Փետրվարի 17-ին ՀՀ արտաքին գործերի նախարարի տեղակալ Աշոտ Հովակիմյանի և ՀՀ պաշտպանության նախարարի առաջին տեղակալ Դավիթ Տոնոյանի գլխավորած պատվիրակությունը Ամստերդամում մասնակցեց «Խաղաղության և պաշտպանության ապահովում. ՄԱԿ-ի խաղաղապահ գործողությունների միատեղման զորություն» խորագրով եվրոպական տարածաշրջանային համաժողովին: Վերջինս նպատակ ուներ քննարկելու ՄԱԿ-ի ներքո իրականացվող խաղաղապահ գործողություններին եվրոպական երկրների մասնակցության փորձն ու դասերը, ինչպես նաև նրանց կողմից ընդգրկվածության ընդլայնման հնարավորությունները:
ՀՀ պատվիրակության անունից ելույթով հանդես եկավ ՀՀ պաշտպանության նախարարի առաջին տեղակալ Դավիթ Տոնոյանը` վերահաստատելով միջազգային խաղաղության ու անվտանգության ապահովմանը Հայաստանի հանձնառությունը, ներկայացնելով Հայաստանի կողմից խաղաղապահ գործողություններին մասնակցության փորձը, հետագա ծրագրերը և դրանց ուղղությամբ իրականացվող քայլերը:
Համաժողովի արդյունքներն ամփոփող եզրակացությունները եվրոպական տարածաշրջանի երկրների կողմից ներդրում կդառնան ՄԱԿ-ում սկսված խաղաղապահ գործողությունների վերանայման գործընթացին:
Նիդերլանդներ աշխատանքային այցի շրջանակներում Աշոտ Հովակիմյանը և Դավիթ Տոնոյանը հանդիպեցին Նիդերլանդների արտաքին գործերի նախարարության քաղաքական հարցերով գլխավոր տնօրեն Վիմ Գերթսին: Հանդիպման ընթացքում քննարկվեցին տարածաշրջանային անվտանգությանը, Լեռնային Ղարաբաղի հակամարտության կարգավորմանը և վերջին շրջանում հակամարտության գոտում լարվածության աճին, Հայոց ցեղասպանության միջազգային ճանաչման և միջազգային կառույցներում ցեղասպանությունների կանխարգելման ուղղությամբ ձեռնարկվող քայլերի, միջազգային անվտանգության սպառնալիքների դեմ համատեղ ջանքերի գործադրմանը և արդի մարտահրավերներին դիմագրավելուն առնչվող հարցեր:
- 14:10Ստամբուլում ցանկացած պահի ուժեղ երկրաշարժի հավանականությունը 47 տոկոս է․ Սեյսմոլոգ
- 12:10Ֆրանսիան վնասում է Հայաստանին. Էրդողան
- 13:10Բոլորի համար նա հերոսուհի է. Բրյանսկի գիմնազիայում կրակոցների ժամանակ հայ ուսուցչուհին իր մարմնով փակել է աշակերտներին
- 11:10Ադրբեջանում դատարանը Գագիկ Ոսկանյանին դատապարտել է 18 տարվա ազատազրկման
- 14:10Չեմ ցանկանում, որ Հայաստանի ժողովուրդը կրկին խաբվի իր արևմտյան ընկերների կողմից
- 13:10Եթե Հայաստանը լավ հարևան դառնա, կկարողանա պահպանել իր ինքնիշխանությունը․ Ալիև
- 14:10ՀԱՊԿ ԽՎ չգալու Հայաստանի որոշումն ափսոսանքով է ընկալվում. Գրիգորի Կարասին
- 14:10Պատերա՞զմ, թե՞ խաղաղություն
- 13:10Լիտվացի զինվորականներին արգելել են Ադրբեջան և Հայաստան մեկնել
- 15:10Ադրբեջանը հայտարարել է Հադրութի Սբ. Հարություն եկեղեցին որպես աղվանական «վերականգնելու» մասին