Բնապահպանության նորանշանակ նախարար Արամայիս Գրիգորյանն աշխատանքից ազատել էր մի քանի մասնագետների, որոնք, ըստ տարածված լուրերի, նախարարությունում ձևականորեն էին գրանցված և ստանում էին բարձր աշխատավարձ:

«Հայկական Վարկած»-ին Բնապահպանության նախարարի մամլո խոսնակ Թեհմինե Արզումանյանը տեղեկացրեց, որ այդ լուրն իրականությանը համապատասխանում է. «Այո, կադրային փոփոխություններ եղել են, այսինքն՝ աշխատանքից ազատվել են 10 անկախ փորձագետներ, որոնց գործունեությունը կարող էր պետք գար 2-3 ամիսը մեկ անգամ, բայց վարձատրվում էին հաստիքային աշխատողների նման, իսկ նախարարը նպատակահարմար չգտավ, որ այդ փորձագետները շարունակեն իրենց աշխատանքը: Հաստիքային աշխատողներ կան, որոնք այդ գործառույթները իրականացնում են»:

Իսկ թե ովքե՞ր էին այդ փորձագետները, արդյո՞ք նախկին նախարարի հետ ազգակցական կապ ունեցել են, Թեհմինե Արզումանյանը նշեց, որ այդպիսի ինֆորմացիայի չի տիրապետում, և գործունեության բնույթով է պայմանավորված եղել նրանց աշխատանքից ազատումը:

Մարինե Ամիրյան