Հունվարի 18-ին` ժամը 14:00-ին, Ազատության հրապարակից մեկնարկվում է «Ընդդեմ պարտադիր կուտակային կենսաթոշակային համակարգի» հավաք-երթը:

***

Հավաքին ելույթ է ունեցելԱԺ «Բարգավաճ Հայաստան» խմբակցության քարտուղար Նաիրա Զոհրաբյան, որն իր խոսքում նշել է, թե օրենքը բխում է իշխանության, կլանի շահերից:

«Պատահական չէ, որ իշխանության պատգամավորներից մեկը անկեղծորեն խոստովանեց կապ չունի դուք հավատո՞ւմ եք, որ 20, 30, 40 տարի հետո կստանաք արժանապատիվ թոշակ, թե չէ, հիմա՛ բնակիչը պետք է իր ներդրումը ունենա Հայաստանի տնտեսության մեջ: Սա բացահայտ «նալոգ» և ռեկետ կորզելու բացահայտ խոստովանություն»,-նշել է Նաիրա Զոհրաբյանը:

Նրա խոսքով, ինչքան պետք է չսիրել սեփական ժողովրդին՝ նման բան ասելու համար,  ըստ ԲՀԿ-ական պատգամավորի, «ցինզիմ» կամ «դաժանություն որակելը շատ մեղմ գնահատական է:

***

«Ժառանգություն» խմբակցության անդամ Ռուբիկ Հակոբյանն իր խոսքում նշել է, որ ՀՀ քաղաքական պատմության մեջ սա բացառիկ դեպք է, երբ մեր քաղաքացիները և քաղաքացիական նախաձեռնությունները ձևավորել են օրակարգ և այդ օրակարգին միացել են խորհրդարանական ոչ իշխանական ուժերը՝ առանց բացառության:

Ըստ նրա, պետության մեջ արմատական բարեփոխումներ անելու համար անհրաժեշտ է, որ և՛ հասարակությունը, և՛ քաղաքական ուժերը, որոնք չեն կիսում այսօր տարվող քաղաքականությունը, միավորվեն:

***

Հավաքն արդեն ավարտվել է,  մեկնարկել է երթը։ Ցուցարարները կշարվեն Մաշտոցի պողոտայով, Սայաթ–Նովա, Աբովյան փողոցներով դեպի Հանրապետության հրապարակ, այնուհետև Ամիրյան փողոցով և Մաշտոցի պողոտայով կվերադառնան Ազատության հրապարակ, որտեղ էլ կավարտվի երթը։

Ուղիղ միացումը՝ civilnet.am-ի