2013 թվականի նոյեմբերի 10-ին Ստեփանավանի բնակչուհի Մ. Սահակյանը փորձել է ինքնասպանություն գործել` ցած նետվելով իրենց տան պատուհանից: Բարեբախտաբար, եղբայրը ժամանակին օգնության է հասել ու կանխել ողբերգությունը:
Քույրը պատմել է, որ նման քայլի է դիմել, քանի որ ինչ-որ մեկն իր դիմանկարով, մերկ մարմնով անպարկեշտ սեռական բնույթի գործողությունների պատկերներով լուսանկարներ է տարածել համացանցում, մասնավորապես` odnoklassniki.ru կայքում:
Չկարողանալով ինքնուրույն պայքարել այդ նյութերը տարածող անհայտ անձնավորության դեմ, 2014թ-ի դեկտեմբերին Մ.Սահակյանը դիմել է ոստիկանություն:
Ամիսներ անց, 2014 թվականի մայիսի 8-ին Վանաձոր քաղաքի մեկ այլ բնակչուհի` Ն. Նավասարդյանը ևս դիմել է ոստիկանություն`հայտնելով, որ ինչ-որ մեկը մոնտաժման եղանակով համակցելով իր լուսանկարները պոռնկագրական բնույթի լուսանկարներին, դրանք տեղադրել է odnoklassniki.ru կայքում ստեղծված անձնական էջում ու տարածում այլ օգտատերերի շրջանում:
Լոռու մարզի Դարպաս գյուղի բնակիչ Ա. Աբրահամյանն էլ իրավապահներին պատմել է, որ ինչ-որ այնհայտ օգտատեր odnoklassniki.ru կայքում այցելել է իր անչափահաս որդու անձնական էջը, նրան ընկերանալու հայտ ուղարկել և ներկայացրել Ն.Նավասարդյանի մերկ, անպարկեշտ բնույթի լուսանկարները:
Հարուցվել են քրեական գործեր, որոնց նախաքննության ընթացքում պարզվել է, որ երկու կանանց լուսանկարները տեղադրվել են միևնույն բաժանորդի կողմից, այն է` Վանաձորի բնակչուհի Անի Բոշյանի անվամբ գրանցված բաժանորդի կողմից:
Կատարված խոզարկությամբ Անի Բոշյանի տան համակարգչում հայտնաբերվել են Ն. Նավասարդյանի դիմանկարով մոնտաժված պոռնկագրական բնույթի լուսանկարները: Պարզվել է, որ Անի Բոշյանը 2013 թվականի փետրվարից հունիս ընկած ժամանակահատվածում ամուսնության նպատակով մտերիմ հարաբերություններ է ունեցել մի տղամարդու հետ, սակայն իմանալով, որ նա ցանկանում է ամուսնանալ Մ.Սահակյանի հետ, յուրովի վրեժխնդիր է եղել նախկին ընկերուհու նոր ընկերուհուց:
Ի դեպ, նույն դրդապատճառն է գործել նաև նրա վրիժառության զոհը դարձած երկրորդ կնոջ դեպքում: Դարձյալ իմանալով, որ 2014թ. մարտ-ապրիլ ամիսներին իր հետ մտերիմ հարաբերություններ ունեցող տղամարդը մտադիր է ամուսնանալ այլ կնոջ, տվյալ դեպքում` մտերիմ հարաբերություններ ունենալով Արտյոմ Աբրահամյանի հետ, հարաբերությունները խզելուց հետո պարզելով, որ Արտյոմ Աբրահամյանը ցանկանում է ամուսնանալ Ն. Նավասարդյանի հետ, ֆոտոշոփի միջոցով մոնտաժել է Ն.Նավասարդյանի և նրա եղբոր՝ լուսանկարները, դրանցով պատրաստել պոռնկագրական բնույթի նյութեր և оdnoklassniki.ru սոցիալական կայքում նրանց անուններով բացելով կեղծ անձնական էջեր, դրանք տեղադրել այնտեղ ու տարածել Անի Բոշյանն, ի դեպ, առաջադրված մեղադրանքում իրեն մեղավոր է ճանաչել և տվել խոստովանական ցուցմունքներ, սակայն, օրեր անց լրացուցիչ ցուցմունք է տվել, որ չի կատարել իրեն մեղսագրվող արարքները:
«Փաստինֆո»
- 15:10Հայերը կարող են ապրել Ղարաբաղում, եթե դառնան Ադրբեջանի քաղաքացի. Ալիև
- 14:10Դավաճանները փորձում են տպավորություն ստեղծել, որ Ստեփանակերտում ադրբեջանցիների օրոք ավելի անվտանգ է
- 12:10Ադրբեջանցի «ռազմական փորձագետը» պնդում է, թե գաղտնի այցելել է Երեւան. նա տեսանյութ է հրապարակել
- 11:10Բաքվում պահվող Արցախի նախկին ու ներկա բարձրաստիճան այրերը պարբերաբար կապի մեջ են Շահրամանյանի հետ․ Գալստյան
- 15:13Արտահանվող տոննաներով ձկներն ու գյուղմթերքը թող Արայիկ Հարությունյանը գնի․ «Հրապարակ»
- 14:10Ռուսաստանից մարդկանց և կապիտալի մեծ ներհոսքը Հայաստան շարունակվում է․ փոխնախարար
- 11:10Բեռնատարները կանգառել են Լարսի անցակետում․ առաջացել է շուտ փչացող ապրանքների մտահոգիչ հարց
- 15:10Նախիջևանի կապի համար Ադրբեջանը կարող է օգտվել մեր երկաթուղուց այն նույն սկզբունքներով, որոնցով ՀՀ-ն կարող է օգտվել Մեղրիի ու Երասխի երկաթուղային կապի համար. Փաշինյան
- 12:10Նորածին արցախցիներին սոցքարտերի տրամադրումը ձգձգում են, նպաստներն էլ անորոշ է, թե երբ կտան
- 11:28Երևանի ԵՊՀ-ում հրդեհ է բռնկվել. կա զոհ և վիրավորներ, այդ թվում՝ պարեկային ծառայող