Ոստիկաններին շփոթեցրել է Ղազախստանի քաղաքացու նրա անձնագիրը, նրանց թվացել է, որ անձնագիրը կարող է կեղծված լինել: Երբ տղամարդուն լիարժեք ստուգման համար հասցրել են ոստիկանության բաժին, հանկարծ պարզվել է, որ նրա մատնահետքերն արձանագրվել են Մոսկվայի ամբողջ տարածքում կանանց վրա հարձակումների առնվազն 12 դրվագներով: Սեռական բռնությունից  առավել շատ տուժածներ եղել են Ռուսաստանի մայրաքաղաքի կենտրոնական շրջաններում:

Բոլոր հարձակումները տեղի են ունեցել ուշ երեկոյան: Սեքսուալ մոլագարը դարանակալում էր աշխատանքից վերադարձող միայնակ կանանց: Նա հանցագործությունները կատարում էր շքամուտքերում, ինչպես նաև թույլ լուսավորություն ունեցող բակերում: Ընդ որում, տղամարդը ոչինչ չէր գողանում իր զոհերից, միայն բռնաբարում էր:

Մասնագետների կարծիքով, տղամարդը առանձնապես իր անվտանգության մասին չէր մտահոգվում, այդ պատճառով էլ այնքան էլ հասկանալի չէ, թե ինչպես է նրան հաջողվել տևական  ժամանակ ՆԳՆ աշխատակիցների տեսադաշտից դուրս մնալ:

Հարձակումներից մեկի ժամանակ տղամարդը նույնիսկ հայտնվել էր տեսադիտման խցիկի «տեսադաշտում»: Ինչպես նշել է Մոսկվայի բնակչուհի տուժողը, անծանոթը մոտեցել է իրեն, դանակը դեմ տալով կողին՝ ստիպել է իր հետ շքամուտք մտնել, նրանք բարձրացել են երրորդ հարկ, և աստիճանահարթակի վրա նա իրեն դաժանորեն  բռնաբարել է:    Փորձագետները կարծում են, որ  դրվագների թիվը, որին, հնարավոր է, մասնակցել է հանցագործը, կարող է շատ ավելին լինել և հասնել 20-ի:

«Փաստինֆո»