Խոյ

Այս շաբաթ շատ հանդիպումներ և բանակցություններ կլինեն: Դուք անվերջ ուշադրության կենտրոնում կլինեք, ինչն էլ՝ ձեզ դուր է գալիս: Տնային գործերը ձեզ չեն խանգարում նաև զբաղվել աշխատանքային պարտավորություններով, իրականացնել պրոֆեսիոնալ բնույթի մտահղացումները: Լուրջ հարցերն ավելի օգտակար կլինի քննարկել ոչ պաշտոնական միջավայրում` երբ դուք լիցքաթափվում եք, ձեր գլխում հիանալի գաղափարներ են ծնվում:

Ցուլ

Շաբաթը կսկսեք բացասական էներգիայով, որն էլ կշարունակվի իրեն զգացնել տալ ողջ շաբաթվա ընթացքում: Սակայն դուք ձեզ նախորդ շաբաթվա համեմատ ավելի հանգիստ և ինքնավստահ եք զգում, այդ իսկ պատճառով էլ զգալի արդյունքների կհասնեք: Շաբաթը բարենպաստ է ընկերների և գործընկերների հետ շփումների համար: Աստղերը հուշում են, որ կլինեն նոր ծանոթություններ:

Երկվորյակ

Բարենպաստ շաբաթ է ցանկացած օգտակար գործունեության համար, դուք հեշտությամբ գլուխ կբերեք անգամ ամենաբարդ գործերը: Ժամանակ գտեք պրոֆեսիոնալ գրականություն ընթերցելու համար` այն տեղեկությունները, որ դուք կստանաք, շուտով ձեզ շատ պետք կգան: Գործնական հանդիպումները դրական արդյունք կունենան: Այս շաբաթ ձեզ կհաջողվի ինքնադրսևորվել լավագույն կողմերով, վստահություն նվաճել:

Խեցգետին

Շաբաթվա ընթացքում ձեզ, ոչ մի կարևոր իրադարձություն չի սպասվում: Վստահեք ձեր մտքին ավելի, քան` շրջապատի խորհուրդներին, ձգտեք սկզբում իրականացնել սեփական գաղափարները, հետո նոր` ուրիշներինը: Կարող են ծագել տարաձայնություններ ընկերների և մտերիմների հետ, սակայն դուք կփորձեք թույլ չտալ վեճեր, և դա ձեզ կհաջողվի: Խուսափեք չպլանավորած ծախսերից, պահի ազդեցության տակ խոշոր գնումներ մի արեք:

Առյուծ

Այս շաբաթ առյուծները չափազանց անհամբեր կլինեն: Անհապաղ անհրաժեշտ արդյունքը ստանալու ցանկությունը ձեզ խանգարում է հանգիստ մտածել այն հարցի շուրջ, թե ինչ է իրականում ձեզ պետք: Աշխատավայրում ծագում են լուրջ տարաձայնություններ, իսկ ղեկավարությունն էլ չի նկատում ձեր հաջողությունները, փոխարենը նրա աչքից չեն վրիպում անգամ ամենաաննշան սխալները: Կարող են ծագել ֆինանսական դժվարություններ:

Կույս

Չնայած նրան, որ շաբաթը կանցնի հեշտ և առանց բարդությունների, այնուամենայնիվ կլինեն որոշ խնդիրներ կապված աշխատանքի հետ: Բանակցությունները, որոնց հետ դուք մեծ հույսեր էիք կապում, փակուղի են մտնում: Մարդիկ, ում աջակցությունը դուք ակնկալում էիք ստանալ, չեն շտապում կատարել իրենց տված խոստումները: Դրա հետ մեկտեղ, ձեր հասցեին հնչում է բավական շատ քննադատություններ, իսկ դուք էլ դրան արձագանքում եք շատ հիվանդագին:

Կշեռք

Սա այն շաբաթներից է, երբ արժե զբաղվել միայն այն գործերով, որոնք ձեզ հոգեհարազատ են`դրանցում դուք հիանալի արդյունքների կհասնեք: Մնացած ամեն ինչ ավելի լավ է հետաձգել կամ հանձնարարել մեկ ուրիշի, եթե իհարկե նման հնարավորություն ունեք: Անբարենպաստ շաբաթ է ֆինանսական հարցեր լուծելու համար, հատկապես` երբ խոսքը գնում է խոշոր գումարների մասին:

Կարիճ

Այս շաբաթը շատ հարմար է կիսատ թողնված գործերը կարգի բերելու համար: Դուք հիանալի եք լեզու գտնում աշխատակիցների և ղեկավարության հետ: Շաբաթվա երկրորդ կեսը բարդ է էմոցիոնալ առումով` ձեր տրամադրությունը հաճախ է փոփոխվում: Դուք հակված եք մոռանալ ձեր տրված խոստումների մասին, դրանով վիրավորելով մտերիմներին: Խուսափեք ավելորդ ծախսերից:

Աղեղնավոր

Այս շաբաթ ձեր հմայքն աշխատում է անվրեպ, և հենց դրա շնորհիվ էլ դուք կհասնեք այն ամենին, ինչի մասին նախկինում միայն կարող էիք երազել: Գործընկերները սիրով կհամաձայն են ցանկացած առաջարկի, ղեկավարությունն աջակցում է ձեր նախաձեռնություններին: Կարելի է երկարաժամկետ պլաններ կազմել, այդ թվում և` ամենահամարձակ, քանի որ դուք անպայման կգտնեք դրանք իրականացնելու ձևեր:

Այծեղջուր

Շաբաթն այնքան էլ վատը չէ, սակայն դուք հակված եք կատարվող իրադարձությունները գնահատել բացասաբար: Ինչ էլ որ անեն շրջապատի մարդիկ, որքան էլ որ նրանք ձգտեն օգնել ձեզ, միևնույն է` դուք դժգոհ եք և հարկ չեք համարում դա թաքցնել: Հնարավոր են վեճեր, կոնֆլիկտ` աշխատակիցների և ղեկավարության հետ:

Ջրհոս

Թվում է, թե այս շաբաթ, դուք ունակ եք շատ բաների հասնել, սակայն, ավաղ, մեծ հաջողության հույսերն ապարդյուն են: Ձեր գործերին միջամտում են մարդիկ, ովքեր առաջնորդվում են բացառապես սեփական շահերով, և նման անձանց պատճառով դուք ստիպված կլինեք փոխել ձեր պլանները, իսկ երբեմն էլ` հրաժարվել ձեր առջև դրված նպատակներից: Շաբաթվա վերջում դուք կարևոր տեղեկություններ կստանաք` կապված ֆինանսների հետ:

Ձուկ

Շաբաթվա առաջին կեսը ամեն հարցում զգուշություն է պահանջում: Այդ ժամանակահատվածում ավելի լավ է ոչ մի կարևոր որոշում չընդունել, չանցկացնել գործնական բանակցություններ, ձեր վրա ոչ մի պարտավորություն չվերցնել: Ձեր հակառակորդները շատ գործունյա են և, ցավոք, կարող են ձեզ մեծապես վնասել: Դաշնակիցները պատրաստ են ձեզ օգնել, սակայն` առանց խանդավառության: