ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոսի ձեռամբ նոյեմբերի 1-ին Մասիսի Ս. Գևորգ եկեղեցում օծվեցին եկեղեցու Խաչվառն ու Վեմքարը: Խաչվառը պատրաստվել է համայնքի նվիրատվություններով:
‹‹Կամ մենք այս կյանքում պետք է լինենք պարտվողները գայթակղության ու սատանայական խարդավաքների, կամ թագավորեցնելով մեր մեջ կենաց խոսքը` պետք է ապրենք շիտակ ճանապարհով և արժանանանք ամենակարևորին` երկնքի արքայությանը ››, — ասաց Նավասարդ սրբազանը օրհնելով հավաքվածներին՝ մաղթելով, որ հավատքը ապրեցնի բոլորին և որ Աստված բնակվի յուրաքանչյուրի մտքում, հոգում և սրտում:
Աննա Մալխասյանը խաչվառի սրբանկարների հեղինակն է ու նաև Արարատյան թեմի ուսումնական թեմում սրբանկարչություն է դասավանդում, մեզ հետ զրույցում ասաց. ‹‹Երբ Խաչվառը նկարելու առաջարկ ստացա Մասիս համայնքի կողմից , անմիջապես մտքիս եկավ Սբ. Գևորգի և հարության պատկերը ` դժոխքի ավերումը: Մի շնչով եմ նկարել, լուծումներն արագ էին ստացվում, թեպետ առաջին անգամ էի այդ նկարները նկարում: Նկարները հեշտությամբ ու աղոթքով տրվեցին, առանց դրա հնարավոր չէ››:
Արարողության ավարտին ելույթ ունեցան Ս. Գևորգ կիրակնօրյա վարժարանի սաները, այնուհետև հյուրերը հնարավորություն ունեցան ձեռքով պատրաստված իրեր գնելով բարեգործություն անել:
Իննամյա Գևորգը նույնպես կիրակնօրյա դպրոցից է: Նա շատ ուրախ էր օրվա կապակցությամբ: Պատմեց, որ ամեն անգամ, երբ գալիս է եկեղեցի, ջերմություն ու լույս է զգում: Գևորգը եկեղեցում ամենահաճախը հնչեցնում է տերողորմյան ու խնդրում, որ աշխարհը բարի լինի:
Նույն օրը Շահումյանի Ս. Աստվածածին եկեղեցում Տ. Նավասարդ սրբազան հայրն օծեց եկեղեցու երեք խաչքարերը:
Խաչքարերից մեկը նվիրված է Եղեռնի զոհերի հիշատակին, մյուսը` 1988թ-ի երկրաշարժի զոհերի հիշատակին, իսկ երրորդ խաչը եկեղեցու վերաբացման հինգերորդ տարեդարձին եկեղեցուն են նվիրել եկեղեցու հոգևոր հովիվ Տ. Դերենիկ քահանան և խաչքարագործ-վարպետ Ալբերտ Բաբագուլյանը:
Գերաշնորհ հայրը շնորհավորեց նաև խաչքարի օծման առիթով` մաղթելով, որ հավատքը բորբոք լինի և տարածական. ‹‹ Եթե ուզում եք, որ ձեր փոքրիկները լինեն ազնիվ, հայրենիքին, պետությանն ու եկեղեցուն նվիրված, ուրեմն նրանց քայլերը պետք է ուղղված լինեն դեպի Աստծո տուն››:
Հռիփսիմե Գալստյան
- 15:10Թուրքիայի կայսերական հավակնությունները՝ նավթի եւ գազի դեֆիցիտի պայմաններում. «Ամերիկայի ձայնը»
- 14:10ՌԴ պաշտպանության նախարարությունը որոշել է էապես նվազեցնել ռազմական ակտիվությունը Կիևի և Չեռնիգովի ուղղություններում
- 12:10Սոչի քաղաքի վարչակազմն արթնացե՞լ է. Քաղաքապետարանը որոշել է նշել հայերի նկատմամբ ադրբեջանցիների հաղթանակի օրը
- 12:10Կրասնոդարում Հայաստանի քաղաքացիները մեղադրվում են 30-ամյա կնոջ առեւանգման մեջ
- 17:29Ռուսաստանյան նախօրեի ցույցերն ամենամարդաշատն էին ԽՍՀՄ փլուզումից ի վեր
- 17:32Պուտինը հարկ չի համարում միջուկային հարված հասցնել ԻՊ դիրքերին, քանի որ…
- 14:13Ողբերգական դեպք Երևանում. մայրը հայտնաբերել է 29-ամյա աղջկա կախված դին
- 17:48Փարիզում տեղի ունեցածը սպասելի էր
- 11:35«Նրանք կրակում էին ուղիղ ժողովրդի վրա՝ բացականչելով. «Ալլահ աքբար». Փարիզի ահաբեկչություն (լուսանկարներ)
- 11:15Ֆրանսիայի մայրաքաղաքում նախագահի հրամանով ատրակարգ դրություն է հայտարարված