Հայաստանի Հանրապետության վարչապետ Հովիկ Աբրահամյանի որոշմամբ Արթուր Աֆրիկյանն ազատվել է Հայաստանի Հանրապետության կառավարությանն առընթեր պետական եկամուտների կոմիտեի նախագահի առաջին տեղակալի պաշտոնից։ ՀՀ վարչապետի մեկ այլ որոշմամբ Արթուր Աֆրիկյանը նշանակվել է Հայաստանի Հանրապետության ֆինանսների նախարարի տեղակալ։
***
Արթուր Աֆրիկյան

Տարեթիվ, ամսաթիվ, ծննդավայր 
1961 թ. նոյեմբերի 15, ք. Երևան

Կրթություն
1984 թ. ավարտել է Երևանի ժողովրդական տնտեսության ինստիտուտը` տնտեսագետի որակավորմամբ

Աշխատանքային գործունեություն 
1979-1980 թթ. — Հուշարձանների վերականգնման հատուկ գիտաարտադրական
1982-1983 թթ. արվեստանոց` բանվոր, տնտեսագետ
1983-1990 թթ. — Երևանի Օրջոնիկիձեի շրջխորհրդի գործադիր կոմիտեի ֆինբաժին`տնտեսագետ, ավագ տնտեսագետ, հարկային գլխավոր վերստուգիչ-հարկային տեսչության պետ
1990-2000 թթ. — Էրեբունու, Շահումյանի, Մաշտոցի, Էջմիածնի, Կոտայքի և Խորհրդայինի հարկային տեսչությունների պետ
2000-2001 թթ. — ՀՀ պետական եկամուտների նախարարի խորհրդական
2001-2002 թթ. — ՀՀ ԿԱ մաքսային պետական կոմիտեի նախագահի աշխատակազմի ղեկավար
2002-2008 թթ. — ՀՀ ԿԱ մաքսային պետական կոմիտեի աշխատակազմի ղեկավար-գլխավոր ֆինանսիստ
2008 թ. — ՀՀ ԿԱ մաքսային պետական կոմիտեի նախագահի տեղակալ
2008 – 2014 թթ. — ՀՀ ԿԱ պետական եկամուտների կոմիտեի նախագահի առաջին տեղակալ
2014 թ. մայիսի 17-ից՝ ՀՀ ֆինանսների նախարարի տեղակալ

Այլ տվյալներ
1980-1982 թթ. ծառայել է խորհրդային բանակում: ՀՀ Նախագահի 2003 թ. դեկտեմբերի 29-ի հրամանագրով շնորհվել է ՀՀ քաղաքացիական ծառայության երկրորդ դասի պետական խորհրդականի դասային աստիճան: ՀՀ Նախագահի 2011 թ. դեկտեմբերի 29-ի հրամանագրով շնորհվել է մաքսային ծառայության գեներալ-մայորի հատուկ կոչում:

Կուսակցական պատկանելությունը
Անկուսակցական

Անձնական տվյալներ
Ամուսնացած է, ունի մեկ երեխա:

————

Հայաստանի Հանրապետության վարչապետ Հովիկ Աբրահամյանի որոշմամբ Վախթանգ Միրումյանն ազատվել է Հայաստանի Հանրապետության կառավարությանն առընթեր պետական եկամուտների կոմիտեի նախագահի տեղակալի պաշտոնից։ ՀՀ վարչապետի մեկ այլ որոշմամբ Վախթանգ Միրումյանը նշանակվել է Հայաստանի Հանրապետության ֆինանսների նախարարի տեղակալ։

***
Վախթանգ Միրումյան

Տարեթիվ, ամսաթիվ, ծննդավայր 
1975 թ. մայիսի 15, Գորիսի շրջանի Վերիշեն գյուղ

Կրթություն
1982-1992 թթ.- Գորիսի շրջանի Վերիշենի միջնակարգ դպրոց
1992-1997 թթ.- Երևանի պետական ժողովրդական տնտեսության ինստիտուտի շուկայագիտության ֆակուլտետ, ինժեներ-ապրանքագետի որակավորում
2003-2004 թթ.- ՀՀ ֆինանսների և էկոնոմիկայի նախարարության Տնտեսական հետազոտությունների ինստիտուտ, հայցորդ
2004 թ. — պաշտպանել է թեկնածուական ատենախոսություն և ստացել տնտեսագիտության թեկնածուի գիտական աստիճան

Աշխատանքային գործունեություն
1997-1998 թթ.- ՀՀ ֆինանսների և էկոնոմիկայի նախարարության հարկային քաղաքականության վարչության առաջին կարգի մասնագետ
1998-1999 թթ.- ՀՀ ֆինանսների և էկոնոմիկայի նախարարության հարկային քաղաքականության վարչության գլխավոր մասնագետ
1999-2000 թթ.- ՀՀ ֆինանսների նախարարության անուղղակի հարկերի բաժնի պետի ժամանակավոր պաշտոնակատար
2000-2006 թթ.- ՀՀ ֆինանսների և էկոնոմիկայի նախարարության հարկերի մեթոդաբանության բաժնի պետ
2006-2011 թթ.- ՀՀ ֆինանսների նախարարության աշխատակազմի պետական եկամուտների քաղաքականության վարչության պետ
2011-2012 թթ.- ՀՀ ֆինանսների նախարարության աշխատակազմի պետական եկամուտների քաղաքականության և վարչարարության մեթոդաբանության վարչության պետ
2012 – 2014 թթ.- ՀՀ ԿԱ պետական եկամուտների կոմիտեի նախագահի տեղակալ
2014 թ. մայիսի 17-ից՝ ՀՀ ֆինանսների նախարարի տեղակալ

Այլ տվյալներ
ՀՀ Նախագահի 2013 թ. դեկտեմբերի 29-ի հրամանագրով շնորհվել է ՀՀ հարկային ծառայության առաջին դասի պետական խորհրդականի դասային կոչում: Ունի Հայաստանի Հանրապետության քաղաքացիական ծառայության առաջին դասի խորհրդականի դասային աստիճան: ՀՀ վարչապետի որոշմամբ 2011 թ. պարգևատրվել է ՀՀ վարչապետի շնորհակալագրով: ՀՀ ֆինանսների նախարարությունում աշխատանքային գործունեության ընթացքում արտերկրում մասնակցել է հարկային քաղաքականությանն առնչվող մի շարք աշխատաժողովների, որպես ՀՀ պատվիրակության ղեկավար համակարգել է ՀՀ և այլ երկրների հետ կրկնակի հարկումը բացառելու վերաբերյալ համաձայնագրերի նախագծերի նախապատրաատմանն ուղղված բանակցությունների գործընթացը:
Ունի հրատարակված գիտական հոդվածներ: Տիրապետում է անգլերենի և ռուսերենի:

Կուսակցական պատկանելությունը
Անկուսակցական

Անձնական տվյալներ
Ամուսնացած է, ունի երկու որդի և դուստր:

—————

Հայաստանի Հանրապետության վարչապետ Հովիկ Աբրահամյանի որոշմամբ Տիգրան Բարսեղյանն ազատվել է Հայաստանի Հանրապետության կառավարությանն առընթեր պետական եկամուտների կոմիտեի նախագահի տեղակալի պաշտոնից։ ՀՀ վարչապետի մեկ այլ որոշմամբ Տիգրան Բարսեղյանը նշանակվել է Հայաստանի Հանրապետության ֆինանսների նախարարի տեղակալ։

***
Տիգրան Բարսեղյան

Տարեթիվ, ամսաթիվ, ծննդավայր 
1972 թ. մարտի 1, ք. Երևան

Կրթություն
1978-1988 թթ. — Երևանի թիվ 177 միջն. դպրոց
1988-1993 թթ. — Երևանի պետական համալսարան, իրավաբանական ֆակուլտետ

Աշխատանքային գործունեություն 
1993-1994 թթ. — ՀՀ դատախազություն, ստաժոր
1994-1996 թթ. — Երևան քաղաքի Մյասնիկյանի շրջանի դատախազություն, քննիչ
1996-1999 թթ. — ՀՀ նախագահի աշխատակազմի իրավաբանական բաժին՝ առաջին կարգի մասնագետ, առաջատար մասնագետ, գլխավոր մասնագետ
1999-2000 թթ. — ՀՀ նախագահի աշխատակազմի պետաիրավական վարչության պետի տեղակալ
2000 թ. — ՀՀ ՆԳՆ, Երևանի ՆԳ վարչություն, հետաքննության բաժանմունքի պետ
2000-2003 թթ. — ՀՀ նախագահի աշխատակազմի պետաիրավական վարչության պետի տեղակալ
2003-2008 թթ. — ՀՀ կառավարության աշխատակազմի իրավաբանական վարչության պետ
2008-2009 թթ. — ՀՀ կառավարության աշխատակազմի ղեկավարի տեղակալ
2009 – 2014 թթ. — ՀՀ ԿԱ պետական եկամուտների կոմիտեի նախագահի տեղակալ
2014 թ. մայիսի 17-ից՝ ՀՀ ֆինանսների նախարարի տեղակալ

Այլ տվյալներ 
Պահեստի սպա, զինվորական կոչումը` կապիտան: Տիրապետում է ռուսերենի, անգլերենի և գերմաներենի:

Կուսակցական պատկանելությունը
Հայաստանի Հանրապետական կուսակցություն

Անձնական տվյալներ 
Ամուսնացած է, ունի որդի և դուստր: