Մայիսի 6-ին ԱԺ պաշտպանության, ազգային անվտանգության եւ ներքին գործերի մշտական հանձնաժողովի նախագահ Կորյուն Նահապետյանը, հանձնաժողովի անդամներ Թեւան Պողոսյանը եւ Արթուր Ստեփանյանը աշխատանքային այցով եղել են ՀՀ ՊՆ Վազգեն Սարգսյանի անվան ռազմական ինստիտուտում:
Ռազմական ինստիտուտի գիտխորհրդի դահլիճում հանձնաժողովի անդամները հանդիպել են հրամանատարական անձնակազմի հետ: Պատգամավորներին ներկայացվել են ռազմական հաստատության ստեղծման եւ վերակազմավորման պատմությունը, կառուցվածքը, կրթական գործընթացը, դրա կազմակերպման սկզբունքները, իրականացվող դասընթացները:
Հանձնաժողովի նախագահ Կորյուն Նահապետյանը, ողջունելով հրամանատարական կազմին, նշել է, որ այցի նպատակն է ծանոթանալ ինստիտուտի խնդիրներին եւ ձեռքբերումներին: Նա կարեւորել է այցը մասնավորապես ԱԺ արտահերթ նիստի օրակարգում ընդգրկված «Զորամասերի եւ զինվորական հաստատությունների կարգավիճակի մասին» եւ «Կրթության մասին» ՀՀ օրենքում լրացում եւ փոփոխություն կատարելու մասին» օրենսդրական փաթեթի քննարկման համատեքստում: Պարոն Նահապետյանը նշել է, որ փաթեթի ընդունմամբ լուրջ բարեփոխումներ կիրականացվեն համակարգում: Կառավարությունը վերոնշյալ օրենքի նախագծով սահմանում է զորամասերի եւ զինվորական հաստատությունների ստեղծման եւ գործունեության իրավական հիմքերը, դրանց կարգավիճակը: Նա ընդգծել է, որ զինվորական մասնագետների պատրաստումը զինված ուժերի կարեւոր խնդիրներից է եւ այս հարցում բարձր է գնահատել ռազմական ինստիտուտի դերն ու կատարած աշխատանքը: Հանձնաժողովի նախագահի խոսքով՝ ոլորտում առկա բոլոր խնդիրները պետք է համակողմանի քննարկվեն եւ համատեղ ջանքերով լուծում ստանան:
Քննարկումների ընթացքում անդրադարձ է կատարվել զինվորականների մասնագիտական պատրաստվածությանը, աշխատանքի եւ աշխատակիցների կենցաղային պայմանների բարելավման հնարավորություններին, կարեւորվել է ռազմահայրենասիրական դաստիարակության մակարդակի բարձրացումը:
Շրջելով ռազմական ինստիտուտի տարածքում՝ հանձնաժողովի անդամները հետաքրքրվել են կուրսանտների առօրյայով, նրանց սոցիալ-կենցաղային պայմաններով, ծանոթացել ռազմական ինստիտուտի լսարանային պայմաններին: Նրանք հետեւել են նաեւ ռազմական ինստիտուտի նոր մասնաշենքի շինարարական աշխատանքներին:
- 13:05FOTON աշխարհահռչակ մակնիշի մեքենաների վաճառքը` Հայաստանում
- 20:03Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսես Խորենացու անվան համալսարանի ռեկտոր
- 12:51Խնդրում ենք ընթերցողների ներողամտությունը
- 10:01«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է անցկացվել
- 14:10Ուժեղ մագնիսական փոթորիկ մայիսի 31-ին. վտանգավոր երկրափոթորիկ կհարվածի երկրին
- 12:54Ադրբեջանական մտահոգությունները և վախերը խոսում են այն մասին, որ մենք ճշտագույն ճանապարհի վրա ենք. Բագրատ սրբազան
- 12:10Շարժման ելքը. առանց «եթե»-ների. Վահե Հովհաննիսյան
- 11:10Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկանների ն գործողությունները. Սյունյաց թեմ
- 15:42Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դասի նկատմամբ.Առաքել արքեպիսկոպոս Քարամյան
- 12:10Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը արգելելու մասին