունների, դատական անկախության ոլորտներում. Պետդեպ
- 13:10Ադրբեջանն իր ժողովրդին նախապատրաստում է պատերազմի, ոչ թե՝ խաղաղության
- 11:10Ադրբեջանը պատրաստվում է սադրանքի. կանխավ հայտարարություն են տարածել
- 15:10Եթե Բաքուն փորձի ռազմական գործողություն սկսել հայ-իրանական սահմանին, Իրանն այլընտրանք չի ունենա, քան միջամտելը.իրանագետ
- 14:10Գերմանիայի թուրք և քուրդ մտավորականներ․ «Պահանջում ենք, որ Ադրբեջանն ու Թուրքիան իրենց ձեռքերը քաշեն Արցախից»
- 15:10Ադրբեջանի հետ խաղաղության բանակցությունները փակուղում չեն, բայց դա չի նշանակում, որ հերթական սադրանք անելու համար Ադրբեջանին դա կարող է զսպող գործիք լինել